AzPMA (Azerbaijan Project Management Association)

09/07/2026

Peşəkarlığın Beynəlxalq Təsdiqi

AzPMA beynəlxalq sertifikatlaşma prosesini uğurla tamamlayan namizədlərə IPMA® sertifikatlarını təqdim etdi.

Bu sertifikatlar namizədlərin yalnız layihələrin idarə edilməsi sahəsində nəzəri biliklərini deyil, eyni zamanda liderlik, davranış və praktiki səriştələrini beynəlxalq standartlara uyğun şəkildə nümayiş etdirdiklərini təsdiq edir.

AzPMA olaraq sertifikat əldə edən bütün peşəkarları səmimi qəlbdən təbrik edir, onların təşkilatlarında dəyər yaradan layihələrə rəhbərlik edəcəklərinə və ölkəmizdə peşəkar layihə idarəetmə mədəniyyətinin inkişafına mühüm töhfələr verəcəklərinə inanırıq.

Peşəkarlıq, etibar və davamlı inkişaf yolunda növbəti mühüm mərhələni uğurla keçən bütün sertifikat sahiblərinə gələcək fəaliyyətlərində yeni nailiyyətlər arzulayırıq.

Unutmayaq, beynəlxalq standartlara uyğun layihə idarəetməsi – peşəkar gələcəyin etibarlı təməlidir.

06/06/2026

🎉 Təbrik edirik!

BCC Group Kommersiya və Tender Departamentinin rəhbəri Caner Uzum IPMA resertifikasiya prosesindən uğurla keçərək öz peşəkar kompetensiyalarını bir daha təsdiqləmiş və Certified Senior Portfolio Manager statusunu əldə etmiş oldu.

Caner Uzumu IPMA dərəcəsini artırmaqla və resertifikasiya prosesindən uğurla keçməklə təbrik edir, gələcək fəaliyyətində yeni nailiyyətlər arzulayırıq!

📌 Əgər sizin də IPMA sertifikatınızın etibarlılıq müddəti başa çatmaq üzrədirsə və ya artıq başa çatıbsa, resertifikasiya prosesinə qoşularaq beynəlxalq səviyyədə tanınan statusunuzu yeniləyə bilərsiniz.

📩 Resertifikasiya haqqında ətraflı məlumat almaq və müraciət etmək üçün bizimlə əlaqə saxlayın: +994 55 205 60 07

01/06/2026

📢 Bəs siz hələ də IPMA sertifikatı almamısınız?

Layihələrin idarə edilməsi sahəsində bilik və təcrübənizi beynəlxalq səviyyədə təsdiqləmək, karyera imkanlarınızı genişləndirmək və peşəkar nüfuzunuzu artırmaq istəyirsinizsə, IPMA sertifikatlaşdırması doğru seçimdir.

✅ Beynəlxalq tanınma
✅ Peşəkar kompetensiyaların qiymətləndirilməsi
✅ Karyera inkişafı və yeni imkanlar
✅ Qlobal layihə idarəetməsi icmasına qoşulmaq imkanı

Bu gün öz inkişafınıza investisiya edin və peşəkar uğurlarınızı beynəlxalq sertifikatla təsdiqləyin.

📩 Ətraflı məlumat və qeydiyyat üçün bizimlə əlaqə saxlayın: +994552056007

22/05/2026

Bu gün Kiyev, Ukraynada “Sustainable Management of Investment Projects in Conditions of Geopolitical and Economic Risks” mövzusunda beynəlxalq konfrans keçirildi.

Tədbir Ukrayna, Yaponiya, Türkiyə, Qazaxstan, Latviya kimi müxtəlif ölkələrdən olan akademiklər, layihə menecerləri və sənaye nümayəndələri arasında təcrübə mübadiləsi baxımından əhəmiyyətli platforma təşkil edir.

Konfrans çərçivəsində Prof. İqbal Babayev və Fatimə Axundova çıxış edərək qeyri-sabit iqtisadi və geosiyasi şəraitdə investisiya layihələrinin effektiv idarə olunması, risklərin minimallaşdırılması və dayanıqlı idarəetmə yanaşmaları barədə təqdimatlarını bölüşdülər.

Tədbirdə müasir dövrdə investisiya layihələrinin idarə olunması, geosiyasi qeyri-müəyyənliklər, iqtisadi risklərin təsiri və dayanıqlı inkişaf strategiyaları müzakirə olundu. Çıxış zamanı beynəlxalq layihə idarəetməsi standartları, innovativ yanaşmalar və strateji qərarvermənin əhəmiyyəti xüsusi vurğulandı.

18/05/2026

Böyük bir addım daha tamamlandı!

Bugün IPMA sertifikasiya proqramı üzrə beynəlxalq layihə menecerləri sırasına qoşulan menecerlərə International Project Management Association sertifikatları təqdim olundu. 📜✨

Bu sertifikat yalnız bir sənəd deyil — peşəkarlığın, inkişafın və layihə idarəetməsində beynəlxalq standartlara uyğun biliklərin göstəricisidir. 🌍

Əldə olunan hər uğur yeni başlanğıclar üçün motivasiyadır. Daha böyük layihələr, daha güclü nəticələr üçün irəliləməyə davam edin! 💼

18/05/2026

🚀 Azərbaycanda IPMA Young Crew fəaliyyətə başladı!

Böyük fəxrlə qeyd etmək istəyirik ki, qlobal dünya üzrə fəaliyyət göstərən və daha çox ətrafında tələbələri, gənc mütəxəssisləri toplayan Young Grew artıq ölkəmizdə də fəaliyyətə başladı.
Gənc layihə menecerləri, tələbələr və inkişaf yönümlü peşəkarlar üçün yeni imkanlar açılır. IPMA Young Crew artıq Azərbaycanda da öz fəaliyyətinə başlayaraq layihə idarəçiliyi sahəsində bilik paylaşımı, networking və beynəlxalq təcrübə mühiti yaradacaq.

Bu platforma vasitəsilə:
✨ Təlim və workshoplar
✨ Beynəlxalq əlaqələr
✨ Təcrübə paylaşımı
✨ Gənclər üçün inkişaf imkanları
sizi gözləyir.

Layihə idarəçiliyinə marağı olan hər kəsi bu icmanın bir parçası olmağa dəvət edirik!

12/05/2026

12 may tarixində Aqualink MMC-nin top menecerləri üçün “Project Management and Innovation” mövzusunda təlim təşkil olunmuşdur.

Təlim çərçivəsində prof. Igbal Babayev çıxış edərək IPMA beynəlxalq standartları əsasında layihələrin idarə olunmasının müasir yanaşmaları, innovativ idarəetmə metodları və beynəlxalq sertifikatlaşdırma imkanları barədə ətraflı məlumat təqdim etdi.

İnteraktiv müzakirələr və praktiki nümunələrlə müşayiət olunan təlim iştirakçılar tərəfindən böyük maraqla qarşılanmış, layihələrin idarə edilməsində innovativ yanaşmaların strateji əhəmiyyəti xüsusi vurğulanmışdır.

20/03/2026

08/03/2026

Layihələrin idarə edilməsi sahəsində qadınlar yalnız komanda üzvü deyil, həm də lider, strateji yanaşma və dəyişikliklər üzrə aparıcı qüvvədir.

Bu gün AzPMA adından - planlaşdıran, riskləri idarə edən, komandaları birləşdirən və ideyaları uğurlu layihələrə çevirən bütün güclü qadınları təbrik edirik.

💐 Qoy bütün layihələriniz uğurlu, qərarlarınız cəsarətli, məqsədləriniz isə daim əzmli olsun!

8 Mart Beynəlxalq Qadınlar Gününüz mübarək!