11/09/2024
د ټاپي پروژې د عملي کار پیل دې ټولو هیوادوالو ته مبارک وي.
ټاپي، کاسا۱۰۰۰ او داسې نورې د سیمې نښلونکې اقتصادي پروژې زمونږ د هیواد د جغرافیوي موقعیت سالمه استفاده ده. دا ډول پروژې به نه تنها هیواد ته د پام وړ اقتصادي ګټې ولري بلکه سیمه به په افغانستان کې د امنیت او ثبات د ټینګښت لپاره وهڅوي. ځکه پایداره اقتصادي پرمختګ په منطقوي ثبات او اتصال پورې مستقیم تړاو لري. افغانستان د سیمې د څلور لاري په صفت فرصت لري چې ددې ډول پروژو په عملي کولو کې محوري رول ولري. د منطقوي اقتصادي پروژو په عملي کولو سره به د سیمې هیوادونه په افغانستان متکي او د مشترکو ګټو د میدان د ایجاد زمینه برابره کړي. د سیمې په کچه د اقتصادي اتکا او د مشترکو ګټو د میدان ایجاد د هیواد د ثبات او پرمختګ په لور خورا مهم او ستراتیژیک ګام دی.
