zabra growth

zabra growth Contact information, map and directions, contact form, opening hours, services, ratings, photos, videos and announcements from zabra growth, Business Center, Khartoum.

مرحبًا بك في Zabra Growth، منصتك لتطوير الذات واكتساب المهارات الحديثة عبر كورسات مميزة وشروحات لأهم الكتب. نرافقك بخطى ثابتة نحو النجاح المهني والشخصي.
📘 صفحاتنا على فيسبوك: https://www.facebook.com/share/15McdZA9CY/

09/08/2025

* #بودكاست اليوم* 🔥
تفاعلكم يا حلوين
Alaa Adam Ahmed

08/08/2025

*اسفين على الغيبة الطويلة 🫣 لكم العُتبى حتى ترضو 🌹*
بس دايم وراء كل هدوء عاصفة🔥🔥
فخليكم جاهزين لي مفاجأة بكرة 🔥🔥🔥🔥🔥🔥
#اهم حاجة التفاعل عشان دايما نبسطكم 😍

*التحليل والتقييم: الخطوة الذكية بعد التنفيذ* مقدمة:في رحلة تحقيق الأهداف كثير من الناس بيتوقفوا عند التنفيذ ويحسبوا إن...
14/07/2025

*التحليل والتقييم: الخطوة الذكية بعد التنفيذ*
مقدمة:
في رحلة تحقيق الأهداف كثير من الناس بيتوقفوا عند التنفيذ ويحسبوا إنو كدا انتهى الشغل
لكن الحقيقة؟
التنفيذ ما هو إلا خطوة في منتصف الطريق والخطوة الأهم بعدها هي التحليل والتقييم
لأن بدون مراجعة فعلية للي حصل حنكون زي زول بيمشي في الظلام ما عارف إذا ماشي صح ولا غلط.
شنو يعني تحليل وتقييم؟
ببساطة هو إنك ترجع تشوف شغلك بعد ما تنفذ وتجاوب على أسئلة مهمة زي:
نفذت شنو بالضبط؟
النتيجة كانت شنو؟
في فرق بين الخطة والواقع؟
وين كانت نقاط القوة؟ والضعف؟
شنو ممكن نطوّرو بعد كدا؟
ليه التقييم مهم؟
لأنو:
1. بيساعدك تتعلم من تجاربك.
2. بيمنعك تكرر نفس الأخطاء.
3. بيخليك تعدل مسارك بسرعة.
4. بيقوي قدرتك على اتخاذ قرارات أذكى في المستقبل.
*محاور التقييم الذكي:*
1. التقييم الذاتي:
اسأل نفسك: هل أنجزت المهمة بالطريقة اللي كنت متوقعها؟
هل التزمت بالوقت المحدد؟
شنو المشاعر اللي كانت عندك أثناء التنفيذ؟ ضغط؟ توتر؟ حماس؟
2. التغذية الراجعة (Feedback):
لو كنت شغال ضمن فريق أو بتخدم جمهور اسألهم:
شنو رأيكم؟ في حاجة ممكن تتحسن؟
مرات الناس من برة بشوفوا تفاصيل ما بتلاحظها إنت.
3. تحليل الأداء بالأرقام:
هل نفذت المهمة بنسبة 100%؟ ولا 60%؟
الزمن المتوقع للتنفيذ: هل تجاوزته؟ ولا كنت أسرع؟
4. مراجعة الخطة مقابل الواقع:
شوف الفرق بين المخطط ليهو واللي حصل فعليا.
هل الخطوة الجاية لازم تتعدل؟ ولا نواصل بنفس الطريقة؟
*أدوات تساعدك في التقييم:*
جدول تقييم ذاتي.
تحليل SWOT:
نقاط القوة – الضعف – الفرص – التهديدات.
سجل الإنجازات: وثق كل حاجة أنجزتها حتى البسيطة.
#النجاح الحقيقي ما بيجي بالتنفيذ بس
النجاح بيبدأ من فكرة → تخطيط → تنفيذ ذكي → تقييم وتحليل → تطوير مستمر.
كل مشروع خطة أو هدف تنفذو خليه بداية لنسخة أقوى منك.
وإنت بتشتغل على مشروعك ما تنسى إنو التقييم مش دليل على الفشل بل هو أداة المحترفين عشان يتحسنوا ويطوروا شغلهم يوم بعد يوم.
Growth
Ibrahim

*من التخطيط إلى التطبيق: كيف تنفذ خطتك بذكاء؟*تخيل معاي...في عالم مليان أفكار وخطط وأحلام بتكتب أهدافك في دفاتر بتخطط لم...
10/07/2025

*من التخطيط إلى التطبيق: كيف تنفذ خطتك بذكاء؟*
تخيل معاي...
في عالم مليان أفكار وخطط وأحلام بتكتب أهدافك في دفاتر بتخطط لمشاريعك تحدد جدولك الأسبوعي بدقة لكن بعد فترة؟ تلاقي نفسك واقف في نفس المكان.
ليه؟لأن النجاح ما في التخطيط بس النجاح الحقيقي في التنفيذ الذكي.
ممكن تكون خطتك عبقرية لكن لو ما عرفت تطبقها على أرض الواقع بتكون مجرد أمنية.
والأشخاص الناجحين زيهم زي المؤسسات ما بتميزهم أفكارهم بتميزهم قدرتهم على التحرك بذكاء نحو أهدافهم.
في المقال دا حنغوص سوا في خطوات عملية تخليك تمشي بخطتك خطوة بخطوة لحدي ما تشوف نتائج حقيقية .
جاهز؟ تعال نبدأ الرحلة
*رحلتنا مع Zabra Growth*
مشينا سوا مراحل متعددة:
1. أولا:أخدنا مهارات النصر الشخصي كيف تعرف نفسك تخطط ليها وتقودها بإرادتك.
2. بعد داك تعلمنا مهارات النصر الجماعي كيف تنجح مع الناس تشتغل ضمن فريق وتتعامل بذكاء اجتماعي.
3. وأخيرا: اتكلمنا عن مهارة الاتزان عشان نوازن بين الشغل والحياة بين الداخل والخارج بين الراحة والطموح.
كل المهارات دي كانت تأسيس عشان تكون جاهز تخطط.
*ثم بدأنا التخطيط*
بعد ما اشتغلت على نفسك بدأت ترتب حياتك وأهدافك:
كتبت خطة استراتيجية: أهداف بعيدة المدى لحياتك شغلك دراستك مشروعك أو حتى علاقتك بنفسك.
بعد دا جهزت خطة تشغيلية: خطوات يومية أو أسبوعية عشان تحقق الرؤية دي وحددت الوقت الوسائل والمسؤوليات.
*وجا الآن دور التنفيذ الذكي*
التنفيذ الذكي ما بس للشغل ولا للمشاريع الكبيرة
هو مهارة حياتية.
هو قدرتك على تحويل أهدافك من مجرد كلام أو نوايا إلى خطوات ملموسة.
لو انت عايز: تدرس أفضل تطور مهارة تفتح بزنس تغير عادتك اليومية
كل دا بيبدأ بخطة وبيتحقق بالتنفيذ الذكي.
*خطوات التنفيذ الذكي:*
1. فكّك خطتك لمهام بسيطة
ما تقول عايز أغير حياتي قول:
ح أبدأ أمشي كل يوم 15 دقيقة
ح أكتب هدفين قبل النوم
ح أراجع مادة يوميا بدل ما أضغط نفسي قبل الامتحان
الأهداف الكبيرة = خطوات صغيرة ومتكررة.
2. وزع مجهودك صح
ما ممكن تعمل كل شيء في وقت واحد.
حدد شنو ممكن تعمله إنت وشنو ممكن تطلب فيه مساعدة.
رتب أولوياتك وابدأ بالحاجة الممكنة.
3. التزم بوقت وموارد
كل هدف محتاج:
وقت مخصص ليه
طاقة ذهنية أو أدوات تساعدك
مثلا: لو داير تقرأ خصص ليه ساعة يوميا وجهز مكان هادي.
4. حفز نفسك
ما تستني تشجيع من برا
اعمل مكافآت صغيرة:
خلي عندك دفتر إنجاز
اكتب كل يوم شنو عملت
لما تنجح في حاجة صغيرة احتفل بيها
5. راجع وعدل
المرونة مفتاح النجاح.
لو خطتك ما ماشية معاك؟ عدلها
لو وقتك tight؟ قلل المهام لكن استمر
المهم: ما توقف التنفيذ.
#الفرق بين الإنسان الحالم والناجح هو إن الحالم يخطط
والناجح يخطط ويتحرك.
التنفيذ الذكي هو الجسر بينك وبين أهدافك
هو الفرق بين نفسي أعمل و"فعلاً عملت.

وفي Zabra Growth ما دايرينك بس تخطط
عايزينك تعيش التجربة وتطبق وتنجز.
* #الخلاصة*
نجاحك ما بس في إنك تعرف تكتب خطة
لكن في إنك تخلق عادة تطبيق مستمرة
تعيش رحلتك يوم بيوم خطوة بخطوة.
والسر الكبير؟
الاستمرارية + المرونة + الذكاء في التنفيذ.
*فابدأ من الآن:*
فكر في هدف صغير تقدر تبدأ بيه بكرة.
خطط ليه وقت معين في يومك.
والتزم ولو حصل تأخير قوم جرب تاني.
🚀 رحلة Zabra Growth مستمرة معاك:
نحن معاك في كل خطوة
ندعمك بالمعارف والأدوات والتحفيز
عشان نحقق مع بعض النصر الحقيقي نصر العمل.
شاركنا:
أنت بتواجه شنو في تنفيذ خططك؟
عايز نصائح أو دعم في جزء معين؟
أو عايز تشارك نجاح صغير حصل معاك؟
إحنا هنا نسمع ونساعد.
لأنو في النهاية كل خطوة صغيرة بتقربك من حلمك الكبير.
خلينا نبدأ اليوم ونمشي سوا في طريق التنفيذ الذكي.
Ibrahim

*التخطيط التشغيلي: من الحلم للتنفيذ الواقعي* شنو يعني التخطيط التشغيلي؟التخطيط التشغيلي ببساطة هو إنك تحول خطتك الكبيرة ...
08/07/2025

*التخطيط التشغيلي: من الحلم للتنفيذ الواقعي*
شنو يعني التخطيط التشغيلي؟
التخطيط التشغيلي ببساطة هو إنك تحول خطتك الكبيرة أو زي ما بنقول الرؤية البعيدة لخطوات عملية واضحة ومقسمة على فترة زمنية قصيرة زي أسبوع أو شهر أو سنة بالكثير.
هو الخطة البتوريك تعمل شنو؟ متين؟ وكيف؟ ومنو المسؤول؟
يعني بدل ما تقول داير أفتح مشروع التخطيط التشغيلي بخليك تتحرك خطوة خطوة لحد ما تحقق الكلام دا.
*الفرق بين التخطيط الاستراتيجي والتشغيلي*
لو اعتبرنا الخطة الاستراتيجية هي الوجهة الكبيرة البتحدد فيها إنت ماشي وين،
فالتخطيط التشغيلي هو التفاصيل: كيف تمشي؟ وشنو بتحتاج؟ ومتين توصل؟
التخطيط الاستراتيجي طويل المدى لكن التخطيط التشغيلي يومي وأسبوعي وشهري وبيشتغل على أرض الواقع.
ليه محتاج تخطيط تشغيلي؟
لأنك بدون خطة تشغيلية واضحة ممكن تكون عندك فكرة ممتازة لكن ما بتتنفذ.
التخطيط التشغيلي بنظم وقتك وشغلك وبيخليك تعرف كل مهمة حتتم كيف ومتين وبتساعدك تتابع التقدم وتشوف وين التأخير أو التقصير.
هو ببساطة الطريق العملي البتخليك تمشي من الفكرة للتنفيذ.
شنو مكونات الخطة التشغيلية؟
أي خطة تشغيلية ناجحة لازم تحتوي على الآتي:
أهداف فرعية واضحة مأخوذة من الهدف الكبير.
أنشطة محددة: الخطوات العملية البتقوم بيها.
الموارد: زي الفلوس الناس الوقت أو الأدوات البتحتاجها.
المسؤوليات: منو يعمل شنو؟
الزمن: متين تبدأ ومتين تنجز؟
مؤشرات الأداء: كيف تعرف إنك نفّذت الحاجة صح؟
*مثلا* لو خطتك الاستراتيجية هي إنك تفتح مشروع إلكتروني للعطور خلال 6 شهور
الخطة التشغيلية لشهر واحد ممكن تكون كالآتي:
تختار اسم المتجر.
تصمم الشعار والهوية.
تفتح حسابات سوشال ميديا.
تتواصل مع موردين.
كل نقطة بتحدد ليها المسؤول والزمن والموارد المطلوبة وبتتابع إنجازها أول بأول.
*نصائح تفيدك في التخطيط
خليك واقعي ما تخطط لأكتر من قدرتك.
خلي خطتك مرنة وعدل حسب الظروف.
راجع شغلك باستمرار وشوف الحصل والما حصل.
استخدم أدوات بسيطة زي Google Sheets أو Notion عشان ترتّب خطتك.
اربط كل مهمة بتاريخ تسليم واضح، عشان الشغل ما يتأخر.
#التخطيط التشغيلي هو الطريق الحقيقي من الحلم للواقع.
هو البخلي الشغل يتحرك، والأفكار تتحول لإنجازات.
الخطة الكبيرة ما بتنفعك لو ما عندك طريقة تنفذها على مراحل واضحة.
لكن أول ما تبدأ تخطط تشغيليًا وتمشي خطوة خطوة، بتلقى روحك وصلت لنتايج ما كنت متخيلها.
Ibrahim
Growth

في الحياة لو دايرين ننجز ونحقق أهدافنا لازم نبدأ من جوانا… من ذاتنا وعشان كدا خطتنا في Zabra Growth جاية بخطوات مدروسة م...
05/07/2025

في الحياة لو دايرين ننجز ونحقق أهدافنا لازم نبدأ من جوانا… من ذاتنا
وعشان كدا خطتنا في Zabra Growth جاية بخطوات مدروسة ماشة معاكم مرحلة مرحلة عشان تكون الفائدة حقيقية ومستدامة.
بعد ما مشينا سوا في رحلة التغيير الذاتي وغطينا:
✅ مهارات النصر الشخصي – كيف ننتصر على ضعفنا ونقود نفسنا
✅ مهارات النصر الجماعي – كيف نكسب علاقات صحية ونشتغل ضمن فريق
✅ مهارة الاتزان – كيف نوازن بين جوانب حياتنا ونحافظ على استقرارنا الداخلي
هسي جينا للمرحلة البتربط بين كل دا:
# التخطيط الاستراتيجي
دي المرحلة البتخلينا نخطط لحياتنا بوضوح ونمشي بخُطى مدروسة نحو أهدافنا.
ما ح نتكلم عن أحلام ساي...
ح نحولها لخطوات عملية
الرؤية
*الرسالة
*تحليل الواقع
* وضع أهداف حقيقية
* خطة تنفيذ ومتابعة
لكن أهم حاجة؟
📣 الفترة الجاية فيها مفاجآت كبيرة!
ما ح نكشفها هسي... بس جهزوا نفسكم وكونوا قريبين 😌🔥
#اتزان
Ibrahim

*التخطيط الاستراتيجي: كيف تخططي وتنجحي بخطوات واعية* في الزمن ده النجاح ما بجي ساي بالحماس أو الصدفة لازم أي زول أو زولة...
02/07/2025

*التخطيط الاستراتيجي: كيف تخططي وتنجحي بخطوات واعية*
في الزمن ده النجاح ما بجي ساي بالحماس أو الصدفة لازم أي زول أو زولة داير/ة يحقق حاجة كبيرة يكون عنده خطة واضحة ماشية بخطى مدروسة. وده بالضبط المقصود بـ التخطيط الاستراتيجي.
#يعني شنو تخطيط استراتيجي؟
ببساطة التخطيط الاستراتيجي هو إنك تقيف مع نفسك وتسأل:
1. أنا واقف وين اسي؟
2. عايز أمشي وين؟
3. كيف أمشي هناك بطريقة ذكية؟
يعني بتجهز خريطة توصلك لهدفك الكبير سواء كان في حياتك شغلك مشروعك أو حتى دراستك.
# ليه مهم تخطيطي من البداية؟
لأنه بدون خطة أي خطوة ممكن تكون عشوائية أو ترجعك لورا. التخطيط بيساعدك على:
تركز على الحاجات البتفرق معاك بجد.
تستغل وقتك وطاقتك صح.
ما تتشتت ولا تتوقف عند أول عقبة.
تكون دايمًا شايف الصورة الكبيرة.
خطوات التخطيط الاستراتيجي خطوة بخطوة
1. شوف وضعك الحالي – تحليل SWOT
أول حاجة لازم تكون صادق مع نفسك وتعرف وضعك كيف. بنستخدم أداة بسيطة اسمها SWOT ودي معناها:
-S
نقاط القوة شنو الحاجات الإيجابية فيك؟ زي مهاراتك علاقاتك شخصيتك.
-W
نقاط الضعف شنو محتاجه تطوريه؟ زي
ضعف في مهارة أو قلة خبرة.
-O
الفرص شنو الفرص الحلوة المتاحة قدامك؟ ممكن تكون سوق دعم تريند جديد
-T
التهديدات شنو الحاجات الممكن تعيق تقدمك؟ زي المنافسة أو ضيق الوقت.
ده بيساعدك تبني خطتك من واقعك الحقيقي مش من فراغ.
2. حدد رؤيتك ورسالتك
الرؤية:
هي الصورة الكبيرة الحلم البتتمنا توصل ليه في المستقبل.
الرسالة:
هي الطريقة البتوصلك للرؤية يعني شغلك كيف حيكون.
3. حددي أهدافك بطريقة SMART
كل هدف لازم يكون واضح، وممكن يتحقق، ومربوط بزمن. وده بنسميه "هدف ذكي" أو SMART:
الرمز معناهو شنو؟
الهدف يكون واضح ومحدد.
S – Specific
أقدر أقيس هل وصلت ولا لا
M – Measurable
يكون واقعي وممكن أحققه
A_Achievable
له علاقة بحلمي الكبير
R – Relevant
مربوط بزمن معين
T – Time-bound
5. راجع خطتك بشكل مستمر
ما في خطة كاملة من البداية كل فترة راجع الخطة:
شنو مشى كويس؟
شنو محتاج تعديل؟
ظهرت فرص جديدة؟ ولا في حاجة لازم تغيريها؟
التخطيط ما مرة واحدة هو عملية مستمرة.
* #خلاصة الكلام*
التخطيط الاستراتيجي ما شي معقد لكن محتاج منك وقفة هادية تفكير صادق وورقة وقلم.
كل زول طموح سواء في مشروع أو في حياته لازم يكون عنده خطة واضحة.
إنت قادرة تصنع التغيير بس أبدأ بخطوة واعية.
Ibrahim

* #تمهيد للتخطيط الاستراتيجي:* قبل ما تخطط… فكّر من جديدأغلب الناس لما تسمع كلمة تخطيط تتجه عقولهم تلقائيًا للأدوات الجد...
29/06/2025

* #تمهيد للتخطيط الاستراتيجي:*
قبل ما تخطط… فكّر من جديد
أغلب الناس لما تسمع كلمة تخطيط تتجه عقولهم تلقائيًا للأدوات الجداول والأهداف.
لكن في الحقيقة قبل ما نبدأ أي خطة في خطوة أهم وأخطر لازم نبدأ منها: نراجع طريقة تفكيرنا.
المشكلة في الغالب ما بتكون في ضعف الخطة بل في إننا داخلين نخطط بعقلية قديمة. متمسكين بأفكار جرّبناها قبل سنين، واثقين في آراء ما راجعناها ومكملين بنفس الأسلوب حتى لو الظروف كلها تغيّرت.
النجاح اليوم ما متعلق بكمية المعرفة بل بقدرتك على إعادة التفكير.
بمرونتك إنك تسأل: هل رأيي لسه مناسب؟ هل طريقتي دي بتنفع مع الوضع الحالي؟
الناس اللي فعلاً بينجحوا ما هم الأذكى، بل هم الناس القادرين على التراجع، التعديل والتحديث.
التخطيط الاستراتيجي الحقيقي ما بيبدأ على الورق، بيبدأ في الراس.
قبل ما تكتب هدف اسأل نفسك:
– هل أنا شايف الصورة بشكل كامل؟
– هل في طريقة تانية ممكن تكون أفضل؟
– هل في فرضيات قاعدة أشتغل عليها من غير ما ألاحظ؟
العقلية اللي ما بتتغيّر ما بتقدر تبني خطة تتماشى مع متغيرات الحياة.
والأشخاص اللي يتمسكوا بخطط قديمة لمجرد إنها كانت فكرتهم الأولى غالبًا بيفشلوا مو لأنهم ما أذكياء لكن لأنهم ما قدروا يعيدوا التفكير.
لو فعلاً داير تخطط لمستقبل مختلف لازم يكون عندك الشجاعة إنك تراجع نفسك
وتقول:
يمكن أكون غلط… ودا ما بقلل منّي، دا بيقوّيني.
في النهاية، التفكير المرن هو أساس التخطيط العميق
وكل ما كنت قادر تعيد التفكير كل ما كنت أقدر ترسم خطة بتشبِه الواقع وتخدم أهدافك الجديدة.
Ibrahim

المهارة السابعة والأخيرة 💃💃: مهارة الاتزانطيب خلونا نعرف معنى الاتزانالاتزان في معناه البسيط هو التساويومهارة الاتزان هي...
27/06/2025

المهارة السابعة والأخيرة 💃💃: مهارة الاتزان
طيب خلونا نعرف معنى الاتزان
الاتزان في معناه البسيط هو التساوي
ومهارة الاتزان هي
مهارة الاتزان هي قدرة الإنسان على تحقيق توازن داخلي وخارجي في حياته، بحيث يدير مختلف جوانبها (الشخصية، العاطفية، العقلية، الجسدية، الاجتماعية، والروحية) بدون ما يطغى جانب على حساب جانب آخر، فيعيش حياة متوازنة، مستقرة، ومنتجة.
بلغة أوضح:
الاتزان يعني:
ما تبالغ في الشغل وتنسى صحتك.
ما تعيش للعلاقات وتنسى طموحك.
ما تعيش في العاطفة وتنسى العقل.
ما تغرق في الدنيا وتنسى الآخرة.
أمثلة لحالات الاتزان:
الجانب مظاهر الاتزان
النفسي عندك هدوء داخلي وثقة بالنفس حتى تحت الضغط.
العقلي بتفكر بعقلانية، وبتعرف تفرق بين الصح والغلط بدون عواطف زائدة.
العاطفي بتعبّر عن مشاعرك بدون انفجار أو كبت.
الاجتماعي عندك علاقات صحية بدون تعلق أو عزلة.
الجسدي بتاكل كويس، وبتنام، وبتتحرك، وبتراعي جسمك.
الروحي بتتصل بربك وبتراجع قيمك وتغذي روحك بالخير.
لماذا مهارة الاتزان مهمة؟
لأنها:
تمنع الاحتراق النفسي.
تخليك تاخد قرارات بعقل ووعي.
تساعدك تعيش حياة متزنة، مريحة، ومليانة بركة.
تخليك قادر تعيش بسلام داخلي حتى وسط الفوضى.
باختصار: الاتزان = فن توزيع الطاقة والاهتمام والوقت بين جوانب الحياة المختلفة، بشكل ذكي ومتزن.
#وبرضو مهارة الاتزان عندها معنى تاني إنك توازن بين الإنتاجية والقدرة على الإنتاجية، فإذا أحسنت الاتزان بين العنصرين ح تكون إنتاجيتك أكثر فعالية ومثالية وأقل جهد وأقل وقت.
على سبيل المثال إذا أنا عندي بقر (القدرة على الإنتاجية) وأنا ببيع لبن البقر وثمن اللبن (الإنتاجية) هو مصدر دخلي، فلو أنا أهملت البقر وركّزت على الثمن البجيني، أكيد مع مرور الزمن البقرات ح يهلكوا. بس لو اهتمامي كان متساوي، اهتميت بالبقر زي ما اهتميت بالثمن، فأكيد الإنتاجية ح تزيد ويكبر المشروع، والبقرات عددهم يزيد، ويبقى بدل ما أبيع لبن بس بقيت ببيع لبن ولحم.
#الاتزان هو فن أن تعيش حياة غنية بالإنتاج دون أن تستنزف ذاتك، بأن توزع وعيك وطاقتك بذكاء بين العمل والروح، الجسد والعقل، الذات والآخر، فتكون فعالًا بلا إنهاك، ومثمرًا بلا إفراط.
Ibrahim

24/06/2025

# النصر الاجتماعي

قبل كدا قلنا ح ناخد 7 مهارات، وأخدنا منهم 3 مهارات وسميناهم مهارات من الداخل إلى الخارج أو الاستقلالية (النصر الشخصي).ال...
24/06/2025

قبل كدا قلنا ح ناخد 7 مهارات، وأخدنا منهم 3 مهارات وسميناهم مهارات من الداخل إلى الخارج أو الاستقلالية (النصر الشخصي).
المرة دي ح نتكلم عن 3 مهارات وهي تسمى:
مهارات الاعتماد المتبادل أو النصر العام
أول مهارة من مهارات الاعتماد المتبادل:
*المهارة الرابعة :مهارة القيادة الاجتماعية:*
الكاتب الشهير ستيفن كوفي قسم لينا أنواع التفكير في العلاقات إلى ستة أنواع:
1. فوز / خسارة
زي الزول الأناني اللي دايمًا عايز يربح ولو على حساب الناس.
2. خسارة / فوز
زي الزول الضعيف اللي بضحي بنفسه دايمًا عشان يرضي الآخرين.
3. خسارة / خسارة
زي الزول الانتقامي، اللي يقول: "إذا أنا خسرت، ما بخلي غيري يربح".
4. فوز / فوز
ده هو القائد الاجتماعي الناضج.. يشوف الحل الأفضل ليه ولي غيره.
فإنت إذا عايز تكون علاقة مع أي إنسان ناجحة ومثمرة، فلازم يكون تفكيرك تجاه علاقاتك (فوز / فوز)
والقائد الاجتماعي هو اللي:
يبني علاقات عادلة
ويحترم حقوق غيره
ويشتغل على إنو يجد مواقف رابحة للجميع
ليه مهارة القيادة الاجتماعية مهمة؟
لأنها تقوي العلاقات.
تبني ثقة متبادلة.
تساعدنا نلقى حلول وسط مرضية لكل الأطراف.
تخلينا نتعاون بدل ما نتنافس.
*المهارة الخامسة: مهارة التقمص العاطفي*
(وفي ناس بسموها: الذكاء العاطفي)
معظم الناس ما بيسمعوا عشان يفهموا… بيسمعوا عشان يردوا.
ودي مشكلة كبيرة في التواصل
الناس بتقاطع، بتحكم، أو بتجهّز ردها في بالها قبل ما تسمع الآخر كويس.
لكن العادة الخامسة بتطلب منك تعمل العكس تمامًا:
قبل ما تتكلم وتشرح وجهة نظرك، استمع بعمق للطرف التاني وافهمه فعلاً
ليه مهارة التقمص العاطفي مهمة؟
لأنها بتخلي الناس تصدقك وتتطمن ليك، وده بيبني ثقة قوية بينك وبينهم.
بتقلل المشاكل وسوء الفهم، لأنك بتسمع الناس بجدية وبتفهمهم قبل ما ترد.
بتخليك زول محبوب ومؤثر، وعندك احترام في وسط الناس… يعني قائد اجتماعي عديل كده.
بتخلي الزول القدامك يحس إنو كلامه مهم وإنك فعلاً مهتم بيهو.
*المهارة السادسة: التعاون الخلّاق أو (التكاتف)*
هي إنك تتعاون مع غيرك وتستفيد من اختلافاتهم، وكده حتقدرو تحققوا مع بعض إنجازات أعظم.
إنك تشوف التنوع قوة وتخلق بيئة تعاونية وتطلع بأفكار وحلول أفضل من اللي كنت تقدر تصل ليها وحدك.
يعني بدل ما نقول: "أنا صح وإنت غلط"
نقول: "خلينا نسمع بعض ونشوف نطلع بحل جديد أحسن من حلي وحلك"
أهمية مهارة التكاتف:
بتخلي الإنسان يعرف يوحّد الناس رغم اختلافهم.
يخلي كل فرد يحس إنو جزء مهم من الصورة.
يشجع الأفكار الجديدة والمبادرات الجماعية.
والمهارات التالتة ديل هم : مهارة بناء علاقات قوية ومثمرة تقوم على:
الثقة
الاحترام
التواصل الفعّال
التعاون الحقيقي
التفكير الجماعي بدل الفردي
Ibrahim

Address

Khartoum

Website

Alerts

Be the first to know and let us send you an email when zabra growth posts news and promotions. Your email address will not be used for any other purpose, and you can unsubscribe at any time.

Shortcuts

Share

Category