Erfolgreich nach Deutschland/ Նախապատրաստված և բարեհաջող մեկնել Գերմանիա

23/04/2026

Ապրիլի 17-ին Գյումրիում մեծ հաջողությամբ անցկացվեց «Գերմաներենի օրը», որին մասնակցեցինք նաև մենք:

15/04/2026

🎓 Գերմանիայի առաջատար համալսարանները՝ Shanghai/ARWU TOP 100-ում

🇩🇪 Մյունխենի համալսարան — 42
🇩🇪 Մյունխենի տեխնիկական համալսարան — 45
🇩🇪 Հայդելբերգի համալսարան — 51
🇩🇪 Բոննի համալսարան — 68

Իսկ ինչո՞վ է Գերմանիայի կրթական համակարգը առանձնանում 👇

✨ Բարձր որակ՝ միջազգային ճանաչում ունեցող դիպլոմ
💸 Պետական համալսարաններում՝ գրեթե անվճար կրթություն
🧠 Ուժեղ պրակտիկա և կապ բիզնեսի հետ
🌍 Միջազգային միջավայր՝ հազարավոր օտարերկրյա ուսանողներ
📈 Բարձր հնարավորություններ՝ ավարտից հետո աշխատանք գտնելու:

Դու էլ կարող ես դառնալ այս համալսարանների ուսանող։

Մենք քեզ կօգնենք՝

📌 հասկանալ դիմելու ամբողջ գործընթացը
📌 ընտրել ճիշտ համալսարան ու մասնագիտություն
📌 կողմնորոշվել փաստաթղթերի, իրավական ընթացակարգերի առանձնահատկությունների մեջ

Եվ ամենակարևորը՝
💬 մեր խորհրդատվությունը ամբողջությամբ ԱՆՎՃԱՐ է:

Գրիր մեզ, եթե սկսում ես քո ճանապարհը դեպի Գերմանիա 🇩🇪✨

13/04/2026

Համեցե՛ք միասիոն տոնելու Aktionstag “Deutsch für Groß und Klein”-ը:

08/04/2026

Եթե ծրագրավորող ես, տվյալների բազաների ադմինիստրատոր կամ պարզապես հետաքրքրված IT-ով` ապա այս գրառումը քեզ համար է:

Ապրիլի 21-22-ին Գերմանիայի Էսսեն քաղաքում տեղի կունենա Եվրոպայում ամենահայտնի PostgreSQL համաժողովներից մեկը՝ PostgreSQL Conference Germany 2026-ը: Միջոցառումը կանցկացվի անգլերեն և գերմաներեն լեզուներով:

Այս միջոցառումը մասնագիտական աճի հնարավորություն լինելուց զատ նաև կապեր հաստատելու, ոլորտի առաջատար ընկերությունների հետ շփվելու միջոց է:
📌 Ավելին` https://2026.pgconf.de/

06/04/2026

📣 Գերմաներենի օր Գյումրիում

Գյոթե ինստիտուտը սիրով հրավիրում է բոլորին 2026թ․ ապրիլի 17-ին մասնակցելու գերմաներենի օրվան, որը տեղի կունենա Գյումրիի Berlin Art Hotel-ում։

Մենք նույնպես մասնակցում ենք միջոցառմանը և սիրով սպասում ենք ձեզ։

🕐 Սկիզբ՝ 13:00

🌍 Միջոցառմանը մասնակցում են Գերմանիայի, Շվեյցարիայի և Ավստրիայի դեսպանատների, ինչպես նաև միջազգային և հայկական կրթական կազմակերպությունների ներկայացուցիչներ։

✨ Ծրագրում՝
• կրթական և տեղեկատվական տաղավարներ
• մշակութային ու ինտերակտիվ ակտիվություններ
• ֆիլմերի ցուցադրություններ, խաղեր և վարպետաց դասեր

Միջոցառումը բաց է բոլորի համար՝ գերմաներեն սովորողների, ուսանողների, ծնողների և պարզապես հետաքրքրվածների համար։

Սպասում ենք ձեզ 💙

Գրանցվել կարող եք՝ գրելով այս էլփոստին. [email protected]։

Send a message to learn more

01/04/2026

Գերմանիայում ամեն տարի անցկացվում են ռասիզմի դեմ շաբաթներ։ Այս տարի միջոցառման խորագիրն է՝
«100 % մարդկային արժանապատվություն – միասին ռասիզմի և ծայրահեղ աջ տրամադրությունների դեմ»։ Միջոցառումները համակարգում է „Stiftung gegen Rassismus“ հիմնադրամը, որը կազմակերպում է „Internationale Wochen gegen Rassismus“ նախաձեռնությունը ողջ Գերմանիայում։ Ծրագրի նպատակը հանրության իրազեկումն է ռասիզմի, խտրական վերաբերմունքի և անհանդուրժողականության վերաբերյալ։

Այս շաբաթների ընթացքում կազմակերպվում են քննարկումներ, սեմինարներ, ընթերցումներ և մշակութային միջոցառումներ բոլորի համար՝ անկախ ծագումից, լեզվից, կրոնից կամ կենսագրությունից։Սա ցույց է տալիս, որ Գերմանիան ոչ միայն օրենքների վրա հիմնված պետություն է, այլև հասարակություն, որը ակտիվորեն պաշտպանում է հավասար իրավունքները, մարդու արժանապատվությունը և ինտեգրումը։

Միգրանտների և նորեկների համար սա կարևոր ազդակ է, որ իրենց ներկայությունն ու մասնակցությունն արժեքավոր են։ Այսպիսի նախաձեռնությունները օգնում են ավելի լավ հասկանալ հասարակության արժեքները և վստահորեն ամրագրել սեփական տեղը Գերմանիայում։ Գերմանիան գնահատում է բազմազանությունը և հավասարությունը. յուրաքանչյուր մարդ կարող է իր ներդրումն ունենալ հարգալից և ներառական միջավայր ձևավորելու գործում։

30/03/2026

📣Գերմանիայում ցանկացած մարդ կգտնի իր մասնագիտությանը, համոզմունքներին և հետաքրքրություններին համապատասխան միություն կամ ակումբ: Մոտ 580.000 սպորտային, մշակութային, քաղաքական, ընթերցասերների, խոհարարական և այլ միություններ ու ակումբներ սպասում են իրենց նոր անդամներին:
💡 Միությունների միջոցով դուք կարող եք գտնել ընկերներ, միաժամանակ զարգացնել ձեր հմտությունները, մասնակցել տարբեր միջոցառումների կամ քննարկել թեմաներ, որոնք ձեզ հետաքրքրում են: Դրանք բացում են նոր հնարավորություններ սոցիալական կապերի համար և օգնում են ավելի արագ հարմարվել նոր միջավայրին, ինչը կարևոր է հատկապես միգրացիայի համատեքստում:
📍Ինչպիսի միություններ կան ձեր բնակավայրում, կարող եք իմանալ քաղաքային աշխատակազմից (Bürgeramt/ Bürgerinformation) կամ ձեր բնակավայրի ինտերնետային էջից:
Մեկնաբանություններում գրեք, երբևէ միացե՞լ եք որևէ ակումբի Հայաստանում կամ Գերմանիայում:
#Միություններ #Ինտեգրում #ՍոցիալականԿապեր
Get this image on: rawpixel.com
Copyright: Rawpixel Ltd.

20/03/2026

Օրինական միգրացիայի վերաբերյալ տեղեկատվական հանդիպումը տեղի կունենա այսօր 19:00 , կարող եք միանալ այս լինքով:

19/03/2026

🚀 Միգրացիա դեպի Գերմանիա՝ օրինական և ապահով ճանապարհով

Ցանկանու՞մ եք տեղափոխվել Գերմանիա, բայց չգիտե՞ք որտեղից սկսել 🤔
Միացե՛ք մեր ԱՆՎՃԱՐ տեղեկատվական սեմինարին և ստացեք հստակ ու իրական տեղեկատվություն։

📌 Սեմինարի ընթացքում կիմանաք՝
• ինչ է իրականում օրինական միգրացիան
• Գերմանիա տեղափոխվելու իրական հնարավորությունները
• պահանջված մասնագիտությունները
• ինչ սպասել աշխատանքի և տեղափոխության ընթացքում
• ամենատարածված սխալները, որոնց պետք է խուսափել

💡 Ոչ մի միֆ — միայն իրականություն և փորձ

📅 Մարտի 20
🕖 19:00 – 20:30 (Երևանի ժամանակով)
💻 Առցանց՝ Google Meet
🎟 Մասնակցությունն ԱՆՎՃԱՐ է
Մասնակցության լինքը՝ : https://meet.google.com/fwt-qgxf-qnt

18/03/2026

🇩🇪 Երեկ հետաքրքիր հարց էինք ստացել, որի պատասխանը գուցե ձեզնից շատերին էլ հետաքրքրի․ «Կարո՞ղ եմ Գերմանիայում բիզնես հիմնել, և դրա համար վիզա պե՞տք է/մեխանիկորեն վիզա կստանա՞մ այդ հիմքով»։

Այսպիսով, եթե ուզում եք բացել բիզնես (Gewerbe)

Դուք պետք է
✔️ ապացուցեք, որ ձեր գաղափարը տնտեսական հետաքրքրություն ունի Գերմանիայի համար: Այլ կերպ ասած՝ շահեկան է Գերմնիայի համար:
✔️ ցույց տաք, որ այն կունենա դրական ազդեցություն տնտեսության վրա
✔️ ապահովեք ֆինանսավորում (սեփական միջոցներ կամ վարկ)
✔️ եթե 45+ եք՝ ունենաք համապատասխան կենսաթոշակային ապահովություն

🎓 Եթե աշխատելու եք որպես ազատ մասնագետ (Freiberufler)

Պահանջվում է
✔️ համապատասխան մասնագիտական որակավորում (օրինակ՝ դիպլոմ)
✔️ ապահովված ֆինանսավորում
✔️ ձեր կեցության ծախսերի ապահովում Գերմանիայում
✔️ 45+ դեպքում՝ կրկին կենսաթոշակային ապահովություն

✈️ Մինչ մեկնելը

📌 Պետք է

* ներկայացնել բոլոր փաստաթղթերը (օրիգինալներով)
* վճարել վիզայի վճարը (~75€)
* ունենալ առողջության ապահովագրություն
* հաշվի առնել, որ դիմումների դիտարկումը կարող է տարբեր ժամանակ տևել

🇩🇪 Գերմանիա հասնելուց հետո չմոռանաք գրանցեք ձեր հասցեն (Anmeldung), դիմեք Ausländerbehörde, ներկայացնեք անհրաժեշտ փաստաթղթերը, ստանաք Aufenthaltserlaubnis (§ 21 AufenthG)

💡 Կարևոր է իմանալ՝
Գերմանիայում բիզնես սկսելը հնարավոր է, բայց պահանջում է լավ պատրաստվածություն, ամուր նյարդեր, ճիշտ փաստաթղթեր ...

📩 Մեկնաբանություններում գրեք՝ ինչ եք կարծում՝ հնարավո՞ր է բիզնես բացելու մտադրության հիմքով մեխանիկորեն վիզա ստանալ:)

Send a message to learn more

16/03/2026

Օրերս հայկական ԶԼՄ-ները լուրեր հրապարակեցին այն մասին, որ Գերմանիան փետրվարին Հայաստան է ուղարկել արտաքսված քաղաքացիներով առնվազն երկու ինքնաթիռ։ Այդ չվերթերից մեկը տեղի է ունեցել Համբուրգից, երկրորդը՝ Մյունխենից։ Արտաքսվածներին հայրենիք են ուղարկում ինչպես հատուկ չարտերային, այնպես էլ կանոնավոր չվերթերով։ 2025 թվականի հունվարից նոյեմբեր ընկած ժամանակահատվածում Գերմանիայից արտաքսվել է 21 000-ից ավել մարդ:

Այս դեպքերը ևս մեկ անգամ ցույց են տալիս, թե որքան կարևոր է տեղեկացված լինել միգրացիայի օրինական ճանապարհների մասին։

Մենք կազմակերպում ենք անվճար տեղեկատվական սեմինար՝ «Օրինական միգրացիա դեպի Գերմանիա» թեմայով։

Սեմինարի ընթացքում կխոսենք՝
• ինչ է օրինական միգրացիան
• ինչ հնարավորություններ կան Գերմանիա ներգաղթելու համար:
• որ մասնագիտություններն են պահանջված
• ինչն է իրականում իրատեսական աշխատանքի և տեղափոխվելու դեպքում
• ինչ սխալներից պետք է խուսափել

📅 20 մարտ
🎟 Մասնակցությունն անվճար է
⚠️ Տեղերը սահմանափակ են (մասնակիցների առավելագույն թիվ՝ 7):

Մասնակցության համար անհրաժեշտ է նախապես գրանցվել։

Send a message to learn more

12/03/2026

Եթե դուք նոր եք տեղափոխվել Գերմանիա 🇩🇪, բնական է, որ բազմաթիվ հարցեր ունեք․ ինչպես գրանցել բնակության հասցեն, ինչպես կազմակերպել առողջապահական ապահովագրությունը, ինչպես կողմնորոշվել տեղական համակարգերում ...

Այս ճանապարհին կարևոր դեր ունեն այսպես կոչված Willkommenszentren-ը (բառացի՝ «բարի գալուստի կենտրոններ»)։

Այս կենտրոնները ստեղծվել են Գերմանիայի տարբեր քաղաքներում ու համայնքներում, որպեսզի աջակցեն ներգաղթողներին։ Այստեղ կարելի է ստանալ անվճար խորհրդատվություն մի շարք կարևոր հարցերի վերաբերյալ՝ սկսած բնակության գրանցումից մինչև աշխատանքի հնարավորություններ։

Կենտրոնների աշխատակիցները օգնում են հասկանալ գերմանական համակարգը, բացատրում են՝
• ինչ փաստաթղթեր են անհրաժեշտ
• ինչպես կարելի է ճանաչել դիպլոմը
• ինչպես գտնել լեզվի կամ ինտեգրացիոն դասընթացներ և բազմաթիվ այլ հարցեր։

Շատ դեպքերում այստեղ նաև կազմակերպվում են
📌 տեղեկատվական հանդիպումներ
📌 աշխատաշուկայի վերաբերյալ սեմինարներ
📌 հանդիպումներ գործատուների հետ։

Սա հատկապես օգտակար է այն մարդկանց համար, ովքեր ցանկանում են հնարավորինս արագ ինտեգրվել գերմանական հասարակությանը և սկսել աշխատել իրենց մասնագիտությամբ։

Կարևոր է նաև, որ նման կենտրոններում հաճախ աշխատում են տարբեր լեզուների իմացությամբ խորհրդատուներ, իսկ երբեմն հասանելի են նաև թարգմանական ծառայություններ։ Սա զգալիորեն հեշտացնում է նորեկների առաջին քայլերը 😊

Եթե մտածում եք Գերմանիա տեղափոխվելու մասին, խորհուրդ է տրվում նախապես ուսումնասիրել՝ արդյոք ձեր ընտրած քաղաքում գործում է Willkommenszentrum։ Այն կարող է դառնալ ձեր առաջին հուսալի ուղեցույցը նոր երկրում կյանքի կազմակերպման ճանապարհին ✨

Send a message to learn more