Bakourat

24/08/2026

13/08/2026

"أول فلاّحة في التاريخ... كانت امرأة." !!!

**في عيد المرأة... يلزمنا نتفكّروا حقيقة تاريخية مدهشة 🌾**

لفترة طويلة، كان الناس يعتقدوا إلّي أوّل فلاح في التاريخ كان رجل.

أما أبحاث ودراسات حديثة بيّنت إلّي في العصر الحجري الحديث (النيوليثيك) من حوالي 10 آلاف سنة، النساء اللي كانوا يجمعوا الحبوب والنباتات البرّية يومياً همّا على الأرجح أول من لاحظ كيفاش البذور تنبت وكيفاش تنجم تتزرع بحذى ديارهم .

يعني، أوّل فلاّحة في تاريخ البشرية كانت على الأرجح... **امرأة. 👩‍🌾**

ومن وقتها إلى اليوم، والمرأة تلعب دور أساسي في إنتاج الغذاء وحماية الأرض.

وفي تونس، المرأة الفلاحة والريفية مازالت واقفة في الصف الأول:
🌱 تزرع
🚜 تخدم
🐑 تربي
❤️ وتحافظ على الأمن الغذائي متاع بلادنا

في عيد المرأة، تحية تقدير واحترام لكل امرأة آمنت بالأرض، وخدمتها، وساهمت في بناء مستقبل الأجيال.

**كل عام والمرأة التونسية بألف خير، وخاصة المرأة الفلاحة والريفية. 🌾🇹🇳**

07/08/2026

الماجل تقنية فعالة ✨✨
ندرة الماء في أيامنا هاذي الناتجة على التغيرات المناخية و حدة وتيرة الظواهر الطبيعية كيما الجفاف و ندرة المطر خلتنا نعاودوا نخمموا في استعمال تقنيات قديمة كيما الماجل بش نخزنوا ماء المطر 🌧️.

وكلمة "ماجل" نقصدوا بيها منشأة تخزن ماء المطر ؛ وهو عبارة على حفرة تتوسع مالأسفل وتضيق تدريجياً للأعلى ، ويتراوح غرق الماجل بين 4 و6 أمتار فأكثر🕳️.
و المواجل موجودة بأعداد كبيرة في صفاقس و توصل تلقا في كل دار ماجل معبي بماء المطر 🌧️.
ويستخدم صاحب الماجل الماء المخزن في الصيف ☀️ وقتلي تطلع درجة الحرارة و ينقص وجود الماء 🏜️.

ماء الماجل مش منصوح بيه للشرب ❌، خاطر المطر كي تصب تنجم تتعادا على هواء ملوث يلوث الماء 💧.
لكن نجموا نستخدموه في ري المحاصيل الزراعية في أي وقت ✅، والا في الاستخدامات اليومية كيما الغسيل و الحمام وري الجنينة 🌱. الماجل يلزم يتجهر و يتنظف مرة في العام باش ما يتكونش فيه الخَزّ و الزُّغلال 🦟🪱
تونس كيما البلدان الكل تأثر الوضع المائي متاعها بالتغير المناخي ، الوضع هذا خلانا نخمموا في حسن التصرف في الموارد متاعنا و نخمموا في طرق أخرى لتوفير الماء 💧 و حسن استعمالوا و الماجل هو من أبرز و اهم هذي الحلول لذا إذا تحب تبني ماجل تنجم تاخو منحة أو قرض بلاش فايدة من الصندوق الوطني لتحسين السكن كيما يقول الأمر الحكومي عدد 1125 لسنة 2016 المؤرخ في 22 أوت 2016. 💫

03/08/2026

تعرفشي إلي إحتياجات البطاطا للماء تختلف بشكل أساسي مع عمق الجذر و حسب المرحلة مالدورة النباتية. و تكون حوالي 3-4 مم ماء /يوم قبل ما تتكون كعبة البطاطا و 5-6 مم /يوم مبعد ماتتكون‼️

30/07/2026

حرق الارض ♨️♨️
الحرق هو ممارسة زراعية متوارثة على أسلافنا، والهدف الأساسي منها هو تحضير الارض قبل زراعها ، هي وسيلة بدائية غير منصوح بيها ،تهدف للتطهير من كل الشوائب 🍂🌡️
تقوم على تقليب الأرض 🚜 والغطاء النباتي (تجريدها)🏜️ ،تقعد تشيح ومبعد تتحترق (الاحتراق المتحكم فيه ،نقوموا بتوجيه النار على كامل سطح الأرض 🟫 ) الرماد المتولد في الموقع يوفر المغذيات ويقوم بتسميد التربة الي عندها قيمة زراعية رديئة🥀 🌿.

هي ممارسة مكلفة 💲من حيث الوقت واليد العاملة ، اختفات تدريجياً في البلدان المتقدمة ↙️ و السبب هو توفر إمكانيات تسميد الارض ( الأسمدة كيميائية) و تطورها 🧫📉
و مازالت البلدان النامية تمارس فيها وقتلي يكون تاثير التسميد محدود و غير فعال (تعقيم التربة ، على وجه الخصوص و تدمير حيوانات التربة و Mycorrhizal الفطريات🦠) .
• الحرق يمكننا مالقضاء بشكل دائم على الأعشاب والطفيليات والنباتات ❇️.

• الحرق يساهم في :

- تنظيف كامل من كل بقايا الحصاد و النباتات الجافة الي تشغل مساحة وتاخر بداية النباتات العشبية في الربيع🌱 ؛
- الرماد المتولد عندوا تأثير تسميد كبير 🌿؛
- غالبًا ما تكون الطريقة الوحيدة المقبولة اقتصاديًا للحفاظ على المناطق الرعوية في التضاريس الجبلية⛰️ ؛
- طريقة فعالة لتقليل الكتلة الحيوية المتوفرة في الصيف
أثناء الحرائق🔥🔥
- إعادة فتح البيئات التي تساهم في التنوع البيولوجي 🦠🦠

• المخاطر الرئيسية لتخلينا نبعدوا علي طريقة الحرق :
- في حالة استخدام طريقة الحرق ببساطة (حرق سطحي غير مدروس و مفتعل🌡️ )، وقتها الحرق يتعارض مع حماية الارض وإعادة توطينها ؛ يقضي على جزء من التنوع البيولوجي غير قادر على الفرار (الرخويات ، الحشرات بطيئة الحركة ، اليرقات ، إلخ)🐛 ؛
-يمكن أن يؤثر ,خاصة في حالة التكرار كل عام ، على الحفاظ على التوازن البيولوجي 🐞🦋؛
- إساءة الاستخدام يحط من جودة التربة 🍂
- التحول إلى نار يولد التلوث عن طريق انبعاث الديوكسينات والفيوران (خاصة في البيئة المالحة ، بالقرب من البحر أو في التربة المملحة) 🌫️🌫️
- التلوث عن طريق انبعاث الجسيمات الدقيقة في بعض تكوينات الأرصاد الجوية الناتجة على حرق النباتات ❇️
-لازم نستناو باكثر وقت قبل مانخليوا الماشية ترعى بش مانلقاوش اثار الملوثات عضوية في اللحم ولا الحليب🐄.

هي تقنية ماننصحوش بها للزراعة المستدامة والإيكولوجيا الزراعية خاترها تلوث الغلاف الجوي بارشا وتهدد التوازن البيئي 🏞️

27/07/2026

تستعمل في الأسيد باش تسرح القطارات ؟ حاجة هايلة لكن يلزم ترد بالك من حاجتين💦💦:

🎯 الأسيد من خصايصو أن يزيد في الحموضة لذا يلزم تراقب PH متاعك باش ما يضركش في عوض ما ينفعك 🧪🧪

🎯 هو مكون من الأسيد الفوسفوري معناها قاعد يعطي في كمية من حاجيات النباتات متاعك من الفوسفور بالطبيعة حسب كمية الأسيد إلي قاعد تستعمل فيها🌱🌱. لذا من بعد يلزمك تعدل كمية الفوسفور إلي باش تزيدها للنبتة بالDAP ولا غيرو باش ما تكثرش على روحك المصاريف 💸💸😉

25/07/2026

🇹🇳🌾 في مناسبة عيد الجمهورية...

تعرفوا اللي استرجاع الأراضي الفلاحية ما كانش حدث لحظة واحدة؟

بعد الاستقلال سنة 1956، تونس ما وقفتش عند مجرد إعلان السيادة، بل واصلت لسنوات طويلة تناضل باش ترجع أراضيها الفلاحية اللي كانت مازالت في يد المعمّرين.

كان مسار طويل:
مفاوضات… محاولات شراء… وضغط سياسي واقتصادي…
وكل هذا بشوية بشوية، لين وصلنا إلى سنة 1964، وين الدولة قررت استرجاع كامل الأراضي الفلاحية عبر قانون واضح وحاسم.

وفي 12 ماي 1964 صار الحدث الرمزي الكبير:
تونس تسترجع أرضها، وتعلن نهاية مرحلة كاملة من السيطرة الاستعمارية على الفلاحة.

والأجمل من هذا الكل؟
نفس الحكاية الرمزية متاع الطاولة التاريخية:
نفس المكان اللي تم فيه إمضاء معاهدة باردو سنة 1881، تِمّ فيه إمضاء قانون استرجاع الأراضي سنة 1964.

نفس الطاولة...
أما بين تاريخين متعاكسين: 12 ماي 1881فقدان الأرض و12 ماي 1964 استرجاعها

🇹🇳🌿 عيد الجمهورية موش كان ذكرى سياسية، هو زادة قصة كفاح طويل باش ترجع الأرض لأصحابها، وترجع الفلاحة التونسية لسيادتها.

#تونس

22/07/2026

💧 تعرفشي إلي...؟

🍊 يستهلك هكتار واحد فقط من أشجار القوارص ما بين 10 آلاف و12 ألف متر مكعب من المياه سنويًا.

وهذه الكمية من المياه تعادل تقريبًا الاستهلاك السنوي لـ 60 إلى 80 عائلة تونسية، يتكون كل منها من 4 أفراد؟؟؟ 🤔🤔

16/07/2026

الكائنات الصديقة للفلاح. كيتلقاوهم استحفضو عليهم 👇🍀🐞

13/07/2026

إستغلو سخانة الصيف لصالحكم ! 🔥☀️

هالأيام السخانة برشة فرصة باهية باش تعملو تقنية التشميس للأرض أو مايعرف ب Solarisation.

✅ شنوة هي تقنية التشميس ؟
هي إنّك تغطي الأرض بّبلاستيك شفاف وتخليها تحت الشمس من 4 حتى 6 جمعات. السخانة تحت البلاستيك تقتل الديدان، الأعشاب والحشرات اللي تضر الزرع

✅ شنوة فايدتها ؟
🔹 تقلّص الأمراض في التربة 🔹 تنقص في المصروف متاع المبيدات 🔹 تحسّن خصوبة التربة وتزيد الإنتاج 🔹 تقلّص الأعشاب الضارة

✅ كيفاش تعملها ؟
1️⃣ تحرث الأرض وتسقيها شوية
2️⃣ غطّيها ببلاستيك شفاف ومشدود مليح
3️⃣ خلّيها مدة ٤-٦ جماعات وقت السخانة
4️⃣ بعد إنقضاء المدة، نحي البلاستيك وإزرع كيما تحب

📌 طريقة طبيعية، ما تكلفش برشة وتعود بالنفع على المحصول.
إستغلوا سخانة الصيف وخليوا الأرض ترتاح وتولّي خصبة! ☀️🌿