Cndd-Fdd Bujumbura

05/06/2026

🔴MUGERE: Umunyamabanga wa CNDD-FDD muri Komine Mugere yaraye agendeye abagumyabanga bo muri Zone Kinindo.

Inyuma y’umutaga wo kuri uyu wa Kane igenekerezo rya 4 Ruheshi 2026, Umunyamabanga w’umugambwe CNDD-FDD muri Komine Mugere, Gilbert Hakizimana, ari kumwe n’abandi basangiye amabanga yo kurongora uwo mugambwe, yaragendeye abanywanyi bo muri Zone Kinindo.

Mu majambo yashikirije, Gilbert Hakizimana yashimye intambwe umugambwe ugezeko muri iyo zone,
aca asaba abanywanyi gukomeza inzego z’umugambwe, cane cane mu gushiraho amanama nshingiro aho atarashirwaho.

Uwo munyamabanga kandi yasavye abanywanyi gutegura neza ibikorwa bijanye n’amatora yimirije, no kuzohunda amajwi umugambwe CNDD-FDD kugira ngo umukandida Général Major Evariste Ndayishimiye , yashizwe imbere n’umugambwe CNDD-FDD kugira awuserukire mu matora y’Umukuru w’Igihugu ategekanijwe mu mwaka wa 2027,azoyatsinde ku majwi menshi cane.
Yasozereye ahamagarira abagumyabanga kuguma bafatanye mu nda, gukomeza ibikorwa vy’umugambwe no gukorera hamwe kugira bashobore gudhika ku mahangiro yabo.

04/06/2026

🔴 : Umunyamabanga w'Umugambwe CNDD-FDD muri Komine Mugere abandanya igikorwa co kugendera ama zone.
Kuri uyu wa gatatu, igenekerezo rya 3 Ruheshi 2027, Umunyamabanga w'Umugambwe CNDD-FDD muri Komine Mugere, Gilbert Hakizimana, ari kumwe n'abo bafashanya mu kurongora umugambwe muri komine, yaragendeye abagumyabanga bo muri Zone Kabezi mu gatondo no muri Zone Ruziba inyuma y'umutaga.

Muri izo zone zompi yakiriwe n'igishika cinshi n'abagumyabanga, aho mw'ijambo yabashikirije yabamenyesheje ku mugaragaro ko Général-Major Evariste Ndayishimiye ari we Umugambwe CNDD-FDD washize imbere ngo awuserukire mu matora y'Umukuru w'Igihugu yo mu 2027, aca abahamagarira ko ku musi w'amatora ari guhunda amajwi umugambwe Cndd-Fdd .
Gilbert Hakizimana yasavye kandi indongozi gukomeza gupanga neza umugambwe kuva ku rwego rw'inama nshingiro, yibutsa ko amatora meza ava ku migambi n'itunganywa ryiza. Yanasavye abagumyabanga gufatana mu nda, kwirinda gucanamwo no kurwanya igiturire, bongere batunganirize neza abo barongoye.

03/06/2026

🔴 : Umunyamabanga w'Umugambwe CNDD-FDD muri Komine Mugere abandanya igikirwa co kugendera ama zone.

Kuri uyu wa kabiri, igenekerezo rya 2 Ruheshi 2026, Umunyamabanga w'Umugambwe Cndd-Fdd muri Komine Mugere, Gilbert Hakizimana, ari kumwe n'abamwe mu bagize ubuserukizi muri komine, yaragendeye abagumyabanga bo muri Zone Ramba, ari na yo zone avukamwo. Muri iyo zone yakiriwe n'igishika cinshi, aho Imbonerakure zaho zateguye defile iteye igomwe ikimenyetso co ku kumwakira no kumwereka ko zimushigikiye.

Nk'uko asanzwe abigenza mu ngendo zose arangura, Gilbert Hakizimana yabanje kwibutsa abari bitavye ico gikorwa icivugo citiriwe urwo rugendo kigira giti:
"Kirazira gusamara ku ngabire Imana yaguhaye, ahubwo ni ukuyibungabunga no kuyiteza imbere."
Mw' ijambo yashikirije abagumyabanga yabibukije kandi umukandida Umugambwe CNDD-FDD washize imbere mu matora y'Umukuru w'Igihugu, ari we Général-Major Evariste Ndayishimiye. Yabasavye kumushigikira no kumuha amajwi menshi kanatsinda ngo ni umuhizi mu rugendo rw'iterambere ry'igihugu.
Yasavye indongozi zo muri Zone Ramba kuja ku kivi zigakomeza gupanga umugambwe kuva ku mutumba gushika ku nama nshingiro.

Gilbert Hakizimana kandi yasavye indongozi z'umugambwe gufatana mu nda, gukorera mu bumwe , no kwirinda ivyo vyose vyoza bishaka kubacanishamwo.

01/06/2026

🔴 : Ubuserukizi bw'umugambwe CNDD-FDD mu ntara ya Bujumbura bugiwe imbere n'umunyamabanga wawo mu ntara , burabandanya kugendera amazone agize iyo ntara mu ntumbero yo gushikiriza indongozi zirongoye umugambwe CNDD-FDD kuva ku mitumba kugera muri komine ivyapfundikiwe mu nama nkuru y'umugambwe n'ikoraniro kaminuza riheruka kubera i Gitega.

Kuri uyu wa mbere, igenekerezo rya 1/06/2026, hakaba hagendewe amazone ya Buzirasazi,Masango na Ndora, bakaba bahuriye muri zone Ndora, ku muhingamo naho hakaba hagendewe zone Buganda, ndava na Buhayira , zose zo muri komine Bukinanyana.

Mw'ijambo yashikirije izo ndongozi, Umunyamabanga w'umugambwe Cndd-Fdd mu ntara ya Bujumbura Alexandre NGORAGOZE, yakeje vy'imvamutima abagumyabanga bo muri izo zone zose k'ukuntu mu matora aheruka batoye umugambwe CNDD-FDD ku majwi 100 kw'ijana. Akaba yabateye akamo ko kubungabunga neza iyo ntsinzi.

Kubijanye n'amatora yimirije y'umukuru w'igihugu, Umunyamabanga w'umugambwe CNDD-FDD mu ntara ya Bujumbura, akaba yibukije indongozi ko umugambwe CNDD-FDD washize imbere Nyenicubahiro Umukuru w'igihugu c'Uburundi Evariste Ndayishimiye , kugira ngo abe ariwe azowuserukira mu matora yimirije mu kwezi kwa Rusama 2027. Akaba yaciye atera akamo abagumyabanga muri rusangi kwitegura neza mu kuzohunda amajwi uwo mugambwe. Ivyo navyo kugira ngo bikunde, yabahamagariye gukomeza umugambwe CNDD-FDD bahereye mu namashingiro.

Kubijanye n'ingingo zapfundikiwe mw'ikoraniro kaminuza ry'umugambwe ryabaye mu mwaka wa 2024, Umunyamabanga w'umugambwe mu ntara ya Bujumbura, yahamagariye indongozi n'abagumya muri rusangi, guhagurukira bimwe biboneka urugamba rwo kugwiza igiterwa c'amavoka n'ikawa, ibiterwa njabukamazi bizobafasha gushikira vyoroshe imbonakazoza y'Uburundi.

Mu kurangiza, Umunyamabanga w'umugambwe CNDD-FDD mu ntara ya Bujumbura, yahamagariye abagumyabanga gufatana munda, gukundana, gushigikirana, guhanurana, kwicisha bugufi, no kurema muri vyose ngo kuko umugambwe CNDD-FDD washize Imana mu kibanza ca mbere.

29/05/2026

Ntakuyaga amasigara-cicaro

28/05/2026

28/05/2026

28/05/2026

27/05/2026

: Kuri uyu wa mbere igenekerezo rya 25 Rusama 2026, Umunyamabanga w'umugambwe Cndd-Fdd mu ntara ya Bujumbura , arikumwe n'abo bakorana muri ubwo buserukizi, yaragendeye abagumyabanga bo mu mazone ya Muhuta, Rutongo, magara, bugarama, Gitaza na Busenge zo muri komine MUHUTA.

Intumbero y'urwo rugendo ikaba ariyo gushikiriza abagumyabanga ivyapfundikiwe mu nama ya komite nkuru y'umugambwe Cndd-Fdd no mw'ikoraniro kaminuza ry'umugambwe CNDD-FDD riheruka kubera mu ntara ya Gitega.

Mw'ijambo yashikirije abo bagumyabanga, Umunyamabanga w'umugambwe CNDD-FDD mu ntara ya Bujumbura Alexandre NGORAGOZE, akaba yabamenyesheje ko mw'ikoraniro kaminuza ry'umugambwe riheruka kuba hemejwe ko Général Major Evariste Ndayishimiye ariwe mukandida yashizwe imbere kugira ngo azoserukire umugambwe CNDD-FDD mu matora y'umukuru w'igihugu yimirije, akaba yahamagariye indongozi n'abagumyabaga muri rusangi; kwitegurira neza ayo matora mu gukomeza amanamashingiro no kutarekura iciza bafashe,

Yabahamagariye kandi kwijukira ibikorwa vy'Iterambere bibaganisha mu mbonakazoza y'Uburundi, na canecane kurima igiterwa c'amavoka n'ikawa.

23/05/2026

:
Ku musi ugira gatatu w'urugendo ubuserukizi bw'umugambwe CNDD-FDD muri komine buriko buragira mu mazone agize iyo komine, kuri uyu wa 23 Rusama, burongowe na umunyamabanga w'umugambwe CNDD-FDD muri komine Bubanza bwagendeye zone , imwe mu mazone 8 agize komine Bubanza.

Mw'Ijambo ryo kwakira abash*tsi ryashikirijwe n'icegera c'umunyamabanga w'umugambwe CNDD-FDD muri zone yamenyesheje ko abenegihugu bo mumitumba yose igize iyo zone bari kukivi mu ntumbero yo kuvyaza umusaruro amahoro n'umutekano bisasagaye muri iyo zone. Nayo ngo muntumbero yo gushira mu ngiro ibikorwa biyiganisha ku Mbonakazoza y'igihugu cifashe muri 2040, igihugu giteyimbere muri 2060, ibiti vy'ivoka 7633 n'ivyikawa 557 n'ibindi biti bibana n'indimo bitari bike biramaze guterwa ariko kandi ngo bazobandanya babiteragira kuko bataragera ku rugero bipfuza kugerako.

🎤Mw'Ijambo rya umunyamabanga ajejwe iterambere mu mugambwe CNDD-FDD muri komine Bubanza akongera akaba kandi n'umukuru w'igisata ca komine kijejwe ibidukikije, uburimyi n'ubworozi yahimirije abanya kwimba za Nyabarega, aho ngo ni mugihe uku kwezi kwa Rusama kwahariwe kwimba Nyabarega, muntumbero yo guhangana n'ibibazo biterwa n'ikeha ry'ifumbire ihingurwa n'ihinguriro .

🎙️Afashe ijambo, umunyamabanga w'umugambwe CNDD-FDD muri , inyuma yo gushimira abanya Buvyuko ku kuntu bitwaye mu matora yo mumwaka uheze aho muri iyo zone umugambwe CNDD-FDD waharonse intsinzi Ku majwi ijana kw'ijana, yabasavye kugabanya amajambo ahubwo nyabuna ngo bagwize ibikorwa, aho yisunze icivugo catorewe mw'ikoraniro kaminuza ry'umugambwe CNDD-FDD ryo mukwezi guheze. Yasavye kandi abagumyabanga b'iyo zone kuva mu nama nshingiro kugiriranira urukundo, kumenyana hagati yabo kugira ngo ntihagire uwoza abatosekariza amahoro n'mutekano bivuye kukutamenyana, kugira urunani rw'intamenwa na cane cane mukuja hamwe mu ma koperative bagakorera hamwe, kugwanya ibiyoga biboreza cane ivyo benshi bita mu ntumbero yo kwirinda akaborerwe gatuma benshi ataco bahereza amaboko ngo bakore

yasavye kandi ko buri muntu wese ategerezwa kugira inguvu muguteragira ibiterwa njabukamazi nk'ikawa n'ivoka vyo vyashizwe imbere kugira ngo baterere mu rugendo igihugu kirimwo arirwo Imbonakazoza, aho Uburundi buzoba ari igihugu cifashe muri 2040, igihugu giteyimbere muri 2060.

Mu gihe amahoro n'umutekano ari karahara mu ruganda ntibacure, uwo ahagarariye umugambwe CNDD-FDD muri komine Bubanza yasavye abaraho kurikanura mu ntumbero yo kugwaniriza hamwe ico cose coza kibahungabaniriza Umutekano.

Yasozereye ijambo ryiwe atangariza abaraho ko umugambwe CNDD-FDD washize imbere ngo abe ariwe azowuserukira mu matora y'umukuru w'igihugu yimirije kuwa 3 Rusama umwaka uza, ari naho yaca asaba abanyabuvyuko kuzohunda amajwi CNDD-FDD nk'uko bama babikoze, kugira ngo uwo yashizwe imbere n'umugambwe CNDD-FDD azobe ariwe atorerwa ikibanza c'umukuru w'igihugu.

Mwomenya ko nk'uko vyagenze mu mazone ya na , baba abarongoye ayandi mazone canke abanyamabanga b'umugambwe CNDD-FDD mu yandi mazone agize komine Bubanza bifadikanije n'abagumyabanga ba zone Buvyuko.