Kruispad

Crossroads Coaching Services (KruisPad) is led by industry experts with a passion for personal growth, leadership, and transformative experiences.

Our goal is to guide individuals and organizations toward their fullest potential.

16/09/2026

My Daaglikse Brood
Lees Handelinge 7:54 - 8:4

Handelinge 7:55 (1983 vertaling) Maar Stefanus, vol van die Heilige Gees, het opgekyk na die hemel en die heerlikheid van God gesien en Jesus wat aan die regterhand van God staan.

- Stefanus se dood kom nou nader en dit is asof die hemel vir hom oopmaak: hy sien God se heerlikheid en Jesus wat aan die regterhand van God staan.
- Die Jode sleep vir Stefanus uit die stad omdat ‘n persoon buite die woonplek gestenig moes word.
- Die eerste fisiese vervolging van Christene begin met Stefanus se dood.
- Die vervolging wat aangevuur word deur Saulus, het egter juis tot gevolg dat die evangelie nou ook buite die grense van Judea versprei.

Gebed: Here Jesus, wanneer dit met my swaar gaan sal ek onthou dat U aan die regterhand van God staan en dat U vir my intree. Omdat U Gees in my is en omdat ek weet U sien my sal ek met moed kan aangaan, Amen.

15/09/2026

My Daaglikse Brood
Lees Handelinge 7:38-53

Handelinge 7:48-49a (1983 vertaling) God, die Allerhoogste, woon egter nie in geboue wat deur mense gemaak is nie. Soos die profeet dit stel: “Die hemel is my troon en die aarde die rusplek vir my voete", sê die Here.

- Een van die klagtes teen Stefanus is dat hy lasterlike dinge teen die tempel sê.
- Hy gebruik sy toespraak voor die Joodse Raad om juis te sê dat God nie soos ‘n afgod in ‘n tempel woon nie.
- Al is die Here deur hul voorvaders in ‘n tent vereer, woon Hy nie daarin soos van die afgode geglo is nie.
- Nee, God die Allerhoogste is verhewe bo alles, Hy woon in die hemel en sy Gees woon in dié wat in Jesus Christus glo.
- Stefanus wys hulle daarop dat net soos hulle voorvaders die boodskappers wat die koms van Jesus aangekondig het vermoor het, het hulle Jesus, die Regverdige verraai en laat vermoor,

Gebed: Here Jesus, U het Immanuel, God met ons, kom wees tot en met U hemelvaart. Dankie dat U vir die wat in U glo, U Gees gestuur het en U daarom so naby aan my is soos my eie asemhaal, Amen.

14/09/2026

My Daaglikse Brood
Lees Handelinge 7:20-37

Handelinge 7:36 (1983 vertaling) So het dit gekom dat Moses hulle uitgelei het. Veertig jaar lank het hy tekens en wonders in Egipte, by die Rooisee en in die woestyn gedoen.

- Stefanus gaan voort deur steeds nie moeite te doen om die beskuldigings teen hom te verdedig nie.
- Inteendeel in hierdie tweede deel van sy toespraak fokus hy op Moses as mens en sy geskiedenis.
- Daar is verskeie ooreenkomste tussen Jesus en Moses.
- Moses word beskryf as "magtig in woord en daad", so beskryf Lukas ook vir Jesus (vgl Lukas 24:19).
- Soos Jesus, wou Moses byvoorbeeld ook verlossing bring en versoening en vrede bewerk.
- Al die ooreenkomste tussen Jesus en Moses bevestig vir Stefanus dat Jesus inderdaad die lang verwagte Messias is.

Gebed: Here Jesus, ek loof U as my Messias, my Verlosser wat gekom het om my vry te maak van die sondestraf wat die dood is, Amen.

13/09/2026

My Daaglikse Brood
Lees Handelinge 7:1-19

Handelinge 7:1-2a (1983 vertaling) Die hoëpriester vra toe vir Stefanus: “Is dit waar?” Toe sê Stefanus: “Broers en vaders, luister na my!

- Die aanklag teen Stefanus is dat hy lasterlike dinge teen die tempel en die wet van Moses sê.
- In reaksie op die hoëpriester se vraag of die klag teen hom waar is, lewer Stefanus die langste toespraak in die boek Handelinge.
- In die eerste gedeelte van die toespraak sluit Stefanus aan by die geskiedenis van hulle voorvaders.
- Hy antwoord die hoëpriester se vraag dus nie direk nie maar sluit op indirekte wyse aan by die vraag oor die wet en die tempel.
- Hy gebruik die toespraak uiteindelik nie om homself te verdedig nie, inteendeel hy spreek steeds kritiek uit teen die tempel.
- Hy gebruik egter sy toespraak as ‘n geleentheid om vir Jesus te getuig.

Gebed: Vader God, help my om wanneer die geleentheid daar is om van U liefde en U goedheid te getuig, ek U Goddelike Waarheid met oorgawe sal kan oordra, Amen.

12/09/2026

My Daaglikse Brood
Lees Handelinge 6:1-15

Handelinge 6:10 (1983 vertaling) Hulle was egter nie opgewasse teen die wysheid wat hy van die Gees ontvang het en waarmee hy gepraat het nie.

- Die apostels se werk neem só toe dat sewe diakens gekies moet word om die apostels te help.
- Hulle sou konsentreer op die versorging van die behoeftiges, sodat die apostels hulle aandag kon gee aan gebede en woordverkondiging.
- Stefanus, wat as een van die sewe nuwe diakens aangestel is, was ‘n man van vaste geloof en vol van die Heilige Gees.
- Hy het sy diakenwerk met groot ywer aangepak en ook nie gehuiwer om kritiek te lewer teen die tempel en die Joodse Raad nie.
- ‘n Vooraf beplande komplot word duidelik wanneer Stefanus valslik beskuldig word voor die Joodse Raad.
- Hierdie was die skerpste teenkanting wat die gelowiges tot op daardie stadium ondervind het.

Gebed: Here Jesus, vul my deur U Gees met die wysheid wat ek nodig het om te getuig van U kruisdood en opstanding wat verlossing bring vir elkeen wat dit glo, Amen.

11/09/2026

My Daaglikse Brood
Lees Handelinge 5:1-42

Handelinge 5:38b-39a (1983 vertaling) ... want as wat hulle wil en wat hulle doen, mensewerk is, sal daar niks van kom nie. Maar as dit van God kom, sal julle hulle nie kan keer nie.

- Ananias en Saffira se dood is ‘n waarskuwing aan almal dat God se eer nie aangetas mag word nie.
- Die hartseer gebeure rondom Ananias en Saffira stuit egter nie die verspreiding van die evangelie nie.
- God se wondertekens gaan voort en die apostels word byvoorbeeld op ‘n wonderbaarlike wyse uit die tronk bevry.
- Gamaliël wys die Raad daarop dat die werk van die apostels van God af kom en daarom sal die Raad dit nié kan keer nie.
- Selfs as hulle uiteindelik lyfstraf kry, word die apostels daardeur gemotiveer en gaan die verspreiding van die evangelieboodskap voort.

Gebed: Almagtige God, dankie dat niks U verlossingsplan kon stuit nie; Here, U liefde en trou is wonderbaar, ek loof en prys U, Amen.

10/09/2026

My Daaglikse Brood
Lees Handelinge 4:1-37

Handelinge 4:32a (1983 vertaling) Die groot getal wat gelowig geword het, was een van hart en siel.

- Die Raad wil by die apostels hoor van wie hulle die krag ontvang het om die verlamde man te genees.
- Petrus getuig dat hulle die krag van Jesus ontvang het en beskuldig die Raad daarvan dat hulle vir Jesus laat kruisig het.
- Die hele saak bereik ‘n skaakmat-situasie wanneer Petrus en Johannes aan die Raad vra om self te besluit of hulle as Raad meer mag het as God.
- Die verloop van die verhoor het die gelowiges se geloof verder versterk.
- Die getal gelowiges het toegeneem en hulle geloof is tasbaar uitgeleef deur liefdesdade aan mekaar (verse 32 - 37).
- Hierdie Christene se gedrag het deur die eeue vir gelowiges 'n voorbeeld gebly.

Gebed: Here Jesus, help ons om mekaar se belange en behoeftes raak te sien en in liefde na mekaar uit te reik. Mag ons lewens U eer, Amen.

09/09/2026

My Daaglikse Brood
Lees Handelinge 3:1-26

Handelinge 3:19 (1983 vertaling) Daarom, bekeer julle en kom tot inkeer. Dan sal God julle sondes uitwis.

- Petrus gebruik die genesing van ‘n verlamde man om die skare se aandag op Jesus te vestig.
- Hy wys die skare daarop dat hierdie Jesus wat deur die profete voorspel is deur hulle dood gemaak is.
- Die belofte aan Abraham het egter waar geword deurdat Jesus eerste na hulle as Jode gekom het.
- Petrus gebruik hierdie positiewe aanknopingspunt om met die skare oor bekering te praat; Jesus vergewe sondes en help mense om te breek met ‘n sondige lewe.
- Dit is vandag steeds die bekeringsboodskap wat die wêreld moet hoor: kom tot inkeer dan sal God julle sondes uitwis.

Gebed: Vader God, dankie dat U Jesus na ons toe gestuur het om vir ons 'n reddingseën te wees. Dankie Heilige Gees dat U ons van ons verkeerde paaie af terugwink na Goddelike liefde en vergifnis toe, Amen.

08/09/2026

My Daaglikse Brood
Lees Handelinge 2:29-47

Handelinge 2:42 (1983 vertaling) Hulle het hulle heelhartig toegelê op die leer van die apostels en die onderlinge verbondenheid, die gemeenskaplike maaltyd en die gebooie.

- Van die belangrikste kenmerke van die eerste gemeente word hier uitgewys.
- Dit is opvallend dat gemeenskap (“koinonia”), samehorigheid en eensgesindheid vir hulle belangrik was (verse 42, 44 - 47).
- Dit is ook duidelik dat die gemeente in Jerusalem met hulle toewyding aan die Here en hulle onderlinge liefde en ywer aansteeklik in hulle gemeenskap gewerk het.
- Vir die wat nuut tot geloof in Christus kom is kontak met medegelowiges van uiterste belang.
- Die beste getuienis oor Christus is steeds wanneer gelowiges met hulle léwens wys dat Hy 'n daadwerklike verskil bring.

Gebed: Abba Vader, help my om die belangrikheid van kerk-familie te verstaan. Skep in my 'n honger om met mede-gelowiges te wil aanbid en saam U koninkryk te bou, Amen.

07/09/2026

My Daaglikse Brood
Lees Handelinge 2:16-28

Handelinge 2:21 (1983 vertaling) So sal dit dan wees: elkeen wat die Naam van die Here aanroep, sal gered word.

- Die “laaste dae” (Hand 2:17) verwys hier na die tyd tussen Jesus se eerste en sy tweede koms.
- Petrus sê dus eintlik: “Só sal dit van nou af wees ...”.
- Petrus stel dit duidelik dat Jesus se opstanding deel van God se plan was.
- God het deur Jesus se opwekking bevestig dat Hy sy Seun is; die Messias wat nie in die greep van die dood sou bly nie!
- Die geloof in Jesus se opstanding was een van die belangrikste dryfvere vir die vroeë kerk om die evangelie uit te dra en dit is vandag steeds die fondament.
- Paulus skryf in die Bybel dat as Christus nie opgestaan het nie, sou prediking leeg wees en die geloof nutteloos.

Gebed: Here Jesus, ek is so dankbaar en bly dat die dood U nie gevange kon hou nie en dat U lewe! Daarin lê my hoop! Ons kan U aanroep, ons sondes en afhanklikheid van U as ons Redder, in geloof bely, en ons sal gered wees, Amen.

Address

The Agenda, Abdulla Omram Taryam Street
Dubai

Opening Hours

09:00 - 10:30

Website

https://crossroadscoachingservices.com/

Alerts

Be the first to know and let us send you an email when Kruispad posts news and promotions. Your email address will not be used for any other purpose, and you can unsubscribe at any time.

Want your business to be the top-listed Business in Dubai?