DSA Advisory Group CJSC

31/12/2024

Շնորհավոր Ամանոր և Սուրբ Ծնունդ 🤍

Թող 2025֊ը լինի նորանոր ձեռքբերումների, վերելքների ու երազելու կարողությունների վերականգնման տարի։ Սեր, լույս ու ջերմություն բոլորիս ընտանիքներին։

Դի֊Էս֊Էյ խորհրդատվական խումբ

Company provides full range of business, financial management and legal consulting services.

28/10/2024

Մեր բիզնես փորձագետների թիմը գտնում է, որ հանրային կյանքի բոլոր՝ թե՛ միկրո, և թե՛ մակրո մակարդակներում ընթացող գործընթացների վրա մարդկային գործոնի ազդեցությունը ոչ միայն էական է, այլև՝ որոշիչ, հետևաբար, դրա համապարփակ վերլուծությունն անհրաժեշտ է իրականացնել առնվազն երեք կարևոր ուղղություններով՝ ներքին և արտաքին միջավայր, մոտիվացիա և թիմային աշխատանք։ Առավել մանրամասն տե՛ս՝
https://drive.google.com/file/d/1xEUSdQI-6pZHk8uskc6ohVXhdWscf47T/view?usp=sharing

Our team of business experts believes that the influence of the human factor on the processes that take place on both micro and macro levels of social relations is not only significant but also decisive. Thus, an all-encompassing analysis of it must be carried out in at least three crucial directions: internal and external environment, motivation, and teamwork.

23/09/2024

Մեր տնտեսագետների փորձագիտական թիմը կարծում է, որ վերջին տարիների իրադարձությունները ցույց տվեցին, որ երկրի տնտեսության դիմակայունությունը կախված է ոչ միայն մակրոտնտեսական քաղաքականությունից կամ միջազգային առևտրական հարաբերություններից, այլև նրա բիզնես միջավայրի կենսունակությունից, մարտահրավերներին դիմակայելու պատրաստվածությունից և, առհասարակ, բիզնեսի շարունակականության պլանավորումից: Այն ընկերությունները, որոնք ունեին կանխարգելիչ ռազմավարություններ նման խափանումները կառավարելու համար, ավելի լավ կարողացան մեղմել ազդեցությունը, պահպանել գործառնական շարունակականության որոշակի մակարդակ և նպաստել երկրի՝ ավելի լայն իմաստով տնտեսական կայունությանը՝ թույլ տալով նրան կլանել ցնցումները և ավելի արագ վերականգնվել ճգնաժամերից։ Ավելի մանրամասն տե՛ս` https://drive.google.com/file/d/168iF74RGYTLf_DCvt26ZRRxhTIO9cqkV/view?usp=sharing

Our team of economics experts believes that the events of the last few years have demonstrated that the resilience of a country's economy depends not only on macroeconomic policy or international trade relations but also on the viability of its business environment, its preparedness to withstand challenges and the planning of business continuity in general. Companies with preventive strategies in place to manage such stoppages were able to mitigate the impact better, maintain a certain level of operational continuity and contribute to the wider economic stability of the country, allowing it to absorb shocks and recover from crises faster.

25/07/2024

Երկարաժամկետ մտածողությունն ավելի լավ ու արդյունավետ կարճաժամկետ որոշումներ է ստեղծում: Պատկերացնելով 2050 թվականի աշխարհը, մենք կարող ենք մատնանշել այն կարևորագույն մարտահրավերներն ու ընտրությունները, որոնց պետք է անդրադառնալ հիմա, եթե մտադիր ենք ձեռք բերել ավելի հարուստ, ավելի արդար, ավելի կայուն աշխարհի մեր տեսլականը: Այնուամենայնիվ, մենք պարտադրված ենք իրականացնել կառուցվածքային բարեփոխումներ՝ բարձրացնելով մակրոտնտեսական կայունությունը, դիվերսիֆիկացնելով տնտեսությունը և ամրապնդելով քաղաքական ու իրավական ինստիտուտները: Ավելի մանրամասն տե՛ս`
https://drive.google.com/file/d/12L7sBQymMqRM3MGj0RqdkjTxIURGBbH-/view?usp=sharing

Long-term thinking yields better and more effective decisions in the short term. Imagining the world in the year 2050, we can highlight the most important challenges and choices that need to be addressed today if we want to achieve our vision of a richer, fairer and more sustainable world. However, we have to carry out structural reforms aimed at improving macroeconomic stability, diversification of economy, and strengthening political and legal institutions. For further details see the full article.

Company provides full range of business, financial management and legal consulting services.

18/06/2024

Այսօր «Թաթոյան և գործընկերներ փաստաբանական գրասենյակ» ՍՊԸ և «Դի-Էս-Էյ խորհրդատվական խումբ» ՓԲԸ միջև կնքվեց համագործակցության հուշագիր, որով, ըստ էության, ազդարարվեց համապարփակ համագործակցության մեկնարկը։

Ֆինանսական և իրավաբանական խորհրդատվական ծառայությունների ողջ շրջանակն իրենց հաճախորդներին առաջարկելու և միասնական թիմով հանդես գալու ցանկությունն ու մտադրությունը հիմնված է երկու ընկերությունների միջև ձևավորված փոխվստահության, ինչպես նաև համատեղ կառուցողական փոխգործակցությամբ որակյալ և արժեքավոր ծառայություններ մատուցելու պատրաստակամության և շահագրգռվածության վրա։

Company provides full range of business, financial management and legal consulting services.

29/01/2024

Ի շարունակություն նախորդ գրառման, անհրաժեշտ է նշել, որ ՊԵԿ-ի կողմից խոշոր հարկ վճարողների հրապարակված ցանկը, որոշակի մտահոգություն էառաջացնում նաև կապված այն հանգամանքի հետ, որ դեռևս պահպանվում են հարկային եկամուտների ձևավորման գործընթացում հարկ վճարողների մասնակցության «բևեռացման» միտումները։

Մասնավորապես, ինչպես 2022-ին, այնպես էլ 2023-ին, 1000 խոշոր հարկ վճարողների կողմից, ըստ էության, վճարվել է պետական բյուջեի հարկային եկամուտների շուրջ 77 տոկոսը։
Մասնավորապես, 2022-ին պետական բյուջեի հարկային եկամուտները կազմել են 1,926 մլրդ դրամ (2023-ին՝ 2,221 մլրդ դրամ), որից 1,490 մլրդ դրամը (2023-ին՝ 1,711 մլրդ դրամը) ապահովել են առաջին 1000 խոշոր հարկ վճարողները։

Այսինքն՝ վերջին տարիներին շուրջ 100 հազար ակտիվ հարկ վճարողների (հարկային տարվա ընթացքում առնվազն մեկ անգամ հարկման օբյեկտ հայտարարագրած հարկ վճարողների) շուրջ 1 տոկոսը վճարում է հարկային եկամուտների 77 տոկոսը։

Նման բևեռացումը արդյունավետ հարկային վարչարարություն իրականացման տեսանկյունից կարծես թե մտահոգիչ չէ, հակառակը՝ այն թույլ է տալիս հասցեական հարկային վարչարարություն իրականացնել՝ հարկային եկամուտներն ապահովող հիմնական դերակատարների հետ հորիզոնական, մոնիտորինգային և գործընկերային հարաբերություններ հաստատելու և արդյունավետ վերահսկողություն ապահովելու առումով։

Այլ է խնդիրը՝ կապված հարկային քաղաքականության արդյունավետության հետ։

Ակնհայտ է, որ հարկային քաղաքականության արդյունավետության հասկացությունը տարբերվում է հարկային վարչարարության արդյունավետության հասկացությունից, քանի որ հարկային քաղաքականության արդյունավետությունը գնահատվում է ազգային հաշիվների համակարգի հիման վրա մշակված դինամիկ մոդելների կիրառմամբ՝ հաշվարկելու համար տնտեսության տարբեր ոլորտների արդյունավետ (օպտիմալ) հարկային բեռի ցուցանիշները, որոնց պայմաններում, մի կողմից՝ պետությունը հնարավորություն է ունենում բավարարել իր նվազագույն ֆիսկալ (գանձարանային) նպատակները, մյուս կողմից՝ տնտեսությունն ապահովում է համախառն ներքին արդյունքի (ՀՆԱ) թողարկման առավելագույն ցուցանիշ։

Մյուս կողմից, ՀՆԱ-ի աճի «որակը» ժամանակակից աշխարհում գնահատվում է հանրային և մասնավոր ներդրումների շնորհիվ տնտեսության կողմից կապիտալի ձևավորման (կապիտալ ծախսումների կատարման, հիմնական միջոցների կառուցման) առկայությունից, դրա չափից, ինչպես նաև և դրանց արտադրողականությունից։

Հետևաբար, քանի դեռ մեր երկրում ներքաղաքական իրավիճակը, մեղմ ասած, կայուն չէ, արտաքին անվտանգային խնդիրները ոչ միայն լուծված չեն, այլև գնալով խորանում են, իսկ ՀՆԱ-ի աճը «որակի» տեսանկյունից լավը չէ, հարկային քաղաքականության արդյունավետության գնահատում իրականացնելն անիմաստ է։

29/01/2024

ՊԵԿ-ը հրապարակեց 2023 թվականի 1000 խոշոր հարկ վճարողների ցանկը։

Խոշոր հարկ վճարողների առաջին տասնյակում տեղի ունեցած որոշակի փոխատեղումների հիման վրա կարելի է ազդակների մակարդակով հպանցիկ տեսակետ ձևավորել Հայաստանի տնտեսական կառուցվածքի վերաբերյալ։

Այսպես․ ցանկը գլխավորող առաջին եռյակը նույնն է․ «Զանգեզուրի Պղնձամոլիբդենային կոմբինատ» (ինչպես 2022-ին, 2023-ին ևս առաջինն է), «Գրանդ տոբակո» (2022-ին երրորդն էր, 2023-ին՝ երկրորդը) և է «Գազպրոմ Արմենիան» (2022-ին երկրորդն էր, 2023-ին՝ երրորդը)։

Առաջին տասնյակում են կրկին «Մոբայլ սենթր արթ» (որը «խիստ» բարելավել է իր դիրքերը՝ 2022-ին 7-րդ հորիզոնականից 2023-ին տեղափոխվելով 4-րդ հորիզոնական), «Ջի Թի Այ Արմենիա» և «Սի Փի Էս Էներջի Գրուպ» ընկերությունները։

Հատկանշական է, որ 2023-ի առաջին տասնյակում նախորդող տարվա համեմատ, չեն գտնվում «Ինթերնեյշնլ Մասիս Տաբակ», «Ագարակի Պղնձա-մոլիբդենային կոմբինատ», «Ֆիլիպ Մորրիս Արմենիա» և «ՄՏՍ Հայաստան» ընկերությունները։

Ուշագրավ է, որ 2023-ին առաջին տասնյակ են «ներթափանցել» «Փրիթի Ուեյ», «Վայլդբերրիզ», «Ամերիաբանկ» և «Արդշինբանկ» ընկերությունները։

«Վայլդբերրիզ»-ի՝ խոշոր հարկ վճարողների առաջին տասնյակում հայտնվելը ուղղակիորեն արդյունք է 2023-ին օրենսդրական փոփոխությունների արդյունքում վերջինիս՝ խոշոր ԱԱՀ վճարող դառնալու հանգամանքով։

«Մոբայլ սենթր արթ» ընկերության դիրքերի «բարելավումը», ինչպես նաև և «Փրիթի Ուեյ» ընկերության՝ այս ցանկում հայտնվելը ռուս-ուկրաինական հակամարտության արդյունքում տեխնիկայի, հիմնականում՝ հեռախոսների և համակարգիչների ներմուծման ու Ռուսաստանի շուկայում վաճառքի (վերարատահանման) ծավալների ավելի քան կտրուկ աճի ուղղակի արդյունք է։

ՀՀ բանկային ոլորտը ներկայացնող «Ամերիաբանկը»-ի ու «Արդշինբանկ»-ի՝ խոշոր հարկ վճարողների առաջին տասնյակում հայտնվելը ուղղակիորեն արտացոլում է իրենց բիզնեսը Հայաստան տեղափոխված ռուսաստանցիներին մատուցված ծառայությունների կտրուկ աճի հաշվին ՀՀ բանկային ոլորտում գերշահույթների ստացման հանգամանքը։

Եթե ամփոփենք, ապա, ըստ էության, տնտեսության իրական (արտահանելի) հատվածը իր դիրքերը «զիջել է» արտածին գործոնների ազդեցությամբ ժամանակավոր բում ապրող, ինչպես նաև ոչ արտահանելի ոլորտներին։

21/01/2024

The Economist-ում տպագրված (կից ներկայացվող) հոդվածում հստակ ներկայացված են տնտեսության սրընթաց զարգացման միջազգային տեսլականների հիմքում ընկած այն գաղափարներն ու մտադրությունները, որոնք կարող են ուղենիշային նշանակություն ունենալ զարգացող տնտեսություն ունեցող պետություն համարվող ցանկացած երկրում (այդ թվում՝ նաև մեր երկրում)։

Ակնհայտ է, որ լիարժեք և համապարփակ տնտեսական քաղաքականության իրականացումը սովորաբար կախված է բազմաթիվ գործոններից ու փոփոխականներից, ներառյալ՝ աշխարհագրությունից, բնական ռեսուրսների առկայությունից, համաշխարհային տնտեսության համատեքստից և այլն։

Ընդհանուր առմամբ, արդյունավետ տնտեսական քաղաքականությունը ներառում է այնպիսի հիմնական բաղադրիչներ, ինչպիսիք են՝ առևտրի և ներդրումների ազատականացումը, ենթակառուցվածքների զարգացումը, ներդրումները կրթության և գիտության մեջ, բարեփոխումներն աշխատաշուկայում, կենտրոնացումը արտահանելի գյուղատնտեսության և արդյունաբերության վրա, նորարարության խթանումը և այլն։

Այնուամենայնիվ, զարգացող տնտեսություն ունեցող երկրում ազատական բարեփոխումների հաջող իրականացումը պահանջում է որոշակի քաղաքական միջավայր և կամք, որոնք կարող են բնորոշվել հետևյալ մի քանի տարրերով.

1. Քաղաքական կայունություն. քաղաքական համակարգի կայունությունը և լուրջ հակամարտությունների բացակայությունը կարող են թույլ տալ կառավարությանը կենտրոնացնել իր ջանքերը բարեփոխումների վրա: Քաղաքական կայունությունը ենթադրում է քաղաքական այնպիս մթնոլորտի առկայություն, որում տարբեր քաղաքական ուժեր համագործակցում և ընդհանուր լեզու են գտնում տնտեսական զարգացման համար։

2. Առաջնորդություն և կամք. ազատական (լիբերալ) բարեփոխումներ իրականացնելու հստակ տեսլականով և վճռականությամբ քաղաքական առաջնորդներ ունենալը պարտադիր է, որոնք ունեն քաղաքական կամք և պատրաստակամություն՝ հաղթահարելու դիմադրությունն ու բարեփոխումների խոչընդոտները։ Բնականաբար, սա հնարավոր է քաղաքական կոնսենսուսի և լայն հանրային աջակցության պայմաններում:

3. Տնտեսության կառավարման իրավասություններ. արդյունավետ տնտեսական քաղաքականություն մշակելու և իրականացնելու համար անհրաժեշտ է ունենալ քաղաքական կայունության պայմաններում քաղաքական կոնյուկտուրայով չկաշկանդված պրոֆեսիոնալ հմտություններ ու իրավասություններ ունեցող ռեֆորմիստների առաջնորդություն, որպեսզի հնարավոր լինի ապահովել բարենպաստ բիզնես միջավայրի ձևավորման գործընթացը, մասնակցությունը համաշխարհային տնտեսությանը (մուտք դեպի նոր շուկաներ, տեխնոլոգիաներ և ներդրումներ), հանրային ֆինանսների կայուն և արդյունավետ կառավարումը, արդար հարկային համակարգի ձևավորումը և այլն:

Այս բոլոր գործոնները փոխկապակցված են և պահանջում են քաղաքական իշխանության, քաղաքական ընդդիմության, գործարար համայնքի և ընդհանրապես հասարակության լայն կոնսոլիդացիա, որն, անխուսափելիորեն, հնարավոր է միմիայն քաղաքական հրատապ տրանսֆորմացիային հաջորդող ժամանակաշրջաններում։

Гонка за право стать следующей экономической сверхдержавой. К 2050 году сформируется новый состав экономических сверхдержав, если все пойдет по плану. Нарендра Моди...

12/12/2023

Վերընթերցում էի քաղաքագետ, քաղաքագիտության դոկտոր, պրոֆեսոր, Մարիամ Մարգարյանի «Հոգևոր Հայաստանի գաղափարախոսությունը արդիականացման գործընթացում» հոդվածը (խորհուրդ կտայի ընթերցել)։

Հոդվածն իր բովանդակությամբ ազգային գաղափարախոսության կերտման մանիֆեստ և ՀԱՅԿԻ կամ Արարատյան Մարդու կերտման գործընթացում մի իսկական ուղեցույց որակվելու իրական հավակնություն ունի։

Ստորև ներկայացնմում եմ մի հատված՝ խորհելու ու մտորելու համար (…ով դրա կարիքն ու, բնականաբար, ունակությունն ունի․․․)

«․․․ Համակարգելով հայ մշակութային տեքստը, եզրակացնում ենք, որ այդ գաղափարի վերածննդի ակնկալիքներով էլ հայի կողմից հեղինակված և մեր կողմից համակարգված է հայ ոգու սահմանադրությունը, որի սկզբունքներն են՝ ազատ անհատ, անկախ հայրենիք, արդարադատ պետություն, պատիժ չարին, ոգու հաղթանակ՝ հանուն Աստծո և հանուն մերձավորի։

1․ Ազատ անհատ – Աստծո տաճար դարձած նրա ոգին ունի հետևյալ իրավունքները և պարտականությունները.

ա) անսահման հարատևող՝ իր արարման և ազատության հավատով հագեցված ինքնարժեքավորում, այսինքն՝ հավատա Աստծուն և պահպանիր էությունդ․

բ) անսահման հարատևող արդարամտություն՝ իր և այլոց նկատմամբ, այսինքն՝ էությամբ արդարամիտ եղիր․

գ) անսահման հարատևող ինքնատիպ հոգևոր-մշակութային արժեքների յուրօրինակ արարում՝ հանուն մերձավորի, հասարակության, աշխարհի, այսինքն՝ էությունդ է արարել և սիրել ամենեցուն։

2. Անկախ հայրենիք – հայի հայրենիքն արարված և շնորհված է Աստծո կողմից։ Հայրենիքը կենսաուժ է, ոգին կենարար պահելու քերթության վայր, այսինքն Հայք (Հայաստան)։ Ճիշտ է, պատմության քառուղիներում Հայքի սահմանները նեղացել են, բայց մինչև այսօր էլ հայ անհատի հոգում թևածում է հանուն հայրենյաց քերթության սկզբունքը։ Այսօր Հայքը գոյություն ունի՝ հայ մարդու ոգու քերթողական ուժով։ Քերթել քրիստոնեաբար, արարել ոչ միայն սեփական «Ես»-ի, այլև այլոց համար։ Սա է հայ մարդու ազգային գաղափարախոսությունը, և՛ իր, և այլոց համար՝ ստեղծագործելով օգտակար լինել Հայրենիքին-Պետությանը-Մարդկությանը։

3․ Արդարադատ պետություն – Պետութունը անհատի և հասարակության օգնականն է։ Հայը պետություն ասելով հասկանում է նախ՝ արտաքին անվտանգություն և այլոց հետ հարաբերության պահպանում՝ modus vivendi-ի (համակեցության) կանոններով, այնուհետև՝ հասարակական դաշինքի առկայության անհրաժեշտություն։ Պետական այրը, եթե ՀԱՅԿ է , չպետք է գայթակղվի իրեն տրված իշխանությամբ, այլապես կկորցնի Հայի ոգին, կդադարի Աստծո կողմից տրված կենսաուժի աղբյուր լինելուց և կվերածվի սովորական մարդու։ Պետությունը հզոր է, երբ ՀԱՅԿՆ է անհատի և հասարակության շահերի կրողը։

4․ Պատիժ չարին – չարը պատժելի է հավատի, արդարության քերթելու ձգտման ունակության յուրօրինակությամբ, ասել է թե՝ բարությամբ։ Անհրաժեշտ է վերացնել չարի հանդես գալու պատճառը, որը արդյունք է ոգու թուլության։ Չարին հաղթում են արարմամբ՝ դրանով ոգին ավելի զորանում, իսկ ոգու կրողը՝ ավելի հզորանում։

5․ Ոգու հաղթանակ – երանելի է նա, ով իր հավատով, արդարությամբ և արարման յուրօրինակ ձևով հաղորդակցվում է Աստծո հետ, կապ պահպանում իր նախնիների և հարևանների հետ։ Այսպես է հնարավոր հաղթահարել քո (և այլոց) ոգում տեղ գտած թուլությունը՝ գերազանցել բոլորին քերթության ոգով։ Հայ ոգին միշտ էլ բարձր է, կենսունակ ու հզոր, ոգով ենք մարտնչել, դիմակայել, չգիտես ում կողմից դարերի մեջ մեզ պարտադրվող ավերչասեր քաղաքական խաղի օրենքներին։»։

05/06/2023

Երեկոյան լսելու ու խորհելու համար)

«Դի-ԷՍ-ԷՅ Խորհրդատվական խումբ» ընկերության գլխավոր տնօրեն, Պետական եկամուտների կոմիտեի նախկին ղեկավար Դավիթ Անանյանը եւ Մեդիամաքսի տնօրեն Արա Թադեւոսյանը «Կա...

12/05/2023

Մեր փորձագետները կարծում են, որ միջնաժամկետ հեռանկարում (ինչպես և 2022 թվականին էր) տնտեսական աճը հիմնված է լինելու ներքին պահանջարկի վրա, ըստ էության՝ գեներացվելով տնտեսության «ոչ արտահանելի» ճյուղերում։ Սա նշանակում է, որ կանխատեսվող տնտեսական աճը ենթարկվելու է արտածին գործոններով պայմանավորված ռիսկերի, քանի որ ներքին պահանաջարկի ցանկացած տատանում (շոկ) կարող է հանգեցնել ոչ միայն տնտեսության ստագնացիայի, այլ նաև՝ նույնիսկ տնտեսական անկման։ Ավելի մանրամասն տե՛ս՝ https://drive.google.com/file/d/11T0nBQo9ib76Lo3l6s1LMFrM_Y5PTMmj/view?usp=sharing
Our experts believe that in the medium term (as it was in 2022), economic growth will be based on domestic demand, essentially generated in the "non-exportable" sectors of the economy. This means that the projected economic growth will be exposed to risks caused by endogenous factors, because any fluctuation (shock) in the domestic supply can lead not only to economic stagnation, but also to economic recession. See more details: https://drive.google.com/file/d/11T0nBQo9ib76Lo3l6s1LMFrM_Y5PTMmj/view?usp=sharing