03/08/2012
Participantenan di diferente sectornan a asisti na e prome seminario LENDING WITH CONFIDENCE: Getting Your Customers To Pay.
Entre otro participantenan di Setar, Aruba Bank, Kloes & Partners, y Bon Bini Cargo a sinja e manera nan mas efectivo pa reduci riesgo ora di extende credito of fiansa na clientenan.
Tambe con pa reconoce e "danger signs" ora di evalua si ta extende credito of no y reconose e limitacionnan di declaracionnan financiero.
Tocante e seminario LENDING WITH CONFIDENCE, Raymond Palm di Setar N.V. a bisa, “Sigur, sigur [lo mi recomend’e], e ta algo nobo pa nos na Aruba, pero e ta importante pa otro hendenan cu tambe ta haci fiansa. No ta banconan so ta haci [fiansa],” Palm a bisa.
“Bo tin Inspectie tambe cu tin outstanding balances cu pagadonan di belasting y tambe otro negoshinan cu ta duna credito. E ta importante pa nan por haya un indruk imparcial di e cliente cu nan ta purba di duna servicio,” Palm a agrega.
Dia 5 September CIB Aruba lo presenta su di tres seccion di LENDING WITH CONFIDENCE na Radisson Aruba Resort pa 9am.
Pa registra of pa mas informacion contact:
Nancy na 594-1695 of [email protected] of
Xiomara na 593-4610 of [email protected]
