قريه ام جريس

قريه ام جريس Contact information, map and directions, contact form, opening hours, services, ratings, photos, videos and announcements from قريه ام جريس, Business service, قريه ام جريس تقع في ولايه الجزيره محليه الحصاحيصا, Wad Madani.

04/06/2025

الشباب البضربو السلاح راعو لي مرضي السكري البسمعو السلاح فجاء في الافراح والمناسبات ممكن يرفع ليهم السكري اوجلطه ولاقدر الله ممكن تجي طلقه طائشه حفظ الله ام جريس واهلها

10/02/2025

التحيه لي قوات عشم الوطن

08/02/2025

مرحبا بكم في قريه ام جريس العوامره
فضلا اعجاب ومتابعه

لا شيء على الأرض يدوم للأبد..."عندما يكون الطائر حياً يأكل النمل"وعندما يموت الطائر ، يأكل النمل الطائر.الوقت والظروف يم...
08/02/2025

لا شيء على الأرض يدوم للأبد...
"عندما يكون الطائر حياً يأكل النمل"
وعندما يموت الطائر ، يأكل النمل الطائر.
الوقت والظروف يمكن أن تتغير في أي وقت فلا تقلل من قيمة أحد أو تؤذي أي شخص في الحياة.
قد تكون قوياً اليوم ولكن تذكر أن الوقت أقوى منك.
شجرة واحدة تصنع مليون عود ثقاب ، وعود ثقاب واحد يمكن أن يحرق مليون شجرة ، فلا تدع شيئاً سلبياً واحداً يؤثر على ملايين الأشياء الإيجابية في حياتك.

06/02/2025

الحمد لله ام جريس حره

27/01/2025

طبعا اخوانّا من الهوسا هنا في الفرع قاعدين معانا منهم عم اسماعيل بيلو..ببقى لي وجدي عمو
ومنهم عبد العزيز ونجم الدين وماجد ومحمد صالح..وغيرهم يعني انا م اتعرفت عليهم كلهم😅
برضو فيهم اللي في الكتير زي عمر بيلو وكم نفر كدا..وفيهم اللي في الفاشر زي زكريا الله يديهو العافية كان معانا في الحلة لحدي شهر 8 الفات كان بجيب شوية بضاعة ببيع لينا بالدس وكان مريحنا بدل ما نمشي ام بوشة او غيرها.
نواصل..

27/01/2025

وصلني قبل مدة تحديدا في آخر شهر 11خبر من جامعتنا.. وفي الاساس الخبر دا من شهر 8 انها شغالة ووقتها انا م جنبي شبكة استارلينك ولا معاي تلفون لانو تلفوني اتسرق في شهر 12 اللي فات في المناقل...ففي يوم شلت تلفون خالي عمار((قبل اليوم م كان قاعد لكن لما جدتي-اللي هي أمه-اتوفت في رمضان الفات..الخبر دا جاهو في بلدو السريحة هناك في شهر 4 ((ماف شبكة طبعا وقتها))والخبر دا ولا كان حيوصلو لو ما ربنا سخر ليهو الاخو محمد صالح((اخو ابالي)) وصل ليهو الخبر آنذاك.. طبعا زولكم دا متزوج هناك في السريحة وشوف سبحان الله نحن م عارفينو..قام ودا الخبر من هنا يديهو العافية😂😂

$$نرجع للمهم عرفت خبر الجامعة من تلفون خالي...لكن البيان م موضح هل اونلاين او اوفلاين وم حافظ لي رقم زول ساي اسأله وأتأكد...دخلت بالفيسبوك بحساب خالي على حساب كم زميل كدا سألتو بس م شايف لي رد منهم...انا زاتي سألت نفسي :"ياخ انا مقطوع قريب سنة من الزمايل م عارفهم حيين ولا ميتين!!"
كان الحل البديل اني امشي المناقل عشان اعرف الحاصل..طبعا خلاص الشبكة م بتقدر تخشها الا بي قروش كاش وكاش في محلنا دي معدوم تقريبا..فسافرت المناقل لا قرش لا تعريفة😂
بعد وصلت مشيت الداخليات كلهن لقيتهن للجيش..حتى الجامعة لقيتها للجيش!!طيب ي جماعة انا الليلة ابيت وين؟؟
جاتني فكرة هل ممكن ابيت في الشارع ؟
عرفت انو من الساعة 6 الجيش م داير زول لافي في المناقل..لو لقوك بشتبك فيك😂💔💔
والله مشيت السوق وم شايل اي قرش عشان اشتري شي قلت الف ساي..اعمل شنو قدر ما اقعد في محل يجيني بتاع جيش يتحقق معاي احسن لي اللف..لفيت السوق من هنا وبي هناك لحدي ما لمحت لي زول كدا في كليتنا اكبر مني بس قبل اليوم صادقتو..هو م مصدق انو دا انا..وانا م مصدق اني لاقيتو😂😂💚...الله اكرمني بيهو قعدني معاهو اسبوع وطلع لي شريحة وعمل معاي حساباتي ودخلني قروب كليتنا ووراني نظام القراية الاونلاين لحدي ما رجعت من المناقل رجعت مبسوط من ربنا ومن النعمة الكبيرة الرزقني بيها اللي هو الاخو دا...كان ممكن اقعد في المناقل وادرس قبلي هناك بس الحسابات بتقول انو احسن ارجع الفرع وأكمل دراسة من هناك
نواصل ..

27/01/2025

فالحمد لله اولا انو ناحية ام بوشات والفوار الى قريب المحيريبا م منها خطر كبير...
القرى اللي وراء الفرع..ام جريس ومعيجنات وابو عدارة وقلمونة وعبد الفضيل وود البليلة والفريجاب وغيرها دي فاضية تماما..م بتلقى فيها شئ الا دعامي لافي(ودا م بكون الا بالنهار) او حرامي يشفشف في البيوت او دعامي مضبوح او قوات خاصة..يعني باختصار محل م بندخل
طبعا الحرامي بيستغل الوضع دا..
نواصل ...

21/01/2025

قام قجة وجماعتو عملو تدوين من قريب المحيريبا لحدي قنطرة الفوار...الناس هنا في الفرع كانو شايفين نار التدوين بيضاء في عز النهار وصوتها المرعب داك...التدوين كان للتهديد..بعد التدوين دا قجة اقتحم قرى الفوار وود البصير وام كوراك..وقتل في الفوار دي اكتر من 10 من المواطنين ونهبوها كلها وكانوا مستعدين يغزو ام بوشة ويدونوها...نتيجة لي دا كلو نزح مواطنو قرى منى وود البصير والفوار وام بوشات التلاتة والعتامنة وام كوراك مابين يوم وليلة بقت فاضية غير ام بوشة الوراء اللي اتجمع فيها المستنفرين... قرى سرحان استضافت النازحين ديل وفيهم اللي وصل المناقل..
أمير قرى سرحان وعد المواطنين انهم يرجعو خلال يومين..((عشان يطمنوا وم يخيب املهم))
بي دعم تقيل للاسلحة والجيش من سرحان والمناقل...ام بوشة قدرت تستلم الفوار وقنطرة الفوار وام كوراك وود البصير ومنى وقدروا ينتهوا من الدعامة خصوصا اني شفتهم استلموا عربات بي دوشكاتهن لا سيما عربية قجة اللي كان فيها جهازي تشويش واستارلينك...لكن قجة هرب بطريقة ما ناحية قرى فطيس وطابت..
بعد دا كلو رجع مواطنو ام بوشة القدام والورا وام بوشة الريداب والعتامنة وام كوراك...ام ناس ود البصير ومنى والفوار فاستوطنو قبلهم في ام بوشة لانو المستنفرين مرتكزين في الفوار وقنطرتها وروحهم عالية انهم يستلمو المحيريبا عشان كدا المحل دا بقا محل عمليات وخطير على المواطنين..
نواصل .......علق بتم

17/01/2025

نواصل..
عندك قرية اسمها ود جروب حسب الدائم جنب الفرع دي..كانت ارتكاز دعامة لكنها قلبت جيش لانو في استخبارات دعامة تابعة لي كنبو علقم كلمت دعامة طابت انو ود جروب حتقلب جيش متى عرفت انو قريب...ففي اليوم داك اتوجه اكتر من 15 موتر علي ود جروب عشان خلاص...قبل الموترات دي تصل في زول كدا بعرفو كان مارق من ود جروب بي كارو حصان..قام لمح الموترات دي من بعيد ورجع بي سرعة لي ناس ود جروب وقال ليهم انتو استعدوا وامرقو النسوان والاطفال على المزارع..ناس ود جروب ركزوا اليوم داك وقدرو يرجعو المواتر دي كلها ويستلموا منها..ناس ود جروب كانو 7 نفر والموترات فيها كم و30 دعامي😂🥹
من اليوم داك منطقة ود جروب بقت خطيرة...طبعا ناسها نزحوا لكن المستنفرين((اللي كانوا قبل اليوم دعامة)) ثابتين فيها وحارسينها حتى بعد الاشتباك داك حصل حوالي 6 اشتباكات تانية انتصرت فيها ود جروب..

في الاثناء ديك..ام بوشات التلاتة والعتامنة كانت مستنفرين تابعة للجيش..قام قائد الدعامة قجة جهز لهجوم غادر على ام بوشة لانها قبل اليوم كانت محمية تحت اسمه...ف كيف الليلة تبقى جيش!!....

Address

قريه ام جريس تقع في ولايه الجزيره محليه الحصاحيصا
Wad Madani

Website

Alerts

Be the first to know and let us send you an email when قريه ام جريس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category