“Antik” Hərrac səhifəsinin şərtləri:
1.Hərracda iştirak etmək istəyənlər üçün qaydalar:
1.1 Hərraca çıxarılan əşya əvvəlcədən səhifə və əşyanın sahibi tərəfindən ortaq müəyyən olunan qiymətlə hərraca çıxarılacaq . Əşyanın ilkin qiyməti minimum 1 manat və ya daha çox ola bilər.
1.2 Hərracda iştirak edənlər üçün ən aşağı artım səhifə tərəfindən müəyyən olunacaq və əşyadan əşyaya dəyişəcək. Məsələ
n, əgər əşyaya minimal artım məbləği 2 manat qoyulubsa hərracda 1 manat artım edən şəxsin təklifi qeydə alınmır. Uyğun olaraq hər hansı bir şəxs 4 manat təklif edibsə, digər şəxs əşyanı almaq üçün 4 manata minimalo artım olaraq 2 manat çox, yəni 6 manat yazmalıdır. Hərraclarda qəpiklə artım nəzərə alınmır, minimal artım yanlız 1 manat ola bilər.
1.3 Hərracın keçirilmə müddəti səhifə tərəfindən təyin olunaraq hər paylaşımda qeyd olunacaq. Bu müddət bitdikdən sonra hərracda ən yüksək məbləğ təklif edən şəxsin təklifi keçərli sayılır və əşya ona satılır. Hərracın vaxtı bitdikdə ən yüksək məbləğ təklif edən şəxs bu əşyanı almalıdır. Hərraclar minimum 24 saat davam edir. Hərraclar saat 23:00-da bitir və 23:00-da edilən təkliflər keçərli sayılır. 23:00-dan sonra edilən təkliflər keçərsizdir
1.4 Hərracda təklif yazan hər hansı bir şəxslə bu təklifini təsdiq üçün səhifə tərəfindən əlaqə yaradılacaq. Əgər bu əlaqə zamanı təklif edən şəxs təklifini hərracın sonuna kimi təsdiqləməsə təklifi keçərsiz sayılacaq. Təklifin reallağı və hərracların şəffaflığı üçün təklif yazan şəxsdən səhifə nömrə istəyə bilər. Səhifə tərəfindən aşkar olunan və hərracın şəffaflığına zədə gətirə biləcək təklif yazan hər hansı bir saxta profil səhifədən çıxarılacaq və bir daha səhifəyə qayıda bilməyəcək.
1.5 Hərracda qalib gələn və əşyanı alan şəxslə 3 gün müddətində əlaqə saxlanılması mümkün olmadıqda və ya əşyanı almaqdan imtina etdikdə alıcıya xəbərdarlıq edilir. Alıcı bu zaman səhifədən çıxarılacaq və bir daha səhifəyə qayıda bilməyəcək. Hər hansı bir hərrac zamanı bu baş verərsə ən yüksək təklifdən aşağıda olan şəxsə bu əşya təklif olunacaq. Qeyd: İkinci ən yüksək təklifi verən şəxsə əşya təklif olunduqda əşyanı almaya bilər. Qeyd: İkinci ən yüksək təklif əşya sahibini qane etmirsə əşya yenidən hərraca çıxarıla bilər. Qeyd: Hərracda qazanılan əşya yenidən hərraca qoyula bilməz.
1.6 Hərrac keçirilərkən qoyulan əşya barədə səhifə istifadəçilərinin mənfi rəylər yazması, hərraca aid olmayan məlumat və ya sual verilməsi, hər hansı bir formada təhqirə yol verilməsi qadağandır və qeyd olunan qadağalara əməl etməyən şəxslərin rəyləri silinəcək. Hər hansı irad və təkliflərinizi səhifənin mesaj bölməsinə yazmağınız arzu olunandır.
1.7 Hərraca qoyulan əşya barədə hər hansı bir sualınız olsa və ya əlavə məlumat almaq istəsəniz zəhmət olmasa səhifənin mesaj bölməsinə yazın.
1.8 Səhifədə hərrac paylaşımlarında hər hansı bir səhifə və qrupun reklam olunması qadağandır. Bu hal həmin istifadəçinin səhifəyə girişini məhdudlaşdıracaq.
2.Hərracda antik əşyasını yerləşdirmək istəyənlər üçün qaydalar:
2.1 Hərraclarımızda kolleksiya üçün əşyaların, rəsm əsərlərinin, antik əşya və əskinasların və s. satışı baş tutur.
2.2 Hərraca qoymaq istədiyiniz əşyanın şəkilləri səhifənin mesaj bölməsinə göndərilir və əşyanın ili və vəziyyəti yazılır. Əşyanın paylaşılmasına səhifə qərar verir. Əgər əşya paylaşılmağa uyğundursa əşyanın daha keyfiyyətli və tam əks etdirən şəkilləri istənilir. Əşyanın hər hansı problemi varsa şəkillərdə bu mütləq görünməlidir və ya səhifəyə öncədən deyilməlidir. Məsələn, qədimi saatın şüşəsində xırda bir çat və ya cızıq varsa bu həm şəkillərdə görünməli, həm də səhifəyə yazılmalıdır. Bütün bunlar hərracın uğurla başa çata bilməsi üçün vacibdir.
2.3 Hərracın müddəti başa çatdıqdan sonra əşyaya ən yüksək məbləğ təklif edən şəxsə əşya mütləq satılmalıdır. Nəzərə alın ki, hərracda hər zaman siz gözlədiyiniz nəticə olmaya bilər. Sizin əşyanız gözlədiyiniz məbləğdən ucuz və ya baha satıla bilər.
2.4. Hərracın müddəti bitməmiş hərracda olan əşyanın satışı qadağandır.
2.5 Hərracda olan əşyanın sahibi hərraca müdaxilə etməməlidir. Əşyanın sahibinin hərrac zamanı rəylərdə əşyasını tərifləməsi və ya əşya barədə əlavə məlumat yazması qadağandır.
2.6 Hərraca qoyulan əşyanın reklama qoyulması zamanı reklamın ödənişi əşya sahibindən alınacaq.
2.7 Rezervli hərraclarda qiymət əşya sahibini qane etməsə əşyanı satmaya bilər. Rezerv qiymət öncədən əşya sahibi tərəfindən səhifəyə bildirilir və bu səhifə tərəfindən məxfi saxlanılır
2.8 Qaydalara əməl etməyən əşya sahibi səhifədə bir daha əşyasını yerləşdirə bilməyəcək. Hərracda iştirak etməmişdən öncə qaydaları oxuduğunuz üçün çox sağ olun! Hər hansı sual, irad və təklifiniz olarsa bizə yazın. Hörmətlə,
“Antik” Hərrac komandası
