Dega Doganore Shkoder

24/06/2026

Administrata Doganore vijon të shënojë rezultate pozitive, duke për...

24/06/2026

23/06/2026

Administrata Doganore Shqiptare vlerësohet si institucioni publik me rezultatin më pozitiv nga biznesi në Indeksin e Biznesit 2025–2026 të Dhomës Amerikane të Tregtisë, (AmCham)

Dogana Shqiptare ka marrë 58.66 pikë, duke u renditur ndër institucionet më të vlerësuara nga komuniteti i biznesit.

Ky rezultat pasqyron angazhimin e vazhdueshëm të Administratës Doganore për modernizimin e shërbimeve, lehtësimin e procedurave, digjitalizimin dhe forcimin e partneritetit me biznesin.

21/06/2026

📌 Dogana në 1 Javë | Përmbledhje e aktiviteteve kryesore

🔹 Në bashkëpunim me Dhomën Amerikane të Tregtisë u zhvillua Forumi Biznes–Dogana, ku u diskutuan çështje të biznesit, avancimi i NCTS, përfitimet e AEO dhe procesi i digjitalizimit të shërbimeve doganore.

🔹 Dogana Durrës, në bashkëpunim me Policinë Kufitare, realizoi disa raste kontrollesh ku u sekuestruan shuma monetare të padeklaruara në euro dhe paund (3 raste), si dhe vijoi intensifikimi i kontrolleve në Portin e Durrësit.

🔹 U zhvillua një takim ndërinstitucional me palën malazeze për avancimin e procesit të hapjes së Pikës së Përbashkët të Kalimit Kufitar Zogaj – Ckla/Skje, me synimin që ajo të vihet në funksion brenda këtij sezoni.

🔹 Vijuan trajnimet për implementimin e Sistemit të Transitit të Përbashkët (NCTS), me fokus në përdorimin praktik dhe përgatitjen për funksionalizimin e plotë të sistemit sipas standardeve të BE-së.

🔹 Në fushën e turizmit, Porti i Sarandës mirëpriti kroçerën “Seabourn Quest” me 465 turistë, duke reflektuar rritjen e fluksit dhe rëndësinë e menaxhimit të shërbimeve kufitare detare.

🔹 Administrata Doganore Shqiptare mori pjesë në Takimin e 26-të të SELEC në Bukuresht, duke rikonfirmuar angazhimin për bashkëpunim rajonal kundër krimit të organizuar ndërkufitar.

➡️ Një javë e fokusuar në modernizim, integrim europian, bashkëpunim rajonal dhe forcim të kontrolleve doganore.

21/06/2026

⏳ Edhe 10 ditë në dispozicion për të përfituar nga lehtësitë e parashikuara për detyrimet doganore nga afati i parë i ligjit!

19/06/2026

Në Doganën e Hanit të Hotit vijon puna për përballimin e fluksit të shtuar të sezonit. Me angazhim të strukturave doganore në terren, po garantohet përpunim sa më efikas i procedurave dhe lehtësim i qarkullimit në kufi. 🚛

18/06/2026

Hidhen hapa konkretë për hapjen e Pikës së Përbashkët të Kalimit Kufitar Zogaj – Ckla/Skje me Malin e Zi

Sot u zhvillua një takim koordinues ndërinstitucional në kuadër të përgatitjeve për hapjen e Pikës së Përbashkët të Kalimit Kufitar Zogaj – Ckla/Skje, mes Republikës së Shqipërisë dhe Malit të Zi.

Në takim morën pjesë përfaqësues të administratave doganore të të dy vendeve, strukturave të policisë kufitare, autoriteteve vendore dhe institucioneve përgjegjëse të infrastrukturës, ku u diskutua mbi ecurinë e grupit të punës, përcaktimin e lokacionit të pikës doganore si dhe elementët teknikë për funksionalizimin e saj sa më shpejt brenda këtij sezoni.

Hapja e kësaj pike të re kufitare do të lehtësojë lëvizjen ndërkufitare për qytetarët, do të afrojë komunitetet në të dy anët e kufirit dhe do të krijojë mundësi të reja për zhvillimin ekonomik e turistik të zonës.

Pika e përbashkët do të operojë me modelin e kontrollit me një ndalesë, duke thjeshtuar procedurat kufitare dhe duke rritur efikasitetin e kalimit.

18/06/2026

📍 Aksionet e ditëve të fundit dhe kapja e shumave monetare të padeklaruara nga strukturat doganore janë një dëshmi e qartë e angazhimit të Administratës Doganore për zbatimin e ligjshmërisë, në funksion të forcimit të luftës ndaj çdo tentative abuzive në pikat e kalimit të kufirit.

I përshëndes strukturat doganore të angazhuara për rezultatet e arritura gjatë këtyre operacioneve dhe i nxis, që në bashkëpunim me agjencitë e tjera ligjzbatuese, të forcojnë kontrollin në terren për të frenuar çdo përpjekje të shmangies nga detyrimet ligjore.