25/06/2024
گھر میں بجلی کا بل جمع کرانے والے کو ہارٹ اٹیک سے بچائیں۔۔۔۔
گرمی کے موسم میں گھر کے اس فرد کو بجلی کا بل فوری نہ دکھائیں، جس نے ادا کرنا ہے۔ جب وہ کام سے تھکا ہارا گھر واپس آئے تو ٹھنڈا شربت پلائیں۔ پھر باتوں باتوں میں ذکر کریں کہ چینلز پر بتا رہے تھے کہ بجلی کے نرخ مزید بڑھ گئے ہیں۔
ساتھ ہی حکومت کو کوسنا شروع کر دیں۔ کچھ دیر بعد دوبارہ اصل موضوع کی طرف آ جائیں اور دو چار گھروں کی مثالیں دیں کہ فلاں کا بل تو بہت زیادہ آیا ہے۔ اگر وہ چونکے تو فوراََ وضاحت کر دیں کہ گھر میں ہر چیز بجلی سے چلتی ہے، بل تو آئے گا ہی۔
ساتھ ہی اپنی صفائیاں پیش کرنی شروع کر دیں کہ ہم تو بجلی بالکل ضائع نہیں کرتے۔ بلکہ اس کے سامنے فالتو بلب اور پنکھے بند کرنے میں پھرتی کا مظاہرہ کرتے رہیں۔ اور ہاں، ساتھ ساتھ بجلی کی بچت پر لیکچر بھی جاری رکھیں۔
جب بل ادا کرنے والا آپ سے متاثر دکھائی دینے لگے تو رات کا کھانا اس کی پسند کے مطابق بنائیں۔ کھانے کے بعد جب وہ خوشگوار موڈ میں سونے کے لیے بستر پر لیٹے تو دھیمے لہجے میں یہ انکشاف کر دیں کہ "بجلی کا بل تکیے کے نیچے پڑا ہے اور کل آخری تاریخ ہے۔ یاد سے جمع کرا دیں"۔
یہ کہہ کر بحث میں مت پڑیں۔ خاموشی سے کروٹ بدل کر سوتے بن جائیں. آپ کی ذمہ داری ختم ہو گئی۔
اب بل ادا کرنے والا جانے اور واپڈا جانے۔۔۔۔
۔۔۔۔۔۔۔
وٹس ایپیات
![[10/20, 2:20 PM] zakaullah wrach: Vacancy *ELECTRICIAN* Nationality: pakistan preferred Salary: 1200 to 1500+OT+accomad...](https://img4.businesses10.com/726/509/1040617197265091.jpg)
