26/12/2021
FALANQAYNTA ADFC (SWOT ANALYSIS) |SAMIACONSULTING.COM
_______________________________________________________________________
ADFC waxay u taagantahay A=Awoodid, D=daciifnimo, F=Fursadaha iyo C=Caqabadaha. Xisaabta waxaa loo isticmaalaa in wax lagu xisaabiyo, waxay leedahay qaacidooyin loo maro markii la isticmaalayo xisaabta noocyadeeda kalle duwan. ADFC waa nidaam ay isticmaalaan ururada haddii ay tahay shirkadaha ganacsiga iyo haayadaha noocyadooda kalle duwan. Xarfaha aan soo gaabiyay ADFC waxay u taaganyihiin sidda xarfaha ingariiska oo kalle (SWOT). Marwalbo waa muhiim in dadkeena waxwalbo afkooda hooyo ku fahmaan si loo helo bulsho leh Afkaar wanaagsan.
ADFC - waa qaacido loo maro sidda lagu ogaani karo mustaqbalka shirkadaas. Waa nidaam ay isticmaalaan kooxda maamulka shirkada, iyagoo ku cadeeynaya gudaha iyo dibadda shirkada oo saameyn ku yeelani doona qaabka ama hamdhiska mustaqbalka shirkada.
Marka aad ogaato iyo mudnaanta natiijada TADFC (SWOT), waxaad u isticmaali kartaa in aad dhisatid xeelado muddada gaaban iyo muddada-dheer ee ganacsigaaga. Qiimaha dhabta ah ee layligan waa in la isticmaalayo natiijada si loo kordhiyo saamayn wanaagsan ku yeelanayaan, ganacsiga iyo in la yareeyo qatarta soo wajihi karto shirkada.
Qaacidooyinkaas 4ta ah, A=Awoodaada, D=daciifnimo, F=Fursadaha iyo C=Caqabadaha, waa aragtida guud ee aad ku ogaani karto heerka ay marayso shaqada shirkada iyo waxa laga filani karo inay isku bedesho shirkadaas. Sidda aan wada ogsoonahay shirkadaha waxay u kalla xoog badan yihiin sidda ay ugu kalla wax soo saar badan yihiin.
Habkaan haddii aad isticmaasho waxaad la imaani kartaa xeelado iyo tayo cusub oo aad wax kaga bedeli karto daciifnimada markii horre ku qabsatay.
Samia Consultingfirm