14/07/2026
📢 PËR HERË TË PARË DEPONITË SANITARE HAPEN PËR QYTETARËT ♻️
🌿 Një hap historik në mbrojtjen e mjedisit dhe menaxhimin e mbeturinave në Kosovë!
Në kuadër të aksionit më të madh të ndërmarrë ndonjëherë nga Ministria e Mjedisit për pastrimin e vendit, sjellim një zhvillim thelbësor: fillimin e pranimit të mbeturinave nga personat fizikë (qytetarët) në deponitë sanitare të Kompanisë për Menaxhimin e Deponive në Kosovë (KMDK).
🤝 Kjo zgjidhje u bë e mundur përmes një bashkëpunimi të ngushtë mes Ministrisë dhe KMDK-së. Duke gjetur rrugën e duhur dhe duke realizuar të gjitha investimet e nevojshme teknike dhe administrative, ne po ofrojmë për herë të parë një adresë të saktë, të sigurt dhe të ligjshme ku qytetarët mund t'i dorëzojnë vetë mbeturinat e tyre. Kjo nismë shënon një hap vendimtar dhe një qasje të re drejt synimit tonë përfundimtar: eliminimit të plotë të deponive ilegale që ndotin ambientin tonë.
📍 Pranimi i mbeturinave nga qytetarët bëhet në këto deponi sanitare:
MIRASH
LANDOVICË
VELEKINCË
DUMNICË
DETAJET E PRANIMIT
⏰ Çdo të shtunë, nga ora 08:00 deri në 16:00.
💶 Tarifa e pranimit: 10.31 € për ton.
💳 Mënyra e pagesës: Pagesa kryhet vetëm me kartelë bankare.
KUSHTET E HYRJES DHE SHKARKIMIT
✅ Lejohet hyrja vetëm me traktorë, kamioneta dhe kamionë.
🚫🚗 Për shkaqe sigurie nuk lejohet hyrja e veturave të vogla për shkarkimin e mbeturinave.
📝 Klienti duhet të regjistrohet në hyrje sipas procedurave operative.
🔍 Ngarkesa kontrollohet nga personeli përgjegjës para pranimit.
🦺 Rroba të përshtatshme pune.
❌ Personat pa pajisje mbrojtëse nuk lejohen në zonën operative.
🗣️ Duhet të respektohen të gjitha udhëzimet e stafit të deponisë.
🎯 Shkarkimi i mbeturinave bëhet vetëm në vendin e përcaktuar nga operatori.
⚖️ Klienti mban përgjegjësi për çdo dëm të shkaktuar gjatë qëndrimit në deponi.
MBETURINAT E LEJUARA PËR DEPONIM
Pranohen vetëm mbeturinat e lejuara sipas legjislacionit në fuqi, përfshirë:
🗑️ Mbeturinat komunale (shtëpiake) dhe mbeturinat e tjera me natyrë ose përbërje të ngjashme me to.
🏭 Mbetjet industriale jo të rrezikshme me karakteristika të ngjashme me mbeturinat komunale.
🏗️ Mbetjet e ndërtimit dhe demolimit (fraksioni deri në Ø 30 cm).
🛋️ Mbetjet shtëpiake të mobilieve dhe pajisjeve të demoluara (pajisje elektrike shtëpiake etj.).
💧 Llumrat nga trajtimi i ujërave të zeza, vetëm nëse:
- përmbushin kriteret për deponimin e mbeturinave jo të rrezikshme;
- janë të dehidratuara maksimalisht;
- përmbajnë jo më pak se 30% materie të thatë.
MBETURINAT E NDALUARA PËR DEPONIM
Në deponitë e KMDK-së ndalohet rreptësisht sjellja dhe deponimi i materialeve të mëposhtme:
☣️ Mbeturinave të rrezikshme.
🛢️ Mbeturinave të lëngshme ose të rrjedhshme.
☢️ Mbetjeve bërthamore, toksike dhe radioaktive.
🧱 Mbeturinave që përmbajnë azbest.
💨 Bombolave dhe kontejnerëve me gaz nën presion.
🔥 Substancave vetëndezëse dhe lëndëve djegëse të kategorisë së parë.
💥 Materialeve eksplozive/shpërthyese.
🧪 Substancave që reagojnë dhunshëm në kontakt me ujin, duke rritur temperaturën ose duke çliruar gazra.
🏥 Mbeturinave infektive spitalore dhe klinike nga institucionet mjekësore dhe veterinare.
☠️ Mbeturinave industriale që rezultojnë nga proceset e trajtimit të substancave të rrezikshme.
⛔️ E DREJTA E REFUZIMIT
KMDK rezervon të drejtën të refuzojë pranimin e çdo ngarkese që nuk i plotëson kushtet dhe kriteret e përcaktuara me legjislacionin në fuqi dhe procedurat operative të kompanisë.
⚠️ PARALAJMËRIM PËR TË GJITHË:
Tashmë nuk ekziston asnjë arsye apo justifikim për hedhjen e mbeturinave në natyrë apo në vende të papërshtatshme! Qytetarët e kanë vendin e caktuar dhe të ligjshëm për t'i depozituar ato. Ju bëjmë me dije se toleranca do të jetë zero: çdo hedhje e mbeturinave jashtë deponive legale do të ndëshkohet pa asnjë kompromis dhe me gjobën maksimale të paraparë me ligj!
MBROJTJA E MJEDISIT ËSHTË DETYRIM I SECILIT PREJ NESH, DHE SHKELËSIT NUK DO TË TOLEROHEN.
