Fikir Media

22/01/2026

DEGDEG:
Madaxweynaha Jamhuuriyadda Somaliland, Cabdiraxmaan Maxamed Cabdullaahi (Cirro), ayaa magaalada Davos kula kulmay Madaxweynaha Israel, Mudane Isaac Herzog, iyo Eric Trump, wiilka Madaxweynaha Maraykanka, Donald Trump.

Kulankan ayaa qayb ka ahaa Shir doceedyada Shirka Dhaqaalaha Adduunka (World Economic Forum), waxaana diiradda lagu saaray xoojinta xidhiidhka Somaliland iyo Israel iyo sidii loo horumarin lahaa iskaashiga caalamiga ah.

22/01/2026

:
Madaxweynaha Somaliland, Cabdiraxmaan Maxamed Cabdillaahi (Cirro), ayaa magaalada Davos ee dalka Switzerland kulan rasmi ah kula yeeshay Madaxweynaha Israel, Isaac Herzog.
Sida uu Madaxweyne Herzog ku baahiyay bartiisa X (Twitter), kulanka ayaa diiradda lagu saaray xidhiidhka is-aqoonsi ee Somaliland iyo Israel oo bilowday dhammaadkii sannadkii h**e, iyo sidii loo sii xoojin lahaa iskaashiga labada dal.

Madaxweyne Herzog ayaa qoraalkii ku sheegay: “Waxaan ku faraxsanahay in aan Davos kula kulmo Madaxweynaha Jamhuuriyadda Somaliland, Mudane Cabdiraxmaan Cirro. Aad ayaan ugu faraxsanahay xidhiidhka labada dal, waxaana rajaynayaa in aan ka wada shaqayn doono adkayntiisa.”
Kulankan ayaa ah kii ugu horreeyay ee Madaxweyne Cirro la yeesho Madaxweyne dal kale tan iyo markii Jamhuuriyadda Somaliland ay aqoonsi ka heshay Israel.

21/01/2026

🚨

Madaxweynaha Somaliland Cabdiraxman Maxamed Cabdullaahi Cirro ayaa goor dhawayd kulamo shirka dhaqaalaha aduunka dhinac socda ee uu ka qayb galay waxaa ka mid ahaa laba kulan doceed oo muhiim ah oo madaxweynuhu la yeeshay shirkado waaweyn oo caalami ah kuwaas oo danaynaya maalgashiga Somaliland.

Sidoo kale, kulamo heer sare ah ayaa wali socda, kuwaas oo ay ku jiraan madaxweyneyaal dalal waaweyn, iyadoo xogaha la helayo ay muujinayaan in madaxweynuhu la kulmayo hoggaamiyeyaal miisaan culus leh.

21/01/2026

Muqdisho - Madaxweynaha Soomaaliya, Xasan Sheekh Maxamuud, ayaa berri booqasho rasmi ah ku tagaya dalka Itoobiya, halkaasoo uu ka qeyb-gali doono xuska Maalinta Ciidamada Cirka ee dalkaas.

Ilo-wareedyo lagu kalsoon yahay ayaa sheegay in madaxweynaha iyo Ra’iisul Wasaaraha Itoobiya, Abiy Axmed, ay kulmi doonaan si gaar ah, iyadoo arrintan ay qayb ka tahay dadaallada dhexdhexaadinta ee Ra’iisul Wasaare Abiy uu ka wado Soomaaliya iyo Imaaraadka Carabta, gaar ahaan kadib markii Dowladda Federaalka Soomaaliya ay ka baxday heshiisyadii ay la lahayd Abu Dhabi.

21/01/2026

Hargeysa — Warar maalmo ka hor Fikir Media baahisay oo aan rasmi ahayn, kana hadlayay suurtagalnimada safar qarsoodi ah oo Madaxweynaha Somaliland, Cabdiraxmaan Maxamed Cabdillaahi (Cirro), ku tegay magaalada Davos ee dalka Switzerland, ayaa rumoobay kadib markii madaxweynuhu soo dhigay sawir muujinaya isaga oo ku sugan garoon diyaaradeed, kana ag-dhaw helikobtar nooca VIP ah oo ka diwaan gashan dalka Switzerland.

Sawirka, oo uu Cirro ku baahiyey bartiisa Facebook, wuxuu muujinayaa jawiga iyo hab-maamuuska inta badan lagu maamuuso madax ama marti heer sare ah, taas oo dhalisay su’aalo hor leh oo ku saabsan habka uu madaxweynuhu ku helay marti qaadka .

Wararkii h**e waxay tilmaamayeen in wasiirro ka tirsan xukuumadda Somaliland ay h**e ugu sugnaayeen Switzerland, halkaas oo lagu waday kulammo iyo dhaqdhaqaaqyo diblomaasiyadeed oo la xidhiidha aqoosiga Somaliland. Inkasta oo aanay jirin xaqiijin rasmi ah oo ka soo baxday Madaxtooyada Somaliland, haddana sawirka la baahiyey ayaa loo arkaa caddayn dadban oo xoojinaysa jiritaanka ka qayb gal heer sare ah oo waftiga madaxweyne Cirro ku tagey Davos.

Dhinaca kale, sawirka ayaa sidoo kale loo fasirtay farriin siyaasadeed, maadaama uu muujinayo meeqaam iyo qaab u dhow kan madaxda dawladaha ee ka qayb gala shirka caalamiga ee Davos. Arrintan ayaa mar kale kicisay doodda ku saabsan sida Somaliland isugu soo bandhigayso fagaarayaasha caalamka, kadib aqoosigii ay Israel siisay Somaliland.

Fikir Media kala soco warar sugan iyo xog la hubo.

WARAR AAN RASMI AHYN: Waxa soo baxaysa suurtagalnimada safar qarsoodi ah oo Madaxweyne Cirro ku tegay Davos

Warar aan weli si rasmi ah loo xaqiijin ayaa sheegaya in Madaxweynaha Somaliland, Cabdiraxmaan Maxamed Cabdillaahi (Cirro), laga yaabo inuu ku sugan yahay magaalada Davos ee dalka Switzerland, halkaas oo uu ka ka furmi doono shir caalami ah.

Ilo xog-ogaal ah ayaa tilmaamaya in wasiirro ka tirsan xukuumadda Somaliland ay Switzerland h**e u tageen, iyadoo lagu wado in halkaas lagu saxeexo heshiis la xiriira nabadaynta Gaza, shirarkaasi oo ay ka qaybgalayaan madax iyo siyaasiyiin caalami ah.

Wararka ayaa intaa ku daraya in Madaxwaynaha Maraykanka Donald Trump uu isna qayb ka noqonaayo madaxda qayb gayalsa shirka Davos, isla markaana ay jirto suurtagalnimo kulan gaar ah oo u dhexeeya Madaxweyne Cirro iyo Trump, kulankaas oo la saadaalin karo in Israel ay kaalin ku leedahay isku keeniddiisa.

Inkasta oo aanay jirin war rasmi ah oo ka soo baxay Madaxtooyada Somaliland ama dhinacyada kale ee la tuhunsanyahay, haddana dhaqdhaqaaqyada diblomaasiyadeed ee soo kordhaya iyo joogitaanka wasiirrada Somaliland ee Switzerland ayaa sii xoojinaya shakiga wararkan aan sugnayn.

Fikir media kala soco wararka dambe marka ay soo baxaan faahfaahin dheeraad ah ama xaqiijin rasmi ah.

19/01/2026

WARAR AAN RASMI AHYN: Waxa soo baxaysa suurtagalnimada safar qarsoodi ah oo Madaxweyne Cirro ku tegay Davos

Warar aan weli si rasmi ah loo xaqiijin ayaa sheegaya in Madaxweynaha Somaliland, Cabdiraxmaan Maxamed Cabdillaahi (Cirro), laga yaabo inuu ku sugan yahay magaalada Davos ee dalka Switzerland, halkaas oo uu ka ka furmi doono shir caalami ah.

Ilo xog-ogaal ah ayaa tilmaamaya in wasiirro ka tirsan xukuumadda Somaliland ay Switzerland h**e u tageen, iyadoo lagu wado in halkaas lagu saxeexo heshiis la xiriira nabadaynta Gaza, shirarkaasi oo ay ka qaybgalayaan madax iyo siyaasiyiin caalami ah.

Wararka ayaa intaa ku daraya in Madaxwaynaha Maraykanka Donald Trump uu isna qayb ka noqonaayo madaxda qayb gayalsa shirka Davos, isla markaana ay jirto suurtagalnimo kulan gaar ah oo u dhexeeya Madaxweyne Cirro iyo Trump, kulankaas oo la saadaalin karo in Israel ay kaalin ku leedahay isku keeniddiisa.

Inkasta oo aanay jirin war rasmi ah oo ka soo baxay Madaxtooyada Somaliland ama dhinacyada kale ee la tuhunsanyahay, haddana dhaqdhaqaaqyada diblomaasiyadeed ee soo kordhaya iyo joogitaanka wasiirrada Somaliland ee Switzerland ayaa sii xoojinaya shakiga wararkan aan sugnayn.

Fikir media kala soco wararka dambe marka ay soo baxaan faahfaahin dheeraad ah ama xaqiijin rasmi ah.

18/01/2026

Hargeysa – Madaxweynaha Somaliland, Mudane Cabdiraxman Maxamed Cabdullaahi Cirro, ayaa la filayaa inuu berri u dhoofayo dalka Imaaraadka Carabta, iyadoo safarkan uu yahay mid ka mid ah tallaabooyinka diblomaasiyadeed ee ugu muhiimsan ee Madaxweynaha uu ku xoojinayo xiriirka caalamiga ah ee Somaliland.

Iyada oo safarkan uu muhiimad weyn u leeyahay arrimaha siyaasadda iyo horumarinta xiriirka caalamiga ah, waxaa la filayaa in Madaxweynaha Cirro uu inta uu joogo Imaaraadka Carabta kulamo la yeesho saraakiil sar sare iyo madax ka tirsan dowladda dalkaas, kuwaas oo diiradda saari doona sidii loo xoojin lahaa iskaashiga labada dhinac, gaar ahaan dhinacyada ganacsiga, maalgashiga, amniga, iyo horumarinta dhaqaalaha.

Wararka ayaa intaa ku daraya in safarka Madaxweynaha Somaliland uu sidoo kale u sii gudbi doono dalka Israel, halkaas oo uu kulamo rasmi ah la yeelan doono Ra’iisul Wasaaraha Israel, Benjamin Netanyahu, iyo saraakiil kale oo sar sare. Tani waxay imaaneysaa kadib markii dhawaan Israel ay si rasmi ah u aqoonsatay Somaliland, taasoo safarkan ka dhigeysa mid taariikhi ah isla markaana fursad u siinaya labada dhinac in ay bilaabaan wada shaqeyn dhanka siyaasadda iyo ganacsiga ah oo rasmi ah.

Khubarada arrimaha diblomaasiyadda ayaa tilmaamaya in kulanka Madaxweynaha Cirro iyo Netanyahu uu noqon karo mid taariikhi ah, maadaama uu fursad u siinayo Somaliland in ay xoojiso sumcadeeda caalamiga ah, korna u qaaddo awooda ay ku leedahay wada-hadallada caalamiga ah ee muhiimka ah. Waxaa sidoo kale la filayaa in kulamada Madaxweynaha ay diiradda saaraan sidii loo dardar-gelin lahaa mashaariic horumarineed oo labada dhinac ka faa’iidi karaan, gaar ahaan dhinacyada tamarta, ganacsiga, iyo horumarinta tiknoolajiyada.

18/01/2026

Dowladda Koonfur Afrika ayaa si rasmi ah ku dhawaaqday xaalad musiibo qaran kadib markii roobab mahiigaan ah iyo fatahaado ba’an ay saameyn xooggan ku yeesheen dalka. Roobabka xooggan ayaa sababay dhimashada ugu yaraan 30 qof, iyadoo kumanaan dhismayaal, buundooyin, iyo wadooyin ay si buuxda u burbureen ama ay si daran u waxyeeloobeen.
Saameynta ugu daran ayaa ka dhacday gobollada waqooyi ee Limpopo iyo Mpumalanga, halkaas oo tirada dhimashada iyo khasaaraha hantiyeed ay aad u badan tahay. Dad badan ayaa ku barakacay guryahooda, iyaga oo qaxay meelaha ammaan ah ama ku meel gaar ah. Waxaa sidoo kale xanuun badan leh in adeegyada muhiimka ah sida biyaha, korontada, iyo isgaarsiinta ay hakad galeen, taas oo sii adkaysay xaaladda dadka ku nool gobolladan.

Masiibadani ma aha mid kaliya saameysay Koonfur Afrika, balse waxay si weyn u taabatay dalalka dariska ah ee Mozambique iyo Zimbabwe, iyadoo guud ahaan saddexda dal ay ku dhinteen in ka badan 100 qof tan iyo markii roobabku bilaabmeen dabayaaqadii sannadkii h**e. Waddooyinka la burburay iyo fatahaadaha joogtada ah ayaa ka dhigtay mid aad u adag in gargaar degdeg ah la gaarsiiyo dadka dhibaatadu saamaysay, taas oo khatar weyn gelinaysa caafimaadka iyo nolosha dadka deegaanka.
Hay’adaha samafalka iyo dowladuhu waxay ku mashquulsan yihiin in ay bixiyaan gargaar degdeg ah, oo ay ku jiraan raashin, biyo nadiif ah, hoy ku meel gaar ah, iyo daawooyin, si loo yareeyo dhibaatada ka dhalatay fatahaadaha. Si kastaba ha ahaatee, saadaasha cimilada ayaa muujinaysa in roobab dheeraad ah laga yaabo inay dhacaan, taasoo khatar kale ku ah dadka iyo hantida gobolladan.

Xaaladdan musiibada qaran ayaa ku tilmaamaysa mid ka mid ah masiibooyinka dabiiciga ah ee ugu xun ee dhowaan ka dhaca Koonfur Afrika iyo waddamada dariska ah, iyadoo dowladda Koonfur Afrika ay ku baaqday in la sameeyo dadaallo wadajir ah si loo badbaadiyo nolosha dadka ku nool goobaha ay fatahaaduhu saameeyeen.

18/01/2026

Heshiis Taariikhi ah oo Lagu Soo Afjarayo Colaadda u Dhaxaysa Dowladda Suuriya iyo Maleeshiyaadka Kurdida
Damascus, Suuriya – Madaxweynaha Suuriya ayaa maanta saxiixay heshiis taariikhi ah oo ka kooban 14 qodob, kaasoo lagu soo afjarayo colaaddii muddo dheer u dhaxaysay dowladda Suuriya iyo maleeshiyaadka Kurdida ee Qasad. Heshiiskan ayaa lagu wadaa inuu dhiso xasilooni siyaasadeed iyo mid amni oo ka hirgasha gobollada waqooyi ee dalka.
Heshiiska cusub wuxuu dhigaya in xabad joojin degdeg ah laga hirgaliyo dhammaan goobaha colaadda lagu diriray, isla markaana maamulka gobollada ay h**e u haysteen maleeshiyaadku lagu soo wareejiyo dowladda Suuriya. Sidoo kale, maleeshiyaadka Kurdida ayaa si buuxda loogu dari doonaa hay’adaha amniga ee dalka, iyaga oo si shaqsi ah uga mid noqonaya ciidamada qaranka.

Saddexda gobol ee lagu soo wareejinayo dowladda ayaa kala ah Dayrusuur, Raqa, iyo Xasakah, kuwaasoo xuduud la leh Ciraaq iyo Turkiga. Gobolladan ayaa muhiimad weyn u leh Suuriya, maadaama ay yihiin laf-dhabarta wax-soo-saarka dalka, oo ay ku jiraan beeraha, shidaalka, iyo biyaha, sidoo kale waxaa halkaas ku yaalla biyo-xireenno muhiim u ah dhalinta korantada ee dalka qaarkood.

Heshiiska ayaa sidoo kale dhigaya in hoggaamiyihii maleeshiyaadka Kurdida ee Qasad loo magacaabo Barasaabka Gobalka Xasakah, taasoo calaamad u ah isku dhafka maamulka iyo dowladda dhexe. Dowladda Suuriya ayaa sheegtay in heshiiska uu dhaqangelayo si dhaqso ah, iyadoo la rajeynayo in tani ay horseedi doonto xasilooni waarta oo ka hirgasha waqooyiga dalka, isla markaana dib u soo celin doonta kalsoonida shacabka iyo horumarka dhaqaale.
Falalkan ayaa lagu tilmaamay kuwo taariikhi ah maadaama ay suurtogal ka dhigayaan in colaadda mudada dheer jirtay ee u dhaxaysay dowladda Suuriya iyo maleeshiyaadka Kurdida ay si rasmi ah u dhamaato, ayna dib u bilaabaan hawlaha dowliga ah iyo horumarinta gobollada muhiimka ah ee dalka.

10/01/2026

funny