شركة ميثاق لتطوير الأعمال

08/07/2022

تقبل الله منا ومنكم صالح الاعمال ووفقنا واياكم لمافيه الخير

08/07/2022

كل عام وانتم بألف خير وصحة وسعادة

29/05/2022

منو هو العميل المحتمل ؟!!

شاركنا برأيك ؟ وإنضم لعالم ميثاق نايل 👇

رابطنا علي تيك توك
https://vm.tiktok.com/ZMLoAgt6r/?k=1

قناتنا علي التلغرام
https://t.me/M1N1D
تابعنا علي الفيس بوك👇
https://www.facebook.com/groups/439880900053287/?ref=share_group_link

او متجرنا الإلكتروني👇🏻

اجمل التصاميم والاثاثات في اول متجر للاثاث في السودان نايل مارت
https://mithaqq.com/market/shop/

05/04/2022

الطلاق الصامت هو المصطلح الأنسب في مرحلة ماقبل الطلاق ، وبنقصد هنا بالطلاق الصامت الانفصال بصورة نفسية بين الزوجين ، هم في الظاهر بتعاملوا مع بعض بشكل يبدو طبيعي ، لكن في حقيقة الأمر إن الدمار بيسيطر علي كل أشكال العلاقة ..
في كثير من الازواج بيعيشوا الفتره دي من نكران تدهور العلاقة بينهم وده في حد ذاتو مشكلة كبيرة ، من الافضل إنكم تتقبلوا التدهور علشان نعرف سبب المشكلة والتدهور ومن ثم العلاج ..

1_كثرة الخلاف و الإختلاف ..
الخلافات محصلة طبيعية في كل علاقة ، وزي مابقولو الخلافات هي بهار الحياة ، لكن كثرة الخلافات مؤشر غير جيد في العلاقة وخصوصا لما يصاحبها الإختلاف ، ونقصد بالإختلاف إنكم تكونوا مختلفين في معظم التفاصيل والإختلاف ده بجي نتيجة لإختلاف الافكار والاهتمامات ،وببقي الرابط الوحيد هم الاطفال و الروتين اليومي وهكذا ..

2_البرود و عدم الإهتمام .
بحيث إنه حياتك بتكون شبة منفصلة في المرحلة دي ، بدون ضحكات ،او متعة ، بقل الكلام و الحوار بين الطرفين ، بتبقي مشاعر الشخص الاخر ماموضع إهتمام ، يعني يزعل او لا مابهمك كتير ، بتفضل إنك تمارس أي نشاط او تكون مع اي شخص آخر غير الشريك ، بتنطفئ فيها مشاعر الحب و المودة ، احيانا بكون فيها بعض الإحترام فقط مراعاة للعشرة و الاطفال ..

3_الرغبة في الإبتعاد
في المرحلة دي بتلقي الطرفين بفضلوا الإبتعاد عن بعض ، بتلقي الزوجة عايزة تمشي بيت امها تقعد فترة او تطلع مع صاحباتها مثلا والزوج بقضي معظم الوقت في الشغل مثلا او مع الاصدقاء ، بتلقاهم بتفادوا الجلوس مع بعض قدر الامكان لانهم ماحاسين بالراحة و الاريحية ، واذا كانوا مع بعض اي وواحد بحاول ينشغل عن التاني باي حجة ..

4_التباعد الجسدي
والتباعد الجسدي والجنسي هو حاجه طبيعية نتيجه لإنعدام المشاعر او قلتها ، فالاتصال الجسدي بحصل نتيجة الحب والعاطفة والمودة ، ولما تقل العاطفة بقل الاتصال الجسدي بحجة الشغل و الإنشغال والارهاق مثلا .. لكن في الحقيقة هي قلة في المشاعر وانعدامها ..

5_الطلاق
وهي آخر مرحلة في الطلاق الصامت ..

كثير من الازواج بكونوا عالقين في المراحل دي، مابين التقبل ومابين الإنكار لتدهور العلاقة ، مابالضرورة كل الطلاق الصامت نتيجتو طلاق مؤكد في بعض الازواج بتداركوا الموقف ويضعوا حلول للعلاقة ، والبعض الاخر هم كدة مرتاحين بشكل العلاقة دي وبتلقي كل طرف بحاول يشغل نفسه بنشاطات تسعده بعيد عن التاني والاغلبية العظمي تقبع في الحتة دي ، لكن في حقيقة الامر ده زواج كاذب لان اصل الزواج الشراكة ..

ده كان ملخص بسيط لمراحل الطلاق او الطلاق الصامت ..
تابعونا علشان نعرف مع بعض اهم الحلول وكيفية تجاوز المرحلة بامان ..

شاركنا بتعليقك وشير لغيرك علشان نقدر نفيد أكبر عدد من الناس ..

03/04/2022

رمضام كريم ،،،

03/04/2022

في مجتمعنا السودانى من النادر جدا تلقي اتنين عايزبن يتزوجو وببحثو عن دورات او كتب او جهة تعلمهم عن الحياة الزوجية الدور دة زمان بقومو بيه الحبوبات بحسب خبرتهم وحكمتهم المناسبة لزمنهم وحالياََ بتوفرو جهات كتيرة بصورة علمية لكن ما بنهتم بانو نجهز للزواج فبندخل علي حياة مختلفة تماماََ عن حياة العزوبية وبدون اي استعداد.

في الحالة دي اما نكون مرنين جدا ونتعلم من تجربتنا ودي الناس اللي بكون عندها استعداد تفهم الطرف التاني و دوافعو في كل موقف لحدي ما يتكون عندهم صورة واضحة لطباع الشريك وكيف يتعاملو معاها وهنا يا اما لقو نفسهم قادرين يتعاملو مع الشخصية دي او لا حيكتشفو انو في صفات هم ما قادرين يستحملوها او يتعاملو معاها فبلجأو للانفصال لكن بوعي وقناعة.

او نعمل فيها اننا مرنين ونفضل نستحمل ونكتم لانو نحن ما فاهمين بعض ولا فاهمين دوافعنا شنو وديل برضو بصلو للطلاق لكن ما بكونو عارفين الاسباب الوصلتهم لحدي هنا شنو.

وفي النوع الاصلا ما بدي نفسو فرصة يفهم الطرف التاني ولا يستحمل الخلافات بهدف فهم الطرف التاني ودة بصل للانفصال من اول شهور من الزواج.

دة كلو كان ممكن نتفاداهو باننا نفهم بعض اول ونختار صح ونفهم معني الحياة الزوجية قبل ما ندخل فيها.

انت ياتو نوع من ديل؟
انت البتفضل تكتم ولا بتتناقش وتحاول تفهم الطرف التاني؟
واذا لسة ما اتزوجت ما ناسنك انتظرنا في البوستات الجاية ...

23/03/2022

قناتنا علي التلجرام
https://t.me/M1N1D
تابعنا علي الفيس بوك 👇
https://www.facebook.com/groups/439880900053287/?ref=share_group_link

أو علي موقعنا الالكتروني ..
WWW.MITHAQQ.COM

08/03/2022

03/03/2022

ميثاق لتطوير الأعمال بتناقش كل قضايا تطوير الأعمال والريادة ، و العلاقات و غيرها من القضايا المجتمعية بكافة أشكالها ..
تابعنا علي قناتنا في التلجرام وماتنسي تعمل إنضمام علشان يصلك كل جديد

https://t.me/MITHAQQFORBUSSNESSDEVELOPMENT

21/06/2021

المشروع النّاجح:
يتطلّب المشروع النّاجح عملاً جادّاً وتخطيطاً متقناً وموارد أوّليّة متناسبة مع النّتائج والجودة المرجوّة من الخدمة أو المنتج الذي سيقوم المشروع عليه.
خطوات عمل مشروع ناجح :
1/ أبدع وطوّر:
إن لم تكن لديك فكرة محدّدة لمشروعك انظر للعالم حولك ولأصدقائك وأقاربك، ففكّر في مشاكلك ومشاكلهم وطموحاتك وطموحاتهم
2/ حدّد سوق عملك:
بعد تحديدك لفكرتك المبتكرة للمشروع فكّر جيّداً بسوق عملك وبزبائنك، وفكّر في حجم الطّلب على الخدمة أو المنتج الذي ستعمل عليه، لكي لا تضيّع وقتك وجهدك ورأس مالك في مشروع ليس عليه طلب ولا زبائن.
3/ جهّز خطّة العمل:
بعد التّأكد من سيرك في المسار الصّحيح للمشروع النّاجح من ناحية الطّلب عليه ابدأ بتجهيز خطّة العمل، والتي هي بمثابة شرح مفصّل ودقيق عن كل ما هو متعلّق بمشروعك من ناحية الشّركاء، والتّمويل، والتّسويق، والإعلان، وكيفيّة البيع.
4/ وظّف الشّخص الكفؤ:
وظّف الشّخص الكفؤ والجدير بالثّقة ولا توظّف أشخاصاً لملء الفراغ الحاصل في مؤسّستك أو شركتك، ولا تتردّد في إبعاد الموظّف غير المساهم في نجاح العمل حتّى ولو كان عزيزاً عليك.
5/ درّب الموظّفين:
إنّ أهمّ سبب مؤدٍّ لتدهور عمل المشروع وتدهور عمل موظّفيه هو عدم تدريبهم على الطّريقة والتّقنيات التي خطّطت لها في بدايات مشروعك.
6/راجع حساباتك بشكل دوري:
راجع حسابات مشروعك من النّفقات والإيرادات بين كلّ حين والآخر لتطمئن من وضع مشروعك المادّي.