30/07/2026
📍 Maliqi meriton të mbetet Bashki!
Me keqardhje mora vesh propozimin që Bashkia Maliq të shkrihet dhe të bashkohet me Bashkinë Korçë, në kuadër të Reformës Administrativo-Territoriale 2.0.
Mendoj se ky është një vendim që duhet të rishqyrtohet me shumë kujdes. Bashkia Maliq ka dëshmuar ndër vite se është një nga bashkitë më efikase në administrimin e territorit, në ofrimin e shërbimeve për qytetarët dhe në menaxhimin e investimeve. Ajo ka identitetin, historinë, traditën dhe potencialin e saj zhvillimor.
Shkrirja e saj nuk garanton domosdoshmërisht shërbime më të mira. Përkundrazi, ekziston rreziku që qytetarët e Maliqit të kenë më pak përfaqësim, më pak vëmendje ndaj nevojave lokale dhe vendimmarrja të largohet edhe më shumë nga komuniteti.
Reformat duhen bërë për të përmirësuar jetën e qytetarëve, jo për të zbehur identitetin dhe peshën e komuniteteve që kanë funksionuar me sukses.
U bëj thirrje deputetëve, institucioneve dhe çdo aktori të përfshirë në këtë proces që të dëgjojnë zërin e qytetarëve të Maliqit dhe të rishikojnë këtë propozim. Maliqi e ka treguar se mund të qëndrojë si një bashki e fortë, funksionale dhe efikase.
Maliqi nuk është thjesht një territor në hartë. Maliqi është një komunitet, një histori dhe një e ardhme që meriton të ruajë identitetin e tij.
