19/01/2024
Marka la eego muhiimadda taariikhiga ah ee uu yeelan karo Is-afgaradkii Itoobiya iyo Somaliland dhexmaray 1-dii January 2024, waxa mudan in la xasuusto dhawr arrimood:
1. Waa masiir ummadeed oo dadka reer Somaliland ay 32 sano ka madaxbanaanaayeen Soomaaliya, balse maaha shirqool caalami ah oo lagu doonayo in lagu kala gooyo Soomaaliya.
2. Dawlada Federalka ah ee Soomaaliya wax awood maamul haba yaraatee kuma laha Somaliland. Waxase xaqiiq ah in ay hadda kaliya soo saari karto bayaano ay ku sheeganayso in ay Somaliland ka mid tahay wadanka Somalia, balse aan wax macno ah aan samaynaynin maadaama la ogyahay xaqiiqada ah in 32 Sanno ay ka maqnayd kana mid ahayn Somalia.
3. Madaxbanaanida iyo xornimada Somaliland waa natiijo ka dhalatay dhibaatooyinkii ay dadka reer Somaliland kala kulmeen Midowgii ay la galeen 1960-kii Koonfurta Somalia. Sidoo kale habacsanaanta Soomaaliya ee tobanaanka sano aan ka soo raynin.
4. Madaxbanaanida Somaliland waa mid ka gaar ah Afrika iyo caalamkaba. Aqoonsigeedu waxa uu kor u qaadi doonaa halbeega dhaqdhaqaaqyada madaxbanaanida. Madaxbanaani cidii doonaysa waxa horyaala: Ma leedahay Dawlad kuu gaar ah, Ciidan, Lacag, Doorasho, & Taariikh h**e oo Madaxbanaani oo la aqoonsan yahay xuduudaha dhuleed ee aad leedahay.
5. Sida ku cad Heshiiska Qaramada Midoobay, Dal kasta waxa xuquuqdiisa ku jirta in uu aqoonsan karo wadanka uu doono. Sidaa daraadeed Itoobiya xaq ayay u leedahay inay aqoonsato Somaliland.
6. Waa arrin aad u weyn in waddan Afrikaan ah noqdo ka ugu horreeya ee aqoonsada Somaliland, gaar ahaan Itoobiya oo kursi muhiima ku leh AU iyo UN, ahna Dalka 2aad ee ugu dadka badan Qaarada Afrika, islamarkaana leh dhaqaale wayn oo koraya leh.
7. Waa suurtogal in arintani ay keento xasillooni-darro muddo gaaban. Sida Al-Shabaab oo dagaalo abaabusha iyo kacdoon beeleedyo dhanka bariga Somaliland. Laakin waxa hubaal ah inay guul wayn u tahay mustaqbalka Somaliland, Itoobiya, iyo gobolkaba.
