26/06/2026
كل فكرة تبدأ بحل لمشكلة !
المشكلة إلي تعرضتلها ونتخيل برشة كيفي، هي التليفون! إي إي التليفون وقت إلي ولى أولوية في حياتنا، وقت إلي أغلب وقتنا وحنا شادين تليفون بالذات كيف نكونوا متلمدين مع عيلاتنا ولا صحابنا ولا حتى في pause وقت الخدمة، نلقاو كل واحد شادد تليفونو والكلام مع التليفون أكثر مالكلام مع الناس إلي بحذانا😳
الحاجة هذي بدات تقلقني و نهار جاتني الفكرة علاه ما نعملش حاجة تخلي الناس تحكي مع بعضها وتتعلم تسمع بعضها !علاه؟ خاطرني وعيت إلي كان نكملوا هكا بش نزيدوا نبعدوا أكثر وأكثر وانا لحقيقة نحب نحكي ونحب نسمع 🗯️
وعي + فكرة = خرجت تبربيشة (و معاهم انا بطبيعة 🙈 )
تبربيشة لعبة متكوّنة من 120 سؤال تجمع بين الطفولة، العلاقات، الأهداف، الحاضر، الماضي، المستقبل... كل سؤال هو فرصة باش تعرف أصحابك، عايلتك، زمالك في الخدمة وحتى روحك بطريقة جديدة وممتعة وتكتشف حاجات عمرك ما تساءلت عليهم!
إذا انت زادة كيفي وتعاني من « سي التليفون »، جرب تبربيشة وقلّي شنوّا رأيك في الأسئلة ! نستنى مسجاتكم ❤️
Commande par message
