INCERT CERTIFICATION

"INCERT” International Certification müstəqil audit və inspeksiya nəzarəti üzrə peşəkar xidmətlərin təşkili və göstərilməsi məqsədilə yaradılmış yerli Azərbaycan şirkətdir. INCERT şirkəti Azərbaycanda fəaliyyət göstərən həm dövlət təşkilatlarına, həm də özəl təşkilatlara beynəlxalq standartlar üzrə peşəkar audit, inspeksiya və mühəndislik sahəsində peşəkar xidmətlərin göstərilməsini təşkil edir və

həyata keçirir. INCERT şirkəti tərəfindən təklif edilən xidmətlər və problemlərin həlli yolları standartlaşdırma, uyğunluğun qiymətləndirilməsi, sertifikatlaşdırma, akkreditasiya, audit, inspeksiya nəzarəti, mühəndislik kimi fəaliyyət sahələrini əhatə edir. Hazırda 20 ölkədən 40-a yaxın şirkətlə iş birliyi quran şirkətimizin əsas missiyası müasir texnologiyaları tətbiq etməklə beynəlxalq standartlara uyğun bir sistem qurmaqdır. Biz öz səriştəmizi və təklif etdiyimiz xidmətləri qlobal iqtisadiyyatın dəyişən tələblərinə cavab verəcək şəkildə təkmilləşdirir, müştərilərimizin ahəngdar və davamlı inkişafının təmin edilməsi üçün çalışırıq. Fəaliyyətimizin hər bir sahəsində ən yüksək keyfiyyət və etik standartlara riayət etməyə çalışırıq. Peşəkarlıq:
Biz müştərilərə xidmət üzrə bütün fəaliyyətimizi yüksək səviyyədə, vaxtında və ən müasir metodlarla həyata keçiririk. Biz daim yeniliyə can atır, fəaliyyətimizin daha da səmərəli olması üçün ən yaxşı vasitələr və imkanlar axtarırıq. Müştəri məmnuniyyəti:
Müştərilərimizin ehtiyaclarını tam olaraq anlamaq və bu ehtiyaclara maksimum cavab verə bilmək fəaliyyət strategiyamızın əsas prinsipidir. Məqsədimiz – strategiyamız ilə müəyyən edilmiş prioritet istiqamətlər üzrə müştərilərlə uzunmüddətli və etibarlı münasibətlər yaratmaq və inkişaf etdirməkdir. Yenilikçilik:
Yenilikçilik fəaliyyət göstərdiyimiz sahədə fərqliliyimizi, uğurlarımızı, inkişafımızı şərtləndirən başlıca amildir. Komanda çalışması:
Uğurlu bir şirkət olmaq, müştərilərimizin tələb və ehtiyaclarına cavab verə bilmək üçün komanda ruhu ilə çalışmalı olduğumuzun fərqindəyik. Performans:
Biz performansımızı daim inkişaf etdirməyə səy göstəririk. Hər hansı bir işlə bağlı qərar verdiyimiz zaman o işi mümkün ola biləcək qədər sürətli, peşəkar və effektiv şəkildə həll etməyə çalışırıq. Peşəkar səviyyəmizi inkişaf etdirməyi bir prinsip olaraq qəbul edərək, ən qabaqcıl ideyaların tətbiqinə çalışırıq. Keyfiyyət:
Şirkətimizin fəaliyyətində keyfiyyət başlıca şərt və ən böyük hədəfimizdir. Biz müştərilərimizin şirkətimizlə əməkdaşlıqdan zövq alması və məmnun qalması üçün çalışırıq. Biz öz işimizi sevir və onu yüksək səviyyədə yerinə yetiririk. Bizim fəaliyyət strategiyamız:
Biz fəaliyyətimizin müasir standartlara və qaydalara müvafiq olmasına, həyata keçirdiyimiz işlərin davamlı olaraq təkmilləşdirilməsinə səy göstəririk. Biz yeni imkanlar yaratmaq, fəaliyyət göstərdiyimiz istiqamətlərdə uğur qazanmaq, maraqlı tərəflərlə əlaqələrimizi yaxşılaşdırmaqla rəqabətqabiliyyətli mövqeyimizi daha da möhkəmləndirməyə çalışırıq. Biz əsas diqqəti müəssisə və təşkilatların təhlükəsizlik göstəricilərinin davamlı şəkildə yaxşılaşdırılmasına yönəldir, kəmiyyətdən daha çox keyfiyyətə üstünlük veririk. Müştərilərimizlə münasibətlərdə qarşılıqlı fayda və inam fəaliyyətlərimizin mərkəzində dayanır. Fəaliyyətimizin əsas prioritetlərindən biri də müasir metod və texnologiyaları tətbiq etməklə müştərilər üçün uzun perspektivdə dəyər artımına nail olmaqdır.