23/05/2026
2026 թվականի մայիսի 28-29-ին Ղազախստանի մայրաքաղաք Աստանայում կանցկացվի V Եվրասիական տնտեսական ֆորումը, որը կհամախմբի ԵԱՏՄ անդամ երկրների ղեկավարներին, պետական և բիզնես ոլորտների ներկայացուցիչներին՝ քննարկելու տարածաշրջանային տնտեսական համագործակցության ապագան։
Ֆորումի առանցքային թեմաներից են՝
🔹 նոր առևտրային երթուղիների ձևավորում և զարգացում,
🔹 թվային և «անթղթային» լոգիստիկայի ներդրում,
🔹 խելացի տեխնոլոգիաների կիրառումը տրանսպորտի ոլորտում,
🔹 բազմակողմ ներդրումային նախագծերի իրականացում,
🔹 ԵԱՏՄ երկրների և գործընկեր պետությունների միջև բիզնես համագործակցության խորացում։
Հատկապես կարևոր է այն, որ քննարկվելու են Իրանի և Մոնղոլիայի հետ իրականացվող ներդրումային ծրագրերը՝ որպես ԵԱՏՄ և գործընկեր երկրների միջև առևտրատնտեսական կապերի զարգացման իրական օրինակներ։
Ֆորումը հերթական անգամ ընդգծում է, որ ժամանակակից աշխարհում մրցունակ են դառնում այն երկրներն ու բիզնեսները, որոնք կարողանում են արագ հարմարվել թվայնացմանը, ստեղծել նոր տնտեսական կամուրջներ և կառուցել երկարաժամկետ գործընկերային հարաբերություններ։
Հայկական բիզնեսի համար սա ևս կարևոր հնարավորություն է՝
📌 նոր շուկաներ ուսումնասիրելու,
📌 միջազգային գործընկերներ գտնելու,
📌 և տարածաշրջանային տնտեսական գործընթացներում ավելի ակտիվ ներգրավվելու համար։
🌍 Տնտեսական համագործակցությունը այսօր այլևս ընտրություն չէ, այլ զարգացման անհրաժեշտություն։
