02/06/2025
"MADE IN MONGOLIA -2025" ЭКСПО АВСТРАЛИ УЛСЫН СИДНЕЙ ХОТОД 2 ДАХ ЖИЛДЭЭ
АМЖИЛТТАЙ БОЛЖ ӨНГӨРЛӨӨ.
ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ
ЖИЖИГ, ДУНД ҮЙЛДВЭРИЙН ГАЗРААС зохион байгуулсан Монголын үндэсний үйлдвэрлэлийн бараа бүтээгдэхүүнийг экспортлох, Австралийн зах зээлд таниулах зорилготой үзэсгэлэн худалдаа 2 дах жилдээ болж өнгөрлөө.
Үзэсгэлэнгийн үеэр үндэсний бараа бүтээгдэхүүний дээжийг үйлдвэрийн анхдагч үнээр /тээврийн зардал нэмсэн/ худалдан борлуулсан болно. Сидней хотод амьдарч буй Монголчууд маань өргөнөөр оролцож, нийт 300 гаруй хүмүүс хамрагдлаа.
✅ Үзэсгэлэнд Жижиг, дунд үйлдвэрийн газрыг төлөөлөж, газрын дарга Я. Эрдэнэсайхан нээж үг хэлж, цаашид үзэсгэлэнг жил бүр уламжилал болгон зохион байгуулахыг дэмжин ажиллахаа илэрхийллээ.
✅ Үзэсгэлэнд Саран Монгол брэнд, Алтай цухирын цай, Номадика брэнд, Үүлэн брэнд, Зөв аарц, Янмайл оймс зэрэг үйлдвэрийн төлөөллүүд оролцож, бүтээгдэхүүнээ танилцууллаа.
✅Үзэсгэлэнгийн нээлтийн арга хэмжээг хөтөлж, өнгө төрх, дуу хуур нэмсэн Мөрөөдлийн театрын жүжигчин Г. Алтаншагай, хамтлагийн нийт гишүүдэд баярлалаа.
✅Монгол үндэстний өвөрмөц онцлогийг тодорхойлдог Монгол дээл хувцасыг амьлуулж, сүр жавхааг үзүүлсэн Монголын мэргэжлийн загвар өмсөгчдийн холбооны загвар өмсөгчдөдөө баярлалаа.
✅Австрали улсад ажиллаж амьдарч, үйл ажиллагаа эрхлэж буй Монгол шоп болон бусад Монгол бизнес эрхлэгчид мөн оролцож, өөрсдийн бүтээгдэхүүнийг танилцуулсан нь сайшаалтай байлаа.
Хамтран зохион байгуулагч:
Australia Mongolia Business Council - Australia Mongolia Business Council - AMBC
Garuda Migration Education & Recruitment - Garuda Migration Education & Recruitment