29/09/2026
🚨 « Lu réy xew na ci diggante Rufisque, Zac Mbao ak Keur Massar ! Police bi jàpp na ñeenti nit, te teg loxo ci dorog yu bari. »
Guddi gi dale ci 15 ba 16 septembre 2026, Brigade régionale des stupéfiants bu Dakar, BRS, amal na ab opération gannaaw benn commande cocaïne.
Lépp tàmbalee ca Sipres, Zac Mbao, fa Police bi teg woon ab saytu ak toppandoo. Foofa lañu jàppe nit ku njëkk ki.
Bi mu bañee wax fu mu dëkk, enquêteurs yi wéyal seetlu yi, ba man a gis këram ca HLM Rufisque.
Bi ñu fa agsee, ñu jàpp yeneen ñaari nit. Bi ñu seetee kër ga ak benn Jeep Cherokee, ñu gis 300 grammes de cocaïne, 128 grammes de yamba, M**A ak ay comprimés d’ecstasy, ak 123 grammes ci benn substance bu mel ni cristal.
Ñu teg itam loxo ci 725 000 francs CFA, juróomi telefon portaabal, ay kayit ak yeneen jumtukaay, ak benn ngànnaay bu dul dëgg.
Waaye mbir mi yemul foofu.
Police bi wéyal na toppandoo bi, ba jot ci ñeenteelu nit ki. Ñu jàpp ko ci këram ca Keur Massar, ci wetu 2 waxtu 50 guddi, fekk ko muy jot benn livraison bu yoon tere.
Police bi di wéy di taxaw ngir aar askan wi, te dafay woo képp ku am xibaar bu am solo, mu woote ci 800 00 17 00.
🚨 Ñeenti nit ñu jàpp, dorog yu bari ñu nangu, te enquête bi di wéy.
:Louga Championnat NationalDrame BassirPolice Nationale du Sénégal
