Quickly in Logistics and consultancy

22/01/2025

Mudadii aan bixinayey tobobarka Cargo Logistics Operations and Customs Clearance Management, kooxdan baa hab-dhaqankeyga raad ku reebtay, ogaal iyo khibrad dheeri ahna ka korodhsaday.

Waxay ka koobnaayeen 6 qof, (labaa habeenkaa naqa maqnaa). Seddex ka mid ah waxay CEO ka yihiin shirkaddo ka tilmaaman Somaliland (Takaful Insurance, SSG Limted, East Africa Cargo and Logistics). Maadaama shaqada ay qabtaan full shift aheyd, wakhtiga tobobarka waxaan ka dhiganay marka Salaada Subax laga soo baxo ilaa 08:00 AM oo ah wakhtiga shaqadooda iyo tayda joogtada ahi bilaabmaan.

Ka sokow da'da noo dhaxeysay iyo ixtiraamka iyo qadarinta ay ii muujin jireen, waxa aan la tacajabay siday uga go'aneyd inay aqoon iyo khibrad koradhsadaan, iyagoo dhamaantood ku dedaali jiray ilaalinta wakhtiga tobobarka. Waxa intaa dheeraa, ka qeyb qaadhashadooda oo aad u sareeysay, haday tahay su'aal weydiin iyo haday tahay faalo ku darsi ku dhisan xog iyo khibrad dheeri ah oo ay ila wadaagaan, taasi oo ogaalkayga kordhisay.

Khibrad ahaan waxay ii aheyd usbuuc naftaydu tobobar adag qaadatay, maadaama ay aheyd doorkii ugu horeysay ee saacad ka hor, wakhtiga Salaada Subax aan u diyaar garoobo shaqo. Waxa kale oo aan ka bartay, da'da aad doontid ahoow, mansabka aad doonto joog in aadnad ka maarmin korodhsiga iyo kasbashadaa aqoon dheeri ah oo ku taxaluqda hawlqabadkaaga shaqee rasmiga ah ama hawlqabad dheeri ah oo soo kordhay.

fans

25/12/2022

20/12/2022

Intan yar waxan idiinka soo jaray casharada tobobarka "Cargo Logistic Operations & Customs Clearance Management" ee aan bixino.

Indho fur way ugu filantahay dadka academics-ka ah ee daneynaya in ay wax ka ogaadaan Aaga Ganacsiga ee Cashuuraha ka Caagan... Xog Intan ka badan oo khuseysa
《1》Sida ganacsiga logistics-ku u shaqeeyo,
《2》Nidaamyada sugan ee dunidu wax ku kala iibsato (INCO terms, 2020)
《3》Hanaanka lacag bixinta ee badqabkiisu sareeyo (methods of payment)
《4》Habraacyada sharci iyo sida loo diyaarsado waraaqaha rasmiga ah (documents) ee kastamku kaaga baahanyahay markaad alaab ka saarayso (soo dejin, dhoofin & gudbinba).
《5》Kala saarida/sumadeynta alaabta iyo qiimeyntooda (ta caalamiga ah iyo ta dalka)
《6》Sida loo xisaabiyo cashuurta kastamka ee alaabtaada ku waajibaysa (hanaan casri ah).
《7》Faham guud oo ku saabsan Aaga Ganacsiga ee Cashuuraha ka caagan iyo fursadaha ganacsi ee ku lamaan
《8》Hagaha hawlgalada Aaga Ganacsiga ee ay dejisay Haayada Kastamka Aduunku (2020)
《9》Habraacyada alaab looga saari karo Aaga Ganacsiga (soo dejin, dhoofin iyo gudbinba)

Dhamaan mawduucyadan kor ku xusan waxay qeyb ka yihiin tobobarka "Cargo Logistic Operations and Customs Clearance Management" ee aan bixino.

Wakhtiyada tobobarka aan qabano iyo shuruudaha is diiwaangalinta, waxaan ku baahinaa boga Abdirahman Mohamed Ibrahim ee ku xidhnoow, kalana soco.

19/12/2022