28/06/2021
Mi nomber ta Isabella Maduro, mi a bay Juliana School y a slaag na 2017 cu e materianan Ne, En, Wi, Na, SK, Bio y M&O. Mi a slaag cu un 7 pa wiskunde, e exigencia pa e aña escolar 2017-2018 tawata un 7 pa por a kies wiskunde B, dus asina mi por a tuma wiskunde B den mi pakket.
Na cuminsamento caba mi a ripara e diferencia con nan ta trata e muchanan di mavo compara cu e muchanan di havo. Por ehempel ora e rector a bin duna un bunita speech pa welcome tur e muchanan den havo 4, dado momento e a bisa pa tur e muchanan di mavo hisa nan man. Ora nos a hisa nos man e a bisa nos pa nos no “feel bad” compara cu e muchanan di havo, paso e muchanan di mavo tambe tin potencial. Tambe cu tin hopi mucha di mavo no ta haal havo, dus nos mester echt haci nos best. Mi a sinti cu e a bin pone hopi pressure ariba nos, cual ta okay, pero e manera cu e a trece padilanti mi a haya toch wel un tiki “off”. Mi a haya e feeling cu nan a cuminsa separa e muchanan di havo for di mavo y a sinti cu mi no welcome eynan.
E dos materianan cu mi tawta tin dificultad cu nan tawata wiskunde B y M&O.
Di mavo pa havo bo tin un gap pa wiskunde B, pero pa mi suerte ami a haya juffrouw Vlaun pa e materia aki. Juffrouw Vlaun a echt yuda mi hopi bon den locual mi tawata falta pa WiB y asina mi por a sigui e lesnan sin problema.
Mi prome toetsnan pa WiB a bin onvoldoende pero unabes cu mi catch up e unico cos cu mi mester a haci traha tur mi huiswerknan y siña, mi no tawata tin mester di bay ningun bijles.
Asina den 4de mi no a haya problema mas cu WiB y mi a bay over cu un voldoende pa havo 5.
Berdad tin algun vak ta mas moeilijk cu mavo, bo ta haya mas stof cu na mavo y e nivel logicamente ta mas halto, pero nada cu ta imposibel of di otro mundo, bo mester dis bo traha duro y asina tur cos ta bay bon.
Mi a sinti si cu hopi biaha mi no tawata tin motivacion pa bay school, e actitud di algun docente tawata demotiva bo pa bay school, ta parse cu algun no tawata tin interes pa duna les of splicacion. Tin biaha mi tawata djis keda cas y haci tur cos mi mes, anto asina mes mi sa haya mihor cifra cu e muchanan di havo of cu a baha for di vwo cu supuestamente ta mihor cu nos cu ta bin for di mavo. Semper mi tawata gusta pa tin mi cifranan nan “on point” y na mavo mi tawata traha semper super bon y motiva.
Pero dado momento no tur mi vakanan tawata bay bon, tawata tin un temporada cu ni cuanto mi a haci mi best pa M&O, mi no por a comprande. Ami y un otro mucha cu a bin cu hunto mi for di mavo a puntra e docente pa si ta posibel nos por haya extra les, pasobra nan tawata duna extra les atardi y nos a yega di bay algun biaha. Nos no tawata sinti nos bon prepara pa e CP, pero e meneer a bisa nos, no worry boso ta bay haal e, djis haci algun oefeningen y nos no mester bay extra les pasobra nos no mester di dje. Dus nos a train locual e a bisa nos train, pero ora mi a bay haci CP toch nos a haya un onvoldoende.
Alfin pa prome biaha den mi bida a haya un onvoldoende rapport, maske mi sa cu tin cos tawata mi mes un fout. Pero mi ora mi wak mi cifranan mi a pensa cu ainda mi por bay over, mi djis mester haci extra mi best pa e siguiente CP-nan.
Mi a papia cu mi mentor cu tawata duna mi M&O y e a bisa mi cu berdad mi por haal e ainda.
Pero ora mi tata a bay pa busca mi rapport e a bisa mi tata cu e ta wak e hopi scur, cu no matter kiko mi haci mi no ta bay over pa havo 5. Mi a sinti mi hopi malo, pasobra e mes a bisa mi cu mi lo por!
Mi a bay papia cu Juffrouw Vlaun, cu a yuda mi conta tur mi puntonan un biaha mas y bisa cu mi mester djis haci mi best y mi por “make it”, e a motiva mi y danki na dje mi ta sinti cu mi a bay over. Tawata net locual mi tawata tin mester algun palabra di motivacion y asina mi a bay traha duro pa tur mi vakanan.
Mi no a bay e lesnan di M&O mas, pasobra mi a sinti e meneer a demotiva mi, pero si mi a traha hopi duro, mi so cu mi so na cas, pero mi a end up ta haal un 9 pa e ultimo CP di M&O!
Ora mi a bay 5de havo mi a haya otro docentenan pa M&O y wiskunde. E docente di wiskunde tawata parse bruha y tawata un poco fresco, cu bo no tawata haya gana di puntra e algo mes. Asina lastimamente mi a cay un tiki atras cu wiskunde B. Cu e otro materianan si a bay mas mihor, pero toch mi a sinti cu mi a perde motivacion y no ta ami so, tawata tin mas mucha cu tawata tin e mes un feeling cu mi. Tin un cu mi a bin cu e for di mavo cu a drop out, ta bon despues e a bay Colombia pa sigui studia y e ta bayendo hopi bon.
Mi ta hopi contento cu mi haci mavo prome, pa ta honesto mi a haya cu Colegio Arubano ta horrible pa e muchanan cu ta bin di for mavo. Pa mi e tawata un ‘struggle’, no necesariamente cu e materianan, pero si cu e systema y cu aglun docentenan cu mi a haya.
Tin biaha bo no ta wak e nececidad di bay les, paso tin algun docente tin biaha no tawata ni “show up” of ta dis bin anto no duna les, parse cu nan no ta motiva pa duna les. Hopi biaha mi mes tawata repasa e buki na cas, cu pa mi tawata bal mas cu algun di e lesnan.
Si en realidad tiki di nos ta slaag manera nan ta bisa, pa ami esaki ta e concecuencia di e motivacion cu nos ta haya falta di dje. Esaki mi tawata tende no solamente for di e muchanan cu ta bin di mavo, pero tambe esnan for di havo mes.
Si bo tin suerte bo ta haya un di e bon docentenan, manera Juffrouw Vlaun, cu ta gusta duna les y ta motiva e muchanan pa bay over y slaag.
Mi a slaag despues cu mi a haci herkansing den havo 5, pero mi a logra haya mi diploma den 2 aña sin keda sinta na havo! Mi kier a slaag djis pa bay for di Colegio Arubano, pa asina mi por sigui studia, esey tawata mi motivacion mas grandi.
Awor mi ta bay Universidad na Colombia ta full un otro vipe, mi ta hopi contento cu mi a logra mi havo cu mi por sigui studia, mi struggle no twata pornada y awor mi ta hopi motiva pa sigui y caba cu mi studio.
Mi conseho na tur mucha cu kier bay havo ta, mustra cu bo por, no laga ningun palabra haci bo sinti bo mes menos. Haci bo best, manera bo tawata haci na mavo, si bo docente no ta yuda bo bon busca You Tube video’s, haci e oefeningen de buki, djis hou tur cos bij, no give up, bo por!
Y pa e docentenan “Be the teacher who inspires and motivate students” cu un tiki motivacion caba nos lo haci nos best y nos lo logra!
Cora Like y share nos Facebookpage "Leerlingen MAVO op Aruba in NOOD”.
