11/11/2024
ټولو د زده کړې تږیو ځوانانو او په ځانګړې ډول د شرعیاتو پوهنځي هغو محصلانو ته چې پر عربي ژبه سم او بشپړ ډول د مطالعې توان نه لري دا زیری ورکول کیږي چې بنده د لوړو زده کړو وزارت لخوا په نوي نصاب کې داخل کړل شوی ( القواعدالفقهیة) نومی کتاب په روانه او آسانه پښتو ژبه وژباړلو او چاپ ته وسپارل شو چې ډېر ژر به ستاسو د ګټې ور وګرځي.
یادونه:
۱- اصل کتاب چې په عربي دی پېچلی، مسائل یې پرله پسې دي، خو په ژباړه کې یې د اصل موخې په را اخېستو او د شونتیا تر بریده د پښتو روان والي او آسانولو هڅه او کوښښ شوی دی.
۲- په اصل کتاب کې په بېلګو، تفریعاتو، اړوند مسائلو او استثناءاتو کې ځینې فقهي اصطلاحات راغلي چې د ژباړن لخوا د فقهې له باوري سرچینو څخه د هغو اصطلاحاتو تعریف او وضاحت او ځینې اړین شرطونه د یادونې تر سرلیک لاندې ور زیات کړل شوي دي.
۳- د هرې قاعدې له ژباړې، شرحې، تفریعاتو او اړوند مسئلو وروسته د وهغې استثناءات ټول تر بېل بېل سرلیک لاندې ژباړل شوي چې په اصل کتاب کې دا ټول مسلسل او پرله پسې راغلي چې کله ناکله لوستونکی له ستونزې سره مخ کېدای شي.
کابل ولایت : اکسوس کتاب پلورنځۍ، سروش کتاب پلورنځۍ او نور کتاب پلورنځۍ
ننګرهار ولایت: مومند کتاب پلورنځۍ، ګهیځ کتاب پلورنځۍ او دوست کتاب پلورنځۍ
کندهار ولایت: مطالعه کتاب پلورنځۍ، کروړ کتاب پلورنځۍ، مکتبه غفاریه او مکتبه رشیدیه
هلمند ولایت: تاج منور کتاب پلورنځۍ
زابل ولایت: خیرخواه کتاب پلورنځۍ
