Nikobamye Philémon

27/06/2026

Imbabazi, urukundo n'ubuntu bishobora guhindura umuntu n'imibano kurusha ibihano n'ukwanka abandi.
----------------------------------
Ego ni vyo cane. Mu gihe abenshi twama twiyumvira ko guhasha umuntu atari ku murongo ari vyo bishobora gutuma ahindura ingendo maze ikibano kikagenda neza, Umwanditsi w'igitabu "Les Misérables", aranyuranya n'uko bamwe twiyumvira.

Muri ico gitabu canditswe na Victor Hugo mu mwaka wa 1862 avuga ku buzima bw'abantu boro, ubutungane, imbabazi, urukundo n'ukuntu umuntu ashobora guhinduka akava mu bibi akaja mu bakora ivyiza.

Muri ico gitabu umwanditsi atwereka Jean Valjean, umugabo ahumuye yafunzwe imyaka 19 yose azira kwiba umukate kugira ngo afashe umuryango wiwe wari ushonje. Amaze kurekurwa, abantu benshi baramwanka bakamwinuba kubera kahise kiwe katari kameze neza.

Naho abandi batamwerekwa, Umupadiri yitwa Monseigneur Myriel we yaramwakiriye kandi aramugirira ubuntu. Ivyo rero vyatumye Jean Valjean afata ingingo yo guhindura ubuzima bwiwe no kuba umuntu w'intungane.

Mu nyuma, Jean Valjean yarafashije Fantine, umugore yari yari umukene cane. Fantine yari afise umukobwa yitwa Cosette, ariko uwo mwana yari abangamiwe n'abantu babi bitwa Les Thénardier, maze Jean Valjean aragenda aramukiza, aca amurera nk'umwana wiwe.

Hagati aho, umupolisi Javert yaguma akurikirana Jean Valjean kuko kubwiwe yumva ko umuntu yigeze gukora icaha adashobora guhinduka. Cosette amaze gukura, akundana n'umusore yitwa Marius Pontmercy. Ni uko, mu gihe c'imigumuko yabereye i Paris, Jean Valjean yaremeye ashira ubuzima bwiwe mu kaga kugira ngo akize Marius.

Ku mpera y'inkuru, Javert yaratsinzwe muvyo yahora yiyumvira kuko yabonye ko Jean Valjean yabaye umuntu mwiza kandi w'imbabazi. Kubera ko Javert atashoboye neza guhuza ivyo n'ivyo yemera ku mategeko, yaciye ahitamwo kwiyahura.

Jean Valjean nawe yahavuye yipfira neza, apfa mu mahoro amaze gukora ibikorwa vyinshi vyiza.

Inyigisho nyamukuru dukura muri iki gitabu ni izi:
• Kubabarira no guhinduka: Umuntu arashobora kuva mu bibi akaba mwiza. Ntimwame mubona abantu nabi nk'uko mwari mubazi kera.

• Ubutungane: Amategeko yonyene si yo yama atanga ubutungane.

• Ubukene ni bubi : Victor Hugo yerekana ingene ubukene bushobora gutuma abantu bababara.

• Urukundo: Urukundo n'impuhwe birashobora guhindura ubuzima bw'umuntu.

• Kwitanga: Jean Valjean yitangira abandi ubuzima bwiwe bwose.

21/06/2026

21/06/2026

05/05/2026

Ni uko ndahava mvuga nti ivyo mw'isi ni amayobera.

Umwana avuka ashaka kuvuga, kandi n'ikibano kikamutera intege.
Yamara iyo amaze gukura ibintu birahinduka. Ikibano gitangura kumuboha no kumunumya, nawe ubwiwe akagera aho yiga guhora.

Ivyo mw'isi ni amayobera ni koko, ariko ubwenge bwo kiyibamwo burigwa.

Abiga gupambana n'ivy'ubu buzima ntimurambirwe.

05/05/2026

📈 Zanzibar yongeye abakozi ba Reta hagati y'amashiringi 300 000 n'500 000 ku kwezi, Kenya nayo hagati y'ibice 12 na 15% vy'umushahara

👉🏿 Ni ingingo zatangajwe mu mpera z'indwi twaraye turangije, hahimbazwa umunsi mpuzamakungu wahariwe abakozi n'akazi. Dr Hussein Ali Mwinyi arongoye izinga rya Zanzibar, avuga ko iyo ngingo izotangura kuja mu ngiro kuva muri Nzero umwaka uza w'2027.

🎙️ Dr Mwinyi asigura ko iyo ngingo ifatiye "ku butunzi bw'igihugu, ubushobozi bw'umuguzi muri kino gihe hamwe n'umwitwarariko wa Reta wo gufata neza abakozi hanyuma akazi kagende neza".

🇰🇪 Mu gihugu ca Kenya, naho nyene prezida William Ruto yongeye ibice 12% abakozi ba Reta muri rusangi, ariko vy'umwihariko yongera ibice 15% abari mu gisata c'uburimyi.

📌 Iruhande yo kwongerwa imishahara, Reta ya Kenya yarorohereje abakozi bayo mu bijanye n'uburaro no kwivuza. Nk'akarorero, abigisha bahora bivuriza mu bitaro 900 ubu bazokwivuriza ku bitaro bishika 9 000.

🇧🇮 Mu Burundi, prezida Evariste Ndayishimiye yarakuriye inkoni ku gish*tsi ko "bidashoboka kwongera abakozi muri kino gihe", naho Célestin Nsavyimana w'ihuriro ry'amasendika COSYBU yari yerekanye ko umukozi wa Reta abayeho mu bukene.

👆🏿 Umukuru w'igihugu c'Uburundi asaba ahubwo abanyagihugu kugwiza umwimbu, bashore hanze haboneke amafaranga mvamakungu 💰

© Yaga

04/05/2026

🚨Apôtre Kevin yakoreye Surprise Pastor Lopez amosozi arakoroka mu giteramo kidasanzwe yaraye akoreye mu Bubirigi.

Mu gihe atari avyiteze, yasanze yaramuherekeje mw’ibanga akimubona amosozi arakoroka.

Igihe Pastor Lopez yari akimubona, yatangaye cane amosozi arakoroka kubera umunezero mwinshi.

Pastor Lopez NININAHAZWE na Apôtre Kevin SIBOMANA ni incuti kuva kera aho bakoranye ibikorwa vy’Imana mw’ishengero rya CLG rikiri rito cane ndetse na Pastor Lopez ataramenyekana.

25/03/2026

15/03/2026

Ingabire igizwe n’ibifungurwa n’ibindi bikoresho bitandukanye yashikirijwe impunzi zo mw’ikambi ya Musenyi.

Ingabire igizwe n’imifuko 80 y’umuceri (2000 kg), imifuko 80 y’ibiharage (2000 kg), imifuko 40 y’ifu y’ibigori (6000 kg), ibido 30 z'amamesa (600 L), hamwe n’ibindi bikoresho bigizwe n'amatara, amabomba y’amazi, udutambara tw’isuku tw'aba mama n’abigeme, imiti yo kwa muganga hamwe n’amabati,
vyose hamwe vyatwaye amahera ashika ku miriyoni amajana atanu na mirongo ibiri n'ibiri (522 000 000 FBU) nivyo Ishengero Methodiste Unie mu Burundi ryashikirije impunzi ziri mw’ikambi ya Musenyi.

Ivyo vyabaye kuri uyu wa 14 Ntwarante 2026, aho Nyenicubahiro Musenyeri Emmanuel Sinzohagera, aherekejwe n’abandi Basenyeri bo ku mugabane wa Afurika mw'Ishengero Methodiste Unie, bashikiriza iyo ngabire. Iyo ngabire yiyongereye ku yindi yari yatanzwe mu kwezi kwa Kigarama 2025.

Mu majambo yiwe, Nyenicubahiro Musenyeri Emmanuel Sinzohagera yavuze ati:
“Nk’abakozi b’Imana, duhamagarirwa gufasha abandi, na canecane abari mu bibazo nk’ivyo izi mpunzi zirimwo.”

Yashimiye Reta y’Uburundi yemeye guha indaro izo mpunzi, ashimira kandi igisata c’ishengero UMCOR cagize uruhara rudasanzwe kugira ico gikorwa gishoboke. Yongeye arashimira Abasenyeri bagenzi biwe bemeye ku muherekeza muri ico gikorwa c’urukundo.

Yasavye kandi abantu bose kubandanya basengera izo mpunzi no gutanga ico bashoboye cose coshobora kubafasha muri ibi bihe bitoroshe barimwo.

Ku ruhande rwiwe, Musenyeri Muyombo, arongoye inama nkuru y'Abepisikopi ya Afurika, yasavye ko amahoro yosubira mu karere izo mpunzi zavuyemwo. Yongeye ahamagarira abo vyega kwicarana bagashira imbere ibiganiro aho gukomantaza imitima, kugira abene gihugu bataye izabo bashobore gusubira mu miryango yabo.

Abajejwe intwaro hamwe n'abaronse iyo ngabire bashimiye cane Ishengero Methodiste Unie ingene ridahengeshanya kubibuka, na cane cane muri bino bihe barimwo vy'ingorane zitandukanye.