Banadir Daily News

Banadir Daily News Fadlan Nasoo Follow garee si aysan Wararkeena danbe kuu Seegin Mahad sanid.

:Hoggaamiyaha Maamulka Koofur-Galbeed Sheekh Aden Madoobe oo lakulmay Safiirka Dalka Qadar ufadhiya Somaaliya.Madaxweyn...
18/06/2026

:Hoggaamiyaha Maamulka Koofur-Galbeed Sheekh Aden Madoobe oo lakulmay Safiirka Dalka Qadar ufadhiya Somaaliya.

Madaxweynaha Dowladda Koonfur Galbeed Mudane Sheekh Aadan Maxamed Nuur (Madoobe) ayaa Magaalada Muqdisho ee caasimada dalka kulan kula qaatay Danjiraha Dowladda Qatar u fadhiya Soomaaliya Mudane Dr. Cabdullaahi Binu Salem Al Nuaimi.

Danjiraha ayaa ugu h**eyn u hambaliyeeyey Madaxweynaha la doortay Dowladda Koonfur Galbeed Mudane Shekh Aadan Madoobe isagoo u rajeeyay guul iyo horumar inta uu hoggaaminayo Dowladda Koonfur Galbeed.

Sidoo kale labada dhinac ayaa ka wada hadlay xoojinta xiriirka iskaashi ee Dowladda Qatar iyo Dowladda Koonfur Galbeed gaar ahaan dardargelinta iyo ballaarinta mashaariicda horumarineed ee Dowladda Qatar ka fuliso deegaannada Koonfur Galbeed, kuwaas oo taabanaya adeegyada bulshada, horumarinta kaabeyaasha dhaqaalaha iyo kor u qaadidda nolosha shacabka.

Madaxweynaha Dowladda Koonfur Galbeed Mudane Shekh Aadan Maxamed Nuur (Madoobe) ayaa uga mahadceliyay Dowladda Qatar taageerada joogtada ah ee ay siiso Soomaaliya, isagoo xusay in Koonfur Galbeed ay diyaar u tahay xoojinta iskaashiga iyo hirgelinta mashaariic wax ku ool ah oo ka faa’iideysta shacabka deegaannada Koonfur Galbeed.

18/06/2026

Aabbaha dhalay eedeysane ku eedeysan dil ka dhacay duleedka Guriceel ayaa wiilkiisa ku yiri: “Aabbe, wiil walaalkaa ah ayaad dishay. Haddii nasiib kuu galo, isaga ayaa lagula duugi doonaa adigana.”

:Golaha Wasiirrada Xukuumadda Jamhuuriyadda Federaalka Soomaaliya oo maanta yeeshay kulankoodii toddobaadlaha ahaa, aya...
18/06/2026

:Golaha Wasiirrada Xukuumadda Jamhuuriyadda Federaalka Soomaaliya oo maanta yeeshay kulankoodii toddobaadlaha ahaa, ayaa lagu soo bandhigay warbixin tirakoobyo wadata oo ku saabsan Imtixaanka Qaranka Dugsiyada Dhexe iyo Sare ee Sanad-Dugsiyeedka 2025-2026, xaaladda amniga, dhaqaale iyo bulsho ee dalka.

Kulanka Golaha oo uu shir-guddoomiyey Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa lagu soo bandhigay warbixinno muhiim ah oo ku saabsan qaban-qaabadda maalmaha xorriyadda iyo midoowga, iyo warbixin ku saabsan Hannaanka Iskaashiga Horumarineed ee Qaramada Midoobay ee Soomaaliya oo xoogga saaraya horumarka Qaranka.

Golaha ayaa bogaadiyay doorashadii nabadda kusoo idlaatay ee Dowlad Goboleedka Koonfur Galbeed ee qof iyo codka ahayd, iyada oo si gaar ah loogu mahadceliyay Ra’iisul Wasaare Ku xigeenka Labaad Mudane Jibriil Cabdirishiid Xaaji oo ahaa Hoggaamiyihii Kumeel Gaarka ah ee maamulkaasi, intii lagu jiray xilligii kala guurka iyo doorashada.

Golaha Wasiirrada ayaa si adag u cambaareeyay tallaabadii uu Hoggaamiyaha Maamulka Somaliland ku tegay dhulka Falastiiniyiinta ee ay Israa’iil xoogga ku haysato. Golaha ayaa xusay in tallaabadaasi ay si cad uga hor imaanayso Dastuurka Jamhuuriyadda Federaalka Soomaaliya, shuruucda caalamiga ah iyo mabaadi’da dhowrista madaxbannaanida dalalka iyo xuquuqaha bulshooyinka dulman.

Golaha Wasiirrada ayaa sidoo kale ku bogaadiyay Ciidamada Amniga dadaalka ay ugu jiraan xaqiijinta amniga caasimadda, iyagoo ka hortagay falal amni-darro oo la doonayay in lagu carqaladeeyo nabadgelyada iyo horumarka ka jira dalka.

Kulanka ayaa ugu dambeyntii cod aqlabiyad ah lagu ansixiyay xubin ka mid ah Guddiga Madaxa-Bannaan ee Xuquuqul Insaanka Soomaaliya, kaas oo magaciisu yahay Mudane Maxamed Xasan Nuur, ahna sharciyaqaan sare oo kusoo baxay habraac tartan furan ah kaddib markii xubin kale uu xilka banneeyay.

18/06/2026

Culus oo ku socotaa Siyaasi Xume, Kana socotaa Ciidamada Amaanka iyo Xooga Dalka.

:Wasaaradda Difaaca dalka Turkiga ayaa sheegtay in si habsami leh uu u socdo hawlgalka lagu ilaalinayo markabka Çağri B...
18/06/2026

:Wasaaradda Difaaca dalka Turkiga ayaa sheegtay in si habsami leh uu u socdo hawlgalka lagu ilaalinayo markabka Çağri Bey ee biyaha Soomaaliya ka qodaaya ceelka shidaalka ah ee Curad 1.

Maamulka Somaliland oo ka hadashay eedeymihii Saldhigga Israa’iil iyo Xarunta Sirdoonka.Wasiirka Gaashaandhigga Somalila...
18/06/2026

Maamulka Somaliland oo ka hadashay eedeymihii Saldhigga Israa’iil iyo Xarunta Sirdoonka.

Wasiirka Gaashaandhigga Somaliland, Maxamed Yuusuf Cali, ayaa sheegay inaysan jirin wax joogitaan militari ah oo Israa’iil ku leedahay Somaliland, isla markaana aysan socon wax wada-hadallo ah oo ku saabsan in Israa’iil ay saldhig ciidan ka furato dhulka Somaliland.

Wasiirka ayaa hadalkan u sheegay wakaaladda Reuters maanta oo Arbaco ah, xilli uu ka qeyb galayay shir ganacsi oo ka socday magaalada Tel Aviv ee Israa’iil.

Maxamed Yuusuf Cali ayaa sheegay in Israa’iil ay tababar siiso ciidamada militariga iyo booliiska Somaliland, balse wuxuu ku tilmaamay wararka sheegaya in Israa’iil ay wadahadallo ka waddo saldhig militari oo ay ka sameysato Somaliland inay yihiin “xan iyo warar aan xaqiiqo ku dhisnayn.”

Danjiraha Israa’iil u fadhiya Somaliland, Michael Lotem, ayaa dhankiisa ka gaabsaday inuu wax faallo ah ka bixiyo arrintan.

Somaliland oo ku taalla Geeska Afrika ayaa tan iyo sanadkii 1991 si iskeed ah uga talinaysay deegaannadeeda kadib markii ay ka go’day Soomaaliya xilligii dalku galay dagaallada sokeeye. Bishii December ee sanadkii h**e ayay Israa’iil noqotay dalkii ugu horreeyay ee si rasmi ah u aqoonsada Somaliland, tallaabadaas oo Dowladda Federaalka Soomaaliya ku tilmaantay mid dhaawac ku ah madax-bannaanideeda iyo midnimada dhuleed ee dalka.

Sidoo kale, bishii Febraayo Madaxweynaha Somaliland Cabdiraxmaan Maxamed Cabdillaahi (Cirro) ayaa Reuters u sheegay in Somaliland ay rajaynayso iskaashi militari oo mustaqbalka la yeelato Israa’iil, balse aan weli laga wada hadlin in saldhigyo ciidan oo Israa’iili ah laga sameeyo Somaliland.

Warbaahinta Caalamka ayaa dhawaan sheegtay in Israa’iil ay furtay xarun sirdoon oo ku taalla Somaliland isla markaana ay jireen wadahadallo ku saabsan saldhig militari, hase yeeshee Wasiirka Difaaca Somaliland ayaa si cad u beeniyay wararkaas.

:Wafdi ka socda labada Aqal ee Baarlamaanka Federaalka Soomaaliya ayaa ka qayb galay Shirweynaha 2-aad ee Golaha Baarla...
17/06/2026

:Wafdi ka socda labada Aqal ee Baarlamaanka Federaalka Soomaaliya ayaa ka qayb galay Shirweynaha 2-aad ee Golaha Baarlamaannada Aasiya iyo Afrika oo ka dhacay magaalada Benghazi ee dalka Libya.

Shirkan oo halku dhiggiisu ahaa “Aragtida Mustaqbalka ee xiriirka Aasiya iyo Afrika” ayaa diiradda lagu saaray xoojinta iskaashiga labada qaaradood, kaalinta Baarlamaannada ee horumarinta nabadda, amniga, dhaqaalaha, horumarka waara, iyo dejinta aragti wadajir ah oo hagta xiriirka Aasiya iyo Afrika mustaqbalka.

Intii uu shirku socday, wafdiga Soomaaliya ayaa madasha ka jeediyay hadal-jeedinno ay ku muujiyeen muhiimadda wadashaqeynta Baarlamaannada, is-dhaafsiga khibradaha sharci-dejinta iyo kor u qaadista iskaashiga dalalka Aasiya iyo Afrika, si looga jawaabo caqabadaha wadajirka ah ee horyaalla labada qaaradood.

Sidoo kale, wafdiga ayaa soo bandhigay talooyin muhiim ah oo dib u xaqiijinaya, sida Soomaaliya ay uga go’an tahay ixtiraamka xeerarka caalamiga ah iyo Axdiga Qaramada Midoobay, gaar ahaan dhowrista madax-bannaanida, midnimada iyo wadajirka dhuleed ee dalalka.

Dhanka kale, shirweynaha ayaa lagu doortay Guddoomiyaha Golaha Baarlamaannada Aasiya iyo Afrika ee afarta sano ee soo socota, waxaana xilkaas loo doortay Aguila Saleh Issa, oo ah Guddoomiyaha Golaha Wakiillada Liibiya.

:Wafdiga Madaxweynaha Maamulka Somaliland oo siwacan loogu soodhaweeyay Dalka Isra'iil.Madaxweynaha Somaliland, Mudane ...
14/06/2026

:Wafdiga Madaxweynaha Maamulka Somaliland oo siwacan loogu soodhaweeyay Dalka Isra'iil.
Madaxweynaha Somaliland, Mudane Cabdiraxmaan Maxamed Cabdillaahi (Cirro), ayaa soo dhawayntii taariikhiga ahayd ee loogu sameeyey dalka Israa’iil kaddib, waxa uu Qasriga Madaxtooyada ee Israa’iil kula hadlay saxaafadda, isaga oo si mug leh ugu mahad naqay Madaxweynaha Israa’iil, Mudane Isaac Herzog, Dowladda Israa’iil iyo shacabka Israa’iil, soo dhawayntii diirranayd iyo maamuuskii heerka sare ahaa ee lagu qaabilay isaga iyo weftigiisa.

Madaxweynuhu waxa uu sheegay in booqashadani ay ka tarjumayso qaddarinta iyo is-ixtiraamka ka dhexeeya labada dal iyo labada shacab, isla markaana ay dhidibada u aasayso marxalad cusub oo ku salaysan saaxiibtinimo, iskaashi iyo dano-wadaag.

Madaxweynuhu waxa uu xaqiijiyey in Jamhuuriyadda Somaliland ay si buuxda uga go’an tahay xoojinta xidhiidhka iyo iskaashiga ay la leedahay Dawladda Israa’iil, gaar ahaan dhinacyada amniga, horumarka, dhaqaalaha, tiknoolajiyadda, iyo kobcinta is-dhaafsiga khibradaha iyo fursadaha labada dhinacba anfacaya.

Cabdiraxmaan Ciro Madaxweynaha Maamulka Somaliland ayaa gaaray magaalada Tel Aviv halkaas oo uu ku soo dhaweeyay madaxwa...
14/06/2026

Cabdiraxmaan Ciro Madaxweynaha Maamulka Somaliland ayaa gaaray magaalada Tel Aviv halkaas oo uu ku soo dhaweeyay madaxwaynaha Isra'iil Isaac Herzong .

Israa' iil ayaa kol h**e sheegtay inay aqoonsatay Somalinad taas oo muran badan dhalisay , labada dhinac ayaa wada- hadal yeelan doona.

Adress

Malmö
43214

Webbplats

Aviseringar

Var den första att veta och låt oss skicka ett mail när Banadir Daily News postar nyheter och kampanjer. Din e-postadress kommer inte att användas för något annat ändamål, och du kan när som helst avbryta prenumerationen.

Genvägar

Dela