عادل المراكشي إستشاري التسويق

25/08/2026

قبل ما تعمل اي مشروع لازم تفكر فمشروع بيقدم فايده للناس مهمة جدا جدا .. مثلا حل لمشكله مثل ما فعلت أوبر .. او أشباع رغبة قليل من يقدمها .. او مفقوده لدي الناس.. بكده انت هتكون مميز.. ودا افضل ما تعمل مشروع الكل عامله والسوق متشبع منه.. الا اذا كنت هتقدم ميزة جديدة مش موجودة عند غيرك..
عموما احنا بنأخذ بالأسباب وبنسعي .. وطالما النيه كويسه يبقي التوفيق من الله هيتم باذنه وبفضله سبحانه وتعالى.

25/08/2026

24/08/2026

سؤال من عضو :
انا عايز ابقي حووووت تسووويق قولى اعمل ايه يا أستاذ. عادل؟......
شوف يا اخى الكريم اول ..
ما تلاقي محل زحمه ادخل شوف سبب الزحمه.
لما تلاقي فكهانى ناس كتير بتشكر فيه روح شوف سبب شكر الناس فيه ..
لما تلاقي اى ناجح. .. والناس اللى اتعاملت معاه بتتكلم عليه كويس .. ادرسه كويس اوى ..
اول السلم هتتعلم من الناس اللى متعلمتش تسويق ولكن اكتسبته من السوق ومن كتر تعاملاتهم .. ل
و السوق علمها ازاى تكسب الزبون .. الناس دى اللى تم دراسة اسباب نجاحها ثم تم تأليف كثير من كتب التسويق بناء على تلك الاسباب واظهارها بصورة واضحه ..
علشان تكون ناجح في التسويق ..
ادرس .. انزل السوق .. نفذ .. جرب .. جرب تانى .. فشلت في البدايه؟ يابختك .. لانك عرفت سبب بيخليك تفشل وانت لسه على البر فالمكسب اكبر من الخسارة .. لانك لسه فالبداية..
لكن مش عايز اعمل لأى حد احباط .. ف التسويق معظمة موهبة والموهبة بجانب ما سبق تخليك حووووت .. بفضل الله .. والموهبة دى نعمه من الله باذن الله يرزقك بيها لما هيكون راضي عنك .. فلا تقلق .. طالما بتحاول ديما تحسن علاقتك معاه سبحانه وتعالى ..
اقولك على كلمه تختصر كل دا وتختصر معنى التسويق كله ..
وانت بتعمل اى خطوة في التسويق .. خلى هدفك اسعاد الناس .. ورضي رب الناس ..
متخليش هدفك الربح اولا بل السعادة اولا..
وقتها مش هتلاحق على النجاح .. الجميل انه هيبقي نجاح في الدنيا وهتعيش كأنك في الجنه على الارض .. الناس بتدعيلك وبترشحك لغيرها وبالتالى شغلك بيزيد ..
ورب الناس راضي عنك ... وحسناتك بتزيد ومتحوشة لك بعد الدنيا ترفعك درجات في جنه الرحمن.
بذمتك في اكتر من كده حياة سعيدة 😊
طبعا دا مش اقتراحات ولا كلام نظرى .. دا عن تجربة وواقع حقيقي لمعظم من ادرك تلك الحقيقه..
أسأل الله لكم جميعا التوفيق والفلاح في الدنيا قبل الاخرة .. طبعا لان الدنيا هى المرحلة اللى قبل الاخرة 😊.
انا فعلا بحبكم في الله ..
وكل كلمه بكتبها .. بكتبها من قلبي وبتمنى انها ترفع غمه عن حد وتكون سبب في راحة باله وسعادتة وبالتالى سعادة عيلته واولاده واسرته.

24/08/2026

24/08/2026

زكريات من زمن فات .. مين حضر حاجه من دول؟

24/08/2026

أعمل اللى بأنصحك بيه .. وبعد كام سنه هتعرف قيمة النصيحه .. وياريت اللى جربها وعارف ليه انا بأنصح بكده يقول لنا.

24/08/2026

أبني كام معايا مره وانا بشتري بضاعة وأتحملت في عربية .. ولقاني بأسلم على أصحاب البضاعة ومشينا .. واحنا ماشيين بيقولى "حضرتك مدفعتش فلوس البضاعة" ..
قلت له هي دي يابنى السمعه اللى انا سايبها لكم ..
لما تعمل سمعه وتحافظ عليها الكل هيبقي يتمنى يتعامل معاك ..
لانك تاجر مضمون .. والأهم انك لاقدر الله لك وقعت هتلاقي الكل واقف جنبك لغاية ما تقوم تاني ..
علشان كده اوعى اوعى تهز سمعتك فالسوق ..
واوعى تفتكر انك لما تتعب حد .. الأمر هيبقي بينك وبينه ..
لا خالص .. دا بيسمع عند الكل .. ومن هنا بتتهز الثقه وتتهز السمعه.
قلت لحد هدفع اللى عليا يوم السبت يبقي لاااازم تلتزم ولو هتستلف .
اديت كلمه لحد يبقي لازم تلتزم ولو فيها خسارة ماديه ..
لان الخسارة الماديه تتعوض انما السمعه لأ خالص.
دى اهم نصيحه واهم صفه لازم تكون فيك لو عايز تستمر وتكبر في السوق.

14/08/2026

قال: الواد خد الفلوس واختفى 😳
وانا نازل من الاتوبيس كان فى مسمار فى الباب فا فتح صباعى وايدى غرقت دم ، مالقتش قدامى غير ولد فارش بمناديل على الرصيف ، سحبت منه علبه بسرعه ونشفت الدم اللى فى ايدى ..
بحاسبه لاقيت معايا ٢٠٠ جنيه صحيحه ..
الولد فارش بكرتونه صغيره قالى هات افكهالك ولاقيته مشى بالكرتونه ..
فضلت واقف مستنيه اكتر من ربع ساعه ان ده يرجع مارجعش 🙄..
قولت خلاص بقى يعوض عليا ربنا ...
طبعا ندمت قوى انى طلعت بالسذاجه دى وعيل صغير يضحك عليا ..
ده غير ان دى كانت اخر ٢٠٠ جنيه فى جيبى وخلاص كنا فى اخر الشهر والمرتب الله يرحمه بقى ..
الولد ده بيفرش بمناديل على رصيف العماره اللى فيها المكتب بتاع الشغل ..
عدى يوم واتنين وتلاته والواد ماظهرش خالص ، قولت فى بالى مستحيل يجى تانى ما خلاص بقى اكيد فرش فى حته تانى ...
تانى يوم الصبح نازل من الاتوبيس وطالع المكتب ، لاقيت واحد بينده عليا ..
ياعمو ياعمو ياعمو ..
ببص كدا لاقيت عيل صغير ورابط دراعه مكسور ، دققت فيه وافتكرته قولتله هو مش انت بتاع المناديل ..
قالى ايوه ، انا جايلك عشان اديلك الباقى ، معلش وانا بجرى المره اللى فاتا عشان افك ، خبطنى راجل بعربيته كسرلى دراعى ...
😳بصيتله وقولتله انا اسف حقك عليا 😢
قالى لا ماتتاسفش دانا اللى بشكرك دانت كنت فاتحة خير عليا ..
قولتله ازاى !! 🤨
قالى الراجل اللى خبطنى راجل طيب قوى وغنى 😇 ولما عرف انى بسرح بمناديل ، قرر انه يتكفل بتعليمى ويدخلنى مدرسه ويتكفل بكل مصاريف دراستى لغاية الجامعه 🥰✌✌🤩..
ترتيب ربنا عجيب جدا 🥰
ثق فى تدبير ربنا، لأنه دايمًا شايف الصورة كاملة وبيختار لك الأفضل حتى لو إنت فاكر العكس في اللحظة دى........
سبحان الله .. ياترى تفتكر موقف سئ حصلك وكانت نتيجتة بعد كده خير؟

14/08/2026

للأذكياء فقط :
ماذا تعني الجملة المكتوبة على السيارة؟