29/06/2026
गजल
मैले तिमी पाए भने, म खाली पाना खोज्छु,
मनका सबै अनुभूति लेख्ने बहाना खोज्छु।
शब्दहरू आफैं फूल बनी कापीभरि मुस्काउन्,
तिम्रो नामले सजिने एउटा तराना खोज्छु।
एउटा साधारण कलमले इतिहास लेखिदियोस्,
त्यसैको मसीमा डुबेको प्रेमको खजाना खोज्छु।
तिम्रो हाँसो अक्षर बनोस्, तिम्रो याद कविता,
हरेक हरफमा धड्किने मीठो अफसाना खोज्छु।
समयले मेट्न नसक्ने अमिट प्रेमको दस्तखत,
जीवनभर टिकिरहने त्यस्तो निशाना खोज्छु।
संसारले कथा भनून्, हामी गजल बनौँ,
तिम्रो साथले उज्यालिने नयाँ जमाना खोज्छु।
अब कमेन्ट मा भन्नुस् म को हुँ?
✍️लेखक:- निखिल उप्रेती 'प्रेमविलासी'
