เว็บไซต์คืออะไร?

https://www.facebook.com/749388141599539/

May the Analyst, Bangkok (2026)

14/01/2026

Excel မှာ column letter နဲ့ row number (A1, C3) ဆိုတာမျိုးတွေ သုံးတာကို cell referencing လုပ်တယ်လို့ ခေါ်ပါတယ်။ Cell Referencing ဘယ်နှစ်မျိုး ရှိသလဲ သိပါသလား။

ပထမဆုံးတခုကတော့ Excel သုံးဖူးသူတိုင်း သိမှာဖြစ်တဲ့ Relative Referencing ပါ။ သူက Column A (Amount) * Column B (Tax Rate) ကို တွက်ချင်တဲ့ အခါမျိုးမှာ အဖြေတွက်ချင်တဲ့ cell မှာ = A1 * B1 လို့ ရိုက်ထဲ့ပီး အောက်ဘက် row က item တွေအတွက်ဆိုလည်း drag down လုပ်သွားရင် A2 * B2 လို့ auto ပြောင်းပီး တွက်ပေးသွားတာမျိုးပါ။

ဒါဆို တကယ်လို့များ တန်ဖိုးတခုကို မပြောင်းလဲပဲ သုံးချင်တယ်ဆိုရင်ရော? ဥပမာ Tax rate 2% လို့ သတ်မှတ်ထားတယ်ဆိုရင် တွက်တိုင်းမှာ *1.02 လို့ ရိုက်ထည့်လို့တော့ အဆင်မပြေပါဘူး.. ဘာကြောင့်လဲဆိုတော့ တချိန်ချိန် နှုန်းထားက 3% ပြောင်းသွားတဲ့အခါမျိုးမှာ cell တိုင်းမှာ လိုက်ပြောင်းပေးရမှာမလို့ပါ။ အဲဒီလို အခါမျိုးမှာ Absolute Referencing ကို သုံးပါတယ်။ Column and row ရှေ့မှာ $ ခံပီး lock လုပ်ပီး သုံးတာပါ။ အဲဒီလိုဆို formula ကို ဘယ်လို copy ကူးကူး၊ drag down လုပ်လုပ် lock လုပ်ထားတဲ့ column and row က မပြောင်းတော့တာမလို့ နှုန်းထားပြောင်းချင်ရင် အဲဒီ cell တခုမှာ ဝင်ပြောင်းရုံပါပဲ။ =A1 * $B$1 ဒါမျိုးပါ။

Column ကိုပဲ lock ထားပီး row ကို ပြောင်းစေချင်တယ် သို့မဟုတ် row ကိုပဲ lock ထားပီး column ကို ပြောင်းစေချင်တယ်ဆိုလည်း သုံးလို့ရပါတယ်။ အဲဒါကိုတော့ Mixed Referencing လို့ ခေါ်ပါတယ်။ Mixed Referencing က တွက်ချက်မှုတွေ လုပ်တဲ့အခါမှာ အလွန်အသုံးဝင်ပါတယ်။

ဒါပေမယ့် ရှုပ်ထွေးတဲ့ တွက်ချက်မှုတွေ အများကြီး ပါလာတဲ့အခါ၊ တချိန်ချိန်မှာ ဖိုင်အဟောင်းတွေကို ပြန်ကြည့်တဲ့အခါ၊ တခြားလူတယောက် လုပ်ထားတဲ့ ဖိုင်တခုကို ကြည့်ရတဲ့အခါမှာ ဘယ် formula က ဘယ် cell တွေကို referencing လုပ်ထားပြီး၊ ဘယ် cell ဟာ ဘာအတွက်လဲ၊ ဒီတန်ဖိုးကို ဘယ်လိုကြောင့် ယူထားသလဲ၊ A1, B2, C5 .. တွေ အများကြီး ရှုပ်ယှက်ခတ်လို့ အဲဒါတွေ လိုက်ဖတ်နေရတာနဲ့ မူးနေတာမျိုးတွေ မကြာခန ကြုံဖူးမှာနော်။ တခါတလေ ကိုယ်တိုင်တွက်ထားတာတောင် အရမ်းများလာတဲ့အခါ အဲလိုပြန်ကြည့်နေရတာက အဆင်မပြေလှပါဘူး။ အောက်က formula ကို ကြည့်ပါ။

=SUMIF(B20:B34, ">" & $F$21,B20:B34)*$F$22

တွက်ထားတာ မှန်ပေမယ့် formula ကို ကြည့်ရုံနဲ့ ဘာကိုတွက်ထားသလဲဆိုတာ မသိနိုင်ပါဘူး။

=SUMIF(Revenue,">"&Discount_Threshold,Revenue)*Discount_Rate

ခု ဒီ formula ကို ကြည့်ရင်တော့ Revenue ရဲ့ ပေါင်းခြင်းဟာ Discount_Threshold ထက် များနေမယ်ဆိုရင် Revenue ကို ပေါင်းပြီး Discount_Rate နဲ့ မြှောက်ရမယ်ဆိုတာကို formula ကို မြင်တာနဲ့ သိနိုင်ပါတယ်။ ဘာဖြစ်လို့လဲဆိုတော့ ဒီ formula မှာ ရှုပ်ယှက်ခတ်နေတဲ့ cell referencing တွေအစား descriptive and intuitive ဖြစ်တဲ့ name ranges တွေကို သုံးထားလို့ပါ။

Excel မှာ cell တခု သို့မဟုတ် group of cells တွေကို အဓိပ္ပါယ်ရှိတဲ့ နာမယ်တွေ ပေးပြီး သုံးလို့ ရပါတယ်။ အဲဒါကို Named Ranges လို့ ခေါ်ပါတယ်။

Named Ranges ကို သုံးတာ ဘာနဲ့ တူသလဲဆိုရင် အတန်းတတန်းထဲမှာ ရှေ့ကနေရေရင် တတိယတန်း ၃ ခုံမြောက်မှာ ထိုင်နေတဲ့ကောင်လေးလို့ ပြောတာထက်စာရင် နာမယ်ကို ပြောလိုက်တာ ပိုလွယ်သလိုမျိုး၊ ဒီလမ်းထဲကို ညာဘက်ကဝင်သွားပီး ဘယ်နှအိမ်မြောက်လို့ ပြောလိုက်တာထက်စာရင် အိမ်နံပါတ် ဘယ်လောက်လို့ ပြောလိုက်တာက ပိုအဆင်ပြေသလိုမျိုးပါပဲ။

နောက်တပို့စ်မှာတော့ Named Ranges တွေကို ဘယ်လိုသုံးရတယ်ဆိုတာကို သေချာရှင်းပြပေးပါမယ်။

11/11/2025

ဒီနေ့ တိုက်တိုက်ဆိုင်ဆိုင် ဒီ memes လေး တွေ့လို့ ..

တကယ်ပါနော်.. excel ဆိုတာ microsoft office ထဲမှာ ပါတာမလို့ ကွန်ပျူတာ စသုံးပြီဆိုကတည်းက တော်တော်များများ တရင်းတနှီးကြီး မဟုတ်တောင် အနည်းအကျဉ်း သိကြ၊ သုံးတတ်ကြတာပါပဲ။ စာရင်း မှတ်တာ တွက်တာ၊ ဘတ်ဂျက်ချတာအစ seating plan လုပ်တာမျိုးအပါ အလွယ်တကူ သုံးလို့ အဆင်ပြေတာလေ…

အဲလိုမလို့ အရမ်းလွယ်သလားဆိုတော့လည်း သူ့ကို လုံးဝပြည်ပြည့်ဝဝ အသုံးချမယ်ဆိုရင် ကျယ်ပြန့်တာမလို့ လေ့လာစရာတွေ များလှပါတယ်။ အသုံးလည်း ဝင်လှပါတယ်။ ဒါကြောင့် excel က essential tools အနေနဲ့ ဆက်လက်ရှိနေရပြီး data analysis အပိုင်းမှာဆိုရင်လည်း data preparation က စလို့ visualization, power tools တွေအထိပါ သုံးနိုင်တာမလို့ လုံးဝကို ပစ်လို့မရတဲ့ tools တခုပါ။

Excel မှာ function လေး တခုကို သုံးတတ်လိုက်တာနဲ့ အလုပ်ကို အများကြီး ပိုတွင်သွားစေတာမျိုးတွေလည်း ရှိသလို.. သူ့ကို ထဲထဲဝင်ဝင် သုံးတတ်ရင် အလုပ်တွေ အများကြီး ပြီးနိုင်ပြီး အလုပ်ထဲမှာ excel ကျွမ်းကျွမ်းကျင်ကျင် သုံးတတ်ရင်တော့ ပုံထဲကလိုပဲ ဖြစ်ပါလိမ့်မယ်နော်။ 😁

ဒါကတော့ စာရေးရတာ ပျင်းနေလို့ ပေ့ါပေါ့ပါးပါး ပို့စ်ပါ။

06/11/2025

ဒီနေ့တော့ time-based project, finance and payroll, human resource အစရှိတဲ့ analysis တွေမှာ အလွန်အသုံးဝင်တဲ့ excel function လေးခုအကြောင်း ပြောပြချင်ပါတယ်။

WORKDAY, WORKDAY.INTL
ဒီ function နှစ်ခုကတော့ သတ်မှတ်ထားတဲ့ရက် (completion/target date/due date) တွက်ချင်တဲ့အခါမှာ သုံးပါတယ်။ ပုံမှန်ဆို ပေးချင်တဲ့ရက်အရေအတွက်ကို ပေါင်းထည့်ပြီး တွက်လို့မရဘူးလားဆိုတော့ ... စနေ၊ တနင်္ဂနွေပိတ်ရက်တွေ (weekends)၊ အစိုးရရုံးပိတ်ရက်တွေ (public holidays) တွေကိုပါ ထည့်တွက်ဖို့ လိုလာပြီဆို ဘယ်လိုပေါင်းမှာလဲ.. အဲဒီလိုအခါမျိုးမှာ WORKDAY သို့မဟုတ် WORKDAY.INTL function ကို အသုံးပြုနိုင်ပါတယ်။ သူတို့နှစ်ခုလုံးက user က သတ်မှတ်ပေးလိုက်တဲ့ working days ကို ပေါင်းပီး future or past date ကို တွက်တာဆိုပေမယ့် ကွာခြားချက်ကတော့ WORKDAY မှာ စနေ၊ တနင်္ဂနွေကို weekends အဖြစ် အလိုလျောက် သတ်မှတ်ပေမယ့်၊ WORKDAY.INTL မှာတော့ weekends ကို ကိုယ့်အလုပ်ရဲ့ ပိတ်ရက်အတိုင်း သတ်မှတ်ပေးလို့ ရပါတယ်။ အဲဒါအပြင် နှစ်ခုလုံးမှာ public holidays ကိုလည်း ထည့်ပေးလို့ ရပါတယ်။ holidays ထည့်တဲ့အခါမှာတော့ တခုချင်းစီ ရိုက်ထည့်တာထက်စာရင် list နဲ့ ထည့်ပေးတာက ပိုအဆင်ပြေပါလိမ့်မယ်။
=WORKDAY(start_date, days, [holidays])
=WORKDAY.INTL(start_date, days, [weekend], [holidays])

NETWORKDAYS, NETWORKDAYS.INTL
ဒီ function နှစ်ခုကတော့ သတ်မှတ်ထားတဲ့ နေ့စွဲနှစ်ခုရဲ့ကြားထဲက ကြာတဲ့ရက်ကို (စနေ၊ တနင်္ဂနွေနဲ့ အစိုးရရုံးပိတ်ရက်တွေ မပါဘဲ) working days သီးသန့်ကိုပဲ တွက်ပေးတာ ဖြစ်ပါတယ်။ အပေါ်က function နှစ်ခုလိုပဲ NETWORKDAYS မှာ စနေ၊ တနင်္ဂနွေဟာ default weekends ဖြစ်ပြီးတော့ NETWORKDAYS.INTL မှာတော့ ကိုယ့်အလုပ်ရဲ့ ပိတ်ရက်အတိုင်း သတ်မှတ်ပေးလို့ ရပါတယ်။ functions နှစ်ခုလုံးမှာလည်းပဲ public holidays ထည့်ပေးလို့ ရပါမယ်။
=NETWORKDAYS(start_date, end_date, [holidays])
=NETWORKDAYS.INTL(start_date, end_date, [weekend], [holidays])

Weekends ထည့်ဖို့အတွက်က နှစ်နည်း ရှိပါတယ်။
ပထမတနည်းက predefined numerical codes တွေကို သုံးတာပါ။ refer လုပ်ဖို့ အောက်က table မှာ ထည့်ပေးထားပါတယ်။

ဒုတိယတနည်းကတော့ 7-character string ကို သုံးတာပါ။ တနင်္လာကစပီး 0 = workday, 1 = non-workday (weekend) အနနဲ့ ထည့်ပေးရမှာမျိုးပါ။

=NETWORKDAYS.INTL("1/1/2026", "1/31/2026", "1010000")

အောက်မှာ ရိုးရှင်းပီးလွယ်ကူတဲ့ ဥပမာလေးသုံးပြထားပေမယ့် တခြားရှုပ်ထွေးတဲ့ တွက်ချက်မှုတွေမှာလည်း ထည့်သုံးနိုင်တာမလို့ အသုံးဝင်တဲ့ function တွေ ဖြစ်ပါတယ်။

Join me to explore the world of data analysis!

10/10/2025

Excel dataset တွေကို ကြည့်တဲ့အခါမှာ တချို့ text string တွေမှာ မလိုအပ်တဲ့ space အပိုတွေ ပါလာတာမျိုးတွေ၊ ဘာမှန်းမသိတဲ့ character တွေ ပါလာတာမျိုးတွေ၊ တချို့ စာလုံးတွေကို တခြားစာလုံးနဲ့ အစားထိုး သုံးချင်တာမျိုးတွေ.. အဲလိုမျိုးတွေကို ဘယ်လိုလုပ်ရမလဲလို့ သိချင်တယ်ဆို အောက်မှ ပြောပြမယ့် function သုံးမျိုးအကြောင်းကို ဖတ်ကြည့်ပါ။

TRIM
မလိုအပ်တဲ့ space အပိုတွေကို ဖယ်ရှားပေးပါတယ်။ မလိုအပ်တဲ့ space အပိုဆိုတဲ့နေရာမှာ text string တခုရဲ့ အရှေ့ဆုံးနဲ့ အနောက်ဆုံးတင် မကဘဲ၊ စကားလုံး တခုနဲ့ တခုကြားမှာပါ space တခုထက် ပိုပါနေတာမျိုးဆို single space ပဲ ချန်ပီး ကျန်တဲ့ space တွေကို ဖယ်ရှားပေးပါတယ်။
= TRIM(text)

CLEAN
ASCII character ကို ကြားဖူးကြမယ် ထင်ပါတယ်။ သူက letters, digits, punctuation marks, control characters စတာတွေကို မတူညီတဲ့ နံပါတ်တွေ သတ်မှတ်ထားပြီး ကွန်ပျူတာကို ညွှန်ကြားတဲ့ coding standard တမျိုးပါ။ အဲဒီမှာ non-printable ascii characters သုံးဆယ့်နှစ်လုံး ရှိပါတယ်။ သူတို့က ပရင်တာတို့ မော်နီတာတို့ကို new line, tab,… အစရှိသဖြင့် command ပေးဖို့ သုံးတဲ့ characters တွေဖြစ်လို့ တကယ်က မမြင်ရတဲ့ character တွေပါ။ တခါတလေကျ system တခုကနေ တခု import လုပ်တဲ့အခါ၊ ဒေတာတွေ ကူးလာတဲ့အခါမျိုးမှာ မထင်မှတ်ဘဲ အဲဒီ character တွေဟာ text string တွေနဲ့ အတူတူ ရောပါလာတတ်ပါတယ်။ မမြင်ရပေမယ့်လည်း ရှိနေတတ်ပါတယ်။ အဲဒါမျိုးတွေကို ဖယ်ရှားဖို့အတွက်ဆိုရင် CLEAN function ကို အသုံးပြုနိုင်ပါတယ်။
=CLEAN(text)

SUBSTITUTE
Text column တခုထဲမှာ text string တခုကို တခြား text string တခုနဲ့ အစားထိုးချင်တဲ့ အခါမျိုးတွေမှာ သုံးပါတယ်။ ဥပမာ.. ဖုန်းနံပါတ်ကို (555) 123-4567 လို ဖြည့်ထားတာမျိုးတွေမှာ ကွင်းစကွင်းပိတ် မထည့်ချင်တာမျိုးတွေ၊ နေ့စဉ်ကို 2025/Oct/02 လို့ ရေးထားတာမျိုးမှာ / အစား - ကို ပြောင်းသုံးချင်တာမျိုးတွေ.. အဲဒီလိုမျိုး အခါတွေမှာ SUBSTITUTE function ကို အသုံးပြုနိုင်ပါတယ်။
=SUBSTITUTE(text,old_text,new_text,[instance_num])

Optional ဖြစ်တဲ့ [instance_num] ထည့်တာနဲ့ မထည့်တာကို နောက်ဆုံးမှာ စမ်းပြထားပါတယ်။ ကိုယ်အစားထိုးချင်တဲ့ အရေအတွက်ကို သတ်မှတ်ပေးတဲ့နေရာမှာ သုံးတာပါ။

Join me to explore the world of data analysis!

02/10/2025

Data Cleaning က ဘာလို့ အရေးကြီးတာလဲ...

Data Analysis လုပ်တဲ့အခါမှာ Data Cleaning က အရေးပါတဲ့ လုပ်ငန်းစဉ်တခုပါ။ ဘာလို့လဲ... Data တွေဟာ clean and organize ဖြစ်နေမှသာ dataset က accurate and complete ဖြစ်ပြီး data integrity ရှိမှုကို အာမခံပေးနိုင်မှာ။

Data cleaning လုပ်ချင်းဟာ တိကျသေချာတဲ့ ယုံကြည်စိတ်ချရတဲ့ analytics results ရစေဖို့ အခြေခံအုတ်မြစ်တခုပါပဲ... ဒါကို Data Analysis Industry ထဲမှာ “Garbage in, garbage out (GIGO)” လို့ ခေါ်ဝေါ်ကြပါတယ်။ ဒေတာမှာ flaw ရှိနေတယ်ဆိုရင် ဘယ်လောက်အချိန်ပေးပြီး ဘယ်လိုအဆင့်မြင့်တဲ့ tools တွေ algorithms တွေ သုံးပြီး လုပ်ပါစေ.. ရလဒ်မှာ လိုအပ်တဲ့ quality, accuracy နဲ့ reliability ရှိမှာ မဟုတ်ပါဘူး။

အလွယ်ကူ မှတ်မိနိုင်ဆုံး ဥပမာအနေနဲ့ ပေးရရင်... ဟင်းချက်ကြတဲ့အခါမှာ ပါဝင်ရမယ့် ပစ္စည်းတွေမှားနေတာ၊ ပါဝင်ရမယ့် ပစ္စည်းမှန်ပေမယ့် ထည့်ဝင်ရမယ့် အရေအတွက်/အမောင့်မှားနေတာ၊ သို့မဟုတ် ပုပ်သိုးနေတဲ့ ဟင်းချက်ပစ္စည်းတွေ ထည့်သုံးမိတာ၊ သေချာသန့်ရှင်းရေး မလုပ်တာ... ထမင်းကြော်ကြတယ် ဆိုပါစို့... ထမင်းကြော်ထဲ ဖရဲသီးတွေ ထည့်ကြော်တာမျိုး၊ ဆားကို ထည့်ရာမှာ တဇွန်းရဲ့ လေးပုံတပုံထည့်ရမှာကို တဇွန်းလုံးထည့်မိတာမျိုး၊ ပုတ်နေတဲ့ ဥနီတွေ၊ အနံ့မကောင်းတော့တဲ့ အသားတွေ ထည့်မိတာမျိုး၊ အသီးအရွက်တွေကို သေချာမဆေးမိလို့ ညစ်ပတ်နေတမျိုး.. ဘယ်လို master chef ကပဲ လာကြော်သည်ဖြစ်စေ.. ဘယ်လိုမှ အရသာမကောင်းနိုင်တဲ့ ထမင်းကြော်တပွဲ အနေနဲ့ ထွက်လာမှာဖြစ်ပြီး... သုံးလိုက်ရတဲ့ အရင်းအမြစ်တွေ အချိန်တွေဟာ အလဟဿ ဖြုံးလိုက်သလိုဖြစ်ပြီး.. negative business outcomes တွေပဲ ထွက်လာမှာ ဖြစ်ပါတယ်။

Bad data leads to bad decisions. ပါ...

Data Cleaning မှာ ဘာတွေ လုပ်ရမလဲဆိုတော့...

✔️ Missing values တွေကို ဘယ်လို ကိုင်တွယ်ရမလဲ (incomplete records တွေကို အနီးစပ်ဆုံး ဒေတာတွေနဲ့ အစားထိုးရမှာလား.. ဖြုတ်ပစ်ရမှာလားဆိုတာ) ကိုယ့်ရဲ့ data set နဲ့ data input ကို သေချာနားလည်ပြီး ဆုံးဖြတ်ရမှာတွေ..

✔️ Duplicate/irrelevant records တွေကို ဖယ်ရှားပစ်တာတွေ..

✔️ ဒေတာတွေ တခုနဲ့ တခု consistent/standardized formats ဖြစ်စေရမှာတွေ.. ဥပမာ typos တွေ inconsistent capitalization, format mismatch ဖြစ်နေတာတွေ..

✔️ Outliers တွေကို identify လုပ်ပီး သူတို့ဘယ်ကဖြစ်လာသလဲဆိုတာ နားလည်ရမှာတွေ.. တချို့ outliers တွေဟာ ကိုယ်ရဲ့ရလဒ်တွေကို distort ဖြစ်စေနိုင်ပေမယ့်.. တချို့ outliers တွေကျတော့လည်း valuable insight ကို ပေးနေတဲ့ outliers မျိုးလည်း ဖြစ်နေတတ်ပါသေးတယ်။

Dataset တခုကို analysis လုပ်တော့မယ်ဆိုရင် Data Cleaning ဟာ အများကြီး အချိန်ပေးပြီး မဖြစ်မနေ လုပ်သင့်တဲ့ အဆင့်တခုပါ.. သူ့ရဲ့ Golden Rule လေးကို အမြဲ အမှတ်ရနေရမှာပါ.. “Garbage in, Garbage out” ပါ။

Join me to explore the world of data analysis!

30/09/2025

အရင်တပို့စ်မှာ မတူတဲ့ cell ထဲက data တွေကို combine လုပ်တဲ့အကြောင်း ပြောထားပြီးပြီဆိုတော့ ဒီတခေါက်တော့ text data တွေ split လုပ်တဲ့အကြောင်း ပြောရင်းနဲ့ တခါတည်း fixed length မဟုတ်တဲ့ string တွေမှာ သုံးဖို့ function လေးနှစ်ခု အကြောင်းပါ ထည့်ပြောချင်ပါတယ်။

ဘယ်လိုနေရာတွေမှာ သုံးရမလဲဆိုရင် ဥပမာ... Full name ထဲ့ထားတဲ့ထဲက family name ဆွဲထုတ်ချင်တာမျိုး၊ reports လုပ်ဖို့ dd-mmm-yy ထည့်ထားတဲ့ထဲ month ကိုပဲ ဆွဲထုတ်ချင်တာမျိုး.. အစရှိတဲ့နေရာတွေမှာ သုံးပါတယ်။

Data split လုပ်ဖို့ LEFT, RIGHT, MID function တွေ ရှိပါတယ်။

LEFT
Text string ရဲ့ အစ ဘယ်ဘက်ကနေ ကိုယ်လိုချင်တဲ့ specified numbers of characters ကို ဆွဲထုတ်ဖို့ သုံးပါတယ်။
=LEFT(text, [num_chars])

RIGHT
Text string ရဲ့ အဆုံး ညာဘက်ကနေ ကိုယ်လိုချင်တဲ့ specified numbers of characters ကို ဆွဲထုတ်ဖို့ သုံးပါတယ်။
=RIGHT(text, [num_chars])

MID
Text string ရဲ့ အလယ်ကနေ ကိုယ်လိုချင်တဲ့ specified numbers of characters ကို ဆွဲထုတ်ဖို့ သုံးပါတယ်။ ဒီမှာတော့ ဘယ်နေရာကနေ စလိုချင်တယ် ဆိုတာပါ သတ်မှတ်ပေးရမှာ ဖြစ်ပါတယ်။
=MID(text, start_num, num_chars)

အဲဒီလိုတွေ ဆွဲထုတ်တဲ့အခါမှာ တခါတလေကျတော့လည်း dd-mmm-yy လိုမျိုး fixed length ရှိတဲ့ string တွေမှာ ဆွဲထုတ်ရမှာ LEFT, RIGHT, MID function တွေကို သုံးပြီး အလွယ်တကူ လုပ်လို့ ရပေမယ့်.. အောက်က ပြထားတဲ့ example မှာဆို Purchase order number က mmm-branch-order_no အဲလိုပုံစံမျိုးနဲ့ သွားတဲ့အခါ.. branch ဟာ fixed length မဟုတ်တာကြောင့် အဲလိုအခါမျိုးတွေမှာ FIND, len function တွေကိုပါ တွဲသုံးနိုင်ပါတယ်။

FIND
Text string တခုထဲမှာ ကိုယ်ရှာချင်တဲ့ တခြား text string တခုရဲ့ starting position ကို သိချင်တဲ့ အခါမျိုးမှာ သုံးပါတယ်။
=FIND(find_text, within_text, [start_num])

LEN
Text string တခုရဲ့ အရှည် length ကို သိချင်တဲ့အခါမျိုးမှာ သုံးပါတယ်။
=LEN(text)

Branch ကို ရှာတဲ့အခါ FIND ကို သုံးပြီးတော့ရော၊ LEN ကို သုံးပြီးတော့ပါ ရှာပြထားပါတယ်။ အဲဒီနှစ်ခုမှာ ကွာခြားချက်ကတော့ FIND ကို သုံးတဲ့အခါမှာ delimiter “-“ ရဲ့ နေရာကိုရှာပီး ဆွဲထုတ်ပေမယ့် အဲလို rely လုပ်ဖို့ pattern တခု မရှိနေတဲ့အခါမျိုးမှာတော့ LEN ကို သုံးလို့ရပါတယ်။ အဲဒီမှာ function တွေရဲ့ နောက်မှာ 5 နဲ့ 10 ကို ပြန်နုတ်ထားတာကတော့ left and right strings တွေကို ဖယ်ထုတ်ပစ်ဖို့အတွက်ပါ။

Functions တွေဟာ တခုချင်းစီ အသုံးဝင်တယ်ဆိုပေမယ့် complex problems တွေ/ တကယ့် analysis တွေ လုပ်တဲ့အခါမျိုးမှာတော့ တခုထက် ပိုတဲ့ functions တွေကို ပေါင်းသုံးခြင်းအားဖြင့် ပိုပြီး အကျိုးရှိစေမှာပါ။

Join me to explore the world of data analysis!

30/09/2025

Excel data တွေကို ကြည့်တဲ့အခါမှာ.. တခါတလေကျရင် sheet တခုမှာ full name ကို သုံးထားပြီး တခြား sheet တခုမှာကျ first name, last name ခွဲထားတာမျိုး၊ လိပ်စာဆိုလည်း Full Address တနေရာမှာ သုံးထားပေမယ့် တခြားတနေရာမှာ No, Street Name.. အစရှိသဖြင့် ကွဲနေတာမျိုးတွေ ရှိတတ်ပါတယ်။ အဲလိုအခါမျိုးတွေမှာ တခါတလေကျရင် မတူညီတဲ့ column တွေထဲက text တွေကို အတူတူပေါင်းပြီး သုံးဖို့ လိုလာပါပြီ... အဲဒီလို text joining လုပ်တဲ့အခါမှာလည်း အဓိက သုံးကြတဲ့ text joining functions သုံးမျိုးနဲ့ text joining operator တမျိုး ရှိတာမလို့ အဲဒီ functions/operators တွေရဲ့ မတူညီတဲ့အကြောင်းလေးတွေနဲ့ အသုံးပြုပုံလေးတွေအကြောင်း ပြောပြချင်ပါတယ်။

CONCATENATE
သူက oldest function မလို့ နောက်ပိုင်းမှာတော့ CONCAT နဲ့ replace လုပ်လိုက်ပါပြီ။ သူ့ရဲ့ အဓိက အားနည်းချက်က range တွေမှာ သုံးလို့မရဘဲ တခုချင်းစီ ရွေးပေးရမှာပါ။ column data တခုနဲ့ တခုကြား delimiter ခံချင်တယ်ဆို manually ထည့်ပေးရမှာပါ။
=CONCATENATE(text1, [text2], ...)

ampersend_operator_(&)
သူက CONCATENATE function နဲ့ အလုပ်လုပ်ပုံ တူပါတယ်။ data cell, delimiter တခုချင်းစီ manually ထည့်ရတာမလို့ သူလည်းပဲ cells/text strings အနည်းငယ်အတွက်သာ အသုံးဝင်ပါတယ်။
=text1 & text2 & ...

CONCAT
သူက Excel2016 နောက်ပိုင်းမှာမှ CONCATENATE ကို အစားထိုးထွက်လာတဲ့ function ဖြစ်ပြီး cell range မှာ သုံးလို့ ရသွားပါတယ်။ ဒါပေမယ့် delimter ခံချင်တယ်ဆိုရင်တော့ cell တခုချင်းစီနဲ့ delimiter ကို manually ထည့်ရမှာပါ။
=CONCAT(text1, [text2], ...)

TEXTJOIN
Textjoin function ကတော့ အပေါ်ကသုံးမျိုးလုံးထက် အဆင်ပြေတယ်ပြောရမှာပါပဲ။
သူ့ရဲ့အားသာချက်တွေက.. cell range တွေမှာ သုံးလို့ ရပါမယ်။ delimiter ခံချင်တဲ့အခါ first argument မှာ တခါထည့်ထားရုံနဲ့ ထပ်ခါထပ်ခါ ထည့်စရာ မလိုတော့ပါဘူး။ နောက်တချက်ကတော့ blanks တွေကို ignore လုပ်ဖို့ set လုပ်ထားနိုင်တဲ့အတွက် empty cells တွေမှာ delimiter တွေ ဆက်နေမှာမျိုး မဖြစ်တော့ပါဘူး။ သူက Excel2019 နောက်ပိုင်းမှပဲ compatible ဖြစ်ပါမယ်။
=TEXTJOIN(delimiter, ignore_empty, text1, [text2], ...)

အဲဒီလိုတွေဆိုလို့ TEXTJOIN function ကိုပဲ အမြဲသုံးရမယ်လို့လည်း မဟုတ်ပါဘူး။ လိုအပ်ချက်ပေါ်မူတည်ပြီး ကိုယ်လုပ်မယ့် function ကို ရွေးသုံးလို့ ရပါတယ်။

CONCAT ကို cell range နဲ့ တခါ၊ delimiter နဲ့ တခါ၊ TEXTJOIN ကို ignore_empty TRUE/FALSE set လုပ်ပြီး စမ်းကြည့်နိုင်ပါတယ်။

Join me to explore the world of data analysis!

26/09/2025

Data Analysis လုပ်ရာမှာ မဖြစ်မနေ သိထားသင့်တဲ့ COUNTIF နဲ့ COUNTIFS ဆိုတဲ့ excel function နှစ်ခုအကြောင်း ပြောပြချင်ပါတယ်။
specific condition ပေါ် မူတည်ပြီးတော့ data tally လုပ်ချင်တဲ့အခါမျိုးတွေကစလို့ data quality checks, survey analysis, inventory tracking, performance review စတာမျိုးတွေထိ ဒီ function လေးနှစ်ခုဟာ အလွန် အသုံးဝင်ပါတယ်။

COUNTIF ကတော့ single condition/ single criteria နဲ့ စစ်ချင်တာ အခါမှာ သုံးပြီးတော့၊ multiple conditions/ multiple criteria ရှိလာတဲ့အခါမှာတော့ COUNTIFS ကို အသုံးပြုနိုင်ပါတယ်။

Syntax:
=COUNTIF(range,criteria)
=COUNTIFS(criteria_range1,criteria1,[criteria_range2,criteria2,…])

အောက်မှာပေးထားတဲ့ example လေးနှစ်ခုကတော့...
How many orders from East Region?
How many orders from East Region has low quantity (less than 100)?
ဆိုတဲ့ မေးခွန်းနှစ်ခုအတွက်ပါ။

Join me to explore the world of data analysis!

25/09/2025

Excel ထဲကို data entry လုပ်တဲ့အခါ data type တွေ လွဲထည့်ထားတာ၊ မသက်ဆိုင်တဲ့ ဒေတာတွေ ထည့်ထားတာ၊ null တွေ ဖြစ်နေတာ၊ မထည့်သင့်တဲ့ special characters တွေ ထည့်ထားတာ အဲဒါမျိုးတွေ မဖြစ်စေချင်ဘူး.. သတ်မှတ်ထားတဲ့ data မျိုးတွေပဲ ထည့်စေချင်တယ်၊ data accuracy and consistency ကို ပိုပီးသေချာစေချင်တယ်ဆိုရင် Data Validation ကို သုံးလို့ရပါတယ်။

ဒီနေ့ကတော့ Validation criteria တွေထဲကမှ သတ်မှတ်ထားတဲ့ list ထဲကပဲ ရွေးစေချင်တယ်ဆိုရင် သုံးလို့ရမယ့်နည်းလမ်းလေးကို ပြောပြချင်ပါတယ်။

လုပ်ရမယ့် အဆင့်တွေကတော့

⇨ Select cells
⇨ Data ⇨ Data Tools ⇨ Data Validations
⇨ Settings ⇨ choose “List” from “Allow” drop-down menu
⇨ Source ⇨ type the list of data with comma-separated

အဲဒီလို အဆင့်လိုက်လေး လုပ်သွားရင် data entry လုပ်တဲ့အခါမှာ ကြိုသတ်မှတ်ထားတဲ့ ဒေတာထဲကပဲ ရွေးလို့ရမှာဖြစ်ပြီး မှားရိုက်မိရင် Error Message တက်လာမှာပါ။ အဲဒါကို system က ပြတဲ့ပုံစံထက် ကိုယ်ပြစေချင်တဲ့ message ကို ပြခိုင်းဖို့ ဆိုရင်တော့ ⇨ Data Validations ⇨ Error Alert ကနေ လုပ်လို့ ရပါတယ်။

Join me to explore the world of data analysis!

24/09/2025

ဒီပေ့ချ်မှာ အရမ်းကျယ်ပြန့်တဲ့ Data Journey ကို လျှောက်လှမ်းကြတဲ့အခါ... Data Analysis လုပ်ရင် အသုံးပြုရတဲ့ tools and techniques တွေ၊ Excel/ Power BI/ Tableau functions တွေ၊ SQL queries လေးတွေ၊ ထည့်သွင်းစဉ်းစားရမယ့် အချက်တွေ...စတာလေးတွေကို အလျင်းသင့်သလို sharing လုပ်ပေးသွားပါမယ်...

Join me to explore the world of data analysis!

May the Analyst

14/01/2026

11/11/2025

06/11/2025

10/10/2025

02/10/2025

30/09/2025

30/09/2025

26/09/2025

25/09/2025

24/09/2025

ที่อยู่

เว็บไซต์

แจ้งเตือน

ทางลัด

แนะนำ

แชร์

ประเภท