Մենք աճեցնում, մշակում և Ձեզ ենք առաջարկում տեղական, օգտակար, առանց քիմիական հավելումների, սյունիքյան համ ու հոտով՝
📌 Լոբի
📌 Սիսեռ
📌 Ոլոռ
📌 Ոսպ
📌 Հաճարի ձավար
Ընտրեք մեր արտադրանքը՝ դարձնելով այն Ձեր և Ձեր ընտանիքի առողջ սննդակարգի բաղկացուցիչ մասը։ «Հին Խնձորեսկ» գյուղատնտեսական կոոպերատիվը (ԳԿ կամ Կոոպերատիվ) հիմնադրվել է 2023 թվականի մայիսի 03-ին՝ հիմնականում Միավորված Ազգերի Կազմակերպության (ՄԱԿ, UN, ООН) պարենի համաշխարհային ծրագրի (WFP) և մասամբ Գորիս խոշորացված համայնքի ֆինանսավորմամբ: Կոոպերատիվի ստեղծման հիմքում մեծավ մասամբ ՄԱԿ-ի քաղաքականության արդյունքում ստեղծված ծրագիրն է, որն ամբողջ աշխարհում լուծում է համաշխարհային պարենային բնույթի բազում խնդիրներ՝ դրանց մի մասը համարելով նաև այս ծրագրի շնորհիվ Հայաստանի Հանրապետության տարբեր բնակավայրերում նմանօրինակ գյուղատնտեսական կոոպերատիվների ստեղծմանն աջակցելն ու ֆինանսավորելը: Ինչպես ՄԱԿ-ի ցանկացած, այնպես էլ այս ծրագրի շնորհիվ այլևս հնարավոր դարձավ պարենային անվտանգության համար առանցքային նշանակություն ունեցող հատիկաընդեղենի ազգային հարստության խթանումը՝ շեշտը դնելով կոնկրետ սահմանամերձ բնակավայրերի բնակիչների անմիջական մասնակցությանն ու նրանց՝ Կոոպերատիվի աշխատանքներին ներգրավվածությանը:
Սա մի կողմից խթանում է գյուղատնտեսությունը՝ ավելի բարձր տեխնոլոգիաների և կազմակերպվածության շնորհիվ արդյունավետ գործակցության հաշվին, մյուս կողմից՝ լուծում է մեր պետության անվտանգության համար կարևոր՝ իր արտադրանքը տեղում իրացնելու և դրանից եկամուտ ստանալու, իր բնակավայրում աշխատելու և բնակավայրը չլքելու հայ գյուղացու խնդիրները:
📌Կոոպերատիվի գերնպատակներից է՝
սահմանամերձ դարձած բնակավայրերում հիմք դնել հատիկաընդեղենի մշակությանը, այդ բնակավայրերում զարգացնել գյուղատնտեսության այս նոր ճյուղը և տեղաբնակների համար առնվազն ստեղծել փոքր և քիչ հողակտորներից մեծ արդյունք ստանալու հնարավորություն, որպեսզի սահմանամերձ բնակավայրի արտադրանքը հասանելի լինի հայ և օտարերկրյա սպառողին, այդ թվում՝ արտերկրի մեր հայրենակիցներին:
📌Կոոպերատիվի առանձնահատկությունն է․
Պատրաստի արտադրանքը (լոբի, սիսեռ, ոսպ, ոլոռ, հաճարի ձավար և այլն) ստացվում է սահմանամերձ հողից՝ հատիկաընդեղենը ցանելու, մշակելու, հնձելու, պահեստավորելու, որակի և անվտանգության ապահովման համար հատուկ սարքավորումների օգնությամբ հատուկ գործընթացի միջով անցկացնելու և վերջնարդյունքում՝ հատուկ տարբերանշանով (լոգո) փաթեթավորելու արդյունքում, ընդ որում, այս ամբողջ գործընթացին նախատեսվում է մասնակից դարձնել տեղաբնակներին՝ աշխատանքի համար սահմանելով համապատասխան վարձատրություն, որով որոշակիորեն կլուծվի նաև սահմանապահ բնակչության զբաղվածության խնդիրը:
📍Կարևոր է ընդգծել, որ Կոոպերատիվի արտադրանքը բացառում է քիմիական հավելումները:
📍Միաժամանակ հարկ է նշել, որ
Կոոպերատիվը չի հետապնդում բիզնես նպատակ՝ հաշվի առնելով, որ այն ագրոպարենային համակարգում գործունեություն իրականացնող անձանց անդամության վրա հիմնված ու իր անդամների գույքային փայավճարների կամավոր միավորման միջոցով մասնակիցների նյութական և այլ կարիքների բավարարման նպատակով ստեղծված իրավաբանական անձ է, որի անդամները բացառապես Խնձորեսկ և Ներքին Խնձորեսկ բնակավայրերի բնակիչներ են: Սա նշանակում է, որ Կոոպերատիվի ստացած եկամուտների հաշվին բավարարվելու են կոնկրետ սահմանամերձ գյուղի բնակիչների նյութական կարիքները, որպիսի խնդիրը ոչ միայն ՄԱԿ-ի ծրագրերի և պետության🇦🇲 քաղաքականության, այլ նաև մեր հայրենակիցների ուշադրության կենտրոնում պետք է լինի։
📍Մեր կարգախոսն է՝
«Պետությունն ուժեղ է, եթե սահմանամերձ հայրենի հողը գյուղացին չի լքում․ այնտեղ ապրում և օգտագործում է հողի հնարավորությունները խելացի կերպով»:
Կոոպերատիվի նախագահ Երվանդ Մալունցը և կոոպերատիվի 13 անդամներ հիմնադրման օրվանից օր ու գիշեր աշխատում են և շարունակում են իրենց աշխատանքը՝ ծրագրի նպատակներն իրագործելու, արդյունքի հասնելու և հատկապես՝ արտադրանքը ճանաչելի դարձնելու համար:
📌Հարգելի՛ սպառող, մեր հաջողության գրավականը Ձեր ճաշացանկում այս մաքուր և որակյալ արտադրանքն օգտագործելու մեջ է:
📌Հարգելի՛ իրացնող, մեր հաջողության գրավականը Ձեր՝ արտադրանքն իրացնելու ցանկության և պահանջարկը խթանելու մեջ է:
📌Ուրեմն, եկե՛ք միասին նպաստենք Կոոպերատիվի նպատակների իրագործմանը և իրացման ու սպառման միջոցով գնահատենք հայ գյուղացու աշխատանքը՝ դրանով իսկ լուծելով մեր հայրենի պետության սահմանամերձ գյուղերում բնակվող հայրենակիցների բազմաթիվ խնդիրները:
#առողջսնունդ
#Խնձորեսկիբարիքներ
#Սնունդսահմանից
#Տեղականարտադրանք
#Հատիկաընդեղեն
