Dr Bhawaskar Technology Agro Pvt. Ltd. Pune (2026)

27/06/2018

🌾🌾👨🏻‍💻 *Smart Kisan* 🎋🎋

*लागवड मसाला पिकांची*

*लवंग*
लवंग लागवड ही नारळाच्या बागेत करायची झाल्यास नारळाच्या चार झाडांच्या मध्यभागी (चौफुलीवर) दीड ते दोन वर्षांचे रोप लावावे. लागवडीसाठी 75 x 75 x 75 सें.मी. आकाराचे खड्डे खणून, त्यामध्ये दोन टोपली शेणखत, 1.5 किलो सिंगल सुपर फॉस्फेट मातीत मिसळून खड्डे भरून रोप लावावे. लवंग झाडांना मातीमधील ओलावा मानवतो, परंतु दलदल किंवा कोरडी जमीन ठेवू नये. झाडांना आवश्‍यक तेवढी सावली करावी किंवा बागेत केळीची लागवड करावी.

*दालचिनी*
दालचिनी लागवड अतिपावसाळा सोडून कोणत्याही महिन्यात करता येते. नारळाच्या बागेत लागवड करायची झाल्यास झाडापासून दोन मीटर अंतरावर लागवड करावी. सलग लागवड करायची झाल्यास 1.25 x 1.25 मीटर अंतरावर 60 x 60 x 60 सें.मी. आकाराचे खड्डे खणावेत. खड्डे चांगली माती, एक घमेले शेणखत, 250 ग्रॅम सिंगल सुपर फॉस्फेट व 100 ग्रॅम म्युरेट ऑफ पोटॅश यांच्या मिश्रणाने भरून ठेवावेत. लागवडीसाठी कोकण तेज, नित्यश्री, नवश्री या जाती निवडाव्यात. खड्ड्याच्या मधोमध गुटी कलमांची लागवड करावी. कलमांना काठीचा आधार द्यावा.

*जायफळ*
जायफळाची लागवड 50 टक्के सावली राहील अशा ठिकाणी करावी. नारळ, सुपारीच्या बागांमध्ये 6 x 6 किंवा 7.5 x 7.5 मीटर अंतरावर 90 x 90 x 90 सें. मी. आकाराचे खड्डे खणावेत. खड्डे भरताना वरच्या थरात सुपीक माती आणि दोन घमेले शेणखत, एक किलो नीमकेक, एक किलो सिंगल सुपर फॉस्फेट यांचे मिश्रण भरावे. लागवडीसाठी कोकण सुगंधा, कोकण स्वाद, कोकण श्रीमंती या जाती निवडाव्यात. जून महिन्याच्या सुरवातीस एक वर्ष वयाचे कलम खड्ड्याच्या मधोमध लावावे. मादी कलमांची लागवड केली असल्यास पाच ते सहा टक्के नर कलमे किंवा दहा रोपे परागीकरणासाठी व फळधारणेसाठी बागेत लावावीत. कलमांची लागवड केल्यानंतर कलमाच्या जोडाखालील येणारी फूट सतत काढावी. कलमांना गरजेनुसार पाणी द्यावे.

🌾🌾🌾🌾🌾🌾🌾🌾🌾

Address

Website

http://www.drbhawaskartechnology.com/

Alerts

Be the first to know and let us send you an email when Dr Bhawaskar Technology Agro Pvt. Ltd. Pune posts news and promotions. Your email address will not be used for any other purpose, and you can unsubscribe at any time.

Dr Bhawaskar Technology Agro Pvt. Ltd. Pune

27/06/2018

Address

Website

Alerts

Shortcuts

Share