Elvar Osmanov

03/08/2026

2 Avqust – Azərbaycan Kinosu Günü münasibətilə “AzerGold” QSC və Bakı Media Mərkəzinin birgə təşkilatçılığı, Daşkəsən Rayon İcra Hakimiyyətinin dəstəyi ilə Daşkəsən rayonunda ilk dəfə olaraq açıq hava şəraitində milli kino seansı təşkil olunub.

Tədbir çərçivəsində Bakı Media Mərkəzinin istehsalı olan “Tağıyev: Neft” tammetrajlı bədii filmi nümayiş etdirilib. Kino həvəskarlarının böyük marağına səbəb olan nümayiş iştirakçılara Azərbaycan kinosunun ən müasir və uğurlu nümunələrindən birini izləmək imkanı yaradıb.

Xüsusi olaraq quraşdırılmış açıq hava kinoteatrında filmi 600 nəfərdən çox tamaşaçı izləyib. Nümayiş tamaşaçılar tərəfindən böyük maraqla qarşılanıb.

01/08/2026

💛💙Əziz Gəncə Voleybol Klubunun böyük ailəsi!

Bu gün bizim üçün çox xüsusi və qürurverici bir gündür. Gəncə Voleybol Klubunun yaranmasından 3 il keçir.

Bu üç il ərzində birlikdə böyük bir ailəyə çevrildik, çətinlikləri birlikdə aşdıq, uğurlarımızı birlikdə qeyd etdik və hər zaman Gəncə şəhərini layiqincə təmsil etmək üçün var gücümüzlə çalışdıq.

Bu yolda əməyi olan məşqçilərimizə, idmançılarımıza, klub əməkdaşlarımıza, azarkeşlərimizə, tərəfdaşlarımıza və bizə inanan hər kəsə ürəkdən təşəkkür edirəm. Sizin dəstəyiniz olmasaydı, bu uğurlar mümkün olmazdı.

İnanıram ki, qarşıdakı illərdə daha böyük hədəflərə çatacaq, Azərbaycan voleybolunda və beynəlxalq arenada Gəncə Voleybol Klubunun adını daha da yüksəklərə daşıyacağıq.

Ad günün mübarək, Gəncə Voleybol Klubu!
Qoy birlik, zəhmət və qələbə ruhu bizi daim irəli aparsın.

Hörmətlə,
Elvar Osmanov
Gəncə Voleybol Klubunun prezidenti 💙💛🏐

27/07/2026

V Milli Yaylaq Festivalı çərçivəsində “Gəncə” VK-nın ötən mövsümdə əldə etdiyi nəticələr, qarşıdakı planları və voleybolun kütləviləşdirilməsi istiqamətində atılan addımlar barədə AZƏRTAC-ın sualları cavablandırdım.

Müsahibə ilə daha ətraflı tanış olmaq üçün aşağıdakı linkə keçid edə bilərsiniz.

Azertac News Agency

- Ötən mövsüm “Gəncə” üçün nə ilə yadda qaldı? Əldə olunan nəticələr mövsümöncəsi qarşısına qoyulan hədəfləri və rəhbərliyin gözləntilərini nə dərəcədə doğrultdu?

22/07/2026

Bütün jurnalist dostlarımı ürəkdən təbrik edirəm! 🖋️

22 İyul – Milli Mətbuat Günü münasibətilə peşəsini vicdanla yerinə yetirən, cəmiyyətin doğru və operativ məlumatlandırılması üçün əzmlə çalışan bütün jurnalist dostlarıma səmimi təbriklərimi çatdırıram.

Sizə möhkəm can sağlığı, tükənməz yaradıcılıq enerjisi, uğurlar və hər zaman qələminizin iti, sözünüzün dəyərli olmasını arzulayıram.

Bayramınız mübarək!

01/07/2026

🇦🇿 2 İYUL – AZƏRBAYCAN POLİSİ GÜNÜ

Gecə-gündüz demədən xalqın təhlükəsizliyi, dövlətimizin sabitliyi və qanunun aliliyi naminə xidmət edən bütün polis əməkdaşlarını səmimi qəlbdən təbrik edirik!

Hər bir formanızın arxasında böyük məsuliyyət, cəsarət və Vətən sevgisi dayanır. Siz təkcə asayişin deyil, həm də insanların ümid və inamının keşiyindəsiniz.

Fədakar xidmətinizə görə hər birinizə təşəkkür edir, möhkəm cansağlığı, ailə xoşbəxtliyi, şərəfli fəaliyyətinizdə yeni uğurlar arzulayırıq.

Qoy hər növbəniz salamatlıqla başa çatsın, hər addımınız xalqın sevgisi və dövlətimizin etimadı ilə müşayiət olunsun.

💙 2 İyul – Azərbaycan Polisi Günü mübarək!

24/06/2026

Azərbaycan Dövlət Aqrar Universitetinin “Məzun günü” tədbirində gənclərimizin sevincinə şərik oldum.

Gəncə İdman Sarayında keçirilən bu möhtəşəm tədbir, bir daha göstərdi ki, ölkəmizin gələcəyi etibarlı əllərdədir. Çıxışlarda gənclərin bilikli, vətənpərvər və məsuliyyətli vətəndaş kimi formalaşmasının önəmi xüsusi vurğulandı.

Ən yüksək nəticələrlə məzun olan tələbələrin mükafatlandırılması və onların adlarının Fəxri Kötüyə həkk olunması bu uğurun nə qədər dəyərli olduğunu bir daha nümayiş etdirdi.

Bütün məzunları ürəkdən təbrik edir, onlara gələcək fəaliyyətlərində uğurlar, yeni nailiyyətlər və daim inkişaf arzulayıram. İnanıram ki, sizlər ölkəmizin inkişafına, xüsusilə aqrar sahənin tərəqqisinə mühüm töhfələr verəcəksiniz.

19/06/2026

Gəncə şəhərində təşkil olunan və region məktəblərini əhatə edən voleybol üzrə yarışın final mərhələsinin uğurla başa çatmasından böyük məmnunluq hissi keçirirəm.

Azərbaycan Voleybol Federasiyasının dəstəyi, Gəncə-Daşkəsən Regional Təhsil İdarəsi və "Gəncə" VK-nın birgə təşkilatçılığı ilə keçirilən bu yarış yeniyetmələr arasında idmanın inkişafına, sağlam həyat tərzinin təşviqinə və komandalararası dostluq münasibətlərinin möhkəmlənməsinə mühüm töhfə verdi.

Yarışın yüksək səviyyədə təşkilində əməyi olan bütün tərəfdaşlara, qonaqlara, müəllimlərə və iştirakçılara təşəkkürümü bildirirəm. Xüsusilə Yeni Azərbaycan Partiyası Gəncə Şəhər Təşkilatının sədri Bayram Aslanov, Gəncə-Daşkəsən Regional Təhsil İdarəsinin müdiri Elçin Kərimov, Gəncə-Daşkəsən Regional Gənclər və İdman İdarəsinin rəisi Elşən Hüseynov, Gəncə-Daşkəsən Regional Təhsil İdarəsinin müdir müavini Rövşən Kərimov, Azərbaycan Texnologiya Universitetinin rektoru Yaşar Ömərov və Azərbaycan Respublikası Elm və Təhsil Nazirliyinin Daxili nəzarət şöbəsinin müdiri Kamran İsmayılova minnətdarlığımı bildirirəm.

Qalib komandaları təbrik edir, gələcək fəaliyyətlərində daha böyük uğurlar arzulayıram.

Bu cür təşəbbüslərin davamlı olması üçün birgə səylərimizi bundan sonra da əsirgəməyəcəyik.

15/06/2026

15 İyun Milli Qurtuluş Günü və azərbaycançılıq ideyası mövzusu Azərbaycan xalqının müasir tarixində xüsusi yer tutur.

15 İyun – Milli Qurtuluş Günü sadəcə təqvimdə qeyd olunan bayram deyil, xalqımızın taleyində dönüş yaratmış, müstəqil dövlətçiliyimizin qorunması üçün yeni mərhələ açmış tarixi hadisədir.

15 İyun - Milli Qurtuluş Günü Azərbaycanın dövlətçilik tarixində müstəqilliyin qorunub saxlanması ilə nəticələnən əsaslı dönüş nöqtəsidir.

05/06/2026

🇦🇿 Azərbaycan minifutbol millisinin növbəti uğuru! Təbriklər!

28/05/2026

🇦🇿 Bu gün qürur günümüzdür!

28 May – Müstəqillik Günü münasibətilə bütün Azərbaycan xalqını ürəkdən təbrik edirəm.
Ulu bayrağımız daim yüksəklərdə dalğalansın, dövlətimiz güclü, xalqımız bir olsun!

Müstəqilliyimiz əbədi və sarsılmaz olsun! 🇦🇿

🇦🇿