Parku Arkeologjik Antigone

03/09/2026

🏔️ ANTIGONE PËRGJATË ITINERARIT TË “ULTRA4CHARITY – MOUNTAIN RACE”

Më 5 shtator 2026, Parku Arkeologjik i Antigonës do të jetë pjesë e itinerarit të garës malore “Ultra4Charity – Mountain Race”, një aktivitet sportiv që përshkon peizazhe të veçanta natyrore dhe kulturore të Shqipërisë.

🏃‍♀️🏃‍♂️ Kalimi i pjesëmarrësve përmes territorit të Parkut Arkeologjik të Antigonës përbën një mundësi të rëndësishme për promovimin dhe ndërthurjen e trashëgimisë kulturore, natyrës, sportit dhe turizmit të qëndrueshëm.

Ky aktivitet realizohet në bashkëpunim me Drejtorinë Rajonale të Trashëgimisë Kulturore Gjirokastër dhe Ministrinë e Turizmit, Kulturës dhe Sportit, në kuadër të nismave që synojnë promovimin e vlerave të trashëgimisë kulturore dhe natyrore, si dhe zhvillimin e aktiviteteve sportive e turistike në territoret e trashëgimisë.

Antigone – aty ku historia, trashëgimia, natyra dhe aventura takohen. 🏛️⛰️

📅 5 Shtator 2026
📍 Parku Arkeologjik Antigone

02/09/2026

Nisin gërmimet arkeologjike në Parkun Arkeologjik të Antigonesë

Në Parkun Arkeologjik të Antigonesë kanë nisur gërmimet arkeologjike të sezonit të ri kërkimor, në kuadër të bashkëpunimit italo-shqiptar për studimin dhe dokumentimin e mëtejshëm të këtij siti me rëndësi të veçantë historike dhe arkeologjike.

Gërmimet po zhvillohen nga Universiteti i Maceratës, në bashkëpunim me Institutin Arkeologjik të Tiranës, duke vijuar kërkimet sistematike në qytetin antik të Antigonesë. Fushata e këtij viti përqendrohet në ndërtesën e shtëpisë nr. 4 dhe hapësirat përreth saj, në pjesën rezidenciale të qytetit, me synim thellimin e njohurive mbi organizimin urban, arkitekturën dhe jetën e përditshme të banorëve të Antigonesë.

Kjo fushatë kërkimore përbën një tjetër hap të rëndësishëm në studimin, dokumentimin dhe valorizimin e trashëgimisë arkeologjike të Antigonesë.

Gërmimet vazhdojnë… 🏺

13/08/2026

Antigonea nga lart – një tjetër mënyrë për të lexuar historinë.

Mes gjurmëve të qytetit antik, peizazhit të Lunxhërisë dhe natyrës që e rrethon, Parku Arkeologjik i Antigonesë ofron një pamje të veçantë të trashëgimisë sonë kulturore.

Nga perspektiva e dronit, hapësira, monumentet dhe peizazhi ndërthuren në një tablo që dëshmon pasurinë historike dhe vlerat e këtij siti arkeologjik.

Një trashëgimi që ruhet, dokumentohet dhe përcillet brez pas brezi.

🎥 Video e realizuar nga .marko

11/08/2026

Gjatë javës së kaluar, punonjësit e parkut vijuan punën në terren për mirëmbajtjen dhe përmirësimin e hapësirave të Parkut Arkeologjik.

🧹 Pastrimi i bimësisë në të gjithë territorin e parkut
🛤️ Sistemimi dhe mirëmbajtja e rrugës kryesore
🪧 Zëvendësimi i tabelave të dëmtuara
🏛️ Kujdesi i vazhdueshëm për monumentet dhe hapësirat e vizitueshme

Këto janë disa prej punëve të përditshme që synojnë të garantojnë një mjedis sa më të pastër, të mirëmbajtur dhe të sigurt për vizitorët e shumtë që, edhe përballë temperaturave të larta të kësaj vere, vijojnë të zgjedhin të zbulojnë trashëgiminë tonë kulturore.

Puna për mirëmbajtjen dhe ruajtjen e trashëgimisë vazhdon çdo ditë.

31/07/2026

📍 Një ditë në Parkun Arkeologjik të Antigonesë.

Çdo ditë, Antigoneja mirëpret vizitorë nga Shqipëria dhe bota, të cilët zgjedhin të zbulojnë historinë, peizazhin dhe trashëgiminë e këtij siti të veçantë arkeologjik. 🏛️🌿

Ju mirëpresim në Antigone!

21/07/2026

“Antigone përmes syve të vizitorëve”

Çdo dëshmi e vizitorëve tanë pasqyron një këndvështrim të veçantë mbi historinë, peizazhin dhe trashëgiminë e Parkut Arkeologjik Antigone.

Ju ftojmë të ndiqni këtë rubrikë, ku do të publikojmë rregullisht përshtypje nga vizitorë vendas dhe të huaj.

09/06/2026

03/06/2026

Zëri i Vizitorëve | Antigonea

22/05/2026

🏛️ Vizitorë nga vende të ndryshme ndajnë përshtypjet e tyre mbi Parkun Arkeologjik të Antigonesë — një destinacion ku historia, natyra dhe trashëgimia kulturore ndërthuren në mënyrë të veçantë.
Faleminderit çdo vizitori që zgjedh të njohë dhe promovojë vlerat e këtij siti të rëndësishëm arkeologjik. 🇦🇱

21/05/2026

🏛️ Mirëmëngjesi nga Parku Arkeologjik i Antigonesë.

Qetësia e natyrës dhe vlerat e trashëgimisë kulturore ndërthuren çdo ditë në këtë sit të rëndësishëm arkeologjik, duke mirëpritur vizitorë vendas dhe të huaj.

Ju urojmë një ditë të mbarë nga Antigonea, vendi ku historia vazhdon të jetojë mes gurëve dhe peizazhit unik.