Texnologiyaların Kommersiyalaşdırılması və Transferi Mərkəzi

Azərbaycan Respublikasının Əqli Mülkiyyət Agentliyinin tabeliyində Texnologiyaların Kommersiyalaşdırılması və Transfer Mərkəzi Azərbaycan Respublikasının Prezidenti İlham Əliyevin 2021-ci il 6 aprel tarixli 1308 nömrəli Fərmanına uyğun olaraq təsis edilmişdir. Mərkəz-elm və sənaye arasında bağlantı, qarşılıqlı sifariş və təklif münasibətlərinin yaradılmasını ixtiraçılıq fəaliyyətinin keyfiyyətcə artması və tətbiqi xarakter daşıması üçün texnologiyaların transferini və əqli fəaliyyət nəticələrinin kommersiyalaşdırılmasını həyata keçirən ,innovatif inkişafın, o cümlədən startap layihələrin dəstəklənməsinə xidmət edən ,elmi tədqiqatların nəticələrinin kommersiya və qeyri kommersiya məqsədilə istifadəsi üçün transferinə,həmçinin bu nəticələrdən gəlir əldə etməyə yönəldilən, müştərilərə texnologiyaların və layihələrin hədəf bazarlara çıxarılması xidmətlərin göstərilməsində, bu sahədə fəaliyyətin əlaqələndirilməsində iştirak edən publik hüquqi şəxsdir.