26/10/2023
🔴 IMBONEKARIMWE: Umurundi wa mbere yavumbuye ibiharuro bishobora gukoreshwa mu gucapa amashusho atandukanye!!
==================================
Yitwa Salomon MBONINYIBUKA, akaba avuka mu ntara ya Makamba , Komine Nyanza Lac. Muvyo yize hakaba harimwo ibiharuro “Section Scientifique mu mashure yisumbuye” hamwe n’igisata citwa “Facultés de Sciences de l’ingénieur”, muri Kaminuza Y’Uburundi, i kiriri.
🔹Aremeza ko amaze kuvumbura ibitari bike kandi vy’akamaro kanini mu gisata c’ibiharuro. N’aho ashimira cane abariko baramufasha kwandika no kwamamaza bimwe mu bikorwa vyiwe, arasaba abomufata mu mugongo mu gushira mu ngiro ivyo yavumbuye mu ntumbero yo kubivyaza umusaruro. Na kare ngo ihangiro ryiwe si ukwandika no kwamamaza gusa ibikorwa vyiwe ahubwo ari no gutorera umuti urama ibibazo bibangamiye iterambere ry’abenegihugu bo mu Burundi muri Afrika n’isi yose muri rusangi.
📍💬 Agira ati : « Jewe ndi umuntu yiyumvira cane. Narakurikiranye ibiharuro vyitwa Trigonométrie de Pythagore, ndabona neza ko hari ahantu atash*tse. Nca mfata umwanya wo kuvyigako neza, ndabandanya inzira , kugeza yaho nshika ku nyishu isa ni iyegeye imbere gato. Nkoresheje ibiharuro rero bita équations cartésiennes vya René DESCARTES hoho , nasanze nshobora gucapa amashusho atandukanye y’ibintu tubona mu kibano nk’amababi y’ibiterwa, amashurwe, n’ayandi mashusho meza bashora gukoresha nko mu gufuma amashuka, gushona impuzu za broderie n’ibindi. Vyantwaye igihe kitari gito kugira ndabishikeko. No muhira abo tubana bakunda kumbona nsohoka ninjira, nkamara umwanya munini ndi ku mashine, bagatangazwa nivyo ndimwo. Hari n’abibaza ko mfise akagorane mu mutwe. Ariko bamaze kubona ivyavuyemwo barahava bagira icizere gito. »
📍💬 Yongeye ati : « Ibiharuro nkoresha kugira nshike kurayo mashusho sinoshoka ndabibereka ubunyene ngaha, kuko hariho abandi bantu bazi ibiharuro bohava babikora , bakaca bantwara umugambi. Gusa ico babona kurano mashusho barabona graphique, ico twita Axes des abscisses na des o
