23/09/2026
Dikur flisnit për gjithçka. Sot bisedat janë bërë të shkurtra dhe heshtja mes jush gjithnjë e më e gjatë. A ka mbaruar dashuria, apo heshtja po përpiqet të tregojë diçka tjetër?
Në episodin e tretë të “FLASIM me Mirelën dhe Enkelejdën”, psikologia Mirela Gjoni dhe gazetarja Enkelejda Shelburne flasin për komunikimin në çift, konfliktin dhe atë që mund të fshihet pas heshtjes së një partneri.
Kur është e shëndetshme të kërkojmë pak hapësirë dhe kur heshtja bëhet problem? Si mund ta hapim një bisedë të vështirë pa sulmuar, pa u mbrojtur dhe pa u përpjekur të fitojmë debatin?
Në këtë episod do të gjeni edhe një ushtrim të thjeshtë që mund ta provoni si çift: të kaloni nga “Dua të të bind” tek “Dua të të kuptoj.”
Dhe pyetja që ju lëmë këtë javë:
A po përpiqeni të fitoni konfliktin… apo të kuptoni njëri-tjetrin?
FLASIM – çdo të mërkurë, ora 21:00 në TV 7.
Sepse ajo që nuk thuhet… rëndon. Dhe ndonjëherë, është koha të flasim.
