呵呵與藍呵

24/10/2025

🌟 預售優惠最後兩日！ 🔥🔥🔥

📘 繪本｜《小魔怪來襲》（香港粵語版）
📅 首批預售：即日至 2025 年 10 月 26 日
🎁 購書可獲 AU$8 優惠券（優惠碼：bookpresale8）購買其他商品
🚚 訂單將於 12 月出貨，香港及澳洲客人可喺聖誕節前收到
🇭🇰 香港客人免運費
🌏 其他地區讀者亦可聯絡我哋，我哋會盡量安排寄送
🔗 落單就到 www.heiyinhoho.com

💬 全新香港粵語版正式在澳洲出版！
故事內容以廣東話口語方式表達，並附有粵語拼音。為移民家庭而設，親子共讀時可以直讀廣東話，讓小朋友學習廣東話語感及詞彙。書本更設有一頁情緒筆記頁，小朋友可以文字／圖像等方式記錄自己的情感和事情。

📖故事介紹
呵呵與藍呵係對方最friend嘅朋友，只要喺埋一齊就好開心。 直到有一日，小魔怪突然嚟到，操控住呵呵嘅一舉一動，更加改變咗佢哋嘅生活！ 究竟藍呵會點樣拯救呵呵？佢哋會點樣同小魔怪相處？ 當朋友難過嘅時候，我哋可以做啲乜？陪伴同聆聽嘅力量比一切都有力量，等我哋一齊學習理解同安慰憂傷嘅心靈。唔能夠抺走傷痕就學習擁抱佢啦！

21/10/2025

點解會創作《小魔怪來襲！》？
周不時都會有人問我：「點解會創作《小魔怪來襲！》？點解會用繪本同小朋友講唔開心？」
先唔討論繪本嘅對象係咪只有小朋友，定係大人細路都啱睇。我覺得情緒冇分好壞對錯，但係點樣理解同處理先係我哋要思考嘅嘢。

有時候大人都未必識得點樣處理自己嘅情緒，更何況係小朋友。佢哋未必識即時用言語講「我唔開心」、「我嬲」、「我唔鍾意」，但係用行為去表達——好似發脾氣、唔肯講嘢、或者大嗌大喊。而繪本係一個好好嘅途徑畀家長同小朋友去學習同討論情緒。圖畫幫助小朋友「睇見」情緒（故事入面嘅小魔怪），畀佢哋代入故事。

當小朋友睇到角色都有唔開心嘅時候，等佢哋覺得：「原來其他人都會有呢個感受，唔係淨係我一個。我都可以覺得唔開心」先被理解，知道自己係唔孤單嘅。唔需要壓抑情緒感受，咁個故事角色最後會點處理呢個情緒，佢哋都可以學習或者睇下佢哋覺得點，家長都可以透過呢個機會，同小朋友傾下心事。

親子共讀嘅時候，大人可以：

🫶 引導小朋友講感受：
「你覺得小魔怪而家點呀？」「如果係你，你會點做？」「你有冇試過好似佢咁？」「因咩事你會有咁嘅感受？」

🎨 用圖像講情緒：
指出圖畫入面角色嘅表情、動作、行為，幫助小朋友連結「情緒」同「感覺」。
「佢翹埋雙手、皺眉同扁嘴，好似嬲緊、發緊脾氣喎。點解會咁嘅？」「你嬲嘅樣係點？」

💬 用自己嘅經驗分享：講返自己都有唔開心嘅時候，讓小朋友知道情緒係正常嘅。
「媽咪細個都試過唔見咗件玩具唔開心呀。」「爸爸前幾日都因為趕唔到巴士而覺得好緊張。」

🧘 討論處理情緒的方法：
「如果你唔開心，你想爸爸媽媽點做？」「下次唔開心，不如邀請媽媽同你一齊深呼吸、數十聲？」「我哋可以用咩方法令自己唔好再咁嬲呢？」「不如下次話俾爸爸知，等我攬下你？」

20/10/2025

【我應該照住書上嘅字讀，抑或用口語講故事？】
喺講故事活動或者親子共讀工作坊入面，好多家長都會問：「我應該照住書上嘅字讀，抑或用口語講故事？」相信呢個問題香港人更常會遇到，因為我哋講廣東話，但係書入面多數都係用書面語寫。

離開咗香港居住之後，我都諗過呢個問題，同埋點樣先可以畀小朋友學到中文？我諗住就算唔識寫，最少都識講先啦（當然最好就識讀識寫啦），起碼同人溝通到，同埋廣東話係香港好重要、好重要、好重要嘅文化。

今次將《小魔怪來襲！》「翻譯」成廣東話（香港粵語版本），主要係想畀海外嘅香港下一代多個機會學習，有多個途徑理解平時爸爸媽媽、爺爺嫲嫲、公公婆婆講嘅語言。廣東話唔係方言，係真係香港人日常用嘅語言。除咗故事文字用廣東話寫以外，仲加咗粵拼，方便讀者學習正確嘅讀音，向懶音Say No。

喺寫緊廣東話嘅時候，我有時都糾結緊應該寫得接近多啲香港人日常嘅講法，會中英夾雜，定係用全中文但保留口語感？例如書入面其中一句「我們會開派對」，我應該寫「我哋會開Party」定係「我們會開派對」？一個就貼地啲，但另一個先可以學到中文讀音。最後因為以日常用語為前提，我就揀咗「開Party」。你又覺得應該點寫呢？

咁到底「我應該照住書上嘅字讀，抑或用口語講故事？」？
我嘅答案係用書面語讀就學習文字，用口語講就有利學習溝通，而我平時就習慣用口語講故事。當故事用小朋友熟悉嘅語氣講出嚟，佢哋聽嘅時候都覺得親切啲、自然啲、容易理解啲。今次《小魔怪來襲！》嘅香港粵語版，親子共讀嘅時候可以直讀廣東話，聽講讀寫一致，方便小朋友學習廣東話語感同詞彙。

下次會同大家講下【點解會創作《小魔怪來襲！》？】

#親子共讀
#廣東話繪本

18/10/2025

🌟 預售優惠倒數一星期！ 😮
仲猶豫緊買唔買《小魔怪來襲》？一齊睇下上一版讀者嘅真心感想啦 ❤️
當初創作呢個故事嘅時候，我特別諗要畀咩對象睇，或者刻意想傳達啲咩訊息，而係自己處於一個咩狀態，個近況點就畫出嚟、寫出嚟。可能咁先係最真誠嘅故事，所以先感動到有相似經歷嘅人，大家都試過有小魔怪來襲，或者佢哋嘅陪伴者。

Btw 我一直都覺得畀人睇我畫畫或者做嘢好鬼尷尬😅不過就畀大家睇下我畫個封面嘅過程幾fail，畫條線都畫幾次。通常都係自己先睇得出，就正如有時我哋覺得自己好fail，做少少嘢都做得唔好，其實都係得自己咁諗，而事實上我哋只係學習緊、進步緊。我都畫下畫下就畫完，畫完之後我係覺得好睇過上一版個封面㗎😂！（肯定下自己先🙂‍↕️）

📘 繪本｜《小魔怪來襲》（香港粵語版）
📅 首批預售：即日至 2025 年 10 月 26 日
🎁 購書可獲 AU$8 優惠券（優惠碼：bookpresale8）購買其他商品
🚚 訂單將於 12 月出貨，香港及澳洲客人可喺聖誕節前收到
🇭🇰 香港客人免運費
🌏 其他地區讀者亦可聯絡我哋，我哋會盡量安排寄送
🔗 落單就到 www.heiyinhoho.com

💬 全新香港粵語版正式在澳洲出版！
故事內容以廣東話口語方式表達，並附有粵語拼音。為移民家庭而設，親子共讀時可以直讀廣東話，讓小朋友學習廣東話語感及詞彙。書本更設有一頁情緒筆記頁，小朋友可以文字／圖像等方式記錄自己的情感和事情。

📖故事介紹
呵呵與藍呵係對方最friend嘅朋友，只要喺埋一齊就好開心。 直到有一日，小魔怪突然嚟到，操控住呵呵嘅一舉一動，更加改變咗佢哋嘅生活！ 究竟藍呵會點樣拯救呵呵？佢哋會點樣同小魔怪相處？ 當朋友難過嘅時候，我哋可以做啲乜？陪伴同聆聽嘅力量比一切都有力量，等我哋一齊學習理解同安慰憂傷嘅心靈。唔能夠抺走傷痕就學習擁抱佢啦！

14/10/2025

你Emo嗰陣會點做？
💛傾訴型
心情唔好就想搵人傾下，無論係朋友、家人定係寵物，只要講出嚟就會舒服啲。

💜 吃貨型
一唔開心就想食好嘢～甜品、炸物、珍奶都係靈魂慰藉，煩惱都可以暫時擺低。

💙 工作型
投入做嘢，用忙碌嚟轉移注意力。完成一件件事會有滿足感，令自己重新搵番節奏同掌控感。

♥️ 娛樂型
打機、煲劇、睇戲、畫畫——係緊張刺激，定係笑到肚子，或者感動悲情，借啲意發洩出嚟，心情都會好啲。

💚 運動型
去跑步、踩單車、做瑜伽、打拳、行山，用出汗嘅方式釋放壓力。運動完嗰種爽快感，好似一切都重新reset。

-------
我Emo嗰陣除咗以上嘅嘢，我仲寫咗本繪本《小魔怪來襲！》（唔通我係工作型＋娛樂型😂？）。本書今次會以廣東話文字＋粵拼寫故事內容，大人睇嘅時候再近多少少！小朋友就順便學廣東話💬
書本更設有一頁情緒筆記頁，大家可以文字／圖像等方式記錄自己嘅情感同事情。

-------
故事介紹📖
呵呵與藍呵係對方最friend嘅朋友，只要喺埋一齊就好開心。
直到有一日，小魔怪突然嚟到，操控住呵呵嘅一舉一動，更加改變咗佢哋嘅生活！
究竟藍呵會點樣拯救呵呵？佢哋會點樣同小魔怪相處？
當朋友難過嘅時候，我哋可以做啲乜？陪伴同聆聽嘅力量比一切都有力量，等我哋一齊學習理解同安慰憂傷嘅心靈。唔能夠抺走傷痕就學習擁抱佢啦！

heiyinhoho.com 及 momobugbook.com.au 同步發售

13/10/2025

10/10/2025

終於出咗廣東話版喇！
早幾前出咗《小魔怪來襲》嘅初版，到而家間唔時都有讀者同返我講睇咗本書，或者由之前買俾自己睇，到而家生咗小朋友，同佢共讀。真係大人細路都啱睇㗎！有你哋嘅讀後感先會支持到我再出繪本，覺得有人睇/自己寫同畫嘅嘢有用🙂‍↕️希望今次一樣可以感動到新嘅讀者❤️
雖然故事係一樣，但今次出香港粵語版都用咗好多時間同心機。平時講廣東話冇留意「噉」同「咁」嘅分別，成日係讀seng日定sing日……逐個字查，逐個粵拼對。p.s. canto.hk 香港粵語 嘅字體已經幫咗勁勁勁大忙🙏🏻
另外，做咗阿媽同埋做過下childcare，多咗好多機會接觸小朋友，知多咗佢哋嘅需要。今次繪本係特登用硬皮精裝，同埋內頁嘅紙都用厚少少，希望耐用一啲，又容易翻頁多啲。呢啲細節可能好平常，但自資出版嚟講都係成本，不過最後都決定盡力做得好啲，最緊要啱用🙌🏻
同埋要多謝毛毛蟲中文童書 嘅支持同幫忙，有佢先可以咁快成事🫶🏻澳洲港人快d上佢website睇下！
有機會再分享多啲創作背後嘅嘢😽
我會盡力worldwide shipping㗎～希望移民咗嘅香港人下一代都可以學到廣東話

30/09/2025

Something festive is coming...
🌲 Stay tuned! ⭐

06/07/2025

［育兒日常］當BB係社交之鬼，而媽媽係社恐廢J……
BB對住每個人都笑一笑，路人：「哇～你個BB對住我笑呀！」
媽媽：「哈哈係呀😅」
內心：「BB唔好再笑啦，我想快啲走呀～😭」

我都覺得BB開心係好好，但每去一間舖頭就變咗要應酬社交，社恐媽媽真係好攰🙈

#媽媽內心戲 #育兒日常 #廣東話插畫 #社恐媽媽
---
Introvert mama and extrovert baby...
Baby smiles at everyone —
Stranger: “Oh! Your baby’s smiling at me!”
Me: “Haha, yes!”
Inner me: “Please stop smiling… I just wanna leave! 😭”

I’m really happy my baby is cheerful,
but every time we enter a shop, it turns into a social session.
This introvert mama is exhausted 🙈

Can any introvert mama relate?

11/05/2025

Happy Mother's Day 💐❤️
陀b嘔足大半年，行街暈生完暈倒到而家攰到暈
今日終於到人同我慶祝🤣🤣🥰
食完個慶祝快lunch，冇乜嘢我都係返去湊b喇👶🏻