د هلمند د سوداګرۍ او پانګونې خوني ریاست - Hcci

د هلمند د سوداګرۍ او پانګونې خوني ریاست - Hcci Helmand Chamber of Commerce & Investment

د هلمند د سوداګرۍ او پانګونې خونې په کوربتوب د ټرانسپورټ وزارت له لوړپوړي پلاوي سره ګډه ناسته ترسره شوه.سه شنبه، غویي ۲۲...
12/05/2026

د هلمند د سوداګرۍ او پانګونې خونې په کوربتوب د ټرانسپورټ وزارت له لوړپوړي پلاوي سره ګډه ناسته ترسره شوه.

سه شنبه، غویي ۲۲مه، ۱۴۰۵

په دې ناسته کې، چې د هلمند د سوداګرۍ او پانګونې خونې له لوري جوړه شوې وه، د ټرانسپورټ وزارت لوړپوړي پلاوي د عمومي ترانسپورټ رئیس، ښاغلي مولوي عبدالغفار فاروق په مشرۍ ګډون کړی و. همدارنګه د هلمند ولایت د ټرانسپورټ رئیس، ښاغلي حکمت الله سبحاني آغا، د قوانینو او عوایدو رئیس، ښاغلي یار محمد رمضان او د هلمند د سوداګرۍ او پانګونې خونې د سوداګریزو شخړو د حل کمېسیون رئیس، ښاغلي حاجي آغا محمد پوپل هم په دې غونډه کې شتون درلود.

په دې ناسته کې د ټرانسپورټي چارو د لا ښه تنظیم، د سوداګرو ستونزو ته د رسېدنې، د قوانینو او عوایدو د پلي کولو او د سوداګرۍ لپاره د اسانتیاوو د رامنځته کولو په اړه مهم بحثونه او د نظرونو تبادله ترسره شوه. ګډونوالو د خصوصي سکټور او اړوندو دولتي ادارو ترمنځ همغږي د اقتصادي ودې او سوداګریزو فعالیتونو د پراختیا لپاره مهمه وبلله.

د هلمند د سوداګرۍ او پانګونې خونې مسئولینو د یاد پلاوي راتګ ارزښتناک وباله او ډاډ یې ورکړ چې د سوداګرو د ستونزو د حل، د ټرانسپورټي خدمتونو د ښه والي او د ګډو همکاریو د پیاوړتیا لپاره به خپلې همکارۍ لا پراخې کړي.

درنښت
د هلمند د سوداګرۍ او پانګونې خونه

د ایران اسلامي جمهوریت د کندهار سرکونسل او ورسره مل پلاوي هلمند ولایت ته سفر وکړد ایران اسلامي جمهوریت د کندهار سرکونسل،...
30/04/2026

د ایران اسلامي جمهوریت د کندهار سرکونسل او ورسره مل پلاوي هلمند ولایت ته سفر وکړ

د ایران اسلامي جمهوریت د کندهار سرکونسل، ښاغلي محمدرضا نفر، د سیاسي چارو مسئول، ښاغلي نوروزي او د یادې کونسلګرۍ کونسل، ښاغلي جابر شاکرنسب د یو رسمي سفر په
ترڅ کې هلمند ولایت ته سفر وکړ.
یاد پلاوی د هلمند له والي، د افغانستان د سوداګرۍ او پانګونې خونې د صادراتو کمېټې له رئیس او د هلمند د سوداګرۍ او پانګونې خونې له مشرتابه او مدیره پلاوي سره په رسمي ناسته کې ګډون وکړ. په دې لیدنه کې د هلمند یو شمېر سوداګرو، صنعتکارانو او د خصوصي سکټور استازو هم شتون درلود.
په یاده ناسته کې د هلمند ولایت او ایران اسلامي جمهوریت ترمنځ د سوداګریزو اړیکو د پیاوړتیا، د اقتصادي او صنعتي همکاریو د پراختیا، د پانګونې د فرصتونو، د خصوصي سکټور د ملاتړ او د ګډو همکاریو د لا پراختیا په اړه خبرې وشوې.
همدارنګه، د ایران اسلامي جمهوریت سرکونسل او مل پلاوي د هلمند له یو شمېر تولیدي فابریکو او صنعتي مرکزونو څخه لیدنه وکړه او د هلمند د تولیدي ظرفیتونو، صنعتي فعالیتونو او د صنعتکارانو له هڅو او امکاناتو څخه یې بشپړ معلومات ترلاسه کړل.
د سفر په پای کې یاد پلاوی د هلمند د ځایي مسئولینو، د سوداګرۍ او پانګونې خونې د مسئولینو، سوداګرو او صنعتکارانو له لوري په ځانګړو ډالیو ونازول سوه او د دواړو لورو ترمنځ د سوداګریزو، اقتصادي او صنعتي همکاریو د لا پیاوړتیا هیله
څرګنده سوه.

نېټه:- ۱۴۰۵/۰۲/۰۹ هـ ش
د هلمند د سوداګرۍ او پانګونې خونه

د افغانستان او ازبیکستان د خصوصي سکتور ترمنځ د سوداګریزې اړیکې ناسته په سرخان‌دریا ولایت کې جوړه شوهچهار‌شنبه، غویي نهمه...
29/04/2026

د افغانستان او ازبیکستان د خصوصي سکتور ترمنځ د سوداګریزې اړیکې ناسته په سرخان‌دریا ولایت کې جوړه شوه

چهار‌شنبه، غویي نهمه، ۱۴۰۵

د افغانستان او ازبیکستان د خصوصي سکتور ترمنځ د سوداګریزې اړیکې ناسته د ازبیکستان د سرخان‌دریا ولایت کې ترسره شوه، چې پکې د افغانستان د سوداګرۍ او پانګونې خونې د پانګونې مرستیال، ښاغلي الحاج آرین ذلګي عظیمي او ورسره مل سوداګرو ګډون وکړ.

ښاغلي عظیمي د سرخان‌دریا ولایت د والي له تود هرکلي او مېلمه پالنې څخه مننه وکړه او د دا ډول ناستو رول یې د دواړو هېوادونو ترمنځ د اقتصادي او سوداګریزو اړیکو په پیاوړتیا کې مهم وباله او زیاته یې کړه چې دا ډول ناستې د دواړو هېوادونو د خصوصي سکتورونو ترمنځ د دوامدارو همکاریو د پراختیا لپاره لاره برابروي. نوموړي وړاندیز وکړ چې د افغانستان د تازه مېوو د موسم په رارسېدو سره دې ازبیکستان ته د دغو محصولاتو د صادرولو لپاره او همدارنګه د منځنۍ آسیا نورو هېوادونو ته د ټرانزیټ په برخه کې لازمې اسانتیاوې رامنځته شي.

د ازبیکستان د سرخان‌دریا ولایت والي، ښاغلي اولوغ‌بیک قاسم‌اوف، له افغانستان سره د اقتصادي همکاریو د پراختیا او پیاوړتیا په برخه کې د خپل ولایت د بشپړې همکارۍ او چمتووالي ډاډ ورکړ او د دې ولایت اقتصادي ظرفیتونو ته یې اشاره وکړه، چې پکې د غنمو او درملو تولید شامل دي، او همدارنګه یې د ډبرو سکرو او پنبې په برخو کې د اړتیاوو یادونه وکړه.

په دې سوداګریزه ناسته کې د دواړو هېوادونو د خصوصي سکتورونو ترمنځ د وچې مېوې، غنمو، خوراکي توکو، البسې او درملو په برخو کې د څه باندې ۱۶ میلیونه امریکايي ډالرو په ارزښت ۱۶ سوداګریز تړون لیکونه لاسلیک شول.

د افغانستان د سوداګرۍ او پانګونې خونې د عمومي رئیس او مشرتابه پلاوي له لوري د چین د هانګزوی د سوداګرۍ او صنایعو خونې له ...
29/04/2026

د افغانستان د سوداګرۍ او پانګونې خونې د عمومي رئیس او مشرتابه پلاوي له لوري د چین د هانګزوی د سوداګرۍ او صنایعو خونې له رئیس سره لیدنه

سه‌شنبه، غویي اتمه، ۱۴۰۵

د افغانستان د سوداګرۍ او پانګونې خونې عمومي رئیس، ښاغلي الحاج سید کریم هاشمي، د چین د هانګزوی د سوداګرۍ او صنایعو خونې له رئیس سره لیدنه وکړه او د دواړو هېوادونو ترمنځ د سوداګریزو او اقتصادي اړیکو د پراختیا، د ګډو پانګونو د جلب، د سوداګریزو نظریاتو د تبادلې، د نندارتونونو او سوداګریزو ناستو د جوړولو په اړه بحث او د نظرونو تبادله وشوه.

د دې لیدنې په پای کې، د کندهار د سوداګرۍ او پانګونې خونې او د چین د هانګزوی د سوداګرۍ او صنایعو خونې ترمنځ د همکاریو هوکړه ليک، د دواړو هېوادونو ترمنځ د سوداګرۍ د پراختیا او ګډو پانګونو د پیاوړتیا په موخه لاسلیک شوه.

په دې لیدنه کې د خونې د ولایتي چارو مرستیال، ښاغلي الحاج فیض احمد خوافي، د کندهار د سوداګرۍ او پانګونې خونې رئیس، الحاج عبدالاحد صدیقي، او د مدیره پلاوي غړو، الحاج محمد یوسف یوسفي، الحاج ګلمیر امیني، الحاج مطیع‌الله ګردېزي، الحاج سخي احمد نورزاد او الحاج خالد مجید، همدارنګه د کندهار خونې مرستیال، الحاج بهاوالدین، د بلخ د سوداګرۍ او پانګونې خونې مرستیال، الحاج نصیراحمد سلطان‌زاده، او د هېواد یو شمېر مخکښو سوداګرو ګډون درلود.

چین ته د افغانستان د لوړپوړي سوداګریز پلاوي سفرجمعه، غويي څلورمه، ۱۴۰۵د چین په رسمي بلنه د افغانستان د سوداګرۍ او پانګون...
25/04/2026

چین ته د افغانستان د لوړپوړي سوداګریز پلاوي سفر

جمعه، غويي څلورمه، ۱۴۰۵

د چین په رسمي بلنه د افغانستان د سوداګرۍ او پانګونې خونې د عمومي رئیس، ښاغلي الحاج سیدکریم هاشمي په مشرۍ د افغانستان لوړپوړی سوداګریز پلاوی د سوداګریزو اړیکو د پراختیا، د افغان سوداګرو لپاره د اسانتیاوو برابرولو، د ګډو پانګونو د جلب او له چینایي سوداګرو سره د سوداګریزو ناستو د ترسره کولو په موخه نن جمعه د یوه رسمي سفر په ترڅ کې هغه هېواد ته ولاړ.

په دې سفر کې د سوداګرۍ او پانګونې خونې عمومي رئیس سره د افغانستان دغه درانه سوداګر ملتیا کوي:

- د افغانستان د سوداګرۍ او پانګونې خونې ولایتي مرستیال، ښاغلی فیض احمد خوافي؛
- د کندهار ولایت د سوداګرۍ او پانګونې خونې رئیس، ښاغلی الحاج عبدالاحد صدیقي؛
- د کندهار ولایت د سوداګرۍ او پانګونې خونې مرستیال، ښاغلی الحاج بهاوالدین؛
- د بلخ ولایت د سوداګرۍ او پانګونې خونې مرستیال، ښاغلی الحاج نصیر احمد سلطان‌زاده؛
- د افغانستان د سوداګرۍ او پانګونې خونې د مدیره پلاوي غړی، ښاغلی الحاج محمد یوسف یوسفي؛
- د افغانستان د سوداګرۍ او پانګونې خونې د مدیره پلاوي غړی، ښاغلی الحاج ګلمیر امیني؛
- د افغانستان د سوداګرۍ او پانګونې خونې د مدیره پلاوي غړی، ښاغلی الحاج مطیع الله ګردېزي؛
- د افغانستان د سوداګرۍ او پانګونې خونې د مدیره پلاوي غړی، ښاغلی سخي احمد نورزاد؛
- د افغانستان د سوداګرۍ او پانګونې خونې د مدیره پلاوي غړی، ښاغلی الحاج خالد مجید؛

د هلمند د سوداګرۍ او پانګونې خونې تجارانو او صنعت‌کارانو په ازبکستان کې د نساجۍ او پنبې له فابریکو لیدنه وکړهد هلمند ولا...
23/04/2026

د هلمند د سوداګرۍ او پانګونې خونې تجارانو او صنعت‌کارانو په ازبکستان کې د نساجۍ او پنبې له فابریکو لیدنه وکړه

د هلمند ولایت د سوداګرۍ او پانګونې خونې یو شمېر تجاران او صنعت‌کاران، په ازبکستان کې د افغانستان د صنعت او سوداګرۍ له محترم وزیر او همدارنګه په ازبکستان کې د افغانستان له سفیر سره یوځای، د ازبکستان د نساجۍ او ټوکرانو له فابریکو څخه لیدنه وکړه.
د دې سفر په ترڅ کې پلاوي د پنبې له کښت، د پنبې د پروسس له مرحلو، د تار جوړونې له فابریکو او اړوندو صنعتي تاسیساتو څخه هم لیدنه وکړه.
یاده لیدنه د دواړو هېوادونو ترمنځ د سوداګریزو او صنعتي اړیکو د پیاوړتیا، د تجربو د تبادلې او د پانګونې د فرصتونو د ارزونې په موخه ترسره شوه.
تمه ده چې دا ډول سفرونه به د افغانستان د صنعت او سوداګرۍ د ودې، د خصوصي سکتور د پیاوړتیا او له سیمه‌ییزو بازارونو سره د اړیکو په پراختیا کې مهم رول ولوبوي.

نېټه:- ۱۴۰۵/۰۲/۰۳ هـ ش
د هلمند د سوداګرۍ او پانګونې خونه

د افغانستان سوداګریز پلاوي ازبیکستان ته د اقتصادي همکاریو د پیاوړتیا لپاره رسمي سفر ترسره کړد افغانستان د صنعت او سوداګر...
22/04/2026

د افغانستان سوداګریز پلاوي ازبیکستان ته د اقتصادي همکاریو د پیاوړتیا لپاره رسمي سفر ترسره کړ
د افغانستان د صنعت او سوداګرۍ وزیر، ښاغلي الحاج نورالدین عزیزي په مشرۍ د هلمند ولایت د سوداګرۍ او پانګونې خونې د مشرتابه پلاوي، سوداګرو او صنعتکارانو ازبیکستان ته رسمي سوداګریز سفر ترسره کړ.
یاد پلاوي د د ازبیکستان نړیوال نندارتون کې فعال ګډون وکړ او د افغانستان د تولیداتو، سوداګریزو فرصتونو او پانګونې ظرفیتونو د معرفي کولو په موخه یې له بېلابېلو نړیوالو شرکتونو، سوداګرو او پانګوالو سره لیدنې او خبرې اترې ترسره کړې.
د دغه سفر په لړ کې، د افغانستان پلاوي د د ازبیکستان د صنعت او سوداګرۍ وزارت له مقام سره هم رسمي غونډه وکړه. په دې غونډه کې د دواړو هېوادونو ترمنځ د سوداګرۍ پراختیا، د پانګونې فرصتونو رامنځته کول، د صنعت وده او د اقتصادي همکاریو پیاوړتیا په اړه مفصلې خبرې وشوې.
د هلمند ولایت د سوداګرۍ او پانګونې خونې استازو او د ولایت سوداګرو او صنعتکارانو د دې سفر پر مهال د افغانستان د خصوصي سکتور وړتیاوې وړاندې کړې او د سیمې له سوداګرو سره یې د سوداګریزو اړیکو د پراخولو لپاره ګټورې ناستې ترسره کړې.
د یاد سفر موخه د افغانستان او ازبکستان ترمنځ د اقتصادي اړیکو پیاوړتیا، د سوداګرۍ د کچې لوړول، د پانګونې جذب او د دواړو هېوادونو د خصوصي سکتور ترمنځ د همکاریو پراخول بلل کېږي.
چارواکي هیله څرګندوي چې دا ډول سوداګریز سفرونه او نړیوال نندارتونونه به د افغانستان د صنعت او سوداګرۍ د ودې، د بازارونو د پراختیا او د سیمه‌ییزو اقتصادي همکاریو په پیاوړتیا کې مهم رول ولوبوي.

نېټه:- ۱۴۰۵/۰۲/۰۲ هـ ش
د هلمند د سوداګرۍ او پانګونې خونه

د هلمند سوداګر ازبیکستان ته د سوداګریزو فرصتونو د پراختیا په موخه رسمي سفر وکړد هلمند د سوداګرۍ او پانګونې خونې د رهبرۍ ...
21/04/2026

د هلمند سوداګر ازبیکستان ته د سوداګریزو فرصتونو د پراختیا په موخه رسمي سفر وکړ
د هلمند د سوداګرۍ او پانګونې خونې د رهبرۍ پلاوي په ملتیا، د دې ولایت یو شمېر سوداګر او صنعتکاران ازبیکستان ته په رسمي سفر ولاړل.
د دې سفر موخه د بېلابېلو سوداګریزو برخو د بازارونو ارزونه، د سوداګریزو فرصتونو پېژندنه، او د دواړو هېوادونو ترمنځ د اقتصادي او سوداګریزو اړیکو پراختیا ده.
ټاکل شوې ده چې د سفر په ترڅ کې یاد سوداګر د کرنیزو محصولاتو، پنبې، خوراکي او صنعتي توکو تر څنګ د نورو سوداګریزو برخو بازارونه هم له نږدې وڅېړي، او له اړوندو مسوولانو، سوداګرو او پانګوالو سره د همکارۍ، راکړې ورکړې او ګډو فرصتونو په اړه خبرې وکړي.
دغه سفر د هلمند د سوداګرو لپاره د نوو بازارونو د موندلو، د صادراتو او وارداتو د پراختیا، او د سوداګریزو اړیکو د پیاوړتیا په برخه کې مهم ګام بلل کېږي. تمه ده چې دا ډول سفرونه به د ولایت د سوداګرۍ د ودې، د پانګونې د جلب، او د کورنیو تولیداتو د بازارموندنې لپاره اغېزمن تمام شي.

نېټه:- ۱۴۰۵/۱/۳۱ هـ ش
د هلمند د سوداګرۍ او پانګونې خونه

د هلمند د سوداګرۍ او پانګونې خونې د مسؤلینو ګډه ناسته ترسره سوهد هلمند د سوداګرۍ او پانګونې خونې د سرپرست رئیس، لومړي مر...
18/04/2026

د هلمند د سوداګرۍ او پانګونې خونې د مسؤلینو ګډه ناسته ترسره سوه

د هلمند د سوداګرۍ او پانګونې خونې د سرپرست رئیس، لومړي مرستیال، تجارتي مرستیال، د رهبري بورد غړو او عامل پلاوي ترمنځ ګډه ناسته ترسره سوه.
په یاده ناسته کې پر موجوده ستونزو، اداري او تجارتي چارو، د سوداګرو پر وړاندې موجودو خنډونو او د هغوی د حل پر لارو چارو مفصل بحث او د نظرونو تبادله وسوه. همداراز د چارو د لا ښه تنظیم، د ادارې د همغږۍ د پیاوړتیا او سوداګرو ته د لا زیاتو اسانتیاوو د برابرولو په اړه لازمې مشورې او وړاندیزونه وړاندې سول.
د ناستې په پای کې پرېکړه وسوه، چې د موجوده ستونزو د حل، د چارو د چټکتیا او د خونې د فعالیتونو د اغېزمنتیا لپاره به لازم او عملي اقدامات ترسره کېږي.

نېټه:- ۱۴۰۵/۱/۲۷ هـ ش
د هلمند د سوداګرۍ او پانګونې خونه

د افغانستان او ازبیکستان ترمنځ د ۳۰ میلیونه ډالرو په ارزښت سوداګریز تړون لاسلیک شود افغانستان د سوداګرۍ او پانګونې خونې ...
13/04/2026

د افغانستان او ازبیکستان ترمنځ د ۳۰ میلیونه ډالرو په ارزښت سوداګریز تړون لاسلیک شو
د افغانستان د سوداګرۍ او پانګونې خونې د مدیره پلاوي غړي او د صادراتو د کمېټې رئیس، الحاج غلام یحیی پښتون، د ازبیکستان له سوداګریزو شریکانو سره د ۳۰ میلیونه امریکایي ډالرو په ارزښت د پنبې د صادراتو یو سوداګریز تړون لاسلیک کړ. دا تړون د دواړو هېوادونو ترمنځ د اقتصادي او سوداګریزو اړیکو د پیاوړتیا په برخه کې یو مهم او ارزښتناک ګام بلل کېږي.
دغه تړون نه یوازې د افغان کرنیزو محصولاتو لپاره یو باوري او مهم بازار برابروي، بلکې د افغانستان او ازبیکستان ترمنځ د سوداګرۍ د پراختیا او اقتصادي همکاریو د پراخېدو لپاره یو نوی فصل هم پرانېزي. پنبه د افغانستان د کرنې له مهمو صادراتي محصولاتو څخه ده چې د بزګرانو د عاید په لوړولو او د هېواد د صادراتو په زیاتوالي کې بنسټیز رول لري.
ښاغلي پښتون د تړون د لاسلیک پر مهال وویل چې دا تړون به د افغانستان د صادراتو په وده کې مهم رول ولوبوي او د هېواد تولیدات به نړیوالو بازارونو ته لا ښه ور وپېژندل شي. نوموړي زیاته کړه چې د ازبیکستان بازار د افغان سوداګرو لپاره یو مهم فرصت دی او دا ډول تړونونه کولی شي د سیمې په کچه اقتصادي همکارۍ لا پیاوړې کړي.
له بلې خوا، ازبیکستاني لوري هم د دغه تړون هرکلی کړی او دا یې د دواړو هېوادونو ترمنځ د سوداګریزو اړیکو د لا پراخېدو لپاره یو مثبت او اغېزناک ګام بللی دی. ازبیکستان د منځنۍ اسیا له مهمو اقتصادي شریکانو څخه شمېرل کېږي او د افغانستان لپاره د سوداګرۍ او ټرانزیټ په برخه کې ځانګړی اهمیت لري.
کارپوهان باور لري چې د افغانستان او ازبکستان ترمنځ دا ډول سوداګریز تړونونه به د سیمې اقتصادي اتصال پیاوړی کړي، د پانګونې فرصتونه به زیات کړي او د دواړو هېوادونو ترمنځ به د سوداګرۍ کچه نوره هم لوړه کړي.
دا تړون د افغانستان د صادراتي سکتور لپاره یو مهم پرمختګ ګڼل کېږي چې کولی شي د افغان تولیداتو لپاره نوې دروازې پرانېزي او د سیمه‌ییزې سوداګرۍ د ودې سبب شي.

نېټه:-۱۴۰۵/۰۱/۲۴ هـ ش
د هلمند د سوداګرۍ او پانګونې خونه

29/03/2026

سخنرانی محترم سید کریم هاشمی رئیس عمومی اتاق در کنفرانس تواصل تجارتی تاجران افغانستان و ازبیکستان، تفاهم‌نامه‌هایی به ارزش بیش از نیم میلیارد دالر امریکایی به امضا رسید.

نشست تواصل تجارتی تاجران افغانستان و ازبیکستان با اشتراک محترمان: الحاج سیدکریم هاشمی، رئیس عمومی اتاق تجارت و سرمایه‌گذاری افغانستان؛ الحاج نورالدین عزیزی، وزیر صنعت و تجارت؛ شوکت جان عبدالرزاقوف، والی ولایت نمنگان ازبیکستان؛ اویبیک عثمانوف، سفیر ازبیکستان مقیم کابل؛ میراجان سلیمان‌خیل، معاون روابط با دولت اتاق؛ محمدولی امینی، رئیس هیئت عامل اتاق؛ تعدادی از اعضای هیئت مدیره اتاق و جمع کثیری از تاجران دو کشور، در هوتل انترکانتیننتال کابل برگزار گردید.

#افغانستان #تجارت #اقتصاد #ازبیکستان

Address

Helmand
Lashkar Gah
3902

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Saturday 08:00 - 16:00
Sunday 08:00 - 16:00

Website

Alerts

Be the first to know and let us send you an email when د هلمند د سوداګرۍ او پانګونې خوني ریاست - Hcci posts news and promotions. Your email address will not be used for any other purpose, and you can unsubscribe at any time.

Shortcuts

Share

Category