https://www.facebook.com/1465475760419207/

Biznes albania, tirane, Tirana (2026)

27/10/2016

Shumë shpesh e nënvleftësojmë fuqinë e një prekjeje, një buzëqeshjeje, një fjale të mirë, një veshi dëgjues, një komplimenti të sinqertë apo veprën më të vogël të përkujdesjes, sepse të gjitha kanë mundësi të ndryshojnë një jetë.

07/06/2016

Asnjëherë nuk ka rënë nga qielli asnjë menaxhues ose udhëheqës i madh, ai është mësuar dhe nuk është trashëguar. – Tom Northup

10/03/2016

Si ta përdorni stresin pozitivisht

Stresi – Nëse ndiheni të stresuar përpiquni ta ktheni të gjithë këtë energji negative në një forcë që do t’ju ndihmojë pozitivisht në jetën tuaj të përditshme

Ne të gjithë përballemi me stresin në një çast ose në një tjetër. Por a e keni menduar ndonjëherë që mund ta ktheni stresin në favorin tuaj? A nuk do të ishte diçka e mrekullueshme të përmbushnit me sukses të gjitha sfidat stresuese që ju sjell jeta duke e përdorur stresin si një nxitje?

Stresi vjen në forma të ndryshme. Ndonjëherë është i pakët, si për shembull mund të vij nga shfryrja e gomës së makinës ose vonesa për në punë. Herë të tjera është më i madh dhe shkaktohet nga ngjarje që ju ndryshojnë jetën si për shembull vdekja e një të afërmi, divorci apo një humbje e madhe personale. Megjithatë, gjëja më e mirë që mund të bëni është të mos e mendoni gjatë e gjerë, por të ndryshoni mënyrën se si përballeni me stresin dhe të ecni përpara. Ja se si mund ta ktheni stresin në mikun tuaj më të mirë:

Shkëputuni nga rutina
Gjithçka në jetën tonë duket se na mban të lidhur ose na pengon për të arritur diku. Nëse jeni i stresuar, gjithçka që ju duhet të bëni është të shkëputeni nga rutina e përditshme dhe të jetoni jetën. Dilni nga shtëpia për një ditë, por mos e merrni celularin tuaj, mos e kontrolloni email-in. Jepini vetes një çast pushimi dhe shihni se si kjo mund të bëjë mrekulli në jetën tuaj. Shkëputja nga rutina e aktiviteteve të përditshme mund t’ju japë një karikim të baterive dhe t’ju kthejë sërish te vetja.

Ndani kënaqësinë dhe problemet
Stresi mund t’ju bëjë të ndiheni të dobët. Nëse ndiheni shumë të zënë në grackë prej tij, duhet të diskutoni për këtë gjë. Mund ta diskutoni me partnerin tuaj, prindërit, shefin ose këdo që ju bën të ndiheni mirë. Ndarja e problemit me të tjerët e përgjysmon barrën e tij. Diskutimi me miqtë e ngushtë do t’ju ndihmojë në motivimin dhe do të gjenerojë ide se si të ecni përpara. Gjithashtu do ta qartësojë problemin tuaj dhe do të hapë dyert për mundës të tjera që mund të mos i keni vënë re.

Flini mirë
Që të ruani shëndetin tuaj fizik dhe mendor, duhet të bëni gjumë të mirë. Sigurohuni që të pushoni për të paktën 8 orë në ditë në mënyrë që të merrni kohë për reflektim dhe qetësi. Nuk ka nevojë të nxitoni. Një gjumë i konsiderueshëm do t’ju pastrojë nga mendimet negative që ju kanë shqetësuar.

Jini në lëvizje
Qëndrimi shtrirë ndërkohë që jeni të stresuar do t’ju bëjë të ndiheni më keq. Duhet të çoheni dhe të jeni në lëvizje në mënyrë që të pakësoni nivelin e stresit dhe të ruani qetësinë. Krijoni një rutinë ditore lëvizjeje ose shkoni në palestër. Duhet ta nxisni veten në mënyrë që të arrini atë që dëshironi.

Përqendrohuni
Stresi ju merr energjinë dhe shkatërron dëshirën tuaj për të punuar. Gjithçka që duhet të bëni është të përqendroheni në aspektet e ndryshme të problemit tuaj dhe të merrni kohën e nevojshme për ta zgjidhur atë. Nëse stresi ju fut në telashe, mendoni rreth jetës suaj ndryshe dhe gjeni mënyra të tjera se si të përballeni me të.

Përqendrohuni në çështjet e ndryshme nëpër të cilat po kaloni, bëni një listë dhe filloni të gjeni mënyrat e duhura si t’i zgjidhni ato.

Pranoni faktin që disa gjëra nuk ndryshohen
Është më mirë të pranoni atë që tashmë dihet: nuk ka mënyrë për ta ndryshuar të shkuarën. Gjëja më e mirë që mund të bëni është të pranoni faktin se gjithçka ndodh për një arsye dhe se disa gjëra nuk mund të ndryshohen. Mësoni të mos e çoni më dëm kohën dhe energjitë duke u përqendruar te gabimet e së shkuarës. Çfarë ka kaluar nuk kthehet më, ndaj filloni të jetoni me të dhe kërkoni mundësi të reja në jetë.

Jini optimistë
Fiksimi te gabimet tuaja dhe ndjesa e fajit gjatë gjithë kohës krijon energji negative që mund të dëmtojnë shumë besimin tuaj te vetja. Nëse jeni të stresuar për shkak të gabimeve që keni bërë, nuk duhet të ndiheni të zemëruar. Kërkoni ndihmë për gjërat që nuk i zgjidhni dot vetë. Gjithashtu jini optimistë dhe përpiquni të lini mënjanë ndjenjat negative. Mësoni aftësi të reja dhe bëni gjëra që ju bëjnë të lumtur.

Krijoni një perspektivë të re
Stresi mund t’ju ndihmojë ta shihni jetën ndryshe. Për shembull, nëse keni kaluar nëpër një divorc dhe jeni të stresuar nga vetmia, shkoni nëpër festa, bëni miq të rinj dhe përpiquni të gjeni njerëz me të cilët mund ta shijoni jetën. Ndoshta ju dhe partneri/ja juaj i/e mëparshëm/e nuk ka qenë e thënë të jeni bashkë. Suksesi fillon duke i parë gjërat ndryshe.

10/03/2016

Sa vite ju kushton stresi në punë?

Studimi – Hulumtimet tregojnë se një mjedis armiqësor në punë mund ta shkurtojë jetëgjatësinë deri në 33 vite. Konkretisht ata që e konfirmojnë janë studiuesit e Universitetit të Harvardit dhe Stanfordit. Duke u nisur nga ky fakt, ata sugjerojnë eliminimin e stresit si faktor dëmtues të shëndetit

Një ambient pune armiqësor dhe stresues mund të reduktojë jetëgjatësinë e jetës sonë. Ata që e thonë këtë janë një grup studiuesish nga Universiteti i Harvardit dhe Stanfordit, të cilët kanë matur vitet që na shkurtohen. Janë plotë 33: një hark kohor shumë i madh që reduktohet për kategori të caktuara shoqërore, më pak të rrezikuara se të tjerat. Duke matur jetëgjatësinë e jetës në SHBA, studiuesit kanë kuptuar se, në disa zona, kjo ishte më e lartë, me të paktën 33 vjet, në krahasim me të tjerat. Pyetja është, për cilin motiv? Që nga momenti që niveli i stresit varion nga personi në person, kërkuesit kanë ndarë një grup vullnetarësh në 18 nëngrupe, sipas etnisë, seksit dhe shkallës së edukimit. Më pas kanë marrë në konsideratë faktorë të lidhur me vendin e punës (përfshirë oraret, turnet, çekuilibrin familje-punë, mungesën e një sigurie, shkarkimet e papritura) dhe i kanë vënë në raport me të dhënat mbi vdekshmërinë vjetore dhe jetëgjatësinë.

Duke analizuar rezultatet, studiuesit kuptuan se ata që e përjetojnë më shumë stresin dhe përfundojnë në vende pune pak të rekomandueshme, janë ata që kanë marrë një nivel edukimi të ulët.

Sipas një studimi të mëparshëm, meshkujt dhe femrat me më pak se 12 vjet studime në shpatulla, kishin të njëjtën jetëgjatësi, sa edhe një i rritur i lindur në vitet ’50 ose ’60.

Por rol të rëndësishëm luajnë edhe komponentët e tjerë: pasiguria, shkarkimet e shpeshta apo periudhat e ngërçit në kërkim të një pune të re, më shumë se gjithçka shkurtojnë jetën.

Si për meshkujt ashtu edhe për femrat, moskontrolli mbi jetën e vet profesionale paraqet pengesën më të madhe.

Ato që e “vrasin” gjininë femërore, janë sidomos turnet e lodhshme, ndërkohë që gjinia mashkullore trembet më shumë nga klima e pasigurisë së përgjithshme.

“Është i nevojshëm krijimi i ambienteve më të ‘shëndetshme’ në punë, sidomos për nëpunësit me një nivel të ulët edukimi. Për fat shumë nga këto probleme, përfshirë turnet dhe orët e gjata në zyrë, puna e papaguar, mund të zgjidhen thjesht duke modifikuar politikat në zyra”, kështu shkruhet në një artikull të “Washington Post”, “Your job is literally killing you” (Puna juaj, me plot gojën, po ju vret) dedikuar studimit.

Ekspertët japin disa këshilla për t’i evituar pasojat e stresit në punë.

– Kujdesi: Kujdesuni për zyrën apo për vendin e punës si për dhomën tuaj të gjumit. Të dobishme do të ishin vazot me lule ngjyrë të kuqe, e cila është shumë energjike.

– Marrëdhëniet: Krijoni marrëdhënie të mira me kolegët dhe me shefat. Mundohuni të flisni ngadalë dhe pak, në të kundërt do të krijoni shumë antipati në ambientin e punës.

– Pushimi: Mësoni artin e “shkëputjes”, t’i lejosh vetes pesë minuta pushim pas çdo një orë pune do t’ju ndihmojë shumë që të rifreskoni trurin dhe të rinisni punën me më shumë energji. Të bësh një shëtitje, një telefonatë ndonjë shoku apo shoqeje, të dëgjoni pak muzikë etj. Pra dobia e pushimit mes punës është vërtetuar nga shumë studime në këtë fushë.

– Qeshja: Mësoni të qeshni dhe të bëni shaka në punë. Tregoni ndonjë barsoletë, dërgoni dhe merrni email nga shokët tuaj.

10/03/2016

Si ta përdorni stresin pozitivisht

Stresi – Nëse ndiheni të stresuar përpiquni ta ktheni të gjithë këtë energji negative në një forcë që do t’ju ndihmojë pozitivisht në jetën tuaj të përditshme

Ne të gjithë përballemi me stresin në një çast ose në një tjetër. Por a e keni menduar ndonjëherë që mund ta ktheni stresin në favorin tuaj? A nuk do të ishte diçka e mrekullueshme të përmbushnit me sukses të gjitha sfidat stresuese që ju sjell jeta duke e përdorur stresin si një nxitje?

Stresi vjen në forma të ndryshme. Ndonjëherë është i pakët, si për shembull mund të vij nga shfryrja e gomës së makinës ose vonesa për në punë. Herë të tjera është më i madh dhe shkaktohet nga ngjarje që ju ndryshojnë jetën si për shembull vdekja e një të afërmi, divorci apo një humbje e madhe personale. Megjithatë, gjëja më e mirë që mund të bëni është të mos e mendoni gjatë e gjerë, por të ndryshoni mënyrën se si përballeni me stresin dhe të ecni përpara. Ja se si mund ta ktheni stresin në mikun tuaj më të mirë:

Shkëputuni nga rutina
Gjithçka në jetën tonë duket se na mban të lidhur ose na pengon për të arritur diku. Nëse jeni i stresuar, gjithçka që ju duhet të bëni është të shkëputeni nga rutina e përditshme dhe të jetoni jetën. Dilni nga shtëpia për një ditë, por mos e merrni celularin tuaj, mos e kontrolloni email-in. Jepini vetes një çast pushimi dhe shihni se si kjo mund të bëjë mrekulli në jetën tuaj. Shkëputja nga rutina e aktiviteteve të përditshme mund t’ju japë një karikim të baterive dhe t’ju kthejë sërish te vetja.

Ndani kënaqësinë dhe problemet
Stresi mund t’ju bëjë të ndiheni të dobët. Nëse ndiheni shumë të zënë në grackë prej tij, duhet të diskutoni për këtë gjë. Mund ta diskutoni me partnerin tuaj, prindërit, shefin ose këdo që ju bën të ndiheni mirë. Ndarja e problemit me të tjerët e përgjysmon barrën e tij. Diskutimi me miqtë e ngushtë do t’ju ndihmojë në motivimin dhe do të gjenerojë ide se si të ecni përpara. Gjithashtu do ta qartësojë problemin tuaj dhe do të hapë dyert për mundës të tjera që mund të mos i keni vënë re.

Flini mirë
Që të ruani shëndetin tuaj fizik dhe mendor, duhet të bëni gjumë të mirë. Sigurohuni që të pushoni për të paktën 8 orë në ditë në mënyrë që të merrni kohë për reflektim dhe qetësi. Nuk ka nevojë të nxitoni. Një gjumë i konsiderueshëm do t’ju pastrojë nga mendimet negative që ju kanë shqetësuar.

Jini në lëvizje
Qëndrimi shtrirë ndërkohë që jeni të stresuar do t’ju bëjë të ndiheni më keq. Duhet të çoheni dhe të jeni në lëvizje në mënyrë që të pakësoni nivelin e stresit dhe të ruani qetësinë. Krijoni një rutinë ditore lëvizjeje ose shkoni në palestër. Duhet ta nxisni veten në mënyrë që të arrini atë që dëshironi.

Përqendrohuni
Stresi ju merr energjinë dhe shkatërron dëshirën tuaj për të punuar. Gjithçka që duhet të bëni është të përqendroheni në aspektet e ndryshme të problemit tuaj dhe të merrni kohën e nevojshme për ta zgjidhur atë. Nëse stresi ju fut në telashe, mendoni rreth jetës suaj ndryshe dhe gjeni mënyra të tjera se si të përballeni me të.

Përqendrohuni në çështjet e ndryshme nëpër të cilat po kaloni, bëni një listë dhe filloni të gjeni mënyrat e duhura si t’i zgjidhni ato.

Pranoni faktin që disa gjëra nuk ndryshohen
Është më mirë të pranoni atë që tashmë dihet: nuk ka mënyrë për ta ndryshuar të shkuarën. Gjëja më e mirë që mund të bëni është të pranoni faktin se gjithçka ndodh për një arsye dhe se disa gjëra nuk mund të ndryshohen. Mësoni të mos e çoni më dëm kohën dhe energjitë duke u përqendruar te gabimet e së shkuarës. Çfarë ka kaluar nuk kthehet më, ndaj filloni të jetoni me të dhe kërkoni mundësi të reja në jetë.

Jini optimistë
Fiksimi te gabimet tuaja dhe ndjesa e fajit gjatë gjithë kohës krijon energji negative që mund të dëmtojnë shumë besimin tuaj te vetja. Nëse jeni të stresuar për shkak të gabimeve që keni bërë, nuk duhet të ndiheni të zemëruar. Kërkoni ndihmë për gjërat që nuk i zgjidhni dot vetë. Gjithashtu jini optimistë dhe përpiquni të lini mënjanë ndjenjat negative. Mësoni aftësi të reja dhe bëni gjëra që ju bëjnë të lumtur.

Krijoni një perspektivë të re
Stresi mund t’ju ndihmojë ta shihni jetën ndryshe. Për shembull, nëse keni kaluar nëpër një divorc dhe jeni të stresuar nga vetmia, shkoni nëpër festa, bëni miq të rinj dhe përpiquni të gjeni njerëz me të cilët mund ta shijoni jetën. Ndoshta ju dhe partneri/ja juaj i/e mëparshëm/e nuk ka qenë e thënë të jeni bashkë. Suksesi fillon duke i parë gjërat ndryshe.

10/03/2016

Shtatë mënyra për të qenë një lider më i mirë në 2016-n

Biznes – Dëshironi të mbizotëroni fushën tuaj të biznesit për këtë vit? Fillojeni duke aktivizuar maksimalisht stafin tuaj, në mënyrë që të arrini më shpejt dhe më të sigurt në sfidat e së ardhmes

Drejtuesit më të mirë e dinë se një titull nuk e bën liderin dhe jo të gjithë liderët janë lindur me aftësi të mësuara. Kjo është arsyeja përse ata përqafojnë zhvillimin e lidershipit, për veten, punonjësit dhe biznesin e tyre. Kapaciteti për lidership të mirë nuk është gjithmonë i brendshëm, por thuajse kushdo mund të mësojë si të jetë një lider më i dobishëm. Ja cilat janë shtatë aftësitë që çdo lider duhet të sigurohet që t’i përsosë për vitin 2016.

Vlerësoni talentin
Investimi te njerëzit e aftë është në zemër të të qenët një lider efektiv. Vlerësoni talentet në organizatën tuaj dhe kuptoni se biznesi juaj varet nga këta individë të talentuar dhe se sa rëndësi ka të punoni si skuadër. Inkurajoni skuadrën tuaj të kërkojë vazhdimisht mënyra për të përmirësuar kompaninë, duke kanalizuar talentin e tyre dhe duke rritur nivelin dhe diversitetin e tij.

Njihni tregun
Të kuptoni mirë tregun në të cilin ju funksiononi, është thelbësore. Do t’ju ndihmojë të përcaktoni strategjinë më të suksesshme dhe të identifikoni mundësitë për të ardhmen. Duhet ta njihni industrinë tuaj nga brenda dhe nga jashtë. Duhet të synoni të jeni ekspertë në dinamikat e përgjithshme të tregut, të trendeve të industrisë dhe të njihni panoramën e konkurrencës. Përfshihuni sa më shumë në komunitetin e biznesit për të rritur profilin dhe markën tuaj në treg.

Hartoni strategji dhe objektiva
Për të qenë një lider efektiv, duhet ta koordinoni skuadrën tuaj ndaj synimeve të biznesit. Një lider i suksesshëm balancon eksperiencën dhe diturinë me një aftësi strategjike të menaxhimit. Ju duhet ta mbani gjithnjë strategjinë e kompanisë suaj përpara dhe në qendër të çdo aktiviteti, ndërsa e ekzekutoni atë dita-ditës dhe të siguroheni që gjërat të arrihen.

Shiheni inovacionin si prioritet
Një përqendrim i vazhdueshëm tek inovacioni është thelbësor. Liderët efektivë arrijnë ta kuptojnë këtë dhe përqendrohen ta çojnë biznesin e tyre një shkallë më lart. Inkurajimi i stafit menaxhues për të eksploruar qasje kreative dhe inovative ndaj problemeve të biznesit mund të ndihmojë në ngjizjen e një kulture të inovacionit në kompaninë tuaj. Për të qenë një lider inovativ në industrinë tuaj, duhet të qëndroni në krye të trendeve dhe strategjive të reja, të formuloni produkte të reja dhe oferta shërbimesh dhe të kuptoni sa më mirë atë që klienti kërkon.

Krijoni një kulturë të hapur në skuadër
Të gjithë kërkojnë të punojnë në një mjedis që vlerëson skuadrën dhe mban hapur linjat e komunikimit. Për të qenë një lider efektiv i skuadrave që performojnë shumë mirë, duhet të frymëzoni anëtarët të shprehen dhe mirëkuptoni ata që prezantojnë ide që mund të mos bien dakord me pikëpamjet tradicionale të biznesit. Zhvilloni një kulturë pozitive të skuadrës me komunikim të hapur dhe gjithëpërfshirës për të rritur moralin e kompanisë dhe për të aktivizuar maksimalisht punonjësit.

Kuptoni tregjet globale
Kuptimi i tregut global sot është një aftësi kyçe, pavarësisht nëse po veproni globalisht apo jo. Liderët efektivë ruajnë një fokus global në bazë të përditshme. Kjo përfshin vlerësimin dhe qëndrimin në krye të kërkesave të klientëve, konkurrentëve, ekonomisë dhe politikave të tregut, në të cilat biznesi juaj operon. Nëse biznesi juaj është global, duhet të keni informacione sa më të qarta dhe të përhapura për tregun.

Jini të ndershëm dhe të besueshëm
I fundit, por jo më pak i rëndësishëm, është besimi. Baza e çdo marrëdhënieje, ju duhet të kuptoni se karakteri dhe integriteti janë komponentë kyçë të të gjithë liderëve që presin të pasohen nga të tjerët. Thoni atë që keni në mendje dhe bëjeni atë që thoni. Punonjësit tuaj do të punojnë më shumë nëse kanë besim te ju. Po ashtu, kjo ndihmon klientët të njihen me standardet tuaja etike dhe të bashkëpunojnë me ju.

Si lider ju duhet të:

Investoni në trajnim, pasi teknologjia po zhvillohet gjithnjë e më shpejt dhe duke i trajnuar vazhdimisht punonjësit tuaj do të siguroheni që kompania juaj është në sinkron me zhvillimet më të reja dhe ka një biletë për të ardhmen.

Frymëzoni të tjerët duke ndërmarrë rreziqe dhe duke treguar me zjarr pasionin tuaj mbi atë që po bëni. Frymëzimi krijon një efekt domino dhe kështu skuadra juaj do t’ju pasojë në atë që do të ndërmerrni.

Mos kërkoni leje për veprimet që bëni dhe rreziqet që merrni përsipër vetëm ose në grup. Askush nuk është i aftë t’ju japë ose jo leje për të zhvilluar kompaninë tuaj, këto janë vendime që ju duhet t’i merrni vetëm.

Gjithashtu krijoni një vizion për grupin dhe kompaninë tuaj. Kjo do t’ju ndihmojë shumë të përqendroheni në pasojat afatgjatë të punës suaj dhe të merreni me problemet e ditës, duke i parë ato në këndvështrimin e një imazhi të plotë të së ardhmes.

10/03/2016

7 mendimet që po ju pengojnë të arrini suksesin

Karriera – Pengesa më e madhe mes jush dhe të qenët në kulm të karrierës suaj, jeni vetë ju. Që prej frikës nga dështimi e deri te mospërpjekja sa duhet, janë një seri faktorësh dhe mendimesh që ju pengojnë të jeni të suksesshëm. Duhet ta dini se ankthi se nuk jeni i zoti, është një ndër faktorët kryesorë që i pengon njerëzit të mos provojnë të shkëlqejnë.

Çfarë po ju pengon që të bëheni Bill Gates-i apo Oprah Winfrey i ardhshëm? Mos është për faj të talentit të tyre, apo vetëm për shkak të fatit? Me gjasa, asnjëra prej këtyre nuk është e vërtetë. Ka një mori gjërash që ju ndalojnë për të arritur suksesin, pavarësisht potencialin tuaj. Këta janë faktorët më përgjegjës.

Frika nga dështimi
Duhet ta dini se frika nga dështimi është një ndër faktorët kryesorë që i pengon njerëzit të mos provojnë arritjen e suksesit. Për të arritur majën, ndoshta do t’ju duhet të hiqni dorë prej punës suaj me kohë të plotë dhe të bëni atë që dëshironi më tepër.

Shumë njerëz kanë frikë nga dështimi në sipërmarrjet e reja, por ja një këshillë e vlefshme. Nëse keni dhënë më të mirën tuaj dhe gjithsesi dështoni, kjo do të thotë se nuk ia keni arritur synimit tuaj, por keni dalë me sukses në shumë mënyra të tjera: keni mësuar aftësi të reja, keni krijuar lidhje të reja me njerëz, eksperienca të ndryshme dhe keni zbuluar më shumë rreth vetes dhe asaj që jeni në gjendje të bëni. Në fund të fundit, keni gjetur paqen brenda vetes dhe dyshimet se çfarë do të ndodhte sikur ta provonit një dëshirë tuajën nuk do t’ju bezdisin më.

Frika se njerëzit do të mendojnë se jeni idiotë
Shumë njerëz jetojnë me frikën se të tjerët do të mendojnë se ata janë të çmendur që po provojnë diçka të re. Dhe ata kanë të drejtë, disa njerëz do të mendojnë se jemi budallenj ose të çmendur, edhe nëse arrini suksesin. Kjo gjë do t’ju lëndojë, por me kalimin e kohës do të forcoheni nga karakteri dhe do të keni më shumë njerëz që ju mbështesin.

Gjithashtu, mund t’ju habisë ideja që shumë njerëz do të mendojnë se jeni të zgjuar dhe fantastikë dhe se ajo që doni të bëni është diçka madhështore dhe e drejtë. Gjejini këta njerëz dhe mbajini afër, ata do t’i kalojnë në numër njerëzit që ju ulin moralin.

Të lini të tjerët të marrin vendim për ju
Ndonjëherë mund të mendoni se opinioni i të tjerëve mund të jetë më i rëndësishëm sesa i juaji. Ky është një gabim që ju pengon të çani përpara. Nëse nuk i bëni ju zgjedhjet e rëndësishme për veten, dikush tjetër do t’i bëjë ato. Është koha të ushtroni më shumë autonomi duke filluan të merrni vendime, qofshin edhe të gabuara. Me kalimin e kohës, gjërat do të bëhen më të lehta për ju, por suksesi fillon duke vendosur vetë.

Mospërkushtimi i kohës ndaj gjërave të rëndësishme
Nëse nuk e zbuloni se çfarë e nxit personalitetin tuaj, gjithnjë do të përpiqeni të arrini një sukses që nuk do t’ju përmbushë dhe kurrë nuk do të jeni të kënaqur me jetën tuaj.

Ja se si mund ta zbuloni çfarë është e rëndësishme për juve. Mbani shënim disa nga gjërat më të rëndësishme për ju dhe më pas përzgjidhni ato që janë kryesoret. Kjo është një mënyrë shumë e mirë për të motivuar veten dhe për të gjetur kthjelltësinë.

Një mënyrë tjetër për këtë ushtrim është të ngrini pyetje se cilat janë tri arritjet tuaja më të mëdha dhe cilat janë tri dështimet më të mëdha. Duke u dhënë përgjigje këtyre pyetjeve do të arrini të këshilloni veten për suksesin në të ardhmen.

Mungesa e përpjekjes
Pavarësisht se sa gjenialë apo të zgjuar që mund të jeni, pa bërë përpjekje të mjaftueshme nuk do të shkoni shumë larg. Nëse shihni me vëmendje të gjithë njerëzit e suksesshëm do të kuptoni se ata kanë investuar orë të pafundme për të arritur nivelin aktual të ekspertizës.

Ajo që përcakton suksesin tuaj në ato orë të përkushtuara është edhe sjellja juaj ndaj problemit. Nëse qasja juaj është e tillë që ju i thoni vetes se mund të bëni gjithçka, atëherë duke u përpjekur do të arrini të bëheni mjeshtër të lëndës që doni të mësoni.

Heqja dorë
Njeri i suksesshëm është ai që nuk heq kurrë dorë derisa ta arrijë atë që po lufton ta ketë. Edisoni dështoi qindra herë përpara se më në fund të krijonte llambën. Ai më pas tha shprehjen e famshme: “Nuk kam dështuar 10,000 herë. Nuk kam dështuar asnjëherë. Ia kam dalë të provoj se ato 10,000 mënyra nuk funksiononin.”

Me fjalë të tjera, ai përdori çdo dështim si një eksperiencë mësimi që kontribuoi në procesin e zbulimit të risisë.

Rutina
Është mirë të jeni të lumtur me atë që keni, por mungesa e dëshirës për ta çuar atë më tej dëmton shumë ambicien tuaj. Kur njerëzit fillojnë të ndihen shumë rehat me karrierën e tyre ose me jetën në përgjithësi, nxitja që ata të arrijnë më shumë me kalimin e kohës bie.

Nëse doni të jeni të suksesshëm nuk duhet të kënaqeni kurrë me pak. Duhet të jeni përherë të uritur për më shumë dhe të kërkoni nga vetja.

25/07/2015

10 njerëzit më të pasur në Shqipëri

Në pamundësi për të bërë një përllogaritje të saktë dhe duke mos dashur që të publikojmë shifra të cilat mund të mos jenë edhe shumë të afërta kemi zgjedhur që të bëjmë një listë duke u bazuar në bizneset të cilat menaxhojnë, të cilat mund të shikohen lehtësisht nga kushdo në QKR dhe në të dhëna të tjera konfidenciale që kemi mësuar.

Këtë listë e kryeson Zamir Mane, një prej biznesmenëve më të suksesshëm në Shqipëri, me një numër të shumtë biznesesh në administrim ai udhëheq pa asnjë dyshim listën e biznesmenëve më të pasur në Shqipëri. Më poshtë paraqitet lista me 10 emra dhe përkrah emri është një sqarim i vogël në lidhje me aktivitetin që ushtron individi. /Marrë nga Botasot/

1. Zamir Mane (QTU, TEG, NEPTUN, telefoni celulare PLUS, ndërtime etj.)

2. Bashkim Ulaj (Pronari i 22-katësh*t tek TVSH-ja, firma ndërtimi, fibra optike etj.)

3. Ramë Geci (Pronari i 15-katësisht, firma ndërtimi Geci, etj.)

4. Artan Dulaku (Qendra Tregtare Kristal, ETC, ndërtime, koncesionari Ford, Ranger Rover, rrjeti supermarkatës Conad, Tring Digital, Vizion + etj.)

5. Vasil Naçi Pepsi, Birra Amstel, distrubiocion pije, detergjent, cigare etj.)

6. Vllezërit Armando dhe Agron Duka (Vezë, kantinë vere dhe vreshta, elektroshtëpiake, telefoni celulare “Plus” etj.)

7. Edmond Leka (Western Union, Union Bank etj.)

8. Vjollca Hoxha (Top Channel, Lori Cafe, Digitalb etj.)

9. Vilma Nushi (Ekskluziviteti i Marlboros dhe cigare të tjera, si edhe Pronter & Gamble)

10. Muhamed Muça (Shkollat Kristal, nga kopshtet tek universitetet etj.)

25/07/2015

Llojet e marketingut online:

Email Marketing
Shumë vizitorë të ueb-faqeve nuk bëhen klientë me vizitën e parë, por nëse ju i mbani ata të interesuar dhe të lidhur me biznesin tuaj, ju keni një shans më të mirë që t’i fitoni ata klientë. Email marketing eshte nje mjet ideal per nje ndikim te menjehershem te rritjes se marketingut te biznesit tuaj. Ai eshte nje mundesi qe kur perdoret si duhet mund te jete teper efektiv dhe mbi te gjitha me nje kosto te vogel financiare. PROWEB posedon një bazë të dhënash me mbi 80,000 adresa email të përdoruesve shqiptarë. Bashkëpunoni me ne dhe rrisni klientët tuaj si dhe përfitoni klientë të rinj përmes marketingut me postë elektronike.

Sms Marketing

SMS marketing eshte reklamimi me ane te celularit, duke derguar njekohesisht te njejtin mesazh mijera perdoruesve ne celularet e tyre. Pra marketingu me sms behet duke derguar nje mesazh te shkurter ne celularet e mijera klienteve te interesuar. Eshte nje hapesire qe ka zene nje interes te madh per te gjitha bizneset, si te vogla ashtu dhe te medha, duke pasur parasysh qe 70% e popullsise tashme ka nje telefon celular.

Social Marketing

Social media marketing konsiston ne perpjekjet qe behen ne rrjetet sociale per te bindur klientet e nje kompanie qe produktet apo sherbimet e saj ja vlejne per tu blere. Bizneset duke perdorur rrjetet sociale duan te shesin produktet apo sherbimet e tyre. Por, si nje reklame e hapur per te gjithe, ne shumicen e rasteve, bezdisin nje pjese te madhe te audiences dhe perjashtohen nga grupet e tyre sociale ne te cilat jane munduar aq shume te futen. Per te perdorur marketingun ne rrjetet sociale efektivisht, bizneset duhet të perceptohen si anëtarë të komunitetit të medias sociale, të gatshëm për të bashkëvepruar me anëtarët e tjerë. Problemi kryesor ne marketingun me rrjetet sociale nga perspektiva e biznesit eshte se ajo mund t’ju haje teper kohe. Fushatat e marketingut ne rrjetet sociale nuk jane aktivitete qe behen vetem nje here, ato duhet te behen vashdimisht me kalimin e kohes. Megjithate, marketingu ne rrjetet sociale eshte nje lloj marketingu nga i cili shume biznese te vogla mund te perfitojne, qoftë edhe vetem per te mesuar me shume per ate qe klientet e tyre jane duke menduar apo thene per produktet e tyre.

Qellimi kryesor i Search Engine Optimization (SEO) eshte te beje te mundur gjetjen e faqes se internetit nga motorret e kerkimit me te perdorur sic jane Google, Yahoo ,MSN ,dhe Bing, si dhe te rrise trafikun e faqes tuaj. Duke vendosur fjalet kyce te biznesit tuaj, vizitoret duke kerkuar me kto fjale ne motoret e kerkimit do te shfaqet pikerisht faqja juaj ne rezultatet e tyre. Kerkimet ne motorret e kerkimit mund te nxjerrin nje faqe interneti, blog, artikull, video apo foto. Pothuajse cdo material i optimizuar mund te pershtatet dhe te shfaqet ne rezultatet e kerkimit. Duke ju dale keto rezultate, vizitoret mund te binden dhe te klikojne ne faqen tuaj per te blere nje produkt, njohur me te, apo thjesht per tu konsultuar me ju.

25/07/2015

Çfare eshte Online Marketing?

Marketingu online ( Online Marketing ) po behet gjithnje e me i rendesishem per bizneset e te gjitha tipeve. Tani qe inetneti eshte bere pjese e rendesishme e jetes sone dhe ne harxhojme nje pjese te konsiderueshme te kohes sone ne te, ne mund te gjejme aty te gjitha produktet dhe sherbimet qe na nevojiten. Ky fakt ben qe te linde domosdoshmerisht nevoja qe edhe bizneset te bejne reklamimin e duhur te produkteve apo sherbimeve qe ato ofrojne ne kete treg gjigand qe tashme eshte mes nesh. Online Marketing eshte arti dhe shkenca e te sh*turit te produkteve dhe sherbimeve ne boten dixhitale,sic eshte rrjeti i internetit dhe telefonave celulare. marketingu online eshte art dhe shkence qe perfshin gjetjen e marketingut te duhur dhe strategjine qe do te ndiqet ne piketimin e klienteve dhe ne funt te procesit perkthehet ne sh*tje. Shkenca e marketingut online eshte hulumtimi dhe analiza qe behet ne zgjedhjen e strategjive te marketingut qe do te perdoret, dhe matjes se suksesit te kasaj strategjie te perdorur.

Biznes albania

27/10/2016

07/06/2016

10/03/2016

10/03/2016

10/03/2016

10/03/2016

10/03/2016

25/07/2015

25/07/2015

25/07/2015

Address

Website

Alerts

Shortcuts

Share

Category