Mansour Slah Entre Les Lignes

Mansour Slah Entre Les Lignes Conseiller , placements Achats et Ventes . Placements Achats et Ventes

24/06/2025

حرب نووية شرق أوسطية لا تخلو من الفكاهة والسينما والسخرية السوداء...المرشد الأعلى الإيراني هدد إسرائيل بمعاقبتها على سوء سلوكها وكان محقا ونفذ ما وعد ...دوما إسرائيل التلميذ المدلل والأحمق والمشاغب والعدواني ويستحق العقاب بالفلقى على قدميه لأنه دوما رهن إشارة ماما أمريكا والحاكم بأمره ترامب منذ عودته للحكم...كما كان يحدث في الكتّاب مع المؤدبين والأطفال...؟ وقبل معاقبته يكلّم المؤدّب وليّ أمر الطفل الطائش المشوّش ويخبره بأنه سيستعمل "الفلقة" في تربيته وردع فساد وطيش الفرخ... فيقول له الوليّ "حاسبني بجلده...ولا يحقّ لك غير الجلد...فلقة جلديّة سطحية تربويّة كيما تعرف وعلى قاعدة"...؟ المؤدّب في هذه الحالة وهو المرشد الأعلى للثورة الإسلامية الإيرانية... والولد المتهوّر هو إسرائيل ...والوليّ المسؤول عن الشغب الدولي هي أمريكا ترامب الٱمر والناهي في العالم أجمع ...إلى حدّ الآن الأمور لا غبار عليها وكلها تدور حول تجاوزات متبادلة... والنووي يشتهي إبادة الجميع... والقتلى بالآلاف في غزّة يوميا ومنذ طوفان الأقصى إلى الآن... القتلى والجرحى والمعاقين والجوعى وكلاب الدماء...إننا في عصر الذكاء الاصطناعي وغزو الفضاء الذي بلا قلب بشري...ويُسحق فيه الضعفاء والأبرياء والمدنيين سحقا على مرأى الجميع وفي نشرات الأنباء في الشاشة العالمية يوميا وفي كل لحظة...واليوم يطرح ترامب إيقاف الحرب وينادي بالسلام ويعطي مهلة وهو اعتراف بهزيمته وهزيمة ابنه المدلل الذي لا يرفض له طلبا...والسؤال الذي يطرح نفسه أين فلسطين وشعبها المغتصب من كل هذا رغما عن انفه لشهوة انشاء اسرائيل الكبرى كما خطط لها... ؟ فبمجرد اختراق المجال القطري لتوجيه ضربة لقاعدة امريكية بقطر دون المس من الأراضي ولا الشعب القطري...القاصي والداني من المطبعين نددوا بينما لم يحركوا ساكنا عند ابادة الشعب الأعزل الفلسطيني...؟! فبحيث انتهت الحرب... وانتهت معها أسطورة الجيش الاسرائيلي الذي لا يقهر و الحمد لله سعيد اليوم بنهاية اسطورة القبة الحديدية ...فقد تأكد للعالم أجمع انها أوهن من خيط العنكبوت...
وكمية الكذب والتعالي على العالم أجمع والتظاهربالقوة بينما بان للعيان جبنهم وخوفهم اللامتناهي عند رشقهم بالصواريخ الايرانية والمقاومة الفلسطينية وهروبهم للملاجىء وفرارهم من الأراضي المحتلة ...ان شاء الله هاته الحرب المفتعلة تكون موعظة لجميع المطبعين واولي أمر الشعوب العربية ذوي الأصفار والتملص من أمريكا ودفع الجزية كلما طلب منهم على أساس ان أمريكا انها حامية للأوطان بل هي حامية لكراسي النافذين العرب من امراء ورؤساء الوحيدين المتمتعين بخيرات اوطانهم ...🤲🤲

قيس سعيّد رئيس الدولة قائم بحملة كبرى على رجال الأعمال... الملف تلوى الملف على سبيل الذكر اولاد المبروك مالكي Monoprix...
26/09/2024

قيس سعيّد رئيس الدولة قائم بحملة كبرى على رجال الأعمال... الملف تلوى الملف على سبيل الذكر اولاد المبروك مالكي Monoprix الخ...اولاد البياحي مالكي مجمع المغازة الخ... والذي بيع زورا وبهتانا وهو ملف ضخم لتواطىء العديد من الاطراف في خوصصته للطاهر البياحي الفار من تونس من سنة 2020 والصادر في شأنه حكما بسنتين سجنا مع النفاذ العاجل في قضية تحيل...وفي حركة فاجأت الجميع ...عائلة Castel الفرنسية التي تملك أكثر من 60% من أسهم شركة S.F.B.T وما أدراك تختار إلياس الفخفاخ ليكون المدير العام الجديد للشركة بعد وفاة السيد حماد بوصبيع إلر.م.ع السابق... اتساءل اليوم هل السيد إلياس الفخفاخ خبير في البيرة وما تابع...؟! طبعا لا..!!! هل رئيس الحكومة السابق المؤهل الوحيد من مليون ونص managers إطيروا طيران ويحلمون بمثل تلك الخطة التي تسيل اللعاب من جميع النواحي المادية والإمتيازات والسفريات ...؟ دون مجهود ولا اجتهاد والبيرة قْزاز ولا حكاك تبيع روحها ومبيعاتها في تصاعد... ما يؤهله على ما يبدو هو فقط أنه رئيس حكومة سابق ذو علاقة طيبة مع رئيس الجمهورية...وأجبر على الإستقالة لقضية في تضارب المصالح وبرأه القضاء.... فتركيزه على رأس الشركة من طرف مالكي الشركة مفيد في صورة ما فتح ملف بعض les casseroles ... حركة ذكية عموما وأنا أحترم الذكاء... لكني بصراحة وانا اليوم كأحد أنصار قيس سعيد الملتحقين حديثا بمسار 25 جويلية المبارك ...اصبحت مع فكرة تأميم شركة ال S.F.B.T وخاصة مجمع شركة المغازة العامة واسترجاعهما من طرف الدولة... بدل أن تذهب مليارات المليارات سنويا في جيوب الفرنسيس أبناء الأحبّة آل CASTEL ومالكي AUCHAN الفرنسية الشريك للمغازة العامة في رأس مالها لتبيض الأموال... أما موش معقول ناس بعينها دائما داخلة في الربح و خارجة من الخسارة...تعيينو ما هواش تضارب مصالح امّا اشبهلو شوية...التأميم ثم التأميم والرحمة والشفقة لا يا قيسون...الحاصيلو البيرة تونسية وفلوسها عند القْورة....

27/06/2024

جماعة البلديات ...
إن شاء الله كل شي بالبركة... و إن شاء الله بدو بتمام...
🤣

27/05/2024

حليل أمها تونس من بنزرت لراس جدير... وذهيبة من هكّه...!

11/05/2024

Le déclin des institutions s'accélère de plus en plus ...au rythme du flux des Réseaux Sociaux... Aucune institution ne résistera au mouvement numérique de la solidarité sur les raiseaux sociaux tôt ou tard...Toute institution qui sous-estime les effets de restructuration numérique court à sa fin... Une politique numérique est devenue primordiale... Ce n’est pas du populisme... Le numérique est à sa base une dynamique universelle de partage d'information fondée sur les principes de : démocratie, égalité et justice...

14/09/2023

تمشيش تجد عليه حكاية عمر بن الخطاب...ويمشي الإخشيدي غدوة يقيل تحت شجرة في الجبانة...وإجيه واحد نصراني يقلو "عدلت فأمنت فنمت"...😮

14/09/2023

حتى في الموسيقى صوت الطبل أعلى من صوت القانون...!

29/07/2023

الي ثورجية البؤس والشأم والدجل اسأل ....ماذا صنعتم لتونس بعد الإنتفاضة...؟! قلتم أن لكم البديل وأنكم فقط تنتظرون خروج بن علي....بن علي ترككم ودفن في أرض مقدّسة ....والحزب الحاكم خُرّبَ...وآحتل أقبل البدر علينا سدة الحكم بإعانة من اولاد الأحبة والشخصيات المحذوفة عديمة الوجود بالحوانيت السياسية... أنتم ماذا فعلتم... ؟!..أسألكم على بكرة ابيكم ... هاتوا لي مشروعا واحدا بُرمِج بعد يوم الخيبة....هاتوا لي هدفا واحدا تحقّق بعد يوم "الكذبة الكبرى"... هاتوا لي حدثا واحدا يستحق الذكر بعد يوم النكسة....هاتوا لي استحقاقا واحدا نجحتم فيه بعد يوم النكبة....هاتوا لي اسما واحدا من أسمائكم لم يأخذ نصيبه من الكعكة....هاتوا لي فقيرا واحدا أطعمتموه...هاتوا لي مظلوما واحدا أنصفتموه....هاتوا لي مبدعا واحدا كرمتموه....هاتوا لي طريقا واحدة أصلحتموها...هاتوا لي مشروعا واحدا أتممتموه....هاتوا لي وعدا واحدا أوفيتم به....هاتوا لي رمزا واحدا لم تشيطنوه....هاتوا لي رجل أعمال لم تبتزوه....حتى من اقتنى مجمع المغازة العامة الرابح على طول السنين زورا وبهتانا بعشر ثمنه... وبعد أن حوكم بالسجن النافذ هربتموه ...! هاتوا لي مجرما واحدا أوقفتموه...هاتوا لي مسكينا واحدا أسعدتموه....هاتوا لي قرارا وطنيا واحدا أخذتموه...سحقا لكم ما أكذبكم....وبالفلاڨي "ووه عليكم وووه" ...يا نغارة...!

02/08/2022

ممكن هذا آخر statut ليا على الفيسبوك....
التذكير بالديمقراطية التونسية العظيمة التي يتباكى الرفاق على انتهاكها بانقلاب مزعوم ...عن الذي يحدث في تونس أو البعض مما يحدث في تونس الي لا يستحقّ لا علماء اجتماع ولا فلاسفة ولا علماء نانوفيزياء ولا قرّاء كفّ ...الذي يحدث يا سيدك يا بن سيدك إنّو رئيس برلمان في بلاد عملت ثورة هو زعيم حركة إرهابية متخلدة في ذمتها جرايم حق عام وأعمال تخريب وتفجير وإرهاب منذ أكثر من ثلاثين سنا لتالي وانت جاي.... وكيف شدّت الحكم غرقت البلاد بالمال السياسي الفاسد واستثارت الغرايز الدينية عند الناس وبدات مشروع أخونة مرّة ناعمة ومرة متوحشة في المجتمع... وعملت خطابات تحريضية ودعمت معنويا وماديا ولوجستيكيا وقضائيا حركات سلفية جهادية عيشتنا في رعب على مدى سنوات في الشعانبي في جندوبة في تطاوين في قلب العاصمة... بل إنو الأعمال وصلت لتفخيخ سيارة حرس رئاسي في شارع محمد الخامس على بعد ميتين ميترو على وزارة الداخلية ...هذا بخلاف الذبح وقصان الروس والاختطاف وزرع الألغام ووصلت لعمليات انتحارية في قلب شارع بورقيبة وفي البحيرة بخلاف أعمال العنف والتكسير والتخريب لقاعات سينما ودور ثقافة وسفارات دول أجنبية ...بل إنو الجهاديين هاذم وصلوا أصلا عندهم منابر في التلفزة ويعملوا في تهديد مباشر بالقتل والسحل وزعماء منهم تواطئت الحركة هذي باش تأمّن تهريبهم قدام الناس لكلّ وعلى مرأى من الجميع...الذي يحدث إنّو الحركة هاذي قامت بعمليات تسفير لإرهابيين جهاديين في الشرق الأوسط وأوربّا وإنّو في وقت معين تونس ولّات تحتلّ المرتبة لولى في تصدير الإرهابيين نحو العالم...الذي يحدث إنّو الحركة هاذي تورطت زادة في اغتيالات سياسية ولحدّ هذي اللحظة ملفاتها مازالت بين كرّ وفرّ وتلاعب وتورطت في عمليات متاع محاولة قتل وتشويه بالعمد لمئات من سكان ولاية من ولايات تونس بأسلحة محرمة دوليّا تتمثل في الرشّ وما أدراك ما الرشّ...الذي يحدث إنّو التمثيلية البرلمانية في تونس في الوقت الراهن بخلاف الحركة التنويريّة هاذي مقسومة بين حزب زعيمو مافيوزي متاع تبييض أموال وشركات مشبوهة متاع نهب للمال العام وديجا مرة يخرج مالحبس باش يعمل حملة انتخابية ومرة أخرى يعاود يرجع تقول لعبة غميضة ومرشح روحو لرئاسة تونس... وحزب آخر الزعيم متاعو محامي مغتصبي أطفال وجهاديين سلفيين واحد مرتزقة وكلوشار لا ذات لا صفات ... وحزب آخر موالي لسفارات دول عظمى وشركات عظمى لا تبقي لا على الأخضر ولا على اليابس ...وحزب آخر هو بقية مرسكلة متاع حزب قامت عليه ثورة من أصلو والبقية المتبقية شوية كناطرية على خلايق على مرتزقة متاع سياحة حزبية على ثلاثة كعبات من جبهة يساريّة تمثل رمز الفشل السياسي الي يمشي على ساقيه ..الذي يحدث إنّو على مدى عشر سنوات الحكومة البريمة تشدّ ثلاثة شهور واطيح... بل ثم حكومات ما نجمتش تشدّ جمعة والشعار الوحيد متاع الحكومات هاذي لكلّ هو احييني اليوم واقتلني غدوة ...حتّاش للي الملفات الحارقة متاع البلاد ماشية وتتراكم وتتزاد وتتفاقم كيف كرة الثلج للي خلطنا أصلا لحالة قريبة من الافلاس و الاحتقان الكبير والرعب والضياع التام ...الذي يحدث إنّو على مدى سنوات ولينا نشوفو في حكايات تشبّه لأفلام الفونتازيا والخيال العلمي ...كيف قطارات ما غير سائق... وميتروات تخرج على السكّة.... وباخرة في قلب بحر عرضو شليار متر مربّع تخلي البحر هذاكا لكلّ وتدخل في باخرة أخرى أجنبيّة وتخسّر البلاد في مليارات تعويض... بينما القبطان متاعها قاعد يخرط فيها في الميحاض والطاقم متاعو قاعد يسكر ويغنّي في غناية جونا فسفس المشهورة...الذي يحدث إنّو حافلات نقل عمومي و كراهب نقل عمال وفلاحين وكميونات نقل بضائع ولات ما تخضع لحتّى رقابة وحتّى صيانة وحتى احترام لمواصفات قانونية وإنّو الحوادث المأساوية ولات خبز يومي نعيشو فيه كل يوم يموتو فيه عشرات الناس في الحادث الواحد... كميونة تدخل في سوق أسبوعية تحصد عشرات الأرواح...حافلة سياحية تتقلب يموتو تقريبا جميع ركابها والقضية متاعها لتوة بين كر وفر بعد ثلاثة ولا أربعة سنين....كراهب نقل عاملات فلاحة ضد القانون وضد المنطق والعقل تتسبب في موت العشرات من النساء العاملات في الفلاحة في القصرين وبوزيد وجندوبة...الذي يحدث إنّو شوية بركة لولى عندنا إمارة مستقلة في الجنوب التونسي بدستورها وسلاحها وأميرها ومجالها الجغرافي لولا البقية المتبقية من الحس المدني للمواطنين الي منعوا الشي هذا بثمن أرواح بشرية ومآسي وجروح لتوة مازالت مفتوحة...الذي يحدث إنّو أطباء ورؤوس أموال وإداريين في مصحات خاصة وصلت بيهم الدناءة ووصل بيهم الشر والشجع إنّهم يحطّوا أعمدة قلبية فاسدة في شرايين مواطنين... وإنّو وزير صحّة يكتفي بإعطائهم توبيخ ومن بعد يمشي يجري باش يدشّن مصحات خاصة أخرى... بل يوصل يفكّر أصلا في خصخصة قطاع الصحة العمومي ومن بعد يوصل بيه الفخر والشعور بالعظمة لتقديم نفسو مرشح لرئاسة الجمهورية...الذي يحدث إنّو وزير صحّة آخر يموت بجلطة قلبية بعد القيام بعدو ريفي رمزي في إطار تظاهرة ثقافية... يموت في وسط مستشفى محلي تونسي عبارة على خربة... مستشفى عاجز كلّ العجز على إنقاذ وزير الصحة نفسو لدرجة نحسّو فيها رواحنا في رواية أو أقصوصة مرعبة لكافكا أو صاموويل بيكات أو جورج أرويل...الذي يحدث إنّو اربعطاش رضيع يموتو مع بعضهم فرد نهار بسبب مشاكل بدائية متاع تعقيم تذكرنا في الأوبئة والحروب متاع العصور الوسطى أو بداية القرن الماضي... وإنو صيديات المستشفيات وصلت ما عادش فيها أدوية حياتية كيف الأنسولين أو الأدوية المضادة لتخثر الدم أو أدوية الصرع أو غيرو.... وإنّو كل مرة تتشد سيارات إدارية ambulance ّتهرب في الدوايات سواء لليبيا أو الجزاير أو لمصحات خاصة في وسط البلاد...الذي يحدث إنّو مستشفيات جهوية وجامعية تتسرق فيها معدات تحاليل بمئات الملاين كلّ يوم عيني عينك وإنّو صفقات عمومية بالمئات حولها شبهات فساد ورغم هكاكة رؤساءالحكومات عايشين عادي جدا ومتعودين وجوهم فسفس علّخر ....الذي يحدث إنّو طبيب جراح متربّص في عوض يخدم أقل ما يمكن في إطار التربص متاعو...يكون هو المسؤول على حياة مئات الناس في جهة كاملة بولاياتها بمعتمدياتها بأريافها...ويرقد على جراية في القاع ويحطّ ساقو في مصعد يلقى روحو بين هواء وفضاء ويطيح يموت على البلاصة في سابقة تاريخية فريدة من نوعها ما صارتش في بلدان تحت القصف أو تعيش في مجاعات وحروب أهلية...الذي يحدث إنو على مدى عشرة سنين الدينار التونسي ما عادش يسوى صوردي... وإنو واحد أورو قريب يولي أربعة دينارات تونسية بينما الجهات النافذة في البلاد قاعدة تستورد في القلوب البيضاء من تركيا... وتصدر في الزيت والتمور en vrac... والفلاحين يطيشوا في صابة القوارص ويبزّعوا في الحليب في الشارع خاطر ما فماش سوق عالمية للبضاعة متاعهم ...والسوق المحلية عندكشي عندي وبكلها فوضى وحالة ضياع تام...الذي يحدث إنّو أكبر شركة انتاجية تدخل في العملة الصعبة للبلاد الي هي الفسفاط لتوة معطّلة ومستولي عليها قطاع طرق وخلايق ورؤوس أموال تكسّر في بعضها والدولة قاعدة تتفرّج في موضع العجز التام لا حراكالذي يحدث إنّو صايرة حرب أهلية في الجنوب وسكاكن وسيوفة وموتى ومجاريح على عين ماء بو زوز صوردي في الصّحراء... وإنّو البلاد موش عايشة في فراغ سياسي كاهو بل فراغ أمني ومعرفي ومواطني كامل وإنّو الي ولّى يحكم هو النعرات العصبية والقبلية لفترة ما قبل الاستعمار...وإنّو الي يفكّ هذاكا هو الي ياخذ...الذي يحدث هو أكبر كذبة في البلاد الي هي تتسمى الانتقال الديمقراطي... وإنّو بعد ما تصرفت عليه مئات المليارات في هيئات بالكدّاس...تاريخ البلاد لتوة قعد معلّق ولتوة لا تحسم في أمرو ولتوة لانا فاهمين موقفنا من نظام بورقيبة ومن نظام بن علي.... برشة قيادات وسراق موش فلتت مالعقاب فقط بل قعدت تشدّ في مراكز حكم في البلاد وإنّو ما يُسمّى بالمصالحة الوطنية وطيّ صفحة الماضي والبدء في صفحة جديدة عمرو ما صار وعمرو ما باش يصير...وإنّو النّاس الي تفهم بالحقّ أهمية المسألة هذي الخطيرة برشة تعرف مليح إنّو هذا ينجّم يتطور رويدا رويدا لحرب أهليّة سواء مسلّحة أو غير مسلّحة....الذّي يحدث إنّو بلاد كاملة هازتها الفيضانات وناس تصور على المباشر في ديارها الي قاعدة تغرق وفي أرزاقها الي قاعدة تضيع بل في ناس قاعدة تبلع فيها روقارات... ورئيسة البلدية متاع الجهة المذكورة تخرج فرد وقت تقول إنّو هذاكا إشاعات وإنّو الوضع تحت السيطرة الكاملة...الذي يحدث إنّو مهندس في الرصد الجوي بعد ما غرقو زوز بنات في حادثة مأساوية يدمى لها القلب يخرج في التلفزة ويقول هاذوما ماهمش متاع أرض... هذوما متاع سماء وبلاصتهم في السماء ويلزمنا نعملو حفلة بالخبر السعيد هذا ...الذي يحدث إنّو العالم بعث مسبار فلكي وصل خرج أصلا من المجموعة الشمسية وقاعد لتوة يصورلنا في مجاهيل الفضاء وكوادر في البلاد بمن فيها مهندسين يعملو في الرصد الجوي بالتنجيم الرباني ويحثّوا في الناس يصلّوا صلاة استسقاء باش ربّي الي قاعد فوق جبل سينا ينفخ على الغيوم ويخلّي المطر تصبّ...الذي يحدث إنّو الجامعة التونسية في السنوات الأخيرة ولات مصنّفة في أسفل الأمم في الوقت إنّو في عهد بن علي وأغلاطو الجامعة التونسية كانت محترمة والشهادات العلمية التونسية كانت مفخرة في وسط العالم....الذي يحدث إنّو في العشرية الثانية من القرن الواحد والعشرين طفلة تمشي تقرى كعابي كلمترات بعيدة على المدرسة ما غير حتى وسيلة نقل مدرسي ويهزّها الواد في سابقة تاريخية تذكّرنا في ستينات القرن الماضي وإنّو أصلا غيرها بالعشرات ما عندوش الفرصة إنّو يمشي يقرى بل هو ماهوش مقيد في سجل الحالة المدنية... نعرف مليح شنية قاعد نقول...أطفال في سنّ العشرة سنوات ماهمش مقيدين في البلدية وما يعرفوش يفكّوا الخطّ وما خضعوش لتلاقيح وما يعرفوش حدود العالم لبرّة من الجبل الي يسرحوا فيه بأربعة نعجات... ما غير ما نحكي على النساء الي عمارهم خمسة وعشرين سنا والي أميين بالكامل وخمسة صغار في جرتهم ويولدوا في الشارع وفي الميحاض وفي سيارة النقل الريفي...الذي يحدث إنّو العلم والمعرفة في تونس في السنوات الأخيرة ما عاد عنهدهم حتّى قيمة رمزية وإنّو صار اختصارهم في ها المصطلح الرّديء والهزيل والمبتذل الي اسمو المصعد الاجتماعي....في الوقت إنّو.. على أهمية المصعد الاجتماعي متاع نمي في حدّ نفسو... المعرفة كان عندها قيمة أخطر وأثمن شليار مرة من هكة وهو إنّها تصنع بشر عندو فكر وذوق وأخلاق وقادر يبدع وينتج ويفكّر ويحلّ مشاكل وأزمات وياخذ قرارات ويستشرف مستقبل...الذي يحدث إنّو المصطلح الرّكيك هذا الي اسمو المصعد الاجتماعي هو بيدو ما عاد عندو حتى معنى وماعادش أصلا فمة رابط بين الشهادة العلمية الي هي ديجا حاجة كيف الخرا ولات مفرغة مالمحتوى وبين سوق الشغل... وإنّو آلاف مؤلفة م الأطفال والشباب ينقطعوا سنويا انقطاع مبكر على الدراسة ويتحولوا لمنحرفين أو حطب أخضر لحركات جهادية أو للصوص تهريب وسرقة وسوق سوداء أو لمشاريع جثث مطيشة على سواحل بلدان مجاورة في مراكب متاع حرقة أو حتى سواحل تونسية... ولكلّنا نتذكروا الفاجعة الكبيرة متاع الجثث الي لفظها البحر على إحدى شواطىء تونس بعد ما تعرضوا لعمليات تحيّل ويمكن فيهم شكون تقتل وشكون تاجروا بأعضاؤو أصلا...الذي يحدث إنّو المثال والحلم متاع الأطفال والشبيبة توة ما عادش الكاتب أو المفكر أو الطبيب أو الباحث أو الفنان أو المهندس أو العالم أو غيرو بل هو الكناطري والسمسار ومغنّي الراب ونائب البرلمان المرتشي والممثل الكريوكة والمهرج الي لا فيه لا ذات ولا صفات ورغم هكاكة يسافر لبلدان أجنبية باش يعمل عروض متاع خرا وغداد وقيء يسمّي فيه مسرحيات وأعمال فنية...الذّي يحدث إنّو الأيقونات متاع البلاد ورموزها في نظر الشباب هوما توة كريم الغربي وولد عواطف والبلطي وكافون وبية الزردي والدباغ و صفر واللجمي les instagrameuses وإنّو الأجهزة الإعلامية النافذة في البلاد تعمل في تسويق كبير للرهوط هاذم مفسدي الفنّ ومفسدي الذوق العام ومفسدي الساحة الثقافية باش تعطي ديما الأمل في الثروة والشهرة السريعة لناس جايين من فئات فقيرة والي الأمثال هاذم يقعدولهم ديما الحلم الأقصى الممكن... الذي يحدث إنّو الفنان التونسي الي يفكّر أو يبدع أو يكتب بدمّو عايش على الهامش وساعات يخدم تحت الحيط بعقود هشة وساعات يتعرض أصلا لكافة أنواع التحيّل والقلبة والغش ...الذي يحدث إنّو القوى التقدمية في البلاد ماكلة كبوط تاريخي وتفلّقت عن بكرة أبيها سواء نتيجة أسباب هيكلية داخلية أو نتيجة عجز عن تكوين شعبية حقيقية بين الناس أو نتيجة ضعفهم أصلا أمام الماكينات الجهنمية متاع لصوص تبييض الأموال والأعمال الخيريّة والأموال السياسية الضخمة متاع المدّ الإخواني في العالم ...الذي يحدث إنّو سبيطار محلّي مسؤول على صحة آلاف المواطنين كمؤسسة صحية يتيمة في المنطقة... تلقى فيه عشرين عساس وثلاثين عاملة نظافة وعشرين شيفور وعشرة سكريتارات وخمسين إداري مقابل خمسة أطباء فقط... وإنّو الناس لكلها تترقى آليا بخلاف عمال النظافة وبخلاف الأطباء الي ما تصيرلهم ترقية كان بعد خمس سنوات على الأقل مالوظيفة وموش بطريقة آلية بل بمناظرة إقصائية تاخو كان أقل من عشرين بالميا فقط من مجملهم...وإنّو الطبيب منهم الي يؤمن في أقسام الاستعجالي أي الحياة المباشرة متاع آلاف الناس... يخلص ثلاثة دينارات على الساعة الواحدة في حصص المناوبة ....الذي يحدث إنّو البلاد تحولت لمجموعة من القبائل تتعامل بعقلية قطاع الطرق وإنّو ثروة البلاد ما عادش ملك الناس لكلّ وإنّو بخلاف السرقة والإهدار والتفريط في السيادة الوطنية من أساسو مل الجهات المتنفذة في الدولة...الثروة ولات مقسمة جغرافيّا و الاحتجاجات الاجتماعية ولات تتعامل بعقلية الرهينة وتسكير قنوات البيترول والغاز وقنوات نقل البضائع بشتى أنواعها والشعار الوحيد متاعها هو عليّ وعلى أعدائي وأنا وبعدي الطوفان... الذي يحدث هو تضييق الخناق على سوق البذور الخصبة وإنّو بالشوية بالشوية باش يقعد نوع واحد مل البذور تزرعو عام واحد بركة ومن بعد سايي طيش ربّو في مكوك فضائي خاطر ما عادش يجيب... وخاطر السوق العالمية هذيكا هي شروطها باش تتحكم في بسط السيطرة الكاملة على المجال الفلاحي بشعار وحيد هو مراكة الأرباح إلى ما لا نهاية على حساب الصحة والأمن الغذائي والاقتصاد المحلي متاع صغار الفلاحين والتجار الخ...الذي يحدث إنّو معدّل وقت المطالعة في السنة عند المواطن التونسي الشقيق هو ثلاثة دقايق...ثلاثة دقايق في العام يا بو ربّ وإنّو البلاد هذي بخلاف الجهل النشيط المشطّ الي تعاني منّو...هي تتصنّف بعد العراق- الي ديجا صاير فيها المسخ بالحروب الطائفية والحروب المصدرة من العالم أجمع وتدنّي المستوى الأدنى من المعيشة فيها.... تتصنف بعد العراق في العالم بنسب الاكتئاب والبؤس وانحدار الرغبة في الحياة لدرجة إنّو الأطفال أنفسهم ولاوا ينتحروا في عمر عشرة سنوات وثناش وثلطاش...مع أسفي الكبير على العراق واعتذاري ليها ولسكانها...الذي يحدث إنّو فوق هذا الكلّ فمّة وباء عالمي... وتونس احتلت ثاني ترتيب بلد إفريقي في نسبة الوفيات وفي نسبة انتشار الوباء ....هذا بخلاف مئات ويمكن آلاف العايلات المهددة بالفقر بما فيها العايلات الغنية الي كانت تخدم في قطاع السياحة والصناعات التقليدية والتجارة والنقل وغيرو....يزيني تعبت ومخي راب وقريب ينزّ عليّ البكاء بالشهقة ... آش باش نقول واش باش نخلّي نقعد من هنا لغدوة وما نوفاش...قالك الناس موش فاهمة وملمومة تحبّ تفهم ما الذي يحدث في تونس... وماهو سبب الاحتجاجات الليلية والنهارية وجبهة الإصلاح وهل هي أعمال شغب أم احتجاجات سلميّة بنّاءة ... نجيب قزازة نندب بيها...؟؟وتوة قالك رانا خايفين من دكتاتورية قيس سعيد ... ! ياخي عايشين معانا فرد بلاد ولا في المريخ...؟!

25/06/2022

مقصودة التدوينة إلى احد الاغبياء الذي يعاني حتما نقصا في البصر وشللا في البصيرة...ساحبي لا يمنعني أحدا من نقد ما قبل 24 وما بعد 25 لامور تهمني شخصيا ... يا معلم اين كنت قبل 25...؟! هل انتقدت يوما منظومة حكم ما قبل ذلك اليوم... ؟! الأكيد لم تنتبه لتدويناتي من قبل ...أو أنك لا تقرأ العربية ولا تفقه معانيها... والأكيد عيناك تعاني نقصا كبيرا... في البصر ...وشللا في البصيرة....يوم كنت انتقد واكتب ... الأكثر arriviste جديد طامع في حويجة ... تتباها وتفاخر و كأنكم غيرتم حالنا...ملخر يا هذا الأكيد انك كنت نائما تنشر الاكاذيب والشعارات الواهية...والوعود الزائفة...عد الى ما كنت أكتب ومواصل على نفس الوتيرة بإذن الله... انصحك بالذهاب الى أول طبيب عيون...واصلح حال بصرك ...فبصيرتك لا دواء لها ... وما تفرحشي برشا... امثالك وأولاد الأحبة مكانهم الأصلي الوسطى...انشاءالله فهمت معنى الوسطى...؟

20/05/2022

دولة الرّئيس...رئيسة حكومة الرّئيس... وزراء منتقون انتقاء من لدن الرّئيس... هيئات عليا وسفلى لصاحبها السّيّد الرّئيس... مجلس أعلى للقضاء يحوز على شهادة حصانة من كلّ إمكانيّة للتّنطّع على الرّئيس... ومع ذلك فوضع البلاد لا يقلّ تعاسة عمّا كان عليه قبل انتصاب رئيس " الشّعب يريد" حاكما أوحد...أين يكمن الدّاء إذن...؟؟ لعلّ الرّئيس المعشّش في ذهن قيس سعيّد لا يفهم ما يريده الرّئيس المقيم في قصر قرطاج...اليوم الرّئيس يعرقل الرّئيس...!!!

Address

Kalaa Kebira

Telephone

+21698640125

Website

Alerts

Be the first to know and let us send you an email when Mansour Slah Entre Les Lignes posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mansour Slah Entre Les Lignes:

Shortcuts

Share

Category