26/05/2026
د افغانستان شریف او متدین ملت او ټولو ګرانو هېوادوالو ته!
السلام علیکم ورحمة الله وبرکاته،
د نېکمرغه لوی اختر په مناسبت، د زړه له کومې ستاسو ټولو غیورو او درنو هېوادوالو ته مبارکي وایم. الله تعالی دې ستاسو عبادتونه، حجونه او قربانۍ په خپل عالي دربار کې قبولې کړي.
اختر د یووالي، ورورولۍ او د نېکو انساني ارزښتونو د پیاوړتیا زرین چانس دی. موږ په داسې حال کې د اختر خوښۍ نمانځو چې زموږ ستر ارمان د هېواد ابادي، اقتصادي پرمختګ او پر ځان بسیاینه ده. لکه څنګه چې زموږ شعار دی: «زموږ بریا ستاسو په رضایت کې ده»، موږ ژمن یو چې د کورني تولید او صنعت په پیاوړتیا سره د خپلو هېوادوالو د هوساینې لپاره خدمت وکړو.
د لوی رب له درباره غواړم چې دا اختر زموږ په ګران هېواد کې د تلپاتې سولې، ثبات او د اقتصادي نېکمرغۍ پیلامه وګرځوي.
اختر مو مبارک او هر ورځ مو اختر شه!
په درنښت،
حاجي حیات الله لغماني
د باغبان PVC او په ننګرهار کې د PVC شرکتونو د اتحادیې رئيس
