15/07/2025
د ستر ولسي او حماسي شاعر مطیعالله تراب د مړینې له امله د تسلیت پیغام!!!
په ژور درد، دروند افسوس او د زړه له کومي خواخوږۍ سره مو خبر ترلاسه کړ چې د پښتو ژبې ملي، ولسي او حماسي شاعر، مفکر، لیکوال او د افغان ملت وجدانلرونکی غږ مطیعالله تراب د زړه د حملې له امله د فاني نړۍ سترګې پټې کړې.
مرحوم تراب د ادب له لارې ملت بیداره ساته، د احساس، غیرت او هوډ څراغونه یې بلول. هغه د ملت د زخمونو ژباړونکی، د مظلوم لپاره آواز، او د حقیقت لپاره کلک دریځ و. د هغه شعرونه یوازې ادبي تولیدات نه، بلکې ملي دعوتونه وو—د وجدان نه راپورته شوي او د نسلونو لپاره الهام بښونکي.
وزیرزی ګلوبل ګروپ چې د افغانستان د پرمختګ، پانګونې، او ملتپال خدمتونو ترڅنګ فرهنګي ارزښتونو ته ژور درناوی لري، دا ضایعه د افغانستان د ادبي، فکري او ولسي هویت لپاره یو نه جبرانېدونکی زیان ګڼي.
موږ د ارواښاد مطیعالله تراب درنې کورنۍ، فرهنګي ټولنو، د ادب مینوالو، او د افغان ملت هر وګړي ته د زړه له کومې خواخوږي، تسلیت او دعا وړاندې کوو. لوی رب دې هغه ته جنتونه نصیب کړي، او نوم، پیغام او فکر یې تلپاتې وساتي.
انا لله و انا الیه راجعون
په درنښت،
وزیرزی ګلوبل ګروپ
