زراحمد سرفراز جبارخیل

زراحمد سرفراز جبارخیل Pashton

Loadînğ ▂ ▃ ▄ ▅ ▆ ▇ █ 100 % cømplete Facebook V.I.P Account █║▌│█│║▌║││█║▌│║█║▌ ® Official profile Loading __ _ ♥♥Always♥♥ 2014-2018
Suggest a Photo

Save
Edit
About
Zar Ahmad khan Sarfiraz jabarkhil

ټرمپ وایي: جګړه تر ډېره حده پای ته رسېدلې او مونږ ګټونکي یو.ایرانیان ورته وئ:آیا تا نظام نسکور کړ؟آیا تا غني شوی یورانیم...
11/03/2026

ټرمپ وایي: جګړه تر ډېره حده پای ته رسېدلې او مونږ ګټونکي یو.

ایرانیان ورته وئ:

آیا تا نظام نسکور کړ؟
آیا تا غني شوی یورانیم تر خپل کنټرول لاندې راوستل؟
آیا تا اټومي مرکزونه ویجاړ کړل؟
آیا تا بالستیک توغندي بند کړل؟
آیا تا د هرمز تنګي بندیز مات کړ؟
آیا تهٔ وتوانېدې چې د الوتکو لېږدونکې پرمختللې امریکایي بېړۍ ایراني اوبو ته نږدې راولې؟
آیا پهٔ سیمه کې تا خپلې پوځي اډې د ویجاړېدو څخه وساتلې؟
ایا تا خپل ناقانونه دولت (اسرائیل) د توغندیو لهٔ بریدونو څخه خوندي کړ؟

دا یو هدف هم تا نهٔ دی تر لاسه کړی، نو څنګه ګټونکی یې؟
ته مات شوی یې، مات شوی.
زراحمد سرفراز جبارخیل

د جنازې خبرتیاإِنَّـا لِـلَّـهِ وَ إِنَّـا إِلَـیْـهِ رَاجِـعُـونَ 💔😰💔د مـرحوم ســرفــــراز خان لـمسـیډګروال حبیب الله...
09/01/2026

د جنازې خبرتیا

إِنَّـا لِـلَّـهِ وَ إِنَّـا إِلَـیْـهِ رَاجِـعُـونَ 💔😰💔

د مـرحوم ســرفــــراز خان لـمسـی

ډګروال حبیب الله میرمن

په ژوره خواشینۍ او د زړه له درده ټولو درنو خپلوانو، دوستانو، او خواخوږو ته خبر ورکول کېږي چې:

مرحومه د مرحوم حاجي صاحب محمد حسن سرفراز لور، د مرحوم حاجي صاحب محمد امین سرفراز ، ورېره،مرحوم ډګروال حبیب الله جبارخیل میرمن د حاجي روح الله جبارخیل ، انجینر وحیدالله جبارخیل او انجینر نوید الله جبارخیل مور بي بي،
د تقدیر له‌خوا د فاني دنیا نه د بقاء پر لور وکوچېده.

مرحومه همداراز:

د حاجي معلم مـعـاذ الله خان ، د ، مرحوم حاجي ارســلا خـان، محترم سيد حسن خان ، انجنیر نور حسن خان ، انجنیر شیر حسن خان خور

د ډاکتر داد محمد، حاجي نعيم خان، معلم اختر محمد، محترم احمد خان، محترم طلا خان، محترم حسين، معلم امان الله د تره لور

د محترم شیراحمد خان سرفراز ، محترم رحمت الله خان سرفراز ، محترم سيد حسين سرفراز، محترم ، زرولی خان سرفراز ، محترم، بشارت خان سرفراز ، امه جان

او د محترم ميرويس خان، محترم محب الله خاله
محترم محمد وقاص صاحبزاده لـمسـي
د جنازې مراسم

د جنازې لمونځ به، د جمعی په ورځ، بعد د لمانځه په ١:٣٠ بجو،
د کابل چاراهی قمبر حضرت یونس جامع مسجد کې ادا کيږي
او له هغې وروسته به مرحومه د جلال اباد ښار د مولوی خالص فامیلو په هدیره کې به خاورو ته وسپارل شي.

ټولو درنو خپلوانو، دوستانو او خواخوږو ته خبر ورکول کېږي چې د جنازې مراسمو کې ګډون وکړي،
د مرحومې د مغفرت، جنت الفردوس،
او د کورنۍ د صبر او تسلیت لپاره دعا وکړي.
إِنَّـا لِـلَّـهِ وَ إِنَّـا إِلَـیْـهِ رَاجِـعُـونَ
الله تعالی دی وبښه او جنت الفردوس دی ځای شه عمه جانی.🤕الله تعالی دی ټولی کورنی ته صبر جمیل ورکړی فانی دنیا 🥹
له لوی رب العالمین څخه د مرحومې لپاره د بخښنې،
او د کورنۍ ټولو درنو غړو ته د صبر جمیل، اجر عظیم او تسلیت هیله کوو.😰💔
تاریخ هجری1404/10/19
تاریخ میلادی 2026/1/9
روح دی ښاد وی

د کوژدن مبارکی پیغام💕🧨( #الحدیث)🧨💕(النِّکَاحُ من سُنَّتِی فَمَنْ رَغِبَ عَنْ سُنَّتِی فَلَیْسَ مِنِّی. )🧨💯💕ژباره: واده...
16/12/2025

د کوژدن مبارکی پیغام💕🧨
( #الحدیث)🧨💕
(النِّکَاحُ من سُنَّتِی فَمَنْ رَغِبَ عَنْ سُنَّتِی فَلَیْسَ مِنِّی. )🧨💯💕
ژباره: واده زما( #ﷺ) له سنتو څخه دی، نو څوک چې زما سنت رد🧨 کړي هغه زما څخه نه دی🧨💕

دژوند په سلسلو کی نوی ژونددی مبارک شه*🧨💯💕
په مینه درته وایم چی کوژدن دی مــــــــبارک شه*🧨💯💕

ګران او زړه ته رانږدی وراره نعمان الله سرفراز ته د زړه له💯 کومی د نوی ژوند د نـوي پړاو ( د کوژدن) مبارکي وایم او د ستر رب💯 څخـه ورته د خوشحالیو او برکتونو ډک ژوند غـــــــــواړم...💗
مونږ ټولو د سهار او سرفراز کورنۍ ته دی مبارک وی
خوشحاله ژوند ولري.وراره جانه 💝
♥️🍁🥰

د سهار صرافي د محترم مشر حاجي نورزمان سهار د مبارکۍ پيغامپه ډېر ویاړ او خوښۍ سره اعلان کوو چې د ننګرهار ولايت د حميد حسن...
15/11/2025

د سهار صرافي د محترم مشر حاجي نورزمان سهار د مبارکۍ پيغام

په ډېر ویاړ او خوښۍ سره اعلان کوو چې د ننګرهار ولايت د حميد حسن ولسواليو جام په سياليو کې د حصارک غلجای ولسوالۍ اتله لوبډله د لومړي ځل لپاره په ولايتي کچه د اتلولۍ مقام وګاټه.

دا بريا د حصارک غلجای ولسوالۍ د زحمتکښو ځوانانو د هڅو، د روزونکو د پوهې او منظم کار، او د خلکو د ملاتړ ښکلی انځور دی. زموږ مېړني لوبغاړي وښودله چې کله اراده، نظم او سخت‌کارۍ سره یو ځای شي، نو هره بريا شونې ده.

زه، حاجي نورزمان سهار، د سهار صرافي په استازيتوب، د زړه له کومې د دې تاريخي لاسته راوړنې مبارکي ټولو لوبغاړو، روزونکو، اداري مسوولينو او درنو مینه والو ته وړاندې کوم. دا اتلولي د ټولو لپاره د ویاړ او سرلوړي لویه شېبه ده.

هېله لرو چې زموږ زړور ځوانان به دغه بریالي سفر په لا پياوړې اراده روان وساتي او د ننګرهار او افغانستان نوم به لا نور هم وځلوي.

مبارک مو شه، او تل بريالي اوسئ!

وایي:یو سړی د یو بادشاه دربار ته راغی او د نوکرۍ طلب یې وکړ. پادشاه ترې وپوښتل چې څه قابلیت لرې؟ سړي ورته وویل چې سیاس...
02/10/2025

وایي:
یو سړی د یو بادشاه دربار ته راغی
او د نوکرۍ طلب یې وکړ.
پادشاه ترې وپوښتل چې څه قابلیت لرې؟
سړي ورته وویل چې سیاست پوه یم.

د بادشاه په دربار کې له پخوا لا ډېر سیاست پوهان وو، نو نوموړی ېې د اسونو د طبیلې مسؤل وټاکه، ځکه د طبیلې پخوانی ساتونکی څو ورځې وړاندې وفات شوی وو.

څو ورځې وروسته بادشاه له نوموړي کس څخه د خپلې خوښې آس باره کې پوښتنه وکړه چې څنګه آس دی..؟

سړي ورته اوویل: نسلي (اصیل) نه دی.
بادشاه حیران شو، د ځنګلونو مسؤل یې راوغوښت او پوښتنه ېې ترې وکړه..
د ځنګلونو مسؤل ورته اوویل چې آس نسلي دی خو د زېږون په وخت ېې مور مړه شوه، نو روزنه ېې له غواګانو سره شوې او د غوا شیدې ورکړل شوي.

بادشاه دغه سړی راوغوښت او ورنه ېې وپوښتل، چې ته څنګه پوه شوې دا آس اصیل نه دی؟
سړي ورته اوویل: دا آس چې کله واښه خوري نو د غواګانو په څېر ټیټ سر واښه خوري، حال دا چې اصیل اسونه واښه په خوله کې نیسي او په لوړه غړۍ واښه خوري.

بادشاه ددې کس له پوهې متآثره شو او ددې کس کور ته یې په تحفه کې غنم، وریژې، غوړي او د مارغانو بهترینه غوښه ور ولېږله. او هم یې د ملکې په محل کې په یو خاص موقف تعین کړ.
څو ورځې وروسته بادشاه له دې سړي نه د خپلې ملکې په اړه رایه وغوښته..

سړي ورته اوویل چې خوی خصلت ېې د ملکې دی خو شهزادګۍ نه ده.
د بادشاه له پښو ځمکه وتښتېده، چې کله یې حالت ښه شو نو خپله خواښې یې را وغوښته..
خواښې ېې چې راغله نو بادشاه ورته ټول جریان بیان کړ.
خواښې یې ورته اوویل چې زما د لور د زېږون په وخت ستا پلار زما د لور غوښتنه ستا لپاره کړې وه، خو زما لور ۶ میاشتې وروسته وفات شوه، نو مونږ ددې لپاره چې شاهي کورنۍ سره نزدې واوسو، د بل چا لور مو فرزندي لویه کړه او تاته مو واده کړه.

بادشاه فوراً دا سړی خپل دربار ته را وغوښت او ترېنه ویې پوښتل چې ته څنګه وپوهېدې چې دا شهزادګۍ نده؟؟

سړي ورته وویل چې ددې ملکې چلن له خادمانو سره له جاهلانو هم بدتر دی.
حال دا چې اصیله شهزادګۍ مهربانه وي.

بادشاه ددې سړي په عاقلانه ځوابونو خوشاله شو او ددې سړي کور ته په غټه پیمانه خوراکي توکي، اوریزې او پسونه په انعام کې ور ولېږل او ورسره ورسره یې نوموړی کس په خپل دربار کې مشاور مقرر کړ.

ورځې تېرېدې..
یو ورځ بادشاه دا سړی ځان ته وباله او د خپل ځان باره کې ېې ترې پوښتنه وکړه.
سړي ورته وویل: که بادشاه سلامت که زما د سر سلامتۍ وعده راسره کوې نو درته وایم.
بادشاه ورسره وعده وکړه چې نه دې وژنم..

سړي ورته وویل: نه خو ته بادشاه ېې او نه دې خوی خصلت د بادشاهانو دی.

بادشاه ته ډېره غصه ورغله، خو څنګه یې چې وعده کړې وه، نو بخښنه یې ورته وکړه.

بادشاه سیده د خپلې مور خواته ورغی او د خپل ځان په اړه یې پوښتنه وکړه..
مور یې ورته وویل چې: زویه مونږ اولاد نه درلود، نو ته مو له یو شپون څخه را نیولی وې او و مو پاللې.

بادشاه بیا دا سړی خپل ځان ته راوغوښت او په حیرانۍ یې ترې وپوښتل چې ته څنګه پوه شوې؟

سړي ورته وویل: بادشاهان چې کله انعامونه ورکوي نو سره زر، ملغلرې او جواهرات ورکوي..
او ته اوزې، پسونه او خوراکي توکي په انعام کې ورکوې.
“دا د پاچا زادګانو خصلت نشي کیدای، بلکه یواځې د شپنو او د هغوی د زامنو کیدای شي.”

نو ریښتیا هم، عادتونه نسلونه ښايي.
ملګرو! خپل اخلاق، خویونه او عادتونه مو بهتر کړئ، چې له همدې نه ستاسې اصلیت څرګندیږي .
موږ باید یو چاته احترام او درناوی داخلاقو له مخې وکړو نه دکوم هدف او مقصد لپاره

زراحمد سرفراز جبارخیل

دا زړونه ماتوونکې ده چې د داسې اتلانو په شتون کې بیا هم لوبه وبایلو. ټیم مو قوي دی، خو بخت مو، لکه تل، له موږه مخ اړولی ...
18/09/2025

دا زړونه ماتوونکې ده چې د داسې اتلانو په شتون کې بیا هم لوبه وبایلو. ټیم مو قوي دی، خو بخت مو، لکه تل، له موږه مخ اړولی دی. افغان زړونه ډېر څه زغمي، خو دا شان ماتې سختې پرې لګېږي… 💔🇦🇫
ځواکمن ذهن Strong Mind

باغي نړۍ او د الله (ج) قهرنن موږ په خپلو سترګو وینو چې په نړۍ کې زلزله، طوفانونه، سېلابونه، کلاؤډ برسټ او وباګانې عام شو...
01/09/2025

باغي نړۍ او د الله (ج) قهر

نن موږ په خپلو سترګو وینو چې په نړۍ کې زلزله، طوفانونه، سېلابونه، کلاؤډ برسټ او وباګانې عام شوي دي. دا ټول څه تصادفي نه دي، بلکې د الله جل جلاله په امر او حکمت سره دي. قرآن کريم خبرداری راکوي:

"وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ"
(الشورى: 30)
ژباړه: تاسو ته کومه مصیبت درځي، دا ستاسو د خپلو کړنو له امله ده، او هغه ډېر څه هم بخښي.

کله چې انسان د الله نافرماني، ظلم، بې‌حیایي، سود، ناانصافي او بغاوت وکړي، نو د ځمکې او آسمان نظام هم د انسان بداعمالو اغېز ښکاره کوي.

🤲 د رسول الله ﷺ لارښوونې په داسې حالاتو کې

د نبي کریم ﷺ په وخت کې هم طبیعي پېښې او ازموینې راتلې. رسول الله ﷺ موږ ته دا لاره ښوولې چې په داسې حالاتو کې څه وکړو:

1. استغفار او توبه
رسول الله ﷺ وفرمايل:
"اَکْثِرُوا مِنَ الاسْتِغْفَارِ فَإِنَّهُ مَجَاةٌ مِنَ النَّارِ"
(ابن ماجه)
ژباړه: ډېر استغفار وکړئ، ځکه دا د عذاب نه د نجات وسیله ده.

2. لمانځه او دعا ته رجوع
کله چې مدینه کې زلزله راغله، رسول الله ﷺ فوراً په سجده لاړ او الله ته یې په ژړا او دعا لاسونه پورته کړل. (بیهقي)

3. صدقې او خیرات
نبي ﷺ وفرمايل:
"صَدَقَةُ السِّرِّ تُطْفِئُ غَضَبَ الرَّبِّ"
(طبراني)
ژباړه: پټه ورکړل شوې صدقه د رب غضب مړه کوي.

4. د آفتونو پر مهال ځانګړی لمونځ
د لمر او سپوږمۍ د ګرځېدو، یا آفتونو پر مهال نبي ﷺ اوږد لمونځونه کول او ډېرې دعاګانې یې کولې. (بخاري او مسلم)

5. د مظلوم مرسته او د ظلم نه ځان ساتل
نبي ﷺ وفرمايل:
"اتَّقُوا الظُّلْمَ فَإِنَّ الظُّلْمَ ظُلُمَاتٌ يَوْمَ القِيَامَةِ"
(مسلم)
ژباړه: له ظلم نه ځان وساتئ، ځکه ظلم د قیامت په ورځ تیاره ده.

دا آفات او ستونزې د الله جل جلاله له لوري موږ ته د بیدارۍ پیغام دی، تر څو موږ بېرته د خپل رب لوري ته را وګرځو او خپل زړه د ایمان او نېک عمل په رڼا روښانه کړو.
زراحمد سرفراز جبارخیل

‏په خوست او ننګرهار ولایتونو کې د پاکستان د بې‌پیلوټه الوتکو بریدونه زموږ پر خاوره ښکاره تجاوز دی. زه د دې ناوړه پېښې ټو...
28/08/2025

‏په خوست او ننګرهار ولایتونو کې د پاکستان د بې‌پیلوټه الوتکو بریدونه زموږ پر خاوره ښکاره تجاوز دی. زه د دې ناوړه پېښې ټولو قربانیانو کورنیو ته د زړه له کومي د تسلیت او ډاډګیرنې مراتب وړاندې کوم.
‏واضحه ده چې پاکستان د تاریخ په اوږدو کې بیا بیا ثابته کړې چې په افغانستان کې هیڅ نظام او حکومت نه غواړی، مهمه نه ده چې هغه د کوم فکر او کومه ‌‌‌‌‌‌ډلیې وي. له همدې امله اړینه ده چې موږ افغانان د ملي یووالي په ساتلو سره د دې هېواد د هر ډول لاسوهنې او دښمنانه کړنو مخنیوی وکړو.

:‎د جنازی خبرتیا ‎مرحوم میر افغان خان جبارخیل پلار، عبدالله خان جبارخیل تره، عصمت جبارخیل عبید جبارخیل نوید جبارخیل زامن...
21/08/2025

:‎د جنازی خبرتیا
‎مرحوم میر افغان خان جبارخیل پلار، عبدالله خان جبارخیل تره، عصمت جبارخیل عبید جبارخیل نوید جبارخیل زامن، معلم صاحب عزیزالله جبارخیل مرحوم ستانه ګل جبارخیل نعیم جبارخیل رحمت الله جبارخیل عمران جبارخیل زاهد جبارخیل ورونه
‎فهیم جبارخیل سجاد جبارخیل منصور جبارخیل جواد جبارخیل عیان جبارخیل وریرونه
‎فیض الله جبارخیل نو رعلی جبارخیل احسان الله جبارخیل انور جبارخیل تره ځامن
‎عبرت ستانکزی زوم
‎مرحوم صوفی اختر محمد جبارخیل مرحوم شیر محمد خان جبارخیل مرحوم نور محمد خان جبارخیل مرحوم ګل محمد خان جبارخیل ا و محمد ظاهر لالا جبارخیل
‎حاجی محمد شریف جبارخیل حاجی عبدالحمید جبارخیل یارمحمدخان جبارخیل جکتورن محمد نادر جبارخیل محمد فاروق مجبور جبارخیل حاجی عبدالرزاق جبارخیل حاجی حبیب الله جبارخیل سمیع الله جبارخیل ، محمد اکرم جبارخیل حاجی وزیر جبارخیل حاجی محمد یوسف جبارخیل ماما ځامن
‎ککو جبارخیل، ګل محمدخان جبارخیل محمد هاشم شیرزاد، لالا خان شیرزاد عزیز جبارخیل، هجرت جبارخیل، شیر افضل جبارخیل ترور ځامن
د مرحوم ډګروال ارسلاخان جبارخیل د مړینې له کبله خپلوانو او دوستانو ته خبر ورکول کیږي چې د مرحوم جنازه سبا دجمعې په مبارکه ورځ ۳۱/اسد/۱۴۰۴ سمون خوری د احمدشاه بابا مېنه داؤدخان څلور لارې د اندونیزا په جامع مسجد کې په ۱۱ بجې اداء کیږي او دکارته نو اول سرک د طلایې ښارګوټې ترڅنګ هدیره کې خاورو ته سپارل کیږي
انا لله وانا الیه راجعون

د جنازې خبرتیاانا لله و انا الیه راجعونپه ژوره خواشینۍ او د زړه له درده ټولو درنو خپلوانو، دوستانو، او خواخوږو ته خبر ور...
27/06/2025

د جنازې خبرتیا

انا لله و انا الیه راجعون

په ژوره خواشینۍ او د زړه له درده ټولو درنو خپلوانو، دوستانو، او خواخوږو ته خبر ورکول کېږي چې:
د مرحوم سرفراز لمسی،
مرحومه د مرحوم حاجي محمد حسن سرفراز لور، د مرحوم حاجي محمد امین سرفراز ورېره،
او د انجنیر نجيب الله صاحبزاده مور‌ بي بي ،
د حاجی معلم معاذ الله خان سرفراز، مرحوم حاجي ارسلا خان سرفراز، سيد حسن سرفراز، انجنیرحاجی نور حسن سرفراز، انجنیر حاجی شیر حسن سرفراز،خور

د ډاکترحاجی داد محمدخان سرفراز، حاجي نعيم خان سرفراز، سرمعلم اختر محمد سرفراز، احمد خان سرفراز، یارمحمد خان سرفراز، حسين سرفراز، ډاکتر امان الله سرفراز د تره لور

د شیراحمد سرفراز، حاجی میراحمد سرفراز، زراحمد سرفراز، زرولی خان سرفراز، حضرت نبی سرفراز، رحمت الله سرفراز، انجینر شفیق الله سرفراز، رحمان الله سرفراز، سيد حسين سرفراز،ډاکتر فریدالله سرفراز، مصطفَی سرفراز، بشارت سرفراز، محمد هارون سرفراز، ترور

او د حاجي روح الله، محترم ميرويس خان، محترم محب الله توړی خاله

د جنازې مراسم

د جنازې لمونځ به، د شنبې په ورځ، سهار په ۹:۰۰ بجو،
د حصارک ولسوالۍ د ناور کلي کې ادا کيږي
او له هغې وروسته به مرحومه د هماغه کلي ډاګیانو نورخان بابا په هدیره کې خاورو ته وسپارل شي.

ټولو درنو خپلوانو، دوستانو او خواخوږو ته خبر ورکول کېږي چې د جنازې مراسمو کې ګډون وکړي،
د مرحومې د مغفرت، جنت الفردوس،
او د کورنۍ د صبر او تسلیت لپاره دعا وکړي.

انا لله و انا الیه راجعون
له لوی رب العالمین څخه د مرحومې لپاره د بخښنې،
او د کورنۍ ټولو درنو غړو ته د جمیل صبر، اجر او تسلیت هیله کوو.😭

Address

Kabul
786KABUL

Telephone

+93782564187

Website

Alerts

Be the first to know and let us send you an email when زراحمد سرفراز جبارخیل posts news and promotions. Your email address will not be used for any other purpose, and you can unsubscribe at any time.

Shortcuts

Share

Category