ՀՀ ԳԱԱ "Հայկենսատեխնոլոգիա" ԳԱԿ ՊՈԱԿ SPC “Armbiotechnology” SNPO NAS RA

27/05/2026

📣 🇸🇮 Ուրախությամբ տեղեկացնում ենք, որ «Հայկենսատեխնոլոգիա» ԳԱԿ-ի Հանքային հումքի կենսամշակման, մետաղների վերականգնման և միջավայրի պաշտպանության լաբորատորիայի վարիչ, կ․գ․թ․ Արևիկ Վարդանյանը մասնակցել է COST Action CA23104 “Water4Reuse” General և MC (Management Committee) միջոցառմանը, որը տեղի է ունեցել ս/թ․ մայիսի 19–22-ը Սլովենիայի մայրաքաղաք Լյուբլյանայում։

🇦🇲👩🏻‍🔬 Որպես Հայաստանը ներկայացնող MC անդամ՝ նրա մասնակցությունն այս կարևոր միջոցառմանը հիանալի հնարավորություն էր գիտելիքների փոխանակման, ծավալուն գիտական քննարկումների և Եվրոպայի տարբեր երկրների գործընկերների հետ նոր համագործակցությունների հաստատման համար՝ ջրերի կայուն վերօգտագործման և կառավարման նորարարական մոտեցումների ոլորտում։

💧♻️ Միջոցառման ընթացքում Արևիկ Վարդանյանն ակտիվորեն ներգրավված է եղել WG2 աշխատանքային խմբում, որը կենտրոնացած էր ջրի մաքրման գործընթացների և վերօգտագործման ռազմավարությունների վրա։

🌍 💡 Կարևոր է նշել, որ այս միջոցառումը հիանալի հարթակ դարձավ նաև բոլոր աշխատանքային խմբերի (WG1–WG4) միջև փոխգործակցության համար՝ ապահովելով միջառարկայական գաղափարների ավելի լայն ու արդյունավետ փոխանակում։

🔋 Բարձր գնահատելով այս միջազգային համագործակցային ցանցի մաս լինելը՝ սպասում ենք «Water4Reuse» նախագծի շրջանակներում հետագա զարգացումներին և նոր ձեռքբերումներին:

#ԿայունՋուր #ՋրիՎերօգտագործում #ՇրջանաձևՏնտեսություն #ԳիտականՀամագործակցություն #Լյուբլյանա #Սլովենիա #ԳիտականՑանց

21/05/2026

💡 Ունե՞ս նորարար գաղափար, որը կարող է փոխել ապագան։

🚀 Մեկնարկել է 2026 թվականի «100 գաղափար Հայաստանի համար» համահայկական մրցույթի հայտերի ընդունումը։

Եթե 13-35 տարեկան ես և ունես հետաքրքիր նախագիծ կամ գիտատեխնիկական մշակում, բաց մի’ թող այս հնարավորությունը․ լավագույն 5 գաղափարները կստանան 500․000 դրամ պարգև։ 🏆

📅 Հայտերի ընդունում՝ մինչև սեպտեմբերի 20-ը։

Մանրամասները՝ ստորև ⤵️
https://escs.am/am/news/36455

💯ԿԳՄՍ նախարարությունը հայտարարում է 2026 թվականի «100 գաղափար Հայաստանի համար» նորարարական նախագծերի և գիտատեխնիկական մշակումների համահայկական մրցույթի հայտերի ընդունման փուլը:

Մրցույթի նպատակներն են`
✅զարգացնել երիտասարդների նորարարական մտածողությունը
✅ներգրավել երիտասարդներին ՀՀ սոցիալ-տնտեսական զարգացման խնդիրների լուծման գործընթացներում
✅խթանել գիտատեխնիկական մշակումներ ու նորարարական նախագծեր իրականացնելու քաղաքացիական նախաձեռնությունները

Մրցույթին կարող են մասնակցել Հայաստանի և սփյուռքի 13-35 տարեկան երիտասարդներ կամ հեղինակային խմբեր: Մրցույթին ներկայացված գաղափարներից մրցութային հանձնաժողովը կընտրի լավագույն 5 գաղափարները, որոնց կտրվի դրամական պարգև՝ 500.000-ական դրամ:

Հայտերն անհրաժեշտ է ուղարկել մինչև սեպտեմբերի 20-ը ներառյալ:

Թեմատիկ ուղղությունները, անվանակարգերը և մրցույթին դիմելու պայմանները՝ https://escs.am/am/news/36455

21/05/2026

📣🌍 «Հայկենսատեխնոլոգիա» ԳԱԿ-ի պատվիրակությունը Վրաստանում անցկացված միջազգային գիտաժողովին

🧬🔬 Մայիսի 7-ին «Հայկենսատեխնոլոգիա» ԳԱԿ-ի տնօրեն Ավետիս Ծատուրյանը, Իտալիայի ազգային հետազոտական խորհրդի Կենսակառուցվածքի և կենսապատկերման ինստիտուտի առաջատար գիտաշխատող, պրոֆեսոր Ջիովաննի Ռովիելլոն, Պեպտիդային ինժեներիայի լաբորատորիայի վարիչ Տաթևիկ Սարգսյանը, ինչպես նաև աշխատակիցներ Քրիստինե Հովսեփյանը և Ժակլինա Սարիբեկյանը մասնակցեցին Վրաստանի Հանրապետության Գեոմեդ բժշկական համալսարանի կողմից կազմակերպված բժշկության ժամանակակից խնդիրներին և կառավարմանը նվիրված 7-րդ միջազգային գիտաժողովին։

👨🏻‍💻 Որպես հրավիրյալ զեկուցող՝ Ավետիս Ծատուրյանը ներկայացրեց Կենտրոնի կենսաբժշկության ոլորտին առնչվող հիմնարար հետազոտական ուղղությունները, ինչպես նաև կիրառական մշակումները, մասնավորապես՝ կենսաբանորեն ակտիվ սննդային հավելումները, դրանց բուժական և կանխարգելիչ նշանակությունն ու այլ նորարարական լուծումներ։

🏫🤝 Այցի ընթացքում պատվիրակությունը ծանոթացավ համալսարանի կրթական և գիտահետազոտական ներուժին։ Քննարկվեցին նաև համատեղ հետազոտությունների իրականացման և մասնագիտական կադրերի վերապատրաստմանն առնչվող հարցեր։

#Հայկենսատեխնոլոգիա #Գիտություն #ՄիջազգայինՀամագործակցություն

19/05/2026

📢 Հիանալի հնարավորություն հայաստանյան հետազոտողների համար 🚀

«Հորիզոն Եվրոպա» ծրագրի շրջանակում հասանելի են անհատական փորձագիտական խորհրդատվություններ՝ մրցունակ հայտադիմումներ պատրաստելու նպատակով։ 🔬🌍

📢 Expert Consultations for Armenian Beneficiaries on Horizon Europe Proposal Preparation‼️🚀

🔬 Researchers and innovators from Armenia can now request individual expert consultations for the preparation of Horizon Europe proposals within the framework of the European Commission’s Global Service Facility initiative.🌍

🤝 The initiative aims to facilitate stronger participation of Eastern Partnership countries, including Armenia, in Horizon Europe and the European Research Area (ERA), while supporting researchers and innovators in developing competitive project proposals and international partnerships.

💡 This customised support is addressed to potential applicants targeting a concrete call/topic of Horizon Europe and will focus on questions such as:
✅understanding and ‘decoding’ the call
✅matching between the call and the researcher’s expertise
✅consortium building and securing roles in a consortium
✅structuring the budget

⏰Deadline: Applications for expert consultations are evaluated at the end of every calendar month until May 2027, based on the information provided in the registration form, as the number of consultations is limited‼️

📩 For urgent requests, interested stakeholders may contact the HE National Contact Point Coordinator of Armenia, Mr. Tigran Arzumanyan, and/or the GSF team.

🔗 For more details and registration, please visit our website👇
https://sipac.am/uncategorized/expert-consultations-for-horizon-europe-proposals-preparation/

---------------------------
📢 «Հորիզոն Եվրոպա» ծրագրի հայտադիմումների նախապատրաստման փորձագիտական խորհրդատվություններ հայաստանյան շահառուների համար Եվրոպական Հանձնաժողովի կողմից‼️🚀

💡Խորհրդատվությունները նպատակ ունեն տրամադրել անհատականացված աջակցություն՝ «Հորիզոն Եվրոպա» ծրագրի կոնկրետ մրցույթների հայտադիմումների կազմման համար։

⏰ Դիմումները գնահատվում են յուրաքանչյուր ամսվա վերջում՝ մինչև 2027 թվականի մայիս: Խորհրդատվությունների քանակը սահմանափակ է։

🤝 Նախաձեռնության նպատակն է խթանել Հայաստանի և Արևելյան գործընկերության երկրների ավելի ակտիվ մասնակցությունը «Հորիզոն Եվրոպա» ծրագրին և Եվրոպական հետազոտական տարածքին (ERA)։

🔗 Մանրամասների և գրանցման համար այցելեք մեր կայք👇
https://sipac.am/hy/uncategorized-hy/%d5%b0%d5%b8%d6%80%d5%ab%d5%a6%d5%b8%d5%b6-%d5%a5%d5%be%d6%80%d5%b8%d5%ba%d5%a1-%d5%ae%d6%80%d5%a1%d5%a3%d6%80%d5%ab-%d5%b0%d5%a1%d5%b5%d5%bf%d5%a1%d5%a4%d5%ab%d5%b4%d5%b8%d6%82%d5%b4-3/

14/05/2026

ՀՀ ԳԱԱ «Հայկենսատեխնոլոգիա» ԳԱԿ-ը Եվրոպայի օրվան նվիրված միջոցառման

🇪🇺🇦🇲🔬 Մայիսի 10-ին Երևանի Ազատության հրապարակում անցկացված Եվրոպայի օրվան նվիրված ցուցահանդեսին ՀՀ ԳԱԱ "Հայկենսատեխնոլոգիա" ԳԱԿ ՊՈԱԿ SPC “Armbiotechnology” SNPO NAS RA-ն՝ որպես համակատարող, մասնակցել է ERNA - European Researchers’ Night in Armenia նախագծի ներկայացմանը։

🏛️ ՀՀ ԳԱԱ-ի համակարգմամբ իրականացվող ERNA նախագիծը հաղթել է Եվրոպական հանձնաժողովի «MSCA & Citizens 2025» մրցույթում, որն իրականացվում է Եվրոպական միության «Հորիզոն Եվրոպա» ծրագրի շրջանակում՝ «Մարի Սկլոդովսկա-Կյուրի գործողություններ» (MSCA) նախաձեռնությամբ։

🌍 Ծրագիրը համարվում է եվրոպական հետազոտական համակարգի կարևորագույն հարթակներից մեկը՝ խթանելով գիտական համագործակցությունը, հետազոտողների շարժունությունը և նոր տաղանդների ներգրավումը միջազգային գիտական համայնքում։

👩🏻‍🔬👨‍🔬 Ցուցահանդեսին մասնակցել են նաև MSCA ծրագրերում ներգրավված հայ հետազոտողները, որոնց ողջունեցին Հայաստանում Եվրոպական միության դեսպան Վասիլիս Մարագոսը և ՀՀ ԱԳ նախարարի տեղակալ Ռոբերտ Աբիսողոմոնյանը։

✨ Գիտությունը միավորում է, զարգացնում և բացում նոր հնարավորություններ Հայաստանի համար։

12/05/2026

📣 Այս օրերին Տավուշի մարզի գեղատեսիլ Դիլիջան քաղաքում տեղի է ունենում «Առաջընթաց՝ արդյունավետ գիտությամբ. ԱԱԳ-2026» գիտաժողովը, որը միավորել է 100-ից ավելի գիտնականների։

Գիտաժողովին մասնակցում են նաև ՀՀ ԳԱԱ "Հայկենսատեխնոլոգիա" ԳԱԿ ՊՈԱԿ SPC “Armbiotechnology” SNPO NAS RA-ից ԿԳՄՍՆ ԲԿԳԿ խոշոր դրամաշնորհային ծրագրերի ղեկավարներ Ani Paloyan-ը և Tatev Sargsyan-ը՝ ներկայացնելով իրենց գիտական հետազոտություններն ու արդյունքները։ 🤝🔬

27/04/2026

📌 Կարևոր նորություն՝ նրանց համար, ովքեր բաց են թողել այն իրենց լրահոսում: 💫

📍 2025թ. օգոստոսի 27-ին Ճապոնիայի Օսակա քաղաքում անցկացվող «EXPO 2025»-ի շրջանակում կայացել է «Recognition of Research Teams Working on ISTC-Japan Projects» պաշտոնական միջոցառումը, որի ընթացքում Միջազգային գիտատեխնիկական կենտրոնը (ISTC) և Ճապոնիայի կառավարությունը պարգևատրել են Հայաստանի, Վրաստանի, Ղազախստանի և Տաջիկստանի գիտական հաստատությունների գիտնականներին։

🔖 «ISTC-Japan» նախագծերի շրջանակում գիտնականներն արժանացել են պատվոգրերի իրենց մասնագիտական նվաճումների և գիտության զարգացման գործում ունեցած նշանակալի ներդրման համար։

🇦🇲 Հայաստանը ներկայացնող պարգևատրված գիտնականներն են Անի Դադայանը (ԵՊՀ - Yerevan State University) և Աննա Մկրտչյանը (ՀՀ ԳԱԱ "Հայկենսատեխնոլոգիա" ԳԱԿ ՊՈԱԿ SPC “Armbiotechnology” SNPO NAS RA):

🎌 🌍 Միջոցառման ընթացքում ընդգծվել է, որ Ճապոնիայի աջակցությունը կարևոր դեր է խաղացել Կովկասում և Կենտրոնական Ասիայում գիտական ներուժի զարգացման, նորարարությունների խթանման ու միջազգային համագործակցության ամրապնդման գործում։

👩🏻‍💻🤝 ISTC-ի գործադիր տնօրեն Կարինա Անգուելիևան նշել է, որ նման նախաձեռնությունները նպաստում են ոչ միայն գիտական գերազանցության տարածմանը, այլև տարածաշրջանային և գլոբալ մարտահրավերների հաղթահարմանը։ ISTC-ն նպատակ ունի դառնալ համագործակցության ռազմավարական հարթակ՝ շարունակաբար կենտրոնանալով էներգիայի, հանրային առողջության, բնապահպանության և թվային վերափոխման ոլորտների վրա:

🚀🙂 Շնորհավորում ենք մեր գիտնականներին և մաղթում նորանոր հաջողություններ գիտական ասպարեզում:

21/04/2026

📣 Գիտական հանրույթի ուշագրավ նորություններից

📍💫 Ուրախությամբ տեղեկացնում ենք, որ Անի Պալոյանը, որը COST Action Կառավարման հանձնաժողովի անդամ է, և Արմեն Սարգսյանը մասնակցել են COST Action CA21162 – COZYME (Computationally Assisted Design of Enzymes) աշխատանքային խմբի համաժողովին, որը կայացել է ապրիլի 16-17-ը Սերբիայի մայրաքաղաք Բելգրադում:

👩🏻‍🔬👨‍🔬 Համաժողովը համախմբել էր Եվրոպայի տարբեր երկրների հետազոտողների՝ գաղափարների փոխանակման և համագործակցության զարգացման նպատակով՝ հետևյալ ուղղություններով․
📌 ֆերմենտների հատկությունների բարելավում
📌 կատալիտիկ արդյունավետության օպտիմալացում
📌 հաշվարկային մոտեցումների մշակում և դրանց փորձարարական հաստատում

🧑🏻‍💻 Ծրագրի շրջանակում Արմեն Սարգսյանը հանդես է եկել բանավոր զեկուցմամբ՝
«N-կարբամոիլ-β-ալանին ամիդոհիդրոլազայի սուբստրատային սպեցիֆիկության բարձրացումը հաշվարկային մոդելավորման միջոցով» թեմայով։
Ներկայացված հետազոտությունն իրականացվել է ՀՀ ԿԳՄՍ նախարարության Բարձրագույն կրթության և գիտության կոմիտեի «Կենսատեխնոլոգիական նշանակություն ունեցող ընտրված հիդրոլազների նպատակային վերակառուցում՝ դրանց արտադրողական հատկությունների բարելավման նպատակով» ծրագրի շրջանակում:

🚀 Նման համաժողովները կարևոր են միջազգային համագործակցության ամրապնդման և հետագա զարգացման համար:

20/04/2026

Հետաքրքիր նորություններ գիտական համայնքից 🔬✨

📣 📍Հպարտությամբ հայտնում ենք, որ Հանքային հումքի կենսամշակման, մետաղների վերականգնման և շրջակա միջավայրի պաշտպանության լաբորատորիայի առաջատար գիտաշխատող, կ.գ.դ. Նարինե Վարդանյանը և գիտաշխատող, կ.գ.թ. Աննա Խաչատրյանը մասնակցել են Մանրէաբանության միության ամենամյա համաժողովին (Microbiology Society Annual Conference), որը տեղի է ունեցել Հյուսիսային Իռլանդիայի մայրաքաղաք Բելֆաստում ապրիլի 13–16-ը։

🧬 Գիտաժողովի շրջանակում ներկայացրել է «Միկրոբային համայնքների բազմազանության վերլուծություն ոսկու-պոլիմետաղական հանքավայրում և թթվային հանքաջրերի կենսամաքրման գործընթացում» թեմայով պաստառային զեկույցը։ Ներկայացված աշխատանքը բացահայտում է հանքային միջավայրերում միկրոբային համակարգերի բարդությունը և դրանց կիրառման հնարավորությունները կայուն կենսամաքրման տեխնոլոգիաներում։

🔖👩🏻‍🔬 Ուրախությամբ նշում ենք նաև, որ Աննա Խաչատրյանն ստացել է երկու վկայական՝ մեկը մասնակցության, իսկ մյուսը՝ թեզիսի ներկայացման համար՝ Imperial College London-ի CDS-ից։ Ներկայացված աշխատանքը նաև դիտարկվում է Microbial Genomics գիտական ամսագրում հրապարակման համար։

💫 Մասնակցությունը նման միջազգային գիտաժողովին կարևոր հնարավորություն էր գիտելիքների փոխանակման, առաջատար մասնագետների հետ համագործակցության և նոր գիտական կապերի ձևավորման համար։

#Մանրէաբանություն #ՀանքայինՄանրէաբանություն #ՇրջակաՄիջավայր #Գիտություն

17/04/2026

📍 ՀՀ ԳԱԱ «Հայկենսատեխնոլոգիա» ԳԱԿ-ի Հանքային հումքի կենսամշակման, մետաղների վերականգնման և շրջակա միջավայրի պաշտպանության լաբորատորիան երկշաբաթյա այցով, որպես հրավիրյալ հետազոտող, հյուրընկալել էր Հարվարդի բժշկական դպրոցի դոկտոր Հայկ Ալեքսանդր Էսկանդարյանին:

🎓 Դոկտոր Էսկանդարյանը միջազգային ակադեմիական փորձառություն ունեցող հայ գիտնական է, ում գործունեությունը լավագույնս արտացոլում է հայկական ժառանգության և համաշխարհային գիտական նվաճումների սերտ կապը: Նա զգալի ջանքեր է գործադրում Հայաստանում ժամանակակից գիտության և հիմնարար հետազոտությունների զարգացման գործում:

🔬 Այցի շրջանակներում կատարված համատեղ աշխատանքն ուղղված էր քեմոլիթոտրոֆ բակտերիաների մեխանիկական ադապտիվ (հարմարվողական) ազդակների ուսումնասիրությանը: Մեր նպատակն է ավելի խորությամբ հասկանալ, թե ինչպես են մեխանիկական գործոններն ազդում բակտերիաների հարմարվողականության, ֆիզիոլոգիայի և խիստ պայմաններում դրանց կենսունակության վրա:

🤝🏻 Այս այցը նոր փուլ է նշանավորում լաբորատորիայի համար՝ բացելով խոստումնալից հեռանկարներ գիտական նոր ուղղությունների և հետազոտական մեթոդների մշակման համար: Գիտական փորձի նմանատիպ փոխանակումները հիանալի հնարավորություն են ոչ միայն մտքերի փոխանակման և փորձարարական մեթոդների կատարելագործման, այլև երկարաժամկետ միջազգային գիտական կապերի ամրապնդման համար:

👩🏻‍🔬👨🏼‍🔬 Այցի արդյունքում ձեռք բերված՝ համատեղ աշխատանքը շարունակելու պայմանավորվածությունը հիմք կդառնա մեր հաստատությունների միջև նորարարական հետազոտությունների և երկարաժամկետ համագործակցության համար։

🇦🇲🇺🇸 Մենք բարձր ենք գնահատում մեր գիտնական հայրենակիցների ոգևորվածությունը և պատրաստակամությունը՝ լինելու կապող օղակ հայաստանյան հետազոտական միջավայրի և համաշխարհային գիտական հանրույթի միջև:


#Հայկենսատեխնոլոգիա #գիտահետազոտական #միջազգայինհամագործակցություն #Հայաստան