Elm və Təhsil İşçiləri Həmkarlar İttifaqı Şamaxı Rayon Komitəsi

17/09/2026

Təhsil gələcəyin təməlidir, bu təməli quranlar isə öz ömrünü gənc nəslin savadlanmasına və tərbiyəsinə həsr edən fədakar ziyalılarımızdır. Belə şərəfli və məsuliyyətli yolu özünə həyat amalı seçən dəyərli pedaqoqlarımızdan biri – Şamaxı rayonu Elşən Hüseynov adına tam orta ümumtəhsil məktəbinin müəllimi Əfəndiyeva Esmira Nazir qızı 65 illik yubileyini qeyd edir.
Esmira müəllimə uzun illər boyunca səmərəli pedaqoji fəaliyyəti, yüksək peşəkarlığı, dərin bilik və bacarığı ilə təhsilin inkişafına dəyərli töhfələr vermişdir. O, yalnız fənnini tədris etməklə kifayətlənməmiş, eyni zamanda gənc nəslin vətənpərvər, savadlı və cəmiyyətə faydalı şəxsiyyət kimi yetişməsində böyük əmək sərf etmişdir.
Onun zəngin pedaqoji təcrübəsi, təlim-tərbiyə işində göstərdiyi xüsusi xidmətləri və təhsil sahəsindəki fədakar fəaliyyəti layiqincə qiymətləndirilmişdir. 65 illik yubileyi münasibətilə Əfəndiyeva Esmira Nazir qızı ETİHİ Şamaxı Rayon Komitəsi tərəfindən Fəxri Fərman və xatirə hədiyyəsi ilə təltif olunmuşdur.
https://shamakhi.etihi.org/xeberler/tehsilimize-hesr-olunmus-65-illik-menali-omur-yolu

15/09/2026

📚 15 Sentyabr – Bilik Günü

Elm və Təhsil İşçiləri Həmkarlar İttifaqı Respublika Komitəsi olaraq ittifaq üzvlərimiz olan bütün təhsil işçilərini, müəllim və tələbələri 15 Sentyabr – Bilik Günü münasibətilə təbrik edirik.
Yeni tədris ilinin uğurlu, məhsuldar və yeni nailiyyətlərlə zəngin olmasını arzulayırıq.

11/09/2026

İnternat tipli Şamaxı Avropa Liseyinin müəllimi Ağayeva Gülmirə Gəncalı qızı 65 illik yubileyi münasibətilə uzunillik və səmərəli pedaqoji fəaliyyəti, təhsilin inkişafına verdiyi dəyərli töhfələri, şagirdlərin bilik və bacarıqlarının formalaşdırılmasında göstərdiyi yüksək peşəkarlığı, eləcə də gənc nəslin təlim-tərbiyəsində göstərdiyi əvəzsiz xidmətlərinə görə ETİHİ Şamaxı Rayon Komitəsi tərəfindən Fəxri Fərman və xatirə hədiyyəsi ilə təltif olunmuşdur.

Gülmirə müəlliməni 65 illik yubileyi münasibətilə səmimi-qəlbdən təbrik edir, ona möhkəm cansağlığı, uzun ömür ,uğurlar arzulayırıq!

08/09/2026

Şamaxı şəhəri 3 nömrəli tam orta ümumtəhsil məktəbinin müəllimi Haxıyeva Mirəstə Talah qızı 65 illik yubileyi münasibətilə, uzunillik və səmərəli pedaqoji fəaliyyəti, təhsilin inkişafına verdiyi dəyərli töhfələr, şagirdlərin bilik və bacarıqlarının formalaşdırılmasında göstərdiyi yüksək peşəkarlıq, eləcə də gənc nəslin təlim-tərbiyəsində göstərdiyi əvəzsiz xidmətlərə görə ETİHİ Şamaxı Rayon Komitəsi tərəfindən Fəxri Fərman və xatirə hədiyyəsi ilə təltif olunmuşdur.
Mirəstə Haxıyeva uzun illər ərzində müəllimlik fəaliyyətini yüksək məsuliyyət, böyük əzm və peşəkarlıqla həyata keçirərək, təhsil sahəsində özünəməxsus dəst-xətti ilə seçilmişdir. O, pedaqoji fəaliyyəti müddətində şagirdlərin yalnız akademik biliklərə yiyələnməsinə deyil, onların milli-mənəvi dəyərlərə bağlı, vətənpərvər, savadlı, məsuliyyətli və cəmiyyət üçün faydalı şəxsiyyət kimi formalaşmasına xüsusi diqqət yetirmişdir.
https://shamakhi.etihi.org/xeberler/tehsile-hesr-olunmus-omrun-yubiley-sevinci

08/09/2026

Dağlıq Şirvan Regional Təhsil İdarəsində 2026–2027-ci tədris ili üzrə keçirilən Sentyabr konfransları və panel müzakirələrin yekunlarına dair müşavirə keçirilib.
Müşavirədə Regional Təhsil İdarəsinin müdiri Ramin Abasov, müdir müavini Rahim Novruzov, Elm və Təhsil İşçiləri Həmkarlar İttifaqının Şamaxı rayon komitəsinin sədri Fuad Nəsirov, struktur bölmə rəhbərləri və işçiləri, yerli təhsil sektorlarının müdirləri və aparıcı məsləhətçiləri iştirak etmişdirlər.
Görüşdə Fuad Nəsirov çıxış edərək Sentyabr konfransları çərçivəsində aparılan müzakirələrin əhəmiyyətindən danışıb, təhsil işçilərinin qarşısında duran əsas vəzifələrə toxunub və yeni tədris ilində əməkdaşlığın daha da gücləndirilməsinin vacibliyini vurğulayıb.
Daha sonra ötən tədris ilinin nəticələri ətraflı təhlil olunub, panel müzakirələr zamanı səsləndirilən fikir və təkliflər nəzərdən keçirilib, 2026–2027-ci tədris ili üzrə əsas vəzifələr və prioritet istiqamətlər müəyyənləşdirilib.
Müzakirələr zamanı aşağı nəticə göstərən şagirdlərlə işin gücləndirilməsi, məktəblər arasında təcrübə mübadiləsinin genişləndirilməsi, valideynlərin təhsil prosesinə daha fəal cəlb olunması, məktəblərin mentorluq imkanlarının artırılması və fənlər üzrə metodiki fəaliyyətlərin təkmilləşdirilməsi məsələləri diqqət mərkəzində olub.
Sonda region üzrə illik nəticə hədəfləri müəyyənləşdirilib, qarşıda duran vəzifələr müzakirə olunaraq müvafiq qərarlar qəbul edilib.

26/08/2026

Bu gün Azərbaycanın Birinci vitse-prezidenti, UNESCO-nun xoşməramlı səfiri, Heydər Əliyev Fondunun prezidenti Mehriban Əliyevanın doğum günüdür.
Bu əlamətdar gün münasibətilə Mehriban xanım Əliyevaya möhkəm cansağlığı, uzun ömür və fəaliyyətində yeni uğurlar arzulayırıq.

25/08/2026

Tələbə adını qazanan bütün gənclərimizi ürəkdən təbrik edirik!
Tələbəlik illərinizin uğurlu və yaddaqalan keçməsini arzulayırıq!

24/07/2026

22/07/2026

Ölkəmizin media nümayəndələrini Milli Mətbuat Günü münasibətilə təbrik edir, yaradıcılıq uğurları arzulayırıq.

10/07/2026

ETİHİ Şamaxı Rayon Komitəsinin sədri Fuad Nəsirovun iştirakı ilə "Şamaxı Peşə Liseyi" PHŞ-də yaş həddinə çataraq əmək fəaliyyətini başa vuran əməkdaşlarla görüş keçirilmişdir.
Tədbirdə liseyin direktoru İsmayıl Tarverdiyev və lisey kollektivi iştirak etmişdir.
Uzun illər liseydə səmərəli və fasiləsiz fəaliyyət göstərmiş riyaziyyat müəllimi Qamət Qədirovun, dərzi ixtisası üzrə istehsalat təlim ustası Qənirə Vəliyevanın və geniş profilli təmirçi ixtisası üzrə istehsalat təlim ustası Nizami Qayıbovun peşəkar fəaliyyəti haqqında kollektiv üzvləri öz xoş fikirlərini bölüşmüş, onların zəhməti və kollektivə verdikləri töhfələr yüksək qiymətləndirilmişdir.
ETİHİ Şamaxı Rayon Komitəsinin sədri Fuad Nəsirov təqaüdə yola salınan əməkdaşlara Fəxri Fərman və xatirə hədiyyələri təqdim edərək onlara gələcək həyatlarında möhkəm cansağlığı, xoşbəxtlik və firavan ömür arzulamışdır.

Dəyərli müəllim və ustalarımıza uzun illər ərzində göstərdikləri fədakar əməyə, peşəkarlıqlarına və gənc nəslin yetişdirilməsinə verdikləri töhfəyə görə dərin minnətdarlığımızı bildirir, onlara sağlam, mənalı və xoşbəxt ömür arzulayırıq.
https://www.instagram.com/p/DamlNRTiAHn/?img_index=1