25/08/2026
Avqustun 25-də “Tarık Usta” restoranında ənənəvi “İşgüzar Səhər Yeməyi” çərçivəsində xanım sahibkarların da iştirakı ilə 40-a yaxın Marsol Group partnyoru növbəti dəfə bir araya gəlib.
İştirakçılar öz fəaliyyətlərini tanıdıb, işgüzar əlaqələrin möhkəmləndirilməsi və gələcək planlar üzrə fikir mübadiləsi aparılıb.
Həmçinin görüşdə Dövlət Məşğulluq Agentliyinin baş mütəxəssisi Aqşin Babayev də iştirak edib. Dövlət Məşğulluq Agentliyinin 2026-cı il üzrə sahibkarlar üçün nəzərdə tutulan yeni layihələri, aktiv məşğulluq proqramları və birgə maliyyələşmə alətləri haqqında geniş məlumat verib. Bildirib ki, bu mexanizmlər sahibkarların maliyyə yükünü azaltmaqla yanaşı, dayanıqlı biznes modellərinin qurulmasına və yeni iş yerlərinin yaradılmasına mühüm töhfə verir.
Görüşün yeniliklərindən biri isə sahibkarların birbaşa ikitərəfli əlaqələr qurması və əməkdaşlıq imkanlarını müzakirə etməsi üçün təşkil olunan “B2B müzakirə masaları” olub. Sahibkarların fəal iştirakı ilə görüş daha geniş biznes əlaqələrinin qurulmasına və yeni əməkdaşlıq imkanlarının formalaşmasına şərait yaradıb.
