Dream Events Australia

01/07/2026

യൂറോപ്പിനെ ഇളക്കിമറിച്ച ലാലേട്ടൻ മാജിക് ഇനി സിഡ്നിയിലേക്ക്; 45 വർഷത്തെ കാത്തിരിപ്പിനൊടുവിൽ പത്മ പുരസ്കാര ജേതാക്കൾ ഒരേ സ്റ്റേജിൽ!

സിഡ്നി: പ്രവാസി മലയാളി ചരിത്രത്തിലെ ഏറ്റവും വലിയ ദൃശ്യ-സംഗീത വിസ്മയത്തിന് ഓഗസ്റ്റിൽ ഓസ്‌ട്രേലിയൻ മണ്ണ് സാക്ഷ്യം വഹിക്കാൻ ഒരുങ്ങുന്നു. ജർമ്മനിയിലെ ഓബർഹൗസൻ അരീനയിലും ലണ്ടനിലെ വിഖ്യാതമായ വെംബ്ലി ഓവോ അരീനയിലും അയർലൻഡിലും പതിനായിരങ്ങളെ സാക്ഷിയാക്കി ചരിത്ര വിജയം നേടിയ മോഹൻലാൽ മെഗാ ഷോ ഇനി സിഡ്നിയിലേക്ക് എത്തുകയാണ്.

നിലവിൽ സോഷ്യൽ മീഡിയയിലാകെ തരംഗമായി മാറിയ ഈ വിദേശ പര്യടനത്തിന്റെ ഏറ്റവും വലിയ സവിശേഷത ഇതുവരെ ഒരു മുഖ്യധാരാ മാധ്യമങ്ങളും വലിയ രീതിയിൽ ചർച്ച ചെയ്യാത്ത ഒരു അത്യപൂർവ്വ ലെജൻഡറി സംഗമമാണ്.

മലയാള സിനിമയുടെ വിസ്മയം നടനവിസ്മയം മോഹൻലാലും, ഇന്ത്യയുടെ വാനമ്പാടി കെ.എസ്. ചിത്രയും തങ്ങളുടെ 45 വർഷത്തോളമുള്ള കരിയറിനിടയിൽ ഇതാദ്യമായാണ് ഒരുമിച്ച് ഒരു വിദേശ സ്റ്റേജ് ഷോ പൂർണ്ണമായി പങ്കിടുന്നത്. 45 വർഷത്തെ അഭിനയ-സംഗീത ജീവിതത്തിനൊടുവിൽ ഇതാദ്യമായി ഈ രണ്ട് ഇതിഹാസങ്ങൾ ഒരേ വേദിയുടെ ഭാഗമാവുന്നു എന്ന ചരിത്ര നിമിഷത്തിനാണ് സിഡ്നി സാക്ഷ്യം വഹിക്കാൻ പോകുന്നത്.

പത്മഭൂഷൺ-പത്മശ്രീ ജേതാക്കൾ ഒരുമിച്ച് ഒരു വേദിയിൽ

ഇന്ത്യൻ സിനിമാ ലോകത്ത് തന്നെ സമാനതകളില്ലാത്ത പ്രതിഭകളാണ് മോഹൻലാലും കെ.എസ്. ചിത്രയും. കലാരംഗത്തെ മികച്ച സംഭാവനകൾക്ക് രാജ്യം പത്മശ്രീയും പത്മഭൂഷണും നൽകി ആദരിച്ച ഈ രണ്ട് മഹാരഥർ ഒരുമിച്ച് ലൈവായി കാണികളെ വിസ്മയിപ്പിക്കാൻ എത്തുന്നു എന്നത് ഓസ്‌ട്രേലിയൻ മലയാളികൾക്ക് ലഭിക്കുന്ന ഏറ്റവും വലിയ സുവർണ്ണാവസരമാണ്. ജർമ്മനിയിലും ലണ്ടനിലും ഇരുവരും ഒരുമിച്ച് വേദി പങ്കിട്ടപ്പോൾ കാണികളിൽ നിന്നും ഉയർന്നത് സമാനതകളില്ലാത്ത ഹർഷാരവമായിരുന്നു. ലാലേട്ടന്റെ എനർജറ്റിക് പ്രകടനങ്ങളും ചിത്രച്ചേച്ചിയുടെ മാസ്മരിക ശബ്ദവും യൂറോപ്യൻ പ്രവാസികളെ ഒന്നടങ്കം ആവേശത്തിലാഴ്ത്തിക്കഴിഞ്ഞു. ആ മാജിക് അതേപടി സിഡ്നിയിലും ആവർത്തിക്കപ്പെടും.

യൂറോപ്പ് കീഴടക്കി വൈറലായ ലാലേട്ടൻ ഷോ
ജർമ്മനിയിലും യുകെയിലും നടന്ന ഷോകളിൽ നിന്നുള്ള മോഹൻലാലിന്റെ ഡാൻസ്-പാട്ട് വീഡിയോകൾ ഇതിനകം തന്നെ ഇന്റർനെറ്റിൽ കോടിക്കണക്കിന് ആളുകളാണ് കണ്ടത്. പുതിയ ട്രെൻഡിങ് ഗാനങ്ങൾക്കൊപ്പം ലാലേട്ടൻ ചുവടുവെച്ചപ്പോൾ യൂറോപ്പിലെ ഏറ്റവും വലിയ അരീനകൾ പോലും പ്രകമ്പനം കൊണ്ടു. ഒരു പ്രവാസി പരിപാടിക്ക് ലഭിക്കാവുന്നതിൽ വെച്ച് ഏറ്റവും വലിയ ജനപങ്കാളിത്തമാണ് അവിടെയെല്ലാം ദൃശ്യമായത്.

സിഡ്നിയിൽ ഓഗസ്റ്റ് 8-ന് വിസ്മയ രാവ്
കായൽ ഇവന്റ്സ് (Kayal Events) സിഡ്നിയിൽ ഒരുക്കുന്ന ഈ മെഗാ പ്രൊഡക്ഷന് വൈകിട്ട് എന്താ പരിപാടി" (Vaikittentha Paripadi) എന്നാണ് പേരിട്ടിരിക്കുന്നത്. ഓഗസ്റ്റ് 8 ശനിയാഴ്ച നോർവെസ്റ്റ് കൺവെൻഷൻ സെന്ററിൽ (Norwest Convention Centre) വെച്ചാണ് ഈ ചരിത്ര ദൃശ്യവിരുന്ന് അരങ്ങേറുന്നത്. മോഹൻലാലിനും ചിത്രയ്ക്കുമൊപ്പം പിയാനോ മാന്ത്രികൻ സ്റ്റീഫൻ ദേവസ്സി, പ്രശസ്ത താരങ്ങളായ മനോജ് കെ ജയൻ, അജു വർഗീസ്, കലാഭവൻ ഷാജോൺ, പാരീസ് ലക്ഷ്മി, അന്ന പ്രസാദ്, ഭാമ അരുൺ തുടങ്ങിയ വൻ താരനിരയാണ് സിഡ്നിയിൽ അണിനിരക്കുന്നത്.
സംഗീതം, ഹാസ്യം, നൃത്തം, സിനിമാറ്റിക് മാജിക് എന്നിവ കോർത്തിണക്കിയുള്ള ഈ അഞ്ചര മണിക്കൂർ നീളുന്ന പ്രോഗ്രാം ഒസ്‌ട്രേലിയൻ മലയാളി ഡയസ്‌പോറയുടെ ചരിത്രത്തിലെ തന്നെ ഏറ്റവും വലിയ ആഘോഷമായി മാറുമെന്നുറപ്പാണ്.
ടിക്കറ്റുകൾ JustEasyBook(www.justeasybook.com/events/mohanlal-live-sydney)
പോർട്ടൽ വഴി വേഗത്തിൽ ലഭ്യമാണ്. ഈ ചരിത്ര നിമിഷത്തിനും രണ്ട് ലെജൻഡുകളുടെ അത്യപൂർവ്വ സംഗമത്തിനും സാക്ഷിയാകാൻ സിഡ്നിയിലെ മലയാളി പ്രേമികൾ വലിയ ആവേശത്തോടെയാണ് കാത്തിരിക്കുന്നത്.

Follow this link to join Metro Malayalam WhatsApp community: https://chat.whatsapp.com/CYZnTxmSTWC6g7l1nMWcXa