08/10/2026
: Imbonerakure z’abigeme zashigikiye umuryango w’abavyeyi baheruka kwibaruka,ariko bakaba bafise amikoro make.
Kuri uyu wa kane, igenekerezo rya 8 Gitugutu 2026, Icegera c’Umukuru w’Imbonerakure mu Ntara ya , , aherekejwe na bagenziwe bo mu Makomine ya Mugere na Ntahangwa, hamwe n’abo mu mazone, yagendeye umuryango wa Bigirindavyi Mamert na Iteriteka Marie-Séraphine baheruka kwibaruka, usanzwe uba muri Q. Busoro, muri Zone Kanyosha, Komine Mugere, mu ntumbero yo kuwushigikira.
Uwo muryango usanzwe ufise amikoro make washikirijwe imfashanyo y’ibifungurwa n’ibindi bikoresho vyankenerwa birenza agaciro k' imiriyoni zibiri z’amarundi. Muri vyo harimwo umuceri, ibiharage, ibiraya, ifu y’ubuyi n’iy’ibigori, isukari, amavuta yo gusiga abana, impuzu z’abana, amasabuni, amabuji, ibase, imatera, amashuka hamwe n’ibitenge vy’umuvyeyi.
Mu butumwa yashikirije uwo muryango, NGABIRE Queen Elsa yawukeje k'ukuntu uheruka guhezagizwa ikibondo , akawuhamagarira kuvyara abo ushoboye kurera neza, kugira ngo abana baronke ibifungurwa bikwiye, baronke inyigisho kandi bakurire mu buzima bwiza.
Yibukije kandi ko kugira Uburundi bushike ku mbonakazoza ya 2040 na 2060, bisaba ko umuryango wose ugira imigambi n’ihangiro ryawo, cane cane mu kurera abana no kubategurira kazoza keza.
Yasavye kandi abo bavyeyi kuguma bumvikana, gufashanya no gufatira hamwe ingingo mu kurera neza abana babo.
Mu kurangiza, yahamagariye Imbonerakure z’abigeme zo muri ako karere kugira umwete n'ubwira mu kurangura ibikorwa vy’iterambere, cane cane mu gikorwa co gutera imivoka, asaba ko umwe wese yoteragira nibura ibiti bitanu. Yaboneyeho no kubasaba kubandanya babumbatira amahoro n’umutekano, mu kwitwararika ibibera mu kibano no kumenyesha inzego zibijejwe ikintu cose giteye amakenga.
